Sri Venkateswara Saranagathi Stotram in telugu
శేషాచలం సమాసాద్య కశ్యపాద్యా మహర్షయః |
వేంకటేశం రమానాథం శరణం ప్రాపురంజసా || ౧ ||
కలిసంతారకం ముఖ్యం స్తోత్రమేతజ్జపేన్నరః |
సప్తర్షివాక్ప్రసాదేన విష్ణుస్తస్మై ప్రసీదతి || ౨ ||
కశ్యప ఉవాచ –
కాదిహ్రీమంతవిద్యాయాః ప్రాప్యైవ పరదేవతా |
కలౌ శ్రీవేంకటేశాఖ్యా తామహం శరణం భజే || ౩ ||
అత్రిరువాచ –
అకారాది క్షకారాంత వర్ణైర్యః ప్రతిపాద్యతే |
కలౌ స వేంకటేశాఖ్యశ్శరణం మే ఉమాపతిః || ౪ ||
భరద్వాజ ఉవాచ –
భగవాన్ భార్గవీకాంతో భక్తాభీప్సితదాయకః |
భక్తస్య వేంకటేశాఖ్యో భరద్వాజస్య మే గతిః || ౫ ||
విశ్వామిత్ర ఉవాచ –
విరాడ్విష్ణుర్విధాతా చ విశ్వవిజ్ఞానవిగ్రహః |
విశ్వామిత్రస్య శరణం వేంకటేశో విభుస్సదా || ౬ ||
గౌతమ ఉవాచ –
గౌర్గౌరీశప్రియో నిత్యం గోవిందో గోపతిర్విభుః |
శరణం గౌతమస్యాస్తు వేంకటాద్రి శిరోమణిః || ౭ ||
జమదగ్నిరువాచ –
జగత్కర్తా జగత్భర్తా జగద్ధర్తా జగన్మయః |
జమదగ్నేః ప్రపన్నస్య జీవేశో వేంకటేశ్వరః || ౮ ||
వసిష్ఠ ఉవాచ –
వస్తువిజ్ఞానమాత్రం యన్నిర్విశేషం సుఖం చ సత్ |
తద్బ్రహ్మైవాహమస్మీతి వేంకటేశం భజే సదా || ౯ ||
సప్తర్షిరచితం స్తోత్రం సర్వదా యః పఠేన్నరః |
సోఽభయం ప్రాప్నుయాత్సత్యం సర్వత్ర విజయీ భవేత్ || ౧౦ ||
ఇతి శ్రీమత్సప్తర్షి కృత వేంకటేశ్వర శరణాగతి స్తోత్రమ్ |
మరిన్ని శ్రీ వేంకటేశ్వర స్తోత్రాలు చూడండి.
Sri Venkateswara Saranagathi Stotram (Saptarshi Kritam)
No Comments