Sri Ganesha Mantra Prabhava Stuti in English

ōmityādau vēdavidō yaṁ pravadanti
brahmādyā yaṁ lōkavidhānē praṇamanti |
yō:’ntaryāmī prāṇigaṇānāṁ hr̥dayasthaḥ
taṁ vighnēśaṁ duḥkhavināśaṁ kalayāmi || 1 ||

gaṅgāgaurīśaṅkarasantōṣakavr̥ttaṁ
gandharvālīgītacaritraṁ supavitram |
yō dēvānāmādiranādirjagadīśaḥ
taṁ vighnēśaṁ duḥkhavināśaṁ kalayāmi || 2 ||

gacchētsiddhiṁ yanmanujāpī kāryāṇāṁ
gantā pāraṁ saṁsr̥tisindhōryadvēttā |
garvagranthēryaḥ kila bhēttā gaṇarājaḥ
taṁ vighnēśaṁ duḥkhavināśaṁ kalayāmi || 3 ||

taṇyētyuccairvarṇajamādau pūjārthaṁ
yadyantrāntaḥ paścimakōṇē nirdiṣṭam |
bījaṁ dhyātuḥ puṣṭidamāthvaraṇavākyaiḥ
taṁ vighnēśaṁ duḥkhavināśaṁ kalayāmi || 4 ||

padbhyāṁ padmaśrīmadahr̥dbhyāṁ pratyūṣē
mūlādhārāmbhōruha bhāsvadbhānubhyām |
yōgī yasya pratyahamajapārpaṇadakṣaḥ
taṁ vighnēśaṁ duḥkhavināśaṁ kalayāmi || 5 ||

tattvaṁ yasya śrutiguruvākyairadhigatya
jñānī prārabdhānubhavāntē nijadhāma |
śāntāvidyastatkr̥tabōdhaḥ svayamīyāt
taṁ vighnēśaṁ duḥkhavināśaṁ kalayāmi || 6 ||

yē yē bhōgā lōkahitārthāḥ sapumārthāḥ
yē yē yōgāḥ sādhyasulōkāḥ sukr̥tārthāḥ |
tē sarvē syuryanmanujapataḥ puruṣāṇāṁ
taṁ vighnēśaṁ duḥkhavināśaṁ kalayāmi || 7 ||

natvā nityaṁ yasya padābjaṁ muhurarthī
nirdvaitātmākhaṇḍasukhaḥ syāddhatamōhaḥ |
kāmānprāpnōtīti kimāścaryamidānīṁ
taṁ vighnēśaṁ duḥkhavināśaṁ kalayāmi || 8 ||

mastaprōdyaccandrakiśōraṁ karivaktraṁ
pustākṣasrakpāśa sr̥ṇīsphītakarābjam |
śūrpaśrōtraṁ sundaragātraṁ śivaputraṁ
taṁ vighnēśaṁ duḥkhavināśaṁ kalayāmi || 9 ||

siddhāntārthāṁ siddhigaṇēśastutimēnāṁ
subrahmaṇyāhvayasūryuktāmanuyuktām |
uktvā śrutvāpēkṣitakāryaṁ nirvighnaṁ
muktvā mōhaṁ bōdhamupēyāttadbhaktaḥ || 10 ||

iti śrīsubrahmaṇyayōgi kr̥ta śrīgaṇēśamantraprabhāva stutiḥ |

Sri Ganesha Mantra Prabhava Stuti in English