ఆదిలక్ష్మీ –
సుమనసవందిత సుందరి మాధవి చంద్రసహోదరి హేమమయే
మునిగణవందిత మోక్షప్రదాయిని మంజులభాషిణి వేదనుతే |
పంకజవాసిని దేవసుపూజిత సద్గుణవర్షిణి శాంతియుతే
జయ జయ హే మధుసూదనకామిని ఆదిలక్ష్మి సదా పాలయ మామ్ || ౧ ||
(శ్రీ ఆదిలక్ష్మీ అష్టోత్తరశతనామావళిః >>)
ధాన్యలక్ష్మీ –
అయి కలికల్మషనాశిని కామిని వైదికరూపిణి వేదమయే
క్షీరసముద్భవ మంగళరూపిణి మంత్రనివాసిని మంత్రనుతే |
మంగళదాయిని అంబుజవాసిని దేవగణాశ్రితపాదయుతే
జయ జయ హే మధుసూదనకామిని ధాన్యలక్ష్మి సదా పాలయ మామ్ || ౨ ||
(శ్రీ ధాన్యలక్ష్మీ అష్టోత్తరశతనామావళిః >>)
ధైర్యలక్ష్మీ –
జయ వరవర్ణిని వైష్ణవి భార్గవి మంత్రస్వరూపిణి మంత్రమయే
సురగణపూజిత శీఘ్రఫలప్రద జ్ఞానవికాసిని శాస్త్రనుతే |
భవభయహారిణి పాపవిమోచని సాధుజనాశ్రితపాదయుతే
జయ జయ హే మధుసూదనకామిని ధైర్యలక్ష్మి సదా పాలయ మామ్ || ౩ ||
(శ్రీ ధైర్యలక్ష్మీ అష్టోత్తరశతనామావళిః >>)
గజలక్ష్మీ –
జయ జయ దుర్గతినాశిని కామిని సర్వఫలప్రద శాస్త్రమయే
రథగజతురగపదాతిసమావృత పరిజనమండిత లోకనుతే |
హరిహరబ్రహ్మసుపూజితసేవిత తాపనివారణపాదయుతే
జయ జయ హే మధుసూదనకామిని గజలక్ష్మి రూపేణ పాలయ మామ్ || ౪ ||
(శ్రీ గజలక్ష్మీ అష్టోత్తరశతనామావళిః >>)
సంతానలక్ష్మీ –
అయి ఖగవాహిని మోహిని చక్రిణి రాగవివర్ధిని జ్ఞానమయే
గుణగణవారిధి లోకహితైషిణి స్వరసప్తభూషితగాననుతే |
సకల సురాసుర దేవమునీశ్వర మానవవందితపాదయుతే
జయ జయ హే మధుసూదనకామిని సంతానలక్ష్మి సదా పాలయ మామ్ || ౫ ||
(శ్రీ సంతానలక్ష్మీ అష్టోత్తరశతనామావళిః >>)
విజయలక్ష్మీ –
జయ కమలాసని సద్గతిదాయిని జ్ఞానవికాసిని గానమయే
అనుదినమర్చిత కుంకుమధూసరభూషితవాసిత వాద్యనుతే |
కనకధరాస్తుతి వైభవవందిత శంకరదేశిక మాన్యపదే
జయ జయ హే మధుసూదనకామిని విజయలక్ష్మి సదా పాలయ మామ్ || ౬ ||
(శ్రీ విజయలక్ష్మీ అష్టోత్తరశతనామావళిః >>)
విద్యాలక్ష్మీ –
ప్రణత సురేశ్వరి భారతి భార్గవి శోకవినాశిని రత్నమయే
మణిమయభూషిత కర్ణవిభూషణ శాంతిసమావృత హాస్యముఖే |
నవనిధిదాయిని కలిమలహారిణి కామితఫలప్రదహస్తయుతే
జయ జయ హే మధుసూదనకామిని విద్యాలక్ష్మి సదా పాలయ మామ్ || ౭ ||
(శ్రీ విద్యాలక్ష్మీ అష్టోత్తరశతనామావళిః >>)
ధనలక్ష్మీ –
ధిమిధిమి ధింధిమి ధింధిమి ధింధిమి దుందుభినాద సుపూర్ణమయే
ఘుమఘుమ ఘుంఘుమ ఘుంఘుమ ఘుంఘుమ శంఖనినాద సువాద్యనుతే |
వేదపురాణేతిహాససుపూజిత వైదికమార్గప్రదర్శయుతే
జయ జయ హే మధుసూదనకామిని ధనలక్ష్మి రూపేణ పాలయ మామ్ || ౮ ||
(శ్రీ ఐశ్వర్యలక్ష్మీ అష్టోత్తరశతనామావళిః >>)
మరిన్ని శ్రీ లక్ష్మీ స్తోత్రాలు చూడండి.
No Comments