బృహస్పతిః సురాచార్యో దయావాన్ శుభలక్షణః |
లోకత్రయగురుః శ్రీమాన్ సర్వజ్ఞః సర్వకోవిదః || ౧ ||
సర్వేశః సర్వదాఽభీష్టః సర్వజిత్సర్వపూజితః |
అక్రోధనో మునిశ్రేష్ఠో నీతికర్తా గురుః పితా || ౨ ||
విశ్వాత్మా విశ్వకర్తా చ విశ్వయోనిరయోనిజః |
భూర్భువస్సువరోం చైవ భర్తా చైవ మహాబలః || ౩ ||
పంచవింశతినామాని పుణ్యాని నియతాత్మనా |
నందగోపగృహాసీన విష్ణునా కీర్తితాని వై || ౪ ||
యః పఠేత్ ప్రాతరుత్థాయ ప్రయతః సుసమాహితః |
విపరీతోఽపి భగవాన్ప్రీతస్తస్య బృహస్పతిః || ౫ ||
యశ్శృణోతి గురుస్తోత్రం చిరం జీవేన్న సంశయః |
సహస్రగోదానఫలం విష్ణోర్వచనతోభవేత్ |
బృహస్పతికృతా పీడా న కదాచిద్భవిష్యతి || ౬ ||
మరిన్ని నవగ్రహ స్తోత్రములు చూడండి.
No Comments