సదాశివాష్టకమ్

పతంజలిరువాచ- సువర్ణపద్మినీతటాంతదివ్యహర్మ్యవాసినే సుపర్ణవాహనప్రియాయ సూర్యకోటితేజసే | అపర్ణయా విహారిణే ఫణాధరేంద్రధారిణే సదా నమశ్శివాయ తే సదాశివాయ శంభవే || ౧ || సతుంగ భంగ జహ్నుజా సుధాంశు ఖండ మౌళయే పతంగపంకజాసుహృత్కృపీటయోనిచక్షుషే | భుజంగరాజమండలాయ పుణ్యశాలిబంధవే సదా నమశ్శివాయ తే సదాశివాయ శంభవే || ౨ || చతుర్ముఖాననారవిందవేదగీతభూతయే చతుర్భుజానుజాశరీరశోభమానమూర్తయే | చతుర్విధార్థదానశౌండ తాండవస్వరూపిణే సదా నమశ్శివాయ తే సదాశివాయ శంభవే || ౩ || శరన్నిశాకర ప్రకాశ మందహాస మంజులా- ధరప్రవాళ భాసమాన వక్త్రమండల శ్రియే | కరస్ఫురత్కపాలముక్తరక్తవిష్ణుపాలినే సదా నమశ్శివాయ తే…