Sri Ayyappa Pancharatnam in English

lōkavīraṁ mahāpūjyaṁ sarvarakṣākaraṁ vibhum |
pārvatī hr̥dayānandaṁ śāstāraṁ praṇamāmyaham || 1 ||

viprapūjyaṁ viśvavandyaṁ viṣṇuśambhōḥ priyaṁ sutam |
kṣipraprasādanirataṁ śāstāraṁ praṇamāmyaham || 2 ||

mattamātaṅgagamanaṁ kāruṇyāmr̥tapūritam |
sarvavighnaharaṁ dēvaṁ śāstāraṁ praṇamāmyaham || 3 ||

asmatkulēśvaraṁ dēvamasmacchatruvināśanam |
asmadiṣṭapradātāraṁ śāstāraṁ praṇamāmyaham || 4 ||

pāṇḍyēśavaṁśatilakaṁ kēralē kēlivigraham |
ārtatrāṇaparaṁ dēvaṁ śāstāraṁ praṇamāmyaham || 5 ||

pañcaratnākhyamētadyō nityaṁ śuddhaḥ paṭhēnnaraḥ |
tasya prasannō bhagavān śāstā vasati mānasē || 6 ||

iti śrī śāstā pañcaratnam |

|| śāstā namaskāra ślōkāḥ ||

trayambakapurādhīśaṁ gaṇādhipasamanvitam |
gajārūḍhamahaṁ vandē śāstāraṁ praṇamāmyaham || 1 ||

śivavīryasamudbhūtaṁ śrīnivāsatanūdbhavam |
śikhivāhānujaṁ vandē śāstāraṁ praṇamāmyaham || 2 ||

yasya dhanvantarirmātā pitā dēvō mahēśvaraḥ |
taṁ śāstāramahaṁ vandē mahārōganivāraṇam || 3 ||

bhūtanātha sadānanda sarvabhūtadayāpara |
rakṣa rakṣa mahābāhō śāstrē tubhyaṁ namō namaḥ || 4 ||

Sri Ayyappa Pancharatnam in English