స్ఫుటం స్ఫటికసప్రభం స్ఫుటితహారకశ్రీజటం శశాఙ్కదలశేఖరం కపిలఫుల్లనేత్రత్రయమ్ | తరక్షువరకృత్తిమద్భుజగభూషణం భూతిమ- త్కదా ను శితికణ్ఠ తే వపురవేక్షతే వీక్షణమ్ || ౧ || త్రిలోచన విలోచనే లసతి తే లలామాయితే స్మరో నియమఘస్మరో నియమినామభూద్భస్మసాత్ | స్వభక్తిలతయా వశీకృతపతీ సతీయం సతీ స్వభక్తవశతో భవానపి వశీ ప్రసీద ప్రభో || ౨ || మహేశ మహితోఽసి తత్పురుష పూరుషాగ్ర్యో భవా- నఘోరరిపుఘోర తేఽనవమ వామదేవాఞ్జలిః | నమస్సపది జాత తే త్వమితి పఞ్చరూపోచిత- ప్రపఞ్చచయపఞ్చవృన్మమ మనస్తమస్తాడయ || ౩ || రసాఘనరసానలానిలవియద్వివస్వద్విధు- ప్రయష్టృషు నివిష్టమిత్యజ…