গোবিংদ দামোদর স্তোত্রম্ (লঘু)

govinda damodara stotram selected verses in assamese

করারবিংদেন পদারবিংদং
মুখারবিংদে বিনিবেশযংতম্ ।
বটস্য পত্রস্য পুটে শযানং
বালং মুকুংদং মনসা স্মরামি ॥

শ্রীকৃষ্ণ গোবিংদ হরে মুরারে
হে নাথ নারাযণ বাসুদেব ।
জিহ্বে পিবস্বামৃতমেতদেব
গোবিংদ দামোদর মাধবেতি ॥ 1

বিক্রেতুকামাখিলগোপকন্যা
মুরারিপাদার্পিতচিত্তবৃত্তিঃ ।
দধ্যাদিকং মোহবশাদবোচত্
গোবিংদ দামোদর মাধবেতি ॥ 2

গৃহে গৃহে গোপবধূকদংবাঃ
সর্বে মিলিত্বা সমবাপ্য যোগম্ ।
পুণ্যানি নামানি পঠংতি নিত্যং
গোবিংদ দামোদর মাধবেতি ॥ 3

সুখং শযানা নিলযে নিজেঽপি
নামানি বিষ্ণোঃ প্রবদংতি মর্ত্যাঃ ।
তে নিশ্চিতং তন্মযতাং ব্রজংতি
গোবিংদ দামোদর মাধবেতি ॥ 4

জিহ্বে সদৈবং ভজ সুংদরাণি
নামানি কৃষ্ণস্য মনোহরাণি ।
সমস্ত ভক্তার্তিবিনাশনানি
গোবিংদ দামোদর মাধবেতি ॥ 5

সুখাবসানে ইদমেব সারং
দুঃখাবসানে ইদমেব জ্ঞেযম্ ।
দেহাবসানে ইদমেব জাপ্যং
গোবিংদ দামোদর মাধবেতি ॥ 6

জিহ্বে রসজ্ঞে মধুরপ্রিযে ত্বং
সত্যং হিতং ত্বাং পরমং বদামি ।
অবর্ণযেথা মধুরাক্ষরাণি
গোবিংদ দামোদর মাধবেতি ॥ 7

ত্বামেব যাচে মম দেহি জিহ্বে
সমাগতে দংডধরে কৃতাংতে ।
বক্তব্যমেবং মধুরং সুভক্ত্যা
গোবিংদ দামোদর মাধবেতি ॥ 8

শ্রীকৃষ্ণ রাধাবর গোকুলেশ
গোপাল গোবর্ধননাথ বিষ্ণো ।
জিহ্বে পিবস্বামৃতমেতদেব
গোবিংদ দামোদর মাধবেতি ॥ 9

govinda damodara stotram selected verses in assamese