స్కందో గుహష్షణ్ముఖశ్చ ఫాలనేత్రసుతః ప్రభుః |
పింగళః కృత్తికాసూనుశ్శిఖివాహో ద్విషడ్భుజః || ౧ ||
ద్విషణ్ణేత్రశ్శక్తిధరః పిశితాశప్రభంజనః |
తారకాసురసంహారీ రక్షోబలవిమర్దనః || ౨ ||
మత్తః ప్రమత్తోన్మత్తశ్చ సురసైన్యస్సురక్షకః |
దేవసేనాపతిః ప్రాజ్ఞః కృపాళుర్భక్తవత్సలః || ౩ ||
ఉమాసుతశ్శక్తిధరః కుమారః క్రౌంచదారణః |
సేనానీరగ్నిజన్మా చ విశాఖశ్శంకరాత్మజః || ౪ ||
శివస్వామీ గణస్వామీ సర్వస్వామీ సనాతనః |
అనంతశక్తిరక్షోభ్యః పార్వతీప్రియనందనః || ౫ ||
గంగాసుతశ్శరోద్భూత ఆహూతః పావకాత్మజః |
జృంభః ప్రజృంభః ఉజ్జృంభః కమలాసనసంస్తుతః || ౬ ||
ఏకవర్ణో ద్వివర్ణశ్చ త్రివర్ణస్సుమనోహరః |
చతుర్వర్ణః పంచవర్ణః ప్రజాపతిరహర్పతిః || ౭ ||
అగ్నిగర్భశ్శమీగర్భో విశ్వరేతాస్సురారిహా |
హరిద్వర్ణశ్శుభకరః వటుశ్చ వటువేషభృత్ || ౮ ||
పూషా గభస్తిర్గహనః చంద్రవర్ణః కళాధరః |
మాయాధరో మహామాయీ కైవల్యశ్శంకరాత్మజః || ౯ ||
విశ్వయోనిరమేయాత్మా తేజోనిధిరనామయః |
పరమేష్ఠీ పరబ్రహ్మా వేదగర్భో విరాట్సుతః || ౧౦ ||
పుళిందకన్యాభర్తా చ మహాసారస్వతావృతః |
ఆశ్రితాఖిలదాతా చ చోరఘ్నో రోగనాశనః || ౧౧ ||
అనంతమూర్తిరానందశ్శిఖిండికృతకేతనః |
డంభః పరమడంభశ్చ మహాడంభో వృషాకపిః || ౧౨ ||
కారణోత్పత్తిదేహశ్చ కారణాతీతవిగ్రహః |
అనీశ్వరోఽమృతః ప్రాణః ప్రాణాయామపరాయణః || ౧౩ ||
విరుద్ధహంతా వీరఘ్నో రక్తాస్యశ్శ్యామకంధరః |
సుబ్రహ్మణ్యో గుహప్రీతో బ్రహ్మణ్యో బ్రాహ్మణప్రియః |
వంశవృద్ధికరో వేదవేద్యోఽక్షయఫలప్రదః || ౧౪ ||
వల్లీదేవసేనాసమేత శ్రీసుబ్రహ్మణ్యస్వామినే నమః |
ఇతి శ్రీ సుబ్రహ్మణ్య అష్టోత్తరశతనామ స్తోత్రమ్ |
మరిన్ని శ్రీ సుబ్రహ్మణ్య స్తోత్రాలు చూడండి.
No Comments