Sri Subrahmanya Shodasa nama stotram in English

asya śrī subrahmaṇya ṣōḍaśanāmastōtra mahāmantrasya agastyō bhagavānr̥ṣiḥ anuṣṭupchandaḥ subrahmaṇyō dēvatā mamēṣṭa siddhyarthē japē viniyōgaḥ |

dhyānam |
ṣaḍvaktraṁ śikhivāhanaṁ trinayanaṁ citrāmbarālaṅkr̥taṁ
śaktiṁ vajramasiṁ triśūlamabhayaṁ khēṭaṁ dhanuścakrakam |
pāśaṁ kukkuṭamaṅkuśaṁ ca varadaṁ hastairdadhānaṁ sadā
dhyāyēdīpsitasiddhidaṁ śivasutaṁ skandaṁ surārādhitam ||

prathamō jñānaśaktyātmā dvitīyaḥ skanda ēva ca |
agnigarbhastr̥tīyastu bāhulēyaścaturthakaḥ || 1 ||

gāṅgēyaḥ pañcamaḥ prōktaḥ ṣaṣṭhaḥ śaravaṇōdbhavaḥ |
saptamaḥ kārtikēyaśca kumāraścāṣṭamastathā || 2 ||

navamaḥ ṣaṇmukhaḥ prōktō daśamastārakāntakaḥ |
ēkādaśaśca sēnānīḥ guhō dvādaśa ēva ca || 3 ||

trayōdaśō brahmacārī śivatējaścaturdaśaḥ |
krauñcadārī pañcadaśaḥ ṣōḍaśaḥ śikhivāhanaḥ || 4 ||

ṣōḍaśaitāni nāmāni yaḥ paṭhēdbhaktisamyutaḥ |
br̥haspatisamō vāci brahmatējōyutō bhavēt |
yadyatprārthayē martyastatsarvaṁ labhatē dhruvam || 5 ||

iti śrī subrahmaṇya ṣōḍaśanāma stōtram |

Sri Subrahmanya Shodasa nama stotram in English