ગોવિંદ દામોદર સ્તોત્રમ્ (લઘુ)

govinda damodara stotram selected verses in gujarati

કરારવિંદેન પદારવિંદં
મુખારવિંદે વિનિવેશયંતમ્ ।
વટસ્ય પત્રસ્ય પુટે શયાનં
બાલં મુકુંદં મનસા સ્મરામિ ॥

શ્રીકૃષ્ણ ગોવિંદ હરે મુરારે
હે નાથ નારાયણ વાસુદેવ ।
જિહ્વે પિબસ્વામૃતમેતદેવ
ગોવિંદ દામોદર માધવેતિ ॥ 1

વિક્રેતુકામાખિલગોપકન્યા
મુરારિપાદાર્પિતચિત્તવૃત્તિઃ ।
દધ્યાદિકં મોહવશાદવોચત્
ગોવિંદ દામોદર માધવેતિ ॥ 2

ગૃહે ગૃહે ગોપવધૂકદંબાઃ
સર્વે મિલિત્વા સમવાપ્ય યોગમ્ ।
પુણ્યાનિ નામાનિ પઠંતિ નિત્યં
ગોવિંદ દામોદર માધવેતિ ॥ 3

સુખં શયાના નિલયે નિજેઽપિ
નામાનિ વિષ્ણોઃ પ્રવદંતિ મર્ત્યાઃ ।
તે નિશ્ચિતં તન્મયતાં વ્રજંતિ
ગોવિંદ દામોદર માધવેતિ ॥ 4

જિહ્વે સદૈવં ભજ સુંદરાણિ
નામાનિ કૃષ્ણસ્ય મનોહરાણિ ।
સમસ્ત ભક્તાર્તિવિનાશનાનિ
ગોવિંદ દામોદર માધવેતિ ॥ 5

સુખાવસાને ઇદમેવ સારં
દુઃખાવસાને ઇદમેવ જ્ઞેયમ્ ।
દેહાવસાને ઇદમેવ જાપ્યં
ગોવિંદ દામોદર માધવેતિ ॥ 6

જિહ્વે રસજ્ઞે મધુરપ્રિયે ત્વં
સત્યં હિતં ત્વાં પરમં વદામિ ।
અવર્ણયેથા મધુરાક્ષરાણિ
ગોવિંદ દામોદર માધવેતિ ॥ 7

ત્વામેવ યાચે મમ દેહિ જિહ્વે
સમાગતે દંડધરે કૃતાંતે ।
વક્તવ્યમેવં મધુરં સુભક્ત્યા
ગોવિંદ દામોદર માધવેતિ ॥ 8

શ્રીકૃષ્ણ રાધાવર ગોકુલેશ
ગોપાલ ગોવર્ધનનાથ વિષ્ણો ।
જિહ્વે પિબસ્વામૃતમેતદેવ
ગોવિંદ દામોદર માધવેતિ ॥ 9

govinda damodara stotram selected verses in gujarati