ഗോവിംദ ദാമോദര സ്തോത്രമ് (ലഘു)

govinda damodara stotram selected verses in malayalam

കരാരവിംദേന പദാരവിംദം
മുഖാരവിംദേ വിനിവേശയംതമ് ।
വടസ്യ പത്രസ്യ പുടേ ശയാനം
ബാലം മുകുംദം മനസാ സ്മരാമി ॥

ശ്രീകൃഷ്ണ ഗോവിംദ ഹരേ മുരാരേ
ഹേ നാഥ നാരായണ വാസുദേവ ।
ജിഹ്വേ പിബസ്വാമൃതമേതദേവ
ഗോവിംദ ദാമോദര മാധവേതി ॥ 1

വിക്രേതുകാമാഖിലഗോപകന്യാ
മുരാരിപാദാര്പിതചിത്തവൃത്തിഃ ।
ദധ്യാദികം മോഹവശാദവോചത്
ഗോവിംദ ദാമോദര മാധവേതി ॥ 2

ഗൃഹേ ഗൃഹേ ഗോപവധൂകദംബാഃ
സർവേ മിലിത്വാ സമവാപ്യ യോഗമ് ।
പുണ്യാനി നാമാനി പഠംതി നിത്യം
ഗോവിംദ ദാമോദര മാധവേതി ॥ 3

സുഖം ശയാനാ നിലയേ നിജേഽപി
നാമാനി വിഷ്ണോഃ പ്രവദംതി മര്ത്യാഃ ।
തേ നിശ്ചിതം തന്മയതാം വ്രജംതി
ഗോവിംദ ദാമോദര മാധവേതി ॥ 4

ജിഹ്വേ സദൈവം ഭജ സുംദരാണി
നാമാനി കൃഷ്ണസ്യ മനോഹരാണി ।
സമസ്ത ഭക്താര്തിവിനാശനാനി
ഗോവിംദ ദാമോദര മാധവേതി ॥ 5

സുഖാവസാനേ ഇദമേവ സാരം
ദുഃഖാവസാനേ ഇദമേവ ജ്ഞേയമ് ।
ദേഹാവസാനേ ഇദമേവ ജാപ്യം
ഗോവിംദ ദാമോദര മാധവേതി ॥ 6

ജിഹ്വേ രസജ്ഞേ മധുരപ്രിയേ ത്വം
സത്യം ഹിതം ത്വാം പരമം വദാമി ।
അവര്ണയേഥാ മധുരാക്ഷരാണി
ഗോവിംദ ദാമോദര മാധവേതി ॥ 7

ത്വാമേവ യാചേ മമ ദേഹി ജിഹ്വേ
സമാഗതേ ദംഡധരേ കൃതാംതേ ।
വക്തവ്യമേവം മധുരം സുഭക്ത്യാ
ഗോവിംദ ദാമോദര മാധവേതി ॥ 8

ശ്രീകൃഷ്ണ രാധാവര ഗോകുലേശ
ഗോപാല ഗോവര്ധനനാഥ വിഷ്ണോ ।
ജിഹ്വേ പിബസ്വാമൃതമേതദേവ
ഗോവിംദ ദാമോദര മാധവേതി ॥ 9

govinda damodara stotram selected verses in malayalam