Shankara Ashtakam 2
హే వామదేవ శివశఙ్కర దీనబన్ధో
కాశీపతే పశుపతే పశుపాశనాశిన్ |
హే విశ్వనాథ భవబీజ జనార్తిహారిన్
సంసారదుఃఖగహనాజ్జగదీశ రక్ష ||౧||
హే భక్తవత్సల సదాశివ హే మహేశ
హే విశ్వతాత జగదాశ్రయ హే పురారే |
గౌరీపతే మమ పతే మమ ప్రాణనాథ
సంసారదుఃఖగహనాజ్జగదీశ రక్ష ||౨||
హే దుఃఖభఞ్జక విభో గిరిజేశ శూలిన్
హే వేదశాస్త్రవినివేద్య జనైకబన్ధో |
హే వ్యోమకేశ భువనేశ జగద్విశిష్ట
సంసారదుఃఖగహనాజ్జగదీశ రక్ష ||౩||
హే ధూర్జటే గిరిశ హే గిరిజార్ధదేహ
హే సర్వభూతజనక ప్రమథేశ దేవ |
హే సర్వదేవపరిపూజితపాదపద్మ
సంసారదుఃఖగహనాజ్జగదీశ రక్ష ||౪||
హే దేవదేవ వృషభధ్వజ నన్దికేశ
కాలీపతే గణపతే గజచర్మవాసః |
హే పార్వతీశ పరమేశ్వర రక్ష శమ్భో
సంసారదుఃఖగహనాజ్జగదీశ రక్ష ||౫||
హే వీరభద్ర భవవైద్య పినాకపాణే
హే నీలకణ్ఠ మదనాన్త శివాకలత్ర |
వారాణసీపురపతే భవభీతిహారిన్
సంసారదుఃఖగహనాజ్జగదీశ రక్ష ||౬||
హే కాలకాల మృడ శర్వ సదాసహాయ
హే భూతనాథ భవబాధక హే త్రినేత్ర |
హే యజ్ఞశాసక యమాన్తక యోగివన్ద్య
సంసారదుఃఖగహనాజ్జగదీశ రక్ష ||౭||
హే వేదవేద్య శశిశేఖర హే దయాలో
హే సర్వభూతప్రతిపాలక శూలపాణే |
హే చన్ద్రసూర్యశిఖినేత్ర చిదేకరూప
సంసారదుఃఖగహనాజ్జగదీశ రక్ష ||౮||
శ్రీశఙ్కరాష్టకమిదం యోగానన్దేన నిర్మితమ్ |
సాయం ప్రాతః పఠేన్నిత్యం సర్వపాపవినాశకమ్ ||౯||
ఇతి శ్రీయోగానన్దతీర్థవిరచితం శఙ్కరాష్టకమ్ ||
మరిన్ని శ్రీ శివ స్తోత్రాలు చూడండి.
Shankara Ashtakam 2
No Comments