ଗୋଵିଂଦ ଦାମୋଦର ସ୍ତୋତ୍ରମ୍ (ଲଘୁ)

govinda damodara stotram selected verses in odia

କରାରଵିଂଦେନ ପଦାରଵିଂଦଂ
ମୁଖାରଵିଂଦେ ଵିନିଵେଶୟଂତମ୍ ।
ଵଟସ୍ୟ ପତ୍ରସ୍ୟ ପୁଟେ ଶୟାନଂ
ବାଲଂ ମୁକୁଂଦଂ ମନସା ସ୍ମରାମି ॥

ଶ୍ରୀକୃଷ୍ଣ ଗୋଵିଂଦ ହରେ ମୁରାରେ
ହେ ନାଥ ନାରାୟଣ ଵାସୁଦେଵ ।
ଜିହ୍ଵେ ପିବସ୍ଵାମୃତମେତଦେଵ
ଗୋଵିଂଦ ଦାମୋଦର ମାଧଵେତି ॥ 1

ଵିକ୍ରେତୁକାମାଖିଲଗୋପକନ୍ୟା
ମୁରାରିପାଦାର୍ପିତଚିତ୍ତଵୃତ୍ତିଃ ।
ଦଧ୍ୟାଦିକଂ ମୋହଵଶାଦଵୋଚତ୍
ଗୋଵିଂଦ ଦାମୋଦର ମାଧଵେତି ॥ 2

ଗୃହେ ଗୃହେ ଗୋପଵଧୂକଦଂବାଃ
ସର୍ଵେ ମିଲିତ୍ଵା ସମଵାପ୍ୟ ୟୋଗମ୍ ।
ପୁଣ୍ୟାନି ନାମାନି ପଠଂତି ନିତ୍ୟଂ
ଗୋଵିଂଦ ଦାମୋଦର ମାଧଵେତି ॥ 3

ସୁଖଂ ଶୟାନା ନିଲୟେ ନିଜେଽପି
ନାମାନି ଵିଷ୍ଣୋଃ ପ୍ରଵଦଂତି ମର୍ତ୍ୟାଃ ।
ତେ ନିଶ୍ଚିତଂ ତନ୍ମୟତାଂ ଵ୍ରଜଂତି
ଗୋଵିଂଦ ଦାମୋଦର ମାଧଵେତି ॥ 4

ଜିହ୍ଵେ ସଦୈଵଂ ଭଜ ସୁଂଦରାଣି
ନାମାନି କୃଷ୍ଣସ୍ୟ ମନୋହରାଣି ।
ସମସ୍ତ ଭକ୍ତାର୍ତିଵିନାଶନାନି
ଗୋଵିଂଦ ଦାମୋଦର ମାଧଵେତି ॥ 5

ସୁଖାଵସାନେ ଇଦମେଵ ସାରଂ
ଦୁଃଖାଵସାନେ ଇଦମେଵ ଜ୍ଞେୟମ୍ ।
ଦେହାଵସାନେ ଇଦମେଵ ଜାପ୍ୟଂ
ଗୋଵିଂଦ ଦାମୋଦର ମାଧଵେତି ॥ 6

ଜିହ୍ଵେ ରସଜ୍ଞେ ମଧୁରପ୍ରିୟେ ତ୍ଵଂ
ସତ୍ୟଂ ହିତଂ ତ୍ଵାଂ ପରମଂ ଵଦାମି ।
ଅଵର୍ଣୟେଥା ମଧୁରାକ୍ଷରାଣି
ଗୋଵିଂଦ ଦାମୋଦର ମାଧଵେତି ॥ 7

ତ୍ଵାମେଵ ୟାଚେ ମମ ଦେହି ଜିହ୍ଵେ
ସମାଗତେ ଦଂଡଧରେ କୃତାଂତେ ।
ଵକ୍ତଵ୍ୟମେଵଂ ମଧୁରଂ ସୁଭକ୍ତ୍ୟା
ଗୋଵିଂଦ ଦାମୋଦର ମାଧଵେତି ॥ 8

ଶ୍ରୀକୃଷ୍ଣ ରାଧାଵର ଗୋକୁଲେଶ
ଗୋପାଲ ଗୋଵର୍ଧନନାଥ ଵିଷ୍ଣୋ ।
ଜିହ୍ଵେ ପିବସ୍ଵାମୃତମେତଦେଵ
ଗୋଵିଂଦ ଦାମୋଦର ମାଧଵେତି ॥ 9

govinda damodara stotram selected verses in odia