Sri Subrahmanya Bhujanga Prayata Stotram 1 in English

bhajē:’haṁ kumāraṁ bhavānīkumāraṁ
galōllāsihāraṁ namatsadvihāram |
ripustōmapāraṁ nr̥siṁhāvatāraṁ
sadānirvikāraṁ guhaṁ nirvicāram || 1 ||

namāmīśaputraṁ japāśōṇagātraṁ
surārātiśatruṁ ravīndvagninētram |
mahābarhipatraṁ śivāsyābjamitraṁ
prabhāsvatkalatraṁ purāṇaṁ pavitram || 2 ||

anēkārkakōṭi-prabhāvajjvalaṁ taṁ
manōhāri māṇikya bhūṣōjjvalaṁ tam |
śritānāmabhīṣṭaṁ niśāntaṁ nitāntaṁ
bhajē ṣaṇmukhaṁ taṁ śaraccandrakāntam || 3 ||

kr̥pāvāri kallōlabhāsvatkaṭākṣaṁ
virājanmanōhāri śōṇāmbujākṣam |
prayōgapradānapravāhaikadakṣaṁ
bhajē kāntikāntaṁ parastōmarakṣam || 4 ||

sukastūrisindūrabhāsvallalāṭaṁ
dayāpūrṇacittaṁ mahādēvaputram |
ravīndūllasadratnarājatkirīṭaṁ
bhajē krīḍitākāśa gaṅgādrikūṭam || 5 ||

sukundaprasūnāvalīśōbhitāṅgaṁ
śaratpūrṇacandraprabhākāntikāntam |
śirīṣaprasūnābhirāmaṁ bhavantaṁ
bhajē dēvasēnāpatiṁ vallabhaṁ tam || 6 ||

sulāvaṇyasatsūryakōṭipratīkaṁ
prabhuṁ tārakāriṁ dviṣaḍbāhumīśam |
nijāṅkaprabhādivyamānāpadīśaṁ
bhajē pārvatīprāṇaputraṁ sukēśam || 7 ||

ajaṁ sarvalōkapriyaṁ lōkanāthaṁ
guhaṁ śūrapadmādidambhōlidhāram |
sucāruṁ sunāsāpuṭaṁ saccaritraṁ
bhajē kārtikēyaṁ sadā bāhulēyam || 8 ||

śarāraṇyasambhūtamindrādivandyaṁ
dviṣaḍbāhusaṅkhyāyudhaśrēṇiramyam |
marutsārathiṁ kukkuṭēśaṁ sukētuṁ
bhajē yōgihr̥tpadmamadhyādhivāsam || 9 ||

viriñcīndravallīśa dēvēśamukhyaṁ
praśastāmarastōmasaṁstūyamānam |
diśa tvaṁ dayālō śriyaṁ niścalāṁ mē
vinā tvāṁ gatiḥ kā prabhō mē prasīda || 10 ||

padāmbhōjasēvā samāyātabr̥ndā-
rakaśrēṇikōṭīrabhāsvallalāṭam |
kalatrōllasatpārśvayugmaṁ varēṇyaṁ
bhajē dēvamādyantahīnaprabhāvam || 11 ||

bhavāmbhōdhimadhyē taraṅgē patantaṁ
prabhō māṁ sadā pūrṇadr̥ṣṭyā samīkṣya |
bhavadbhaktināvōddhara tvaṁ dayālō
sugatyantaraṁ nāsti dēva prasīda || 12 ||

galē ratnabhūṣaṁ tanau mañjuvēṣaṁ
karē jñānaśaktiṁ darasmēramāsyē |
kaṭinyastapāṇiṁ śikhisthaṁ kumāraṁ
bhajē:’haṁ guhādanyadēvaṁ na manyē || 13 ||

dayāhīnacittaṁ paradrōhapātraṁ
sadā pāpaśīlaṁ gurōrbhaktihīnam |
ananyāvalambaṁ bhavannētrapātraṁ
kr̥pāśīla māṁ bhō pavitraṁ kuru tvam || 14 ||

mahāsēna gāṅgēya vallīsahāya
prabhō tārakārē ṣaḍāsyāmarēśa |
sadā pāyasānnapradātarguhēti
smariṣyāmi bhaktyā sadāhaṁ vibhō tvām || 15 ||

pratāpasya bāhō namadvīrabāhō
prabhō kārtikēyēṣṭakāmapradēti |
yadā yē paṭhantē bhavantaṁ tadēvaṁ
prasannastu tēṣāṁ bahuśrīṁ dadāsi || 16 ||

apārātidāridryavārāśimadhyē
bhramantaṁ janagrāhapūrṇē nitāntam |
mahāsēna māmuddhara tvaṁ kaṭākṣā-
valōkēna kiñcitprasīda prasīda || 17 ||

sthirāṁ dēhi bhaktiṁ bhavatpādapadmē
śriyaṁ niścalāṁ dēhi mahyaṁ kumāra |
guhaṁ candratāraṁ suvaṁśābhivr̥ddhiṁ
kuru tvaṁ prabhō mē manaḥ kalpasālaḥ || 18 ||

namastē namastē mahāśaktipāṇē
namastē namastē lasadvajrapāṇē |
namastē namastē kaṭinyastapāṇē
namastē namastē sadābhīṣṭapāṇē || 19 ||

namastē namastē mahāśaktidhārin
namastē surāṇāṁ mahāsaukhyadāyin |
namastē sadā kukkuṭēśākhyaka tvaṁ
samastāparādhaṁ vibhō mē kṣamasva || 20 ||

kumārātparaṁ karmayōgaṁ na jānē
kumārātparaṁ karmaśīlaṁ na jānē |
ya ēkō munīnāṁ hr̥dabjādhivāsaḥ
śivāṅkaṁ samāruhya satpīṭhakalpam || 21 ||

viriñcāya mantrōpadēśaṁ cakāra
pramōdēna sō:’yaṁ tanōtu śriyaṁ mē |
yamāhuḥ paraṁ vēda śūrēṣu mukhyaṁ
sadā yasya śaktyā jagatbhītabhītā || 22 ||

yamāśritya dēvāḥ sthiraṁ svargapālāḥ
sadōṅkārarūpaṁ cidānandamīḍē |
guhastōtramētat kr̥taṁ tārakārē
bhujaṅgaprayātēna hr̥dyēna kāntam || 23 ||

janā yē paṭhantē mahābhaktiyuktāḥ
pramōdēna sāyaṁ prabhātē viśēṣaḥ |
na janmarkṣayōgē yadā tē rudāntā
manōvāñchitān sarvakāmān labhantē || 23 ||

iti śrī subrahmaṇya bhujaṅga prayāta stōtram |

Sri Subrahmanya Bhujanga Prayata Stotram 1 in English