ஶ்ரீ ப³க³ளாமுகீ² ஸ்தவராஜ꞉

வந்தே³ ஸகலஸந்தே³ஹதா³வபாவகமீஶ்வரம் ।
கருணாவருணாவாஸம் ப⁴க்தகல்பதரும் கு³ரும் ॥ 1 ॥

உல்லஸத் பீதவித்³யோதி வித்³யோதித தனுத்ரயம் ।
நிக³மாக³மஸர்வஸ்வமீடே³(அ)ஹம் தன்மஹன்மஹ꞉ ॥ 2 ॥

ஓம் பூர்வம் ஸ்தி²ரமாயாம் ச ப³க³ளாமுகி² ஸர்வத꞉ ।
து³ஷ்டானாம் வாசமுச்சார்ய முக²ம் பத³ம் ததோ²த்³த⁴ரேத் ॥ 3 ॥

ஸ்தம்ப⁴யேதி ததோ ஜிஹ்வாம் கீலயேதி ஸமுத்³த⁴ரேத் ।
பு³த்³தி⁴ம் விநாஶயேதி பத³ம் ஸ்தி²ரமாயாமனுஸ்மரேத் ॥ 4 ॥

ப்ரணவம் வஹ்நிஜாயா சேத்யேவ பைதாம்ப³ரோ மனு꞉ ।
பாது மாம் ஸர்வதா³ ஸர்வம் நிக்³ரஹானுக்³ரஹக்ஷம꞉ ॥ 5 ॥

கண்ட²ம் நாரத³ ருஷி꞉ பாது பங்க்திஶ்ச²ந்தோ³(அ)வதான்முக²ம் ।
பீதாம்ப³ரா தே³வதா து ஹ்ருன்மத்⁴யமவதான்மம ॥ 6 ॥

ஹ்லீம் பீ³ஜம் ஸ்தனயோர்மே(அ)வ்யாத் ஸ்வாஹா ஶக்திஶ்ச த³ந்தயோ꞉ ।
ஸ கீலகம் ததா² கு³ஹ்யே விநியோகோ³(அ)வதாத்³வபு꞉ ॥ 7 ॥

ஷட்³தீ³ர்க⁴பா⁴ஜா பீ³ஜேன ந்யாஸோ(அ)வ்யான்மே கராதி³கம் ।
த்³விபஞ்சபஞ்ச நந்தே³ஷு த³ஶபி⁴ர்மந்த்ரவர்ணகை꞉ ॥ 8 ॥

ஷட³ங்க³கல்பனா பாது ஷட³ங்கா³னி ஹ்யனுக்ரமாத் ।
ஐம் வித்³யாதத்த்வம் க்லீம் மாயாதத்த்வம் ஸௌஶ்ச ஶிவாத்மகம் ॥ 9 ॥

தத்த்வத்ரயம் ஸம் பீ³ஜம் ச மூலம் ஹ்ருத்கண்ட² மத்⁴யக³꞉ ।
ஸுதா⁴ப்³தௌ⁴ ஹேமபூ⁴ரூட⁴ சம்பகோத்³யான மத்⁴யத꞉ ॥ 10 ॥

கா³ருடோ³த்பலநிர்வ்யூட⁴ ஸ்வர்ணஸிம்ஹாஸனோபரி ।
ஸ்வர்ணபங்கஜஸம்விஷ்டாம் த்ரிநேத்ராம் ஶஶிஶேக²ராம் ॥ 11 ॥

பீதாலங்காரவஸனாம் மல்லீசந்த³னஶோபி⁴தாம் ।
ஸவ்யாபா⁴ம் பஞ்சஶாகா²யாம் வஜ்ரம் ஜிஹ்வாம் ச பி³ப்⁴ரதீம் ॥ 12 ॥

முத்³க³ரம் நாக³பாஶம் ச த³க்ஷிணாப்⁴யாம் மதா³ளஸாம் ।
ப⁴க்தாரிவிக்³ரஹோத்³யோக³ப்ரக³ள்பா⁴ம் ப³க³ளாமுகீ²ம் ॥ 13 ॥

த்⁴யாயமானஸ்ய மே பாது ஶாஸ்த்ரவோத்³வேஷணே ப்⁴ருஶம் ।
பூ⁴கலாத³ளதி³க்பத்ரஷட்கோணம் த்ர்யஸ்த்ரபை³ந்து³கம் ॥ 14 ॥

யந்த்ரம் பைதாம்ப³ரம் பாது ஸா மாம் பாயாத³விக்³ரஹா ।
ஆதா⁴ரஶக்திமாரப்⁴ய ஜ்ஞானாத்மாந்தாஸ்து ஶக்தய꞉ ॥ 15 ॥

பீடா²த்³யா꞉ பாந்து பீடே²(அ)த்ரம் ப்ரத²மம் மாம் ச ரக்ஷது ।
ஶாந்திஶங்க²விஶேஷாத்மஶக்திபூ⁴தானி பாந்து மாம் ॥ 16 ॥

ஆவாஹநாத்³யா꞉ பஞ்சாபி முத்³ராஶ்ச ஸுமனோஜலை꞉ ।
த்ரிகோணமத்⁴யமாரப்⁴ய பூஜிதா ப³க³ளாமுகி² ॥ 17 ॥

க்ரோதி⁴னீ ஸ்தம்பி⁴னீ சாபி தா⁴ரிண்யஶ்சாபி மத்⁴யகா³꞉ ।
ஓஜ꞉ பூஷாதி³பீடா²னி கோணாக்³ரேஷு ஸ்தி²தானி வை ॥ 18 ॥

த்ரிகோண பா³ஹ்யத꞉ ஸித்³த⁴நாதா²த்³யா கு³ரவஸ்ததா² ।
ஸித்³த⁴நாத²꞉ ஸித்³தா⁴நந்த³நாத²꞉ ஸித்³த⁴பரமேஷ்டி² ஹி ॥ 19 ॥

நாத²꞉ ஸித்³த⁴꞉ ஶ்ரீகண்ட²ஶ்ச நாத²꞉ ஸித்³த⁴சதுஷ்டயம் ।
பாது மாமத² ஷட்கோணே ஸுப⁴கா³ ப⁴க³ரூபிணீ ॥ 20 ॥

ப⁴கோ³த³யா ச ப⁴க³னிபாதினீ ப⁴க³மாலினீ ।
ப⁴க³வாஹா ச மாம் பாது ஷட்கோணாக்³ரேஷு ச க்ரமாத் ॥ 21 ॥

த்வகா³த்மா ஶோணிதாத்மா ச மாம்ஸாத்மா மேத³ஸாத்மக꞉ ।
ரூபாத்மா பரமாத்மா ச பாது மாம் ஸ்தி²ரவிக்³ரஹா ॥ 22 ॥

அஷ்டபத்ரேஷு மூலேஷு ப்³ராஹ்மீ மாஹேஶ்வரீ ததா² ।
கௌமாரீ வைஷ்ணவீ வாராஹீந்த்³ராணீ ச ததா² புன꞉ ॥ 23 ॥

சாமுண்டா³ ச மஹாலக்ஷ்மீஸ்தத்ர மத்⁴யே புனர்ஜயா ।
விஜயா ச ஜயாம்பா³ ச ராஜிதா ஜ்ரும்பி⁴ணீ ததா² ॥ 24 ॥

ஸ்தம்பி⁴னீ மோஹினீ வஶ்யா(அ)கர்ஷிண்யத² தத³க்³ரகே ।
அஸிதாங்கோ³ ருருஶ்சண்ட³꞉ க்ரௌதோ⁴ன்மத்தகபாலின꞉ ।
பீ⁴ஷணாஶ்சாபி ஸம்ஹார ஏதே ரக்ஷந்து மாம் ஸதா³ ॥ 25 ॥

தத꞉ ஷோட³ஶபத்ரேஷு மங்க³ளா ஸ்தம்பி⁴னீ ததா² ।
ஜ்ரும்பி⁴ணீ மோஹினீ வஶ்யா ஜ்வாலா ஸிம்ஹீ ப³லாஹகா ॥ 26 ॥

பூ⁴த⁴ரா கல்மஷா தா⁴த்ரீ கன்யகா காலகர்ஷிணீ ।
பா⁴ந்திகா மந்த³க³மனா போ⁴க³ஸ்தா² பா⁴வகேதி ச ॥ 27 ॥

பாது மாமத² பூ⁴ஸத்³ம த³ஶதி³க்ஷு தி³கீ³ஶ்வரா꞉ ।
இந்த்³ரோ(அ)னலோ யமோ ரக்ஷோ வருணோ மாருத꞉ ஶஶீ ॥ 28 ॥

ஈஶோ(அ)னந்த꞉ ஸ்வயம்பூ⁴ஶ்ச த³ஶைதே பாந்து மே வபு꞉ ।
வஜ்ரஶக்திர்த³ண்ட³க²ட்³கௌ³ பாஶாங்குஶக³தா³꞉ க்ரமாத் ।
ஶூலம் சக்ரம் ஸரோஜம் ச தத்தச்ச²ஸ்த்ராணி பாந்து மாம் ॥ 29 ॥

அத² ச பூர்வாதி³ சதுர்த்³வாரேஷு பரத꞉ க்ரமாத் ।
பாது விக்⁴னேஶப³டுகௌ யோகி³னீ க்ஷேத்ரபாலக꞉ ॥ 30 ॥

கு³ருத்ரயம் த்ரிரேகா²ஸு பாது மே வபுரஞ்ஜஸா ।
புன꞉ பீதாம்ப³ரா பாது உபசாரை꞉ ப்ரபூஜிதா ॥ 31 ॥

ஸாங்கா³வரணஶக்திஶ்ச ஜயஶ்ரீ꞉ பாது ஸர்வதா³ ।
வலயம் ப³டுகாதி³ப்⁴யோ ரக்ஷாம் குர்வந்து மே ஸதா³ ॥ 32 ॥

ஶக்தய꞉ ஸாத⁴கா வீரா꞉ பாந்து மே தே³வதா இமா꞉ ।
இத்யர்சாக்ரமத꞉ ப்ரோக்தம் ஸ்தோத்ரம் பைதாம்ப³ரம் பரம் ॥ 33 ॥

ய꞉ படே²த் ஸக்ருத³ப்யேதத் ஸோ(அ)ர்சாப²லமவாப்னுயாத் ।
ஸர்வதா² காரயேத் க்ஷிப்ரம் ப்ரபத்³யந்தே க³தா³துரான் ॥ 34 ॥

ராஜானோ ராஜபத்ன்யாஶ்ச பௌரஜானபதா³ஸ்ததா² ।
வஶகா³ஸ்தஸ்ய ஜாயந்தே ஸததம் ஸேவகா இவ ॥ 35 ॥

கு³ருகல்பாஶ்ச விபு³தா⁴ மூகதாம் யாந்தி தே(அ)க்³ரத꞉ ।
ஸ்தி²ரா ப⁴வதி தத்³கே³ஹே சபலாபி ஹரிப்ரியா ॥ 36 ॥

பீதாம்ப³ராங்க³வஸனோ யதி³ லக்ஷஸங்க்²யம்
பைதாம்ப³ரம் மனுமமும் ப்ரஜபேன்னரோ ய꞉ ।
ஹேமீ ஸக்ருந்நியமவான் விதி⁴னா ஹரித்³ரா-
-மாலாம் த³த⁴த்³ப⁴வதி தத்³வஶகா³ த்ரிலோகீ ॥ 37 ॥

ப⁴வானி ப³க³ளாமுகி² த்ரித³ஶகல்பவள்லி ப்ரபோ⁴
க்ருபாஜலநிதே⁴ தவ சரணதூ⁴தபா³தா⁴கி²ல꞉ ।
ஸுராஸுரனராதி³கஸகலப⁴க்தபா⁴க்³யப்ரதே³
த்வத³ங்க்⁴ரிஸரஸீருஹத்³வயமஹம் து த்⁴யாயே ஸதா³ ॥ 38 ॥

த்வமஸ்ய ஜக³தாம் ஜநிஸ்தி²திவிநாஶபீ³ஜம் நிஜ-
-ப்ரகாஶப³ஹுளத்³யுதிர்ப⁴வதி ப⁴க்தஹ்ருன்மத்⁴யகா³ ।
த்ரயீமனு ஸுபூஜிதா ஹரிஹராதி³ வ்ருந்தா³ரகை-
-ரனுக்ஷணமனுக்ஷணம் மயி ஶிவே க்ஷணம் வீக்ஷ்யதாம் ॥ 39 ॥

ஶிவே தவ தனூமஹம் ஹரிஹராத்³யக³ம்யாம் பராம்
நிகி²லதாபப்ரத்யூஹஹ்ருத³யாபா⁴வயுக்தாம் ஸ்மரே ।
விதா³ரய விசூர்ணய க்³ளபய ஶோஷய ஸ்தம்ப⁴ய
ப்ரணோத³ய விரோத⁴ய ப்ரவிளய ப்ரப³த்³தா⁴ரிணாம் ॥ 40 ॥

பார்வதி க்ருபாலஸன்மயி கடாக்ஷபாதம் மனா-
-க³னாகுலதயா க்ஷணம் க்ஷிப விபக்ஷஸங்க்ஷோபி⁴ணி ।
யதீ³க்ஷணபத²ம் க³த꞉ ஸக்ருத³பி ப்ரபு⁴꞉ கஶ்சன
ஸ்பு²டம் மம வஶம் வதோ³ ப⁴வது தேன பீதாம்ப³ரே ॥ 41 ॥

ஓம் நமோ ப⁴க³வதே மஹாருத்³ராய ஹும் ப²ட் ஸ்வாஹா ।

இதி அத²ர்வணரஹஸ்யே ஶ்ரீ ப³க³ளாமுகீ² ஸ்தவராஜ꞉ ॥