Sri Subrahmanya Pancharatnam in English

ṣaḍānanaṁ candanalēpitāṅgaṁ
mahōrasaṁ divyamayūravāhanam |
rudrasyasūnuṁ suralōkanāthaṁ
brahmaṇyadēvaṁ śaraṇaṁ prapadyē || 1 ||

jājvalyamānaṁ surabr̥ndavandyaṁ
kumāradhārātaṭa mandirastham |
kandarparūpaṁ kamanīyagātraṁ
brahmaṇyadēvaṁ śaraṇaṁ prapadyē || 2 ||

dviṣaḍbhujaṁ dvādaśadivyanētraṁ
trayītanuṁ śūlamasī dadhānam |
śēṣāvatāraṁ kamanīyarūpaṁ
brahmaṇyadēvaṁ śaraṇaṁ prapadyē || 3 ||

surārighōrāhavaśōbhamānaṁ
surōttamaṁ śaktidharaṁ kumāram |
sudhāra śaktyāyudha śōbhihastaṁ
brahmaṇyadēvaṁ śaraṇaṁ prapadyē || 4 ||

iṣṭārthasiddhipradamīśaputraṁ
iṣṭānnadaṁ bhūsurakāmadhēnum |
gaṅgōdbhavaṁ sarvajanānukūlaṁ
brahmaṇyadēvaṁ śaraṇaṁ prapadyē || 5 ||

yaḥ ślōkapañcakamidaṁ paṭhatīha bhaktyā
brahmaṇyadēva vinivēśita mānasaḥ san |
prāpnōti bhōgamakhilaṁ bhuvi yadyadiṣṭaṁ
antē sa gacchati mudā guhasāmyamēva || 6 ||

iti śrī subrahmaṇya pañcaratnam |

Sri Subrahmanya Pancharatnam in English