Navagraha Kavacham in telugu – నవగ్రహ కవచం

Navagraha Kavacham in telugu

శిరో మే పాతు మార్తాండో కపాలం రోహిణీపతిః |
ముఖమంగారకః పాతు కంఠశ్చ శశినందనః || ౧ ||

బుద్ధిం జీవః సదా పాతు హృదయం భృగునందనః |
జఠరం చ శనిః పాతు జిహ్వాం మే దితినందనః || ౨ ||

పాదౌ కేతుః సదా పాతు వారాః సర్వాంగమేవ చ |
తిథయోఽష్టౌ దిశః పాంతు నక్షత్రాణి వపుః సదా || ౩ ||

అంసౌ రాశిః సదా పాతు యోగాశ్చ స్థైర్యమేవ చ |
గుహ్యం లింగం సదా పాంతు సర్వే గ్రహాః శుభప్రదాః || ౪ ||

అణిమాదీని సర్వాణి లభతే యః పఠేద్ ధృవమ్ |
ఏతాం రక్షాం పఠేద్ యస్తు భక్త్యా స ప్రయతః సుధీః || ౫ ||

స చిరాయుః సుఖీ పుత్రీ రణే చ విజయీ భవేత్ |
అపుత్రో లభతే పుత్రం ధనార్థీ ధనమాప్నుయాత్ || ౬ ||

దారార్థీ లభతే భార్యాం సురూపాం సుమనోహరామ్ |
రోగీ రోగాత్ప్రముచ్యేత బద్ధో ముచ్యేత బంధనాత్ || ౭ ||

జలే స్థలే చాంతరిక్షే కారాగారే విశేషతః |
యః కరే ధారయేన్నిత్యం భయం తస్య న విద్యతే || ౮ ||

బ్రహ్మహత్యా సురాపానం స్తేయం గుర్వంగనాగమః |
సర్వపాపైః ప్రముచ్యేత కవచస్య చ ధారణాత్ || ౯ ||

నారీ వామభుజే ధృత్వా సుఖైశ్వర్యసమన్వితా |
కాకవంధ్యా జన్మవంధ్యా మృతవత్సా చ యా భవేత్ |
బహ్వపత్యా జీవవత్సా కవచస్య ప్రసాదతః || ౧౦ ||

ఇతి గ్రహయామలే ఉత్తరఖండే నవగ్రహ కవచం సమాప్తమ్ |

మరిన్ని నవగ్రహ స్తోత్రములు చూడండి.

Navagraha Kavacham in telugu