ధ్యానం |
భుజైశ్చతుర్భిర్వరదాభయాసి-
గదా వహంతం సుముఖం ప్రశాంతమ్ |
పీతప్రభం చంద్రసుతం సురేఢ్యం
సింహే నిషణ్ణం బుధమాశ్రయామి ||
పీతాంబరః పీతవపుః కిరీటీ చ చతుర్భుజః |
పీతధ్వజపతాకీ చ రోహిణీగర్భసంభవః ||
ఈశాన్యాదిషుదేశేషు బాణాసన ఉదఙ్ముఖః |
నాథో మగధదేశస్య మంత్ర మంత్రార్థ తత్త్వవిత్ ||
సుఖాసనః కర్ణికారో జైత్త్రశ్చాత్రేయ గోత్రవాన్ |
భరద్వాజఋషిప్రఖ్యైర్జ్యోతిర్మండలమండితః ||
అధిప్రత్యధిదేవాభ్యామన్యతో గ్రహమండలే |
ప్రవిష్టస్సూక్ష్మరూపేణ సమస్తవరదస్సుఖీ ||
సదా ప్రదక్షిణం మేరోః కుర్వాణః కామరూపవాన్ |
అసిదండౌ చ బిభ్రాణః సంప్రాప్తసుఫలప్రదః ||
కన్యాయా మిథునస్యాపి రాశేరధిపతిర్ద్వయో |
ముద్గధాన్యప్రదో నిత్యం మర్త్యామర్త్యసురార్చితః ||
యస్తు సౌమ్యేన మనసా స్వమాత్మానం ప్రపూజయేత్ |
తస్య వశ్యో భవేన్నిత్యం సౌమ్యనామధరో బుధః ||
బుధస్తోత్రమిదం గుహ్యం వసిష్ఠేనోదితం పురా |
దిలీపాయ చ భక్తాయ యాచమానాయ భూభృతే ||
యః పఠేదేకవారం చా సర్వాభీష్టమవాప్నుయాత్ |
స్తోత్రరాజమిదం పుణ్యం గుహ్యాద్గుహ్యతమం మహత్ ||
ఏకవారం ద్వివారం వా త్రివారం యః పఠేన్నరః |
తస్యాపస్మారకుష్ఠాదివ్యాధిబాధా న విద్యతే ||
సర్వగ్రహకృతాపీడా పఠితేఽస్మిన్నవిద్యతే |
కృత్రిమౌషధదుర్మంత్రం కృత్రిమాదినిశాచరైః ||
యద్యద్భయం భవేత్తత్ర పఠితేఽస్మిన్నవిద్యతే |
ప్రతిమా యా సువర్ణేన లిఖితా తి భుజాష్టకా ||
ముద్గధాన్యోపరిన్యస్త పీతవస్త్రాన్వితే ఘటే |
విన్యస్య విధినా సమ్యక్ మాసమేకం నిరంతరం ||
యే పూజయంతి తే యాంతి దీర్ఘమాయుః ప్రజాం ధనమ్ |
ఆరోగ్యం భస్మగుల్మాదిసర్వవ్యాధివినాశనమ్ ||
యం యం కామయతే సమ్యక్ తత్తదాప్నోత్యసంశయః ||
మరిన్ని నవగ్రహ స్తోత్రములు చూడండి.
No Comments