Agastya Ashtakam
అద్య మే సఫలం జన్మ చాద్య మే సఫలం తపః |
అద్య మే సఫలం జ్ఞానం శంభో త్వత్పాదదర్శనాత్ || ౧ ||
కృతార్థోఽహం కృతార్థోఽహం కృతార్థోఽహం మహేశ్వర |
అద్య తే పాదపద్మస్య దర్శనాద్భక్తవత్సల || ౨ ||
శివశ్శంభుః శివశ్శంభుః శివశ్శంభుః శివశ్శివః |
ఇతి వ్యాహరతో నిత్యం దినాన్యాయాన్తు యాన్తు మే || ౩ ||
శివే భక్తిశ్శివే భక్తిశ్శివే భక్తిర్భవేభవే |
సదా భూయాత్సదా భూయాత్సదా భూయాత్సునిశ్చలా || ౪ ||
అజన్మ మరణం యస్య మహాదేవాన్యదైవతమ్ |
మాజనిష్యత మద్వంశే జాతో వా ద్రాగ్విపద్యతామ్ || ౫ ||
జాతస్య జాయమానస్య గర్భస్థస్యాఽపి దేహినః |
మాభూన్మమ కులే జన్మ యస్య శంభుర్నదైవతమ్ || ౬ ||
వయం ధన్యా వయం ధన్యా వయం ధన్యా జగత్త్రయే |
ఆదిదేవో మహాదేవో యదస్మత్కులదైవతమ్ || ౭ ||
హర శంభో మహాదేవ విశ్వేశామరవల్లభ |
శివశఙ్కర సర్వాత్మన్నీలకణ్ఠ నమోఽస్తు తే || ౮ ||
అగస్త్యాష్టకమేతత్తు యః పఠేచ్ఛివసన్నిధౌ |
శివలోకమవాప్నోతి శివేన సహ మోదతే || ౯ ||
ఇత్యగస్త్యాష్టకమ్ |
మరిన్ని శ్రీ శివ స్తోత్రాలు చూడండి.
Agastya Ashtakam in telugu
No Comments