శృణ్వంతు మునయః సర్వే శుక్రస్తోత్రమిదం శుభమ్ | రహస్యం సర్వభూతానాం శుక్రప్రీతికరం పరమ్ || ౧ || యేషాం సంకీర్తనైర్నిత్యం సర్వాన్ కామానవాప్నుయాత్ | తాని శుక్రస్య నామాని కథయామి శుభాని చ || ౨ || శుక్రః శుభగ్రహః శ్రీమాన్ వర్షకృద్వర్షవిఘ్నకృత్ | తేజోనిధిః జ్ఞానదాతా యోగీ యోగవిదాం వరః || ౩ || దైత్యసంజీవనో ధీరో దైత్యనేతోశనా కవిః | నీతికర్తా గ్రహాధీశో విశ్వాత్మా లోకపూజితః || ౪ || శుక్లమాల్యాంబరధరః శ్రీచందనసమప్రభః | అక్షమాలాధరః కావ్యః తపోమూర్తిర్ధనప్రదః || ౫…