వజ్రశంఖబాణచాపచిహ్నితాంఘ్రిపంకజం
నర్తితాయుతారుణాగ్ర్యనిస్సరత్ప్రభాకులమ్ |
వజ్రపాణిముఖ్యలేఖవందితం పరాత్పరం
సజ్జనార్చితం వృషాద్రిసార్వభౌమమాశ్రయే || ౧ ||
పంచబాణమోహనం విరించిజన్మకారణం
కాంచనాంబరోజ్జ్వలం సచంచలాంబుదప్రభమ్ |
చంచరీకసంచయాభచంచలాలకావృతం
కించిదుద్ధతభ్రువం చ వంచకం హరిం భజే || ౨ ||
మంగళాధిదైవతం భుజంగమాంగశాయినం
సంగరారిభంగశౌండమంగదాధికోజ్జ్వలమ్ |
అంగసంగిదేహినామభంగురార్థదాయినం
తుంగశేషశైలభవ్యశృంగసంగినం భజే || ౩ ||
కంబుకంఠమంబుజాతడంబరాంబకద్వయం
శంబరారితాతమేనమంబురాశితల్పగమ్ |
బంభరార్భకాలిభవ్యలంబమానమౌలికం
శంఖకుందదంతవంతముత్తమం భజామహే || ౪ ||
పంకజాసనార్చతం శశాంకశోభితాననం
కంకణాదిదివ్యభూషణాంకితం వరప్రదమ్ |
కుంకుమాంకితోరసం సశంఖచక్రనందకం
వేంకటేశమిందిరాపదాంకితం భజామహే || ౫ ||
ఇతి శ్రీ వేంకటేశ తూణకమ్ |
[గమనిక: ఈ స్తోత్రము “శ్రీ వేంకటేశ్వర స్తోత్రనిధి” పుస్తకము లో కూడా ఉన్నది. ]
మరిన్ని శ్రీ వేంకటేశ్వర స్తోత్రాలు చూడండి.
No Comments