ශ්රී ලලිතා ස්තවරත්නම් (ආර්යා ද්විශතී)

sri lalitha stavaratnam arya dwishati in sinhala

වංදේ ගජේංද්රවදනං
වාමාංකාරූඪවල්ලභාශ්ලිෂ්ටම් ।
කුංකුමපරාගශෝණං
කුවලයිනීජාරකෝරකාපීඩම් ॥ 1 ॥

ස ජයති සුවර්ණශෛලඃ
සකලජගච්චක්රසංඝටිතමූර්තිඃ ।
කාංචනනිකුංජවාටී-
-කංදලදමරීප්රපංචසංගීතඃ ॥ 2 ॥

හරිහයනෛරෘතමාරුත-
-හරිතාමංතේෂ්වවස්ථිතං තස්ය ।
විනුමඃ සානුත්රිතයං
විධිහරිගෞරීශවිෂ්ටපාධාරම් ॥ 3 ॥

මධ්යේ පුනර්මනෝහර-
-රත්නරුචිස්තබකරංජිතදිගංතම් ।
උපරි චතුඃශතයෝජන-
-මුත්තුංගං ශෘංගපුංගවමුපාසේ ॥ 4 ॥

තත්ර චතුඃශතයෝජන-
-පරිණාහං දේවශිල්පිනා රචිතම් ।
නානාසාලමනෝජ්ඤං
නමාම්යහං නගරමාදිවිද්යායාඃ ॥ 5 ॥

ප්රථමං සහස්රපූර්වක-
-ෂට්ශතසංඛ්යාකයෝජනං පරිතඃ ।
වලයීකෘතස්වගාත්රං
වරණං ශරණං ව්රජාම්යයෝරූපම් ॥ 6 ॥

තස්යෝත්තරේ සමීරණ-
-යෝජනදූරේ තරංගිතච්ඡායඃ ।
ඝටයතු මුදං ද්විතීයෝ
ඝංටාස්තනසාරනිර්මිතඃ සාලඃ ॥ 7 ॥

උභයෝරංතරසීම-
-න්යුද්දාමභ්රමරරංජිතෝදාරම් ।
උපවනමුපාස්මහේ වය-
-මූරීකෘතමංදමාරුතස්යංදම් ॥ 8 ॥

ආලිංග්ය භද්රකාලී-
-මාසීනස්තත්ර හරිශිලාශ්යාමාම් ।
මනසි මහාකාලෝ මේ
විහරතු මධුපානවිභ්රමන්නේත්රඃ ॥ 9 ॥

තාර්තීයීකෝ වරණ-
-ස්තස්යෝත්තරසීම්නි වාතයෝජනතඃ ।
තාම්රේණ රචිතමූර්ති-
-ස්තනුතාමාචංද්රතාරකං භද්රම් ॥ 10 ॥

මධ්යේ තයෝශ්ච මණිමය-
-පල්ලවශාඛාප්රසූනපක්ෂ්මලිතාම් ।
කල්පානෝකහවාටීං
කලයේ මකරංදපංකිලාවාලාම් ॥ 11 ॥

තත්ර මධුමාධවශ්රී-
-තරුණීභ්යාං තරලදෘක්චකෝරාභ්යාම් ।
ආලිංගිතෝऽවතාන්මා-
-මනිශං ප්රථමර්තුරාත්තපුෂ්පාස්ත්රඃ ॥ 12 ॥

නමත තදුත්තරභාගේ
නාකිපථෝල්ලංඝිශෘංගසංඝාතම් ।
සීසාකෘතිං තුරීයං
සිතකිරණාලෝකනිර්මලං සාලම් ॥ 13 ॥

සාලද්වයාංතරාලේ
සරලාලිකපෝතචාටුසුභගායාම් ।
සංතානවාටිකායාං
සක්තං චේතෝऽස්තු සතතමස්මාකම් ॥ 14 ॥

තත්ර තපනාතිරූක්ෂඃ
සාම්රාජ්ඤීචරණසාංද්රිතස්වාංතඃ ।
ශුක්රශුචිශ්රීසහිතෝ
ග්රීෂ්මර්තුර්දිශතු කීර්තිමාකල්පම් ॥ 15 ॥

උත්තරසීමනි තස්යෝ-
-න්නතශිඛරෝත්කංපිහාටකපතාකඃ ।
ප්රකටයතු පංචමෝ නඃ
ප්රාකාරඃ කුශලමාරකූටමයඃ ॥ 16 ॥

ප්රාකාරයෝශ්ච මධ්යේ
පල්ලවිතාන්යභෘතපංචමෝන්මේෂා ।
හරිචංදනද්රුවාටී-
-හරතාදාමූලමස්මදනුතාපම් ॥ 17 ॥

තත්ර නභඃ ශ්රීමුඛ්යෛ-
-ස්තරුණීවර්ගෛඃ සමන්විතඃ පරිතඃ ।
වජ්රාට්ටහාසමුඛරෝ
වාංඡාපූර්තිං තනෝතු වර්ෂර්තුඃ ॥ 18 ॥

මාරුතයෝජනදූරේ
මහනීයස්තස්ය චෝත්තරේ භාගේ ।
භද්රං කෘෂීෂ්ට ෂෂ්ඨඃ
ප්රාකාරඃ පංචලෝහධාතුමයඃ ॥ 19 ॥

අනයෝර්මධ්යේ සංතත-
-මංකූරද්දිව්යකුසුමගංධායාම් ।
මංදාරවාටිකායාං
මානසමංගීකරෝතු මේ විහෘතිම් ॥ 20 ॥

තස්යාමිෂෝර්ජලක්ෂ්මී-
-තරුණීභ්යාං ශරදෘතුඃ සදා සහිතඃ ।
අභ්යර්චයන් ස ජීයා-
-දංබාමාමෝදමේදුරෛඃ කුසුමෛඃ ॥ 21 ॥

තස්යර්ෂිසංඛ්යයෝජන-
-දූරේ දේදීප්යමානශෘංගෞඝඃ ।
කලධෞතකලිතමූර්තිඃ
කල්යාණං දිශතු සප්තමඃ සාලඃ ॥ 22 ॥

මධ්යේ තයෝර්මරුත්පථ
ලංඝිතවිටපාග්රවිරුතකලකංඨා ।
ශ්රීපාරිජාතවාටී
ශ්රියමනිශං දිශතු ශීතලෝද්දේශා ॥ 23 ॥

තස්යාමතිප්රියාභ්යාං
සහ ඛේලන් සහසහස්යලක්ෂ්මීභ්යාම් ।
සාමංතෝ ඣෂකේතෝ-
-ර්හේමංතෝ භවතු හේමවෘද්ධ්යෛ නඃ ॥ 24 ॥

උත්තරතස්තස්ය මහා-
-නුද්භටහුතභුක්ශිඛාරුණමයූඛඃ ।
තපනීයඛංඩරචිත-
-ස්තනුතාදායුෂ්යමෂ්ටමෝ වරණඃ ॥ 25 ॥

කාදංබවිපිනවාටී-
-මනයෝර්මධ්යභුවි කල්පිතාවාසාම් ।
කලයාමි සූනකෝරක-
-කංදලිතාමෝදතුංදිලසමීරාම් ॥ 26 ॥

තස්යාමතිශිශිරාකෘති-
-රාසීනස්තපතපස්යලක්ෂ්මීභ්යාම් ।
ශිවමනිශං කුරුතාන්මේ
ශිශිරර්තුඃ සතතශීතලදිගංතඃ ॥ 27 ॥

තස්යාං කදංබවාට්යාං
තත්ප්රසවාමෝදමිලිතමධුගංධම් ।
සප්තාවරණමනෝජ්ඤං
ශරණං සමුපෛමි මංත්රිණීශරණම් ॥ 28 ॥

තත්රාලයේ විශාලේ
තපනීයාරචිතතරලසෝපානේ ।
මාණික්යමංඩපාංත-
-ර්මහිතේ සිංහාසනේ සුමණිඛචිතේ ॥ 29 ॥

බිංදුත්රිපංචකෝණ-
-ද්විපනෘපවසුවේදදලකුරේඛාඪ්යේ ।
චක්රේ සදා නිවිෂ්ටාං
ෂෂ්ඨ්යෂ්ටත්රිංශදක්ෂරේශානීම් ॥ 30 ॥

තාපිංඡමේචකාභාං
තාලීදලඝටිතකර්ණතාටංකාම් ।
තාංබූලපූරිතමුඛීං
තාම්රාධරබිංබදෘෂ්ටදරහාසාම් ॥ 31 ॥

කුංකුමපංකිලදේහාං
කුවලයජීවාතුශාවකවතංසාම් ।
කෝකනදශෝණචරණාං
කෝකිලනික්වාණකෝමලාලාපාම් ॥ 32 ॥

වාමාංගගලිතචූලීං
වනමාල්යකදංබමාලිකාභරණාම් ।
මුක්තාලලංතිකාංචිත
මුග්ධාලිකමිලිතචිත්රකෝදාරාම් ॥ 33 ॥

කරවිධෘතකීරශාවක-
-කලනිනදව්යක්තනිඛිලනිගමාර්ථාම් ।
වාමකුචසංගිවීණාවාදන-
-සෞඛ්යාර්ධමීලිතාක්ෂියුගාම් ॥ 34 ॥

ආපාටලාංශුකධරා-
-මාදිරසෝන්මේෂවාසිතකටාක්ෂාම් ।
ආම්නායසාරගුලිකා-
-මාද්යාං සංගීතමාතෘකාං වංදේ ॥ 35 ॥

තස්ය ච සුවර්ණසාල-
-ස්යෝත්තරතස්තරුණකුංකුමච්ඡායඃ ।
ශමයතු මම සංතාපං
සාලෝ නවමඃ ස පුෂ්පරාගමයඃ ॥ 36 ॥

අනයෝරංතරවසුධාඃ
ප්රණුමඃ ප්රත්යග්රපුෂ්පරාගමයීඃ ।
සිංහාසනේශ්වරීමනු-
-චිංතනනිස්තංද්රසිද්ධනීරංධ්රාඃ ॥ 37 ॥

තත්සාලෝත්තරදේශේ
තරුණජපාකිරණධෝරණීශෝණඃ ।
ප්රශමයතු පද්මරාග-
-ප්රාකාරෝ මම පරාභවං දශමඃ ॥ 38 ॥

අංතරභූකෘතවාසා-
-නනයෝරපනීතචිත්තවෛමත්යාන් ।
චක්රේශීපදභක්තාං-
-ශ්චාරණවර්ගානහර්නිශං කලයේ ॥ 39 ॥

සාරංගවාහයෝජනදූරේ-
-ऽසංඝටිතකේතනස්තස්ය ।
ගෝමේදකේන රචිතෝ
ගෝපායතු මාං සමුන්නතඃ සාලඃ ॥ 40 ॥

වප්රද්වයාංතරෝර්ව්යාං
වටුකෛර්විවිධෛශ්ච යෝගිනීබෘංදෛඃ ।
සතතං සමර්චිතායාඃ
සංකර්ෂණ්යාඃ ප්රණෞමි චරණාබ්ජම් ॥ 41 ॥

තාපසයෝජනදූරේ
තස්ය සමුත්තුංග ගෝපුරෝපේතඃ ।
වාංඡාපූර්ත්යෛ භවතා-
-ද්වජ්රමණීනිකරනිර්මිතෝ වප්රඃ ॥ 42 ॥

වරණද්විතයාංතරතෝ
වාසජුෂෝ විහිතමධුරසාස්වාදාඃ ।
රංභාදිවිබුධවේශ්යා
රචයංතු මහාංතමස්මදානංදම් ॥ 43 ॥

තත්ර සදා ප්රවහංතී
තටිනී වජ්රාභිධා චිරං ජීයාත් ।
චටුලෝර්මිජාලනෘත්ය-
-ත්කලහංසීකුලකලක්වණිතපුෂ්ටා ॥ 44 ॥

රෝධසි තස්යා රුචිරේ
වජ්රේශී ජයති වජ්රභූෂාඪ්යා ।
වජ්රප්රදානතෝෂිත-
-වජ්රිමුඛත්රිදශවිනුතචාරිත්රා ॥ 45 ॥

තස්යෝදීච්යාං හරිති
ස්තවකිතසුෂමාවලීඪවියදංතඃ ।
වෛඩූර්යරත්නරචිතෝ
වෛමල්යං දිශතු චේතසෝ වරණඃ ॥ 46 ॥

අධිමධ්යමේතයෝඃ පුන-
-රංබාචරණාවලංබිතස්වාංතාන් ।
කාර්කෝටකාදිනාගාන්
කලයාමඃ කිං ච බලිමුඛාන් දනුජාන් ॥ 47 ॥

ගංධවහසංඛ්යයෝජන-
-දූරේ ගගනෝර්ධ්වජාංඝිකස්තස්ය ।
වාසවමණිප්රණීතෝ
වරණෝ බහලයතු වෛදුෂීං විශදාම් ॥ 48 ॥

මධ්යක්ෂෝණ්යාමනයෝ-
-ර්මහේංද්රනීලාත්මකානි ච සරාංසි ।
ශාතෝදරීසහායා-
-න්භූපාලානපි පුනඃ පුනඃ ප්රණුමඃ ॥ 49 ॥

ආශුගයෝජනදූරේ
තස්යෝර්ධ්වං කාංතිධවලිතදිගංතඃ ।
මුක්තාවිරචිතගාත්රෝ
මුහුරස්මාකං මුදේ භවතු සාලඃ ॥ 50 ॥

ආවෘත්ත්යෝරධිමධ්යං
පූර්වස්යාං දිශි පුරංදරඃ ශ්රීමාන් ।
අභ්රමුවිටාධිරූඪෝ
විභ්රමමස්මාකමනිශමාතනුතාත් ॥ 51 ॥

තත්කෝණේ ව්යජනස්රු-
-ක්තෝමරපාත්රස්රුවාන්නශක්තිධරඃ ।
ස්වාහාස්වධාසමේතඃ
සුඛයතු මාං හව්යවාහනඃ සුචිරම් ॥ 52 ॥

දක්ෂිණදිගංතරාලේ
දංඩධරෝ නීලනීරදච්ඡායඃ ।
ත්රිපුරාපදාබ්ජභක්තස්තිරයතු
මම නිඛිලමංහසාං නිකරම් ॥ 53 ॥

තස්යෛව පශ්චිමායාං
දිශි දලිතේංදීවරප්රභාශ්යාමඃ ।
ඛේටාසියෂ්ටිධාරී
ඛේදානපනයතු යාතුධානෝ මේ ॥ 54 ॥

තස්යා උත්තරදේශේ
ධවලාංගෝ විපුලඣෂවරාරූඪඃ ।
පාශායුධාත්තපාණිඃ
පාශී විදලයතු පාශජාලානි ॥ 55 ॥

වංදේ තදුත්තරහරි-
-ත්කෝණේ වායුං චමූරුවරවාහම් ।
කෝරකිතතත්ත්වබෝධා-
-න්ගෝරක්ෂප්රමුඛයෝගිනෝऽපි මුහුඃ ॥ 56 ॥

තරුණීරිඩාප්රධානා-
-ස්තිස්රෝ වාතස්ය තස්ය කෘතවාසාඃ ।
ප්රත්යග්රකාපිශායන-
-පානපරිභ්රාංතලෝචනාඃ කලයේ ॥ 57 ॥

තල්ලෝකපූර්වභාගේ
ධනදං ධ්යායාමි ශේවධිකුලේශම් ।
අපි මාණිභද්රමුඛ්යා-
-නංබාචරණාවලංබිනෝ යක්ෂාන් ॥ 58 ॥

තස්යෛව පූර්වසීමනි
තපනීයාරචිතගෝපුරේ නගරේ ।
කාත්යායනීසහායං
කලයේ ශීතාංශුඛංඩචූඩාලම් ॥ 59 ॥

තත්පුරෂෝඩශවරණ-
-ස්ථලභාජස්තරුණචංද්රචූඩාලාන් ।
රුද්රාධ්යායේ පඨිතා-
-න්රුද්රාණීසහචරාන්භජේ රුද්රාන් ॥ 60 ॥

පවමානසංඛ්යයෝජන-
-දූරේ බාලතෘණ්මේචකස්තස්ය ।
සාලෝ මරකතරචිතඃ
සංපදමචලාං ශ්රියං ච පුෂ්ණාතු ॥ 61 ॥

ආවෘතියුග්මාංතරතෝ
හරිතමණීනිවහමේචකේ දේශේ ।
හාටකතාලීවිපිනං
හාලාඝටඝටිතවිටපමාකලයේ ॥ 62 ॥

තත්රෛව මංත්රිණීගෘහ-
-පරිණාහං තරලකේතනං සදනම් ।
මරකතසෞධමනෝජ්ඤං
දද්යාදායූංෂි දංඩනාථායාඃ ॥ 63 ॥

සදනේ තත්ර හරින්මණි-
-සංඝටිතේ මංඩපේ ශතස්තංභේ ।
කාර්තස්වරමයපීඨේ
කනකමයාංබුරුහකර්ණිකාමධ්යේ ॥ 64 ॥

බිංදුත්රිකෝණවර්තුල-
-ෂඩස්රවෘත්තද්වයාන්විතේ චක්රේ ।
සංචාරිණී දශෝත්තර-
ශතාර්ණමනුරාජකමලකලහංසී ॥ 65 ॥

කෝලවදනා කුශේශය-
-නයනා කෝකාරිමංඩිතශිඛංඩා ।
සංතප්තකාංචනාභා
සංධ්යාරුණචේලසංවෘතනිතංබා ॥ 66 ॥

හලමුසලශංඛචක්රා-
-ऽංකුශපාශාභයවරස්ඵුරිතහස්තා ।
කූලංකෂානුකංපා
කුංකුමජංබාලිතස්තනාභෝගා ॥ 67 ॥

ධූර්තානාමතිදූරා-
-වාර්තාශේෂාවලග්නකමනීයා ।
ආර්තාලීශුභදාත්රී
වාර්තාලී භවතු වාංඡිතාර්ථාය ॥ 68 ॥

තස්යාඃ පරිතෝ දේවීඃ
ස්වප්නේශ්යුන්මත්තභෛරවීමුඛ්යාඃ ।
ප්රණමත ජංභින්යාද්යාඃ
භෛරවවර්ගාංශ්ච හේතුකප්රමුඛාන් ॥ 69 ॥

පූර්වෝක්තසංඛ්යයෝජන-
-දූරේ පූයාංශුපාටලස්තස්ය ।
විද්රාවයතු මදාර්තිං
විද්රුමසාලෝ විශංකටද්වාරඃ ॥ 70 ॥

ආවරණයෝරහර්නිශ-
-මංතරභූමෞප්රකාශශාලින්යාම් ।
ආසීනමංබුජාසන-
-මභිනවසිංදූරගෞරමහමීඩේ ॥ 71 ॥

වරණස්ය තස්ය මාරුත-
-යෝජනතෝ විපුලගෝපුරද්වාරඃ ।
සාලෝ නානාරත්නෛඃ
සංඝටිතාංගඃ කෘෂීෂ්ට මදභීෂ්ටම් ॥ 72 ॥

අංතරකක්ෂ්යාමනයෝ-
-රවිරලශෝභාපිචංඩිලෝද්දේශාම් ।
මාණික්යමංඩපාඛ්යාං
මහතීමධිහෘදයමනිශමාකලයේ ॥ 73 ॥

තත්ර ස්ථිතං ප්රසන්නං
තරුණතමාලප්රවාලකිරණාභම් ।
කර්ණාවලංබිකුංඩල-
-කංදලිතාභීශුකවචිතකපෝලම් ॥ 74 ॥

ශෝණාධරං ශුචිස්මිත-
-මේණාංකවදනමේධමානකෘපම් ।
මුග්ධෛණමදවිශේෂක-
-මුද්රිතනිටිලේංදුරේඛිකාරුචිරම් ॥ 75 ॥

නාලීකදලසහෝදර-
-නයනාංචලඝටිතමනසිජාකූතම් ।
කමලාකඨිනපයෝධර-
-කස්තූරීඝුසෘණපංකිලෝරස්කම් ॥ 76 ॥

චාංපේයගංධිකෛශ්යං
ශංපාසබ්රහ්මචාරිකෞශේයම් ।
ශ්රීවත්සකෞස්තුභධරං
ශ්රිතජනරක්ෂාධුරීණචරණාබ්ජම් ॥ 77 ॥

කංබුසුදර්ශනවිලස-
-ත්කරපද්මං කංඨලෝලවනමාලම් ।
මුචුකුංදමෝක්ෂඵලදං
මුකුංදමානංදකංදමවලංබේ ॥ 78 ॥

තද්වරණෝත්තරභාගේ
තාරාපතිබිංබචුංබිනිජශෘංගඃ ।
විවිධමණීගණඝටිතෝ
විතරතු සාලෝ විනිර්මලාං ධිෂණාම් ॥ 79 ॥

ප්රාකාරද්විතයාංතර-
-කක්ෂ්යාං පෘථුරත්නනිකරසංකීර්ණාම් ।
නමත සහස්රස්තංභක-
-මංඩපනාම්නාතිවිශ්රුතාං භුවනේ ॥ 80 ॥

ප්රණුමස්තත්ර භවානී-
-සහචරමීශානමිංදුඛංඩධරම් ।
ශෘංගාරනායිකාමනු-
-ශීලනභාජෝऽපි භෘංගිනංදිමුඛාන් ॥ 81 ॥

තස්යෛණවාහයෝජන-
-දූරේ වංදේ මනෝමයං වප්රම් ।
අංකූරන්මණිකිරණා-
-මංතරකක්ෂ්යාං ච නිර්මලාමනයෝඃ ॥ 82 ॥

තත්රෛවාමෘතවාපීං
තරලතරංගාවලීඪතටයුග්මාම් ।
මුක්තාමයකලහංසී-
-මුද්රිතකනකාරවිංදසංදෝහාම් ॥ 83 ॥

ශක්රෝපලමයභෘංගී-
-සංගීතෝන්මේෂඝෝෂිතදිගංතාම් ।
කාංචනමයාංගවිලස-
-ත්කාරංඩවෂංඩතාංඩවමනෝජ්ඤාම් ॥ 84 ॥

කුරුවිංදාත්මකහල්ලක-
-කෝරකසුෂමාසමූහපාටලිතාම් ।
කලයේ සුධාස්වරූපාං
කංදලිතාමංදකෛරවාමෝදාම් ॥ 85 ॥

තද්වාපිකාංතරාලේ තරලේ
මණිපෝතසීම්නි විහරංතීම් ।
සිංදූරපාටලාංගීං
සිතකිරණාංකූරකල්පිතවතංසාම් ॥ 86 ॥

පර්වේංදුබිංබවදනාං
පල්ලවශෝණාධරස්ඵුරිතහාසාම් ।
කුටිලකබරීං කුරංගී-
-ශිශුනයනාං කුංඩලස්ඵුරිතගංඩාම් ॥ 87 ॥

නිකටස්ථපෝතනිලයාඃ
ශක්තීඃ ශයවිධෘතහේමශෘංගජලෛඃ ।
පරිෂිංචංතීං පරිත-
-ස්තාරාං තාරුණ්යගර්විතාං වංදේ ॥ 88 ॥

ප්රාගුක්තසංඛ්යයෝජනදූරේ
ප්රණමාමි බුද්ධිමයසාලම් ।
අනයෝරංතරකක්ෂ්යා-
-මෂ්ටාපදපුෂ්ටමේදිනීං රුචිරාම් ॥ 89 ॥

කාදංබරීනිධානාං
කලයාම්යානංදවාපිකාං තස්යාම් ।
ශෝණාශ්මනිවහනිර්මිත-
-සෝපානශ්රේණිශෝභමානතටීම් ॥ 90 ॥

මාණික්යතරණිනිලයාං
මධ්යේ තස්යා මදාරුණකපෝලාම් ।
අමෘතේශීත්යභිධානා-
-මංතඃ කලයාමි වාරුණීං දේවීම් ॥ 91 ॥

සෞවර්ණකේනිපාතන-
-හස්තාඃ සෞංදර්යගර්විතා දේව්යඃ ।
තත්පුරතඃ ස්ථිතිභාජෝ
විතරංත්වස්මාකමායුෂෝ වෘද්ධිම් ॥ 92 ॥

තස්ය පෘෂදශ්වයෝජන-
-දූරේऽහංකාරසාලමතිතුංගම් ।
වංදේ තයෝශ්ච මධ්යේ
කක්ෂ්යාං වලමානමලයපවමානාම් ॥ 93 ॥

විනුමෝ විමර්ශවාපීං
සෞෂුම්නසුධාස්වරූපිණීං තත්ර ।
වේලාතිලංඝ්යවීචී-
-කෝලාහලභරිතකූලවනවාටීම් ॥ 94 ॥

තත්රෛව සලිලමධ්යේ
තාපිංඡදලප්රපංචසුෂමාභාම් ।
ශ්යාමලකංචුකලසිතාං
ශ්යාමාවිටබිංබඩංබරහරාස්යාම් ॥ 95 ॥

ආභුග්නමසෘණචිල්ලී-
-හසිතායුග්මශරකාර්මුකවිලාසාම් ।
මංදස්මිතාංචිතමුඛීං
මණිමයතාටංකමංඩිතකපෝලාම් ॥ 96 ॥

කුරුවිංදතරණිනිලයාං
කුලාචලස්පර්ධිකුචනමන්මධ්යාම් ।
කුංකුමවිලිප්තගාත්රීං
කුරුකුල්ලාං මනසි කුර්මහේ සතතම් ॥ 97 ॥

තත්සාලෝත්තරභාගේ
භානුමයං වප්රමාශ්රයේ දීප්තම් ।
මධ්යං ච විපුලමනයෝ-
-ර්මන්යේ විශ්රාංතමාතපෝද්ගාරම් ॥ 98 ॥

තත්ර කුරුවිංදපීඨේ
තාමරසේ කනකකර්ණිකාඝටිතේ ।
ආසීනමරුණවාසස-
-මම්ලානප්රසවමාලිකාභරණම් ॥ 99 ॥

චක්ෂුෂ්මතීප්රකාශන-
-ශක්තිච්ඡායාසමාරචිතකේලිම් ।
මාණික්යමුකුටරම්යං
මන්යේ මාර්තාංඩභෛරවං හෘදයේ ॥ 100 ॥

ඉංදුමයසාලමීඩේ
තස්යෝත්තරතස්තුෂාරගිරිගෞරම් ।
අත්යංතශිශිරමාරුත-
-මනයෝර්මධ්යං ච චංද්රිකෝද්ගාරම් ॥ 101 ॥

තත්ර ප්රකාශමානං
තාරානිකරෛඃ පරිෂ්කෘතෝද්දේශම් ।
අමෘතමයකාංතිකංදල-
-මංතඃ කලයාමි කුංදසිතමිංදුම් ॥ 102 ॥

ශෘංගාරසාලමීඩේ
ශෘංගෝල්ලසිතං තදුත්තරේ භාගේ ।
මධ්යස්ථලේ තයෝරපි
මහිතාං ශෘංගාරපූර්විකාං පරිඛාම් ॥ 103 ॥

තත්ර මණිනෞස්ථිතාභි-
-ස්තපනීයාවිරචිතාග්රහස්තාභිඃ ।
ශෘංගාරදේවතාභිඃ
සහිතං පරිඛාධිපං භජේ මදනම් ॥ 104 ॥

ශෘංගාරවරණවර්යස්යෝත්තරතඃ
සකලවිබුධසංසේව්යම් ।
චිංතාමණිගණරචිතං
චිංතාං දූරීකරෝතු මේ සදනම් ॥ 105 ॥

මණිසදනසාලයෝරධි-
-මධ්යං දශතාලභූමිරුහදීර්ඝෛඃ ।
පර්ණෛඃ සුවර්ණවර්ණෛ-
-ර්යුක්තාං කාංඩෛශ්ච යෝජනෝත්තුංගෛඃ ॥ 106 ॥

මෘදුලෛස්තාලීපංචක-
-මානෛර්මිලිතාං ච කේසරකදංබෛඃ ।
සංතතගලිතමරංද-
-ස්රෝතෝනිර්යන්මිලිංදසංදෝහාම් ॥ 107 ॥

පාටීරපවනබාලක-
-ධාටීනිර්යත්පරාගපිංජරිතාම් ।
කලහංසීකුලකලකල-
-කූලංකෂනිනදනිචයකමනීයාම් ॥ 108 ॥

පද්මාටවීං භජාමඃ
පරිමලකල්ලෝලපක්ෂ්මලෝපාංතාම් ।
[ දේව්යර්ඝ්යපාත්රධාරී
තස්යාඃ පූර්වදිශි දශකලායුක්තඃ । ]
වලයිතමූර්තිර්භගවා-
-න්වහ්නිඃ ක්රෝශෝන්නතශ්චිරං පායාත් ॥ 109 ॥

තත්රාධාරේ දේව්යාඃ
පාත්රීරූපඃ ප්රභාකරඃ ශ්රීමාන් ।
ද්වාදශකලාසමේතෝ
ධ්වාංතං මම බහුලමාංතරං භිංද්යාත් ॥ 110 ॥

තස්මින් දිනේශපාත්රේ
තරංගිතාමෝදමමෘතමයමර්ඝ්යම් ।
චංද්රකලාත්මකමමෘතං
සාංද්රීකුර්යාදමංදමානංදම් ॥ 111 ॥

අමෘතේ තස්මින්නභිතෝ
විහරංත්යෝ විවිධමණිතරණිභාජඃ ।
ෂෝඩශ කලාඃ සුධාංශෝඃ
ශෝකාදුත්තාරයංතු මාමනිශම් ॥ 112 ॥

තත්රෛව විහෘතිභාජෝ
ධාතෘමුඛානාං ච කාරණේශානාම් ।
සෘෂ්ට්යාදිරූපිකාස්තාඃ
ශමයංත්වඛිලාඃ කලාශ්ච සංතාපම් ॥ 113 ॥

කීනාශවරුණකින්නර-
-රාජදිගංතේෂු රත්නගේහස්ය ।
කලයාමි තාන්යජස්රං
කලයංත්වායුෂ්යමර්ඝ්යපාත්රාණි ॥ 114 ॥

පාත්රස්ථලස්ය පුරතඃ
පද්මාරමණවිධිපාර්වතීශානාම් ।
භවනානි ශර්මණේ නෝ
භවංතු භාසා ප්රදීපිතජගංති ॥ 115 ॥

සදනස්යානලකෝණේ
සතතං ප්රණමාමි කුංඩමාග්නේයම් ।
තත්ර ස්ථිතං ච වහ්නිං
තරලශිඛාජටිලමංබිකාජනකම් ॥ 116 ॥

තස්යාසුරදිශි තාදෘශ-
-රත්නපරිස්ඵුරිතපර්වනවකාඪ්යම් ।
චක්රාත්මකං ශතාංගං
ශතයෝජනමුන්නතං භජේ දිව්යම් ॥ 117 ॥

තත්රෛව දිශි නිෂණ්ණං
තපනීයධ්වජපරංපරාශ්ලිෂ්ටම් ।
රථමපරං ච භවාන්යා
රචයාමෝ මනසි රත්නමයචූඩම් ॥ 118 ॥

භවනස්ය වායුභාගේ
පරිෂ්කෘතෝ විවිධවෛජයංතීභිඃ ।
රචයතු මුදං රථේංද්රඃ
සචිවේශාන්යාඃ සමස්තවංද්යායාඃ ॥ 119 ॥

කුර්මෝऽධිහෘදයමනිශං
ක්රෝඩාස්යායාඃ ශතාංගමූර්ධන්යම් ।
රුද්රදිශි රත්නධාම්නෝ
රුචිරශලාකාප්රපංචකංචුකිතම් ॥ 120 ॥

පරිතෝ දේවීධාම්නඃ
ප්රණීතවාසා මනුස්වරූපිණ්යඃ ।
කුර්වංතු රශ්මිමාලා-
-කෘතයඃ කුශලානි දේවතා නිඛිලාඃ ॥ 121 ॥

ප්රාග්ද්වාරස්ය භවානී-
-ධාම්නඃ පාර්ශ්වද්වයාරචිතවාසේ ।
මාතංගීකිටිමුඛ්යෞ
මණිසදනේ මනසි භාවයාමි චිරම් ॥ 122 ॥

යෝජනයුගලාභෝගා
තත්ක්රෝශපරිණාහයෛව භිත්ත්යා ච ।
චිංතාමණිගෘහභූමි-
-ර්ජීයාදාම්නායමයචතුර්ද්වාරා ॥ 123 ॥

ද්වාරේ ද්වාරේ ධාම්නඃ
පිංඩීභූතා නවීනබිංබාභාඃ ।
විදධතු විපුලාං කීර්තිං
දිව්යා ලෞහිත්යසිද්ධ්යෝ දේව්යඃ ॥ 124 ॥

මණිසදනස්යාංතරතෝ
මහනීයේ රත්නවේදිකාමධ්යේ ।
බිංදුමයචක්රමීඩේ
පීඨානාමුපරි විරචිතාවාසම් ॥ 125 ॥

චක්රාණාං සකලානාං
ප්රථමමධඃ සීමඵලකවාස්තව්යාඃ ।
අණිමාදිසිද්ධයෝ මා-
-මවංතු දේවී ප්රභාස්වරූපිණ්යඃ ॥ 126 ॥

අණිමාදිසිද්ධිඵලක-
-ස්යෝපරිහරිණාංකඛංඩකෘතචූඩාඃ ।
භද්රං පක්ෂ්මලයංතු
බ්රාහ්මීප්රමුඛාශ්ච මාතරෝऽස්මාකම් ॥ 127 ॥

තස්යෝපරි මණිඵලකේ
තාරුණ්යෝත්තුංගපීනකුචභාරාඃ ।
සංක්ෂෝභිණීප්රධානාඃ
භ්රාංති විද්රාවයංතු දශ මුද්රාඃ ॥ 128 ॥

ඵලකත්රයස්වරූපේ
පෘථුලේ ත්රෛලෝක්යමෝහනේ චක්රේ ।
දීව්යංතු ප්රකටාඛ්යා-
-ස්තාසාං කර්ත්රීං ච භගවතී ත්රිපුරා ॥ 129 ॥

තදුපරි විපුලේ ධිෂ්ණ්යේ
තරලදෘශස්තරුණකෝකනදභාසඃ ।
කාමාකර්ෂිණ්යාද්යාඃ
කලයේ දේවීඃ කලාධරශිඛංඩාඃ ॥ 130 ॥

සර්වාශාපරිපූරකචක්රේ-
-ऽස්මින් ගුප්තයෝගිනීසේව්යාඃ ।
ත්රිපුරේශී මම දුරිතං
තුද්යාත් කංඨාවලංබිමණිහාරා ॥ 131 ॥

තස්යෝපරි මණිපීඨේ
තාම්රාංභෝරුහදලප්රභාශෝණාඃ ।
ධ්යායාම්යනංගකුසුමා-
-ප්රමුඛා දේවීශ්ච විධෘතකූර්පාසාඃ ॥ 132 ॥

සංක්ෂෝභකාරකේऽස්මිං-
-ශ්චක්රේ ශ්රීත්රිපුරසුංදරී සාක්ෂාත් ।
ගෝප්ත්රී ගුප්තතරාඛ්යාඃ
ගෝපායතු මාං කෘපාර්ද්රයා දෘෂ්ට්යා ॥ 133 ॥

සංක්ෂෝභිණීප්රධානාඃ
ශක්තීස්තස්යෝර්ධ්වවලයකෘතවාසාඃ ।
ආලෝලනීලවේණී-
-රංතඃ කලයාමි යෞවනෝන්මත්තාඃ ॥ 134 ॥

සෞභාග්යදායකේऽස්මිං-
-ශ්චක්රේශී ත්රිපුරවාසිනී ජීයාත් ।
ශක්තීශ්ච සංප්රදායාභිධාඃ
සමස්තාඃ ප්රමෝදයංත්වනිශම් ॥ 135 ॥

මණිපීඨෝපරි තාසාං
මහති චතුර්හස්තවිස්තෘතේ වලයේ ।
සංතතවිරචිතවාසාඃ
ශක්තීඃ කලයාමි සර්වසිද්ධිමුඛාඃ ॥ 136 ॥

සර්වාර්ථසාධකාඛ්යේ
චක්රේऽමුෂ්මින් සමස්තඵලදාත්රී ।
ත්රිපුරා ශ්රීර්මම කුශලං
දිශතාදුත්තීර්ණයෝගිනීසේව්යා ॥ 137 ॥

තාසාං නිලයස්යෝපරි
ධිෂ්ණ්යේ කෞසුංභකංචුකමනෝජ්ඤාඃ ।
සර්වාජ්ඤාද්යාඃ දේව්යඃ
සකලාඃ සංපාදයංතු මම කීර්තිම් ॥ 138 ॥

චක්රේ සමස්තරක්ෂා-
-කරනාම්න්යස්මින් සමස්තජනසේව්යාම් ।
මනසි නිගර්භාසහිතාං
මන්යේ ශ්රීත්රිපුරමාලිනීං දේවීම් ॥ 139 ॥

සර්වජ්ඤාසදනස්යෝපරි
චක්රේ විපුලේ සමාකලිතගේහාඃ ।
වංදේ වශිනීමුඛ්යාඃ
ශක්තීඃ සිංදූරරේණුරුචඃ ॥ 140 ॥

ශ්රීසර්වරෝගහරාඛ්ය-
-චක්රේऽස්මිංස්ත්රිපුරපූර්විකාං සිද්ධාම් ।
වංදේ රහස්යනාම්නා
වේද්යාභිඃ ශක්තිභිඃ සදා සේව්යාම් ॥ 141 ॥

වශිනීගෘහෝපරිෂ්ටා-
-ද්විංශතිහස්තෝන්නතේ මහාපීඨේ ।
ශමයංතු ශත්රුබෘංදං
ශස්ත්රාණ්යස්ත්රාණි චාදිදංපත්යෝඃ ॥ 142 ॥

ශස්ත්රසදනෝපරිෂ්ටා-
-ද්වලයේ වලවෛරිරත්නසංඝටිතේ ।
කාමේශ්වරීප්රධානාඃ
කලයේ දේවීඃ සමස්තජනවංද්යාඃ ॥ 143 ॥

චක්රේऽත්ර සර්වසිද්ධිප්රද-
-නාමනි සර්වඵලදාත්රී ।
ත්රිපුරාංබාවතු සතතං
පරාපරරහස්යයෝගිනීසේව්යා ॥ 144 ॥

කාමේශ්වරීගෘහෝපරිවලයේ
විවිධමනුසංප්රදායජ්ඤාඃ ।
චත්වාරෝ යුගනාථා
ජයංතු මිත්රේශපූර්වකාඃ ගුරවඃ ॥ 145 ॥

නාථභවනෝපරිෂ්ටා-
-න්නානාරත්නචයමේදුරේ පීඨේ ।
කාමේශ්යාද්යා නිත්යාඃ
කලයංතු මුදං තිථිස්වරූපිණ්යඃ ॥ 146 ॥

නිත්යාසදනස්යෝපරි
නිර්මලමණිනිවහවිරචිතේ ධිෂ්ණ්යේ ।
කුශලං ෂඩංගදේව්යඃ
කලයංත්වස්මාකමුත්තරලනේත්රාඃ ॥ 147 ॥

සදනස්යෝපරි තාසාං
සර්වානංදමයනාමකේ බිංදෞ ।
පංචබ්රහ්මාකාරාං
මංචං ප්රණමාමි මණිගණාකීර්ණම් ॥ 148 ॥

පරිතෝ මණිමංචස්ය
ප්රලංබමානා නියංත්රිතා පාශෛඃ ।
මායාමයී ජවනිකා
මම දුරිතං හරතු මේචකච්ඡායා ॥ 149 ॥

මංචස්යෝපරි ලංබ-
-න්මදනීපුන්නාගමාලිකාභරිතම් ।
හරිගෝපමයවිතානං
හරතාදාලස්යමනිශමස්මාකම් ॥ 150 ॥

පර්යංකස්ය භජාමඃ
පාදාන්බිංබාංබුදේංදුහේමරුචඃ ।
අජහරිරුද්රේශමයා-
-නනලාසුරමාරුතේශකෝණස්ථාන් ॥ 151 ॥

ඵලකං සදාශිවමයං
ප්රණෞමි සිංදූරරේණුකිරණාභම් ।
ආරභ්යාංගේශීනාං
සදනාත්කලිතං ච රත්නසෝපානම් ॥ 152 ॥

පට්ටෝපධානගංඩක-
-චතුෂ්ටයස්ඵුරිතපාටලාස්තරණම් ।
පර්යංකෝපරි ඝටිතං
පාතු චිරං හංසතූලශයනං නඃ ॥ 153 ॥

තස්යෝපරි නිවසංතං
තාරුණ්යශ්රීනිෂේවිතං සතතම් ।
ආවෘංතපුල්ලහල්ලක-
-මරීචිකාපුංජමංජුලච්ඡායම් ॥ 154 ॥

සිංදූරශෝණවසනං
ශීතාංශුස්තබකචුංබිතකිරීටම් ।
කුංකුමතිලකමනෝහර-
-කුටිලාලිකහසිතකුමුදබංධුශිශුම් ॥ 155 ॥

පූර්ණේංදුබිංබවදනං
ඵුල්ලසරෝජාතලෝචනත්රිතයම් ।
තරලාපාංගතරංගිත-
-ශඵරාංකනශාස්ත්රසංප්රදායාර්ථම් ॥ 156 ॥

මණිමයකුංඩලපුෂ්ය-
-න්මරීචිකල්ලෝලමාංසලකපෝලම් ।
විද්රුමසහෝදරාධර-
-විසෘමරසුස්මිතකිශෝරසංචාරම් ॥ 157 ॥

ආමෝදිකුසුමශේඛර-
-මානීලභ්රූලතායුගමනෝජ්ඤම් ।
වීටීසෞරභවීචී-
-ද්විගුණිතවක්ත්රාරවිංදසෞරභ්යම් ॥ 158 ॥

පාශාංකුශේක්ෂුචාප-
-ප්රසවශරස්ඵුරිතකෝමලකරාබ්ජම් ।
කාශ්මීරපංකිලාංගං
කාමේශං මනසි කුර්මහේ සතතම් ॥ 159 ॥

තස්යාංකභුවි නිෂණ්ණාං
තරුණකදංබප්රසූනකිරණාභාම් ।
ශීතාංශුඛංඩචූඩාං
සීමංතන්යස්තසාංද්රසිංදූරාම් ॥ 160 ॥

කුංකුමලලාමභාස්ව-
-න්නිටිලාං කුටිලතරචිල්ලිකායුගලාම් ।
නාලීකතුල්යනයනාං
නාසාංචලනටිතමෞක්තිකාභරණාම් ॥ 161 ॥

අංකුරිතමංදහාස-
-මරුණාධරකාංතිවිජිතබිංබාභාම් ।
කස්තූරීමකරීයුත-
-කපෝලසංක්රාංතකනකතාටංකාම් ॥ 162 ॥

කර්පූරසාංද්රවීටී-
-කබලිතවදනාරවිංදකමනීයාම් ।
කංබුසහෝදරකංඨ-
-ප්රලංබමානාච්ඡමෞක්තිකකලාපාම් ॥ 163 ॥

කහ්ලාරදාමකෝමල-
-භුජයුගලස්ඵුරිතරත්නකේයූරාම් ।
කරපද්මමූලවිලස-
-ත්කාංචනමයකටකවලයසංදෝහාම් ॥ 164 ॥

පාණිචතුෂ්ටයවිලස-
-ත්පාශාංකුශපුංඩ්රචාපපුෂ්පාස්ත්රාම් ।
කූලංකෂකුචශිඛරාං
කුංකුමකර්දමිතරත්නකූර්පාසාම් ॥ 165 ॥

අණුදායාදවලග්නා-
-මංබුදශෝභාසනාභිරෝමලතාම් ।
මාණික්යඛචිතකාංචී-
-මරීචිකාක්රාංතමාංසලනිතංබාම් ॥ 166 ॥

කරභෝරුකාංඩයුගලාං
ජංඝාජිතකාමජෛත්රතූණීරාම් ।
ප්රපදපරිභූතකූර්මාං
පල්ලවසච්ඡායපදයුගමනෝජ්ඤාම් ॥ 167 ॥

කමලභවකංජලෝචන-
-කිරීටරත්නාංශුරංජිතපදාබ්ජාම් ।
උන්මස්තකානුකංපා-
-මුත්තරලාපාංගපෝෂිතානංගාම් ॥ 168 ॥

ආදිමරසාවලංබා-
-මනිදං ප්රථමෝක්තිවල්ලරීකලිකාම් ।
ආබ්රහ්මකීටජනනී-
-මංතඃ කලයාමි සුංදරීමනිශම් ॥ 169 ॥

කස්තු ක්ෂිතෞ පටීයා-
-න්වස්තු ස්තෝතුං ශිවාංකවාස්තව්යම් ।
අස්තු චිරංතනසුකෘතෛඃ
ප්රස්තුතකාම්යාය තන්මම පුරස්තාත් ॥ 170 ॥

ප්රභුසම්මිතෝක්තිගම්යං
පරමශිවෝත්සංගතුංගපර්යංකම් ।
තේජඃ කිංචන දිව්යං
පුරතෝ මේ භවතු පුංඩ්රකෝදංඩම් ॥ 171 ॥

මධුරිමභරිතශරාසං
මකරංදස්යංදිමාර්ගණෝදාරම් ।
කෛරවිණීවිටචූඩං
කෛවල්යායාස්තු කිංචන මහෝ නඃ ॥ 172 ॥

අක්ෂුද්රමික්ෂුචාපං
පරෝක්ෂමවලග්නසීම්නි ත්ර්යක්ෂම් ।
ක්ෂපයතු මේ ක්ෂේමේතර-
-මුක්ෂරථප්රේමපක්ෂ්මලං තේජඃ ॥ 173 ॥

භෘංගරුචිසංගරකරාපාංගං
ශෘංගාරතුංගමරුණාංගම් ।
මංගලමභංගුරං මේ
ඝටයතු ගංගාධරාංගසංගි මහඃ ॥ 174 ॥

ප්රපදාජිතකූර්මමූර්ජිත-
-කරුණං භර්මරුචිනිර්මථනදේහම් ।
ශ්රිතවර්ම මර්ම ශංභෝඃ
කිංචන මම නර්ම ශර්ම නිර්මාතු ॥ 175 ॥

කාලකුරලාලිකාලිම-
-කංදලවිජිතාලි විධෘතමණිවාලි ।
මිලතු හෘදි පුලිනජඝනං
බහුලිතගලගරලකේලි කිමපි මහඃ ॥ 176 ॥

කුංකුමතිලකිතඵාලා
කුරුවිංදච්ඡායපාටලදුකූලා ।
කරුණාපයෝධිවේලා
කාචන චිත්තේ චකාස්තු මේ ලීලා ॥ 177 ॥

පුෂ්පංධයරුචිවේණ්යඃ
පුලිනාභෝගත්රපාකරශ්රේණ්යඃ ।
ජීයාසුරික්ෂුපාණ්යඃ
කාශ්චන කාමාරිකේලිසාක්ෂිණ්යඃ ॥ 178 ॥

තපනීයාංශුකභාංසි
ද්රාක්ෂාමාධුර්යනාස්තිකවචාංසි ।
කතිචන ශුචං මහාංසි
ක්ෂපයතු කපාලිතෝෂිතමනාංසි ॥ 179 ॥

අසිතකචමායතාක්ෂං
කුසුමශරං කූලමුද්වහකෘපාර්ද්රම් ।
ආදිමරසාධිදෛවත-
-මංතඃ කලයේ හරාංකවාසි මහඃ ॥ 180 ॥

කර්ණෝපාංතතරංගිත-
-කටාක්ෂවිස්පංදිකංඨදඝ්නකෘපාම් ।
කාමේශ්වරාංකනිලයාං
කාමපි විද්යාං පුරාතනීං කලයේ ॥ 181 ॥

අරවිංදකාංත්යරුංතුද-
-විලෝචනද්වංද්වසුංදරමුඛේංදු ।
ඡංදඃ කංදලමංදිර-
-මංතඃපුරමෛංදුශේඛරං වංදේ ॥ 182 ॥

බිංබිනිකුරංබඩංබර-
-විඩංබකච්ඡායමංබරවලග්නම් ।
කංබුගලමංබුදකුචං
බිංබෝකං කමපි චුංබතු මනෝ මේ ॥ 183 ॥

කමපි කමනීයරූපං
කලයාම්යංතඃ කදංබකුසුමාඪ්යම් ।
චංපකරුචිරසුවේෂෛඃ
සංපාදිතකාංත්යලංකෘතදිගංතම් ॥ 184 ॥

ශංපාරුචිභර-
-ගර්හාසංපාදකකාංතිකවචිතදිගංතම් ।
සිද්ධාංතං නිගමානාං
ශුද්ධාංතං කිමපි ශූලිනඃ කලයේ ॥ 185 ॥

උද්යද්දිනකරශෝණා-
-නුත්පලබංධුස්තනංධයාපීඩාන් ।
කරකලිතපුංඩ්රචාපා-
-න්කලයේ කානපි කපර්දිනඃ ප්රාණාන් ॥ 186 ॥

රශනාලසජ්ජඝනයා
රසනාජීවාතුචාපභාසුරයා ।
ඝ්රාණායුෂ්කරශරයා
ඝ්රාතං චිත්තං කයාපි වාසනයා ॥ 187 ॥

සරසිජසහයුධ්වදෘශා
ශංපාලතිකාසනාභිවිග්රහයා ।
භාසා කයාපි චේතෝ
නාසාමණිශෝභිවදනයා භරිතම් ॥ 188 ॥

නවයාවකාභසිචයාන්විතයා
ගජයානයා දයාපරයා ।
ධෘතයාමිනීශකලයා
ධියා කයාපි ක්ෂතාමයා හි වයම් ॥ 189 ॥

අලමලමකුසුමබාණෛ-
-රබිංබශෝණෛරපුංඩ්රකෝදංඩෛඃ ।
අකුමුදබාංධවචූඩෛ-
-රන්යෛරිහ ජගති දෛවතං මන්යෛඃ ॥ 190 ॥

කුවලයසදෘක්ෂනයනෛඃ
කුලගිරිකූටස්ථබංධුකුචභාරෛඃ ।
කරුණාස්පංදිකටාක්ෂෛඃ
කවචිතචිත්තෝऽස්මි කතිපයෛඃ කුතුකෛඃ ॥ 191 ॥

නතජනසුලභාය නමෝ
නාලීකසනාභිලෝචනාය නමඃ ।
නංදිතගිරිශාය නමෝ
මහසේ නවනීපපාටලාය නමඃ ॥ 192 ॥

කාදංබකුසුමදාම්නේ
කායච්ඡායාකණායිතාර්යම්ණේ ।
සීම්නේ චිරංතනගිරාං
භූම්නේ කස්මෛචිදාදදේ ප්රණතිම් ॥ 193 ॥

කුටිලකබරීභරේභ්යඃ
කුංකුමසබ්රහ්මචාරිකිරණේභ්යඃ ।
කූලංකෂස්තනේභ්යඃ
කුර්මඃ ප්රණතිං කුලාද්රිකුතුකේභ්යඃ ॥ 194 ॥

කෝකනදශෝණචරණා-
-ත්කෝමලකුරලාලිවිජිතශෛවාලාත් ।
උත්පලසගංධිනයනා-
-දුරරීකුර්මෝ න දේවතමාන්යාම් ॥ 195 ॥

ආපාටලාධරාණා-
-මානීලස්නිග්ධබර්බරකචානාම් ।
ආම්නායජීවනානා-
-මාකූතානාං හරස්ය දාසෝऽහම් ॥ 196 ॥

පුංඛිතවිලාසහාස-
-ස්ඵුරිතාසු පුරාහිතාංකනිලයාසු ।
මග්නං මනෝ මදීයං
කාස්වපි කාමාරිජීවනාඩීෂු ॥ 197 ॥

ලලිතා පාතු ශිරෝ මේ
ලලාටමංබා ච මධුමතීරූපා ।
භ්රූයුග්මං ච භවානී
පුෂ්පශරා පාතු ලෝචනද්වංද්වම් ॥ 198 ॥

පායාන්නාසාං බාලා
සුභගා දංතාංශ්ච සුංදරී ජිහ්වාම් ।
අධරෝෂ්ඨමාදිශක්ති-
-ශ්චක්රේශී පාතු මේ චිරං චිබුකම් ॥ 199 ॥

කාමේශ්වරී ච කර්ණෞ
කාමාක්ෂී පාතු ගංඩයෝර්යුගලම් ।
ශෘංගාරනායිකාව්යා-
-ද්වදනං සිංහාසනේශ්වරී ච ගලම් ॥ 200 ॥

ස්කංදප්රසූශ්ච පාතු
ස්කංධෞ බාහූ ච පාටලාංගී මේ ।
පාණී ච පද්මනිලයා
පායාදනිශං නඛාවලීර්විජයා ॥ 201 ॥

කෝදංඩිනී ච වක්ෂඃ
කුක්ෂිං චාව්යාත් කුලාචලතනූජා ।
කල්යාණී ච වලග්නං
කටිං ච පායාත්කලාධරශිඛංඩා ॥ 202 ॥

ඌරුද්වයං ච පායා-
-දුමා මෘඩානී ච ජානුනී රක්ෂේත් ।
ජංඝේ ච ෂෝඩශී මේ
පායාත් පාදෞ ච පාශසෘණිහස්තා ॥ 203 ॥

ප්රාතඃ පාතු පරා මාං
මධ්යාහ්නේ පාතු මණිගෘහාධීශා ।
ශර්වාණ්යවතු ච සායං
පායාද්රාත්රෞ ච භෛරවී සාක්ෂාත් ॥ 204 ॥

භාර්යාං රක්ෂතු ගෞරීං
පායාත් පුත්රාංශ්ච බිංදුගෘහපීඨා ।
ශ්රීවිද්යා ච යශෝ මේ
ශීලං චාව්යාච්චිරං මහාරාජ්ඤී ॥ 205 ॥

පවනමයි පාවකමයි
ක්ෂෝණීමයි ගගනමයි කෘපීටමයි ।
රවිමයි ශශිමයි දිඞ්මයි
සමයමයි ප්රාණමයි ශිවේ පාහි ॥ 206 ॥

කාලි කපාලිනි ශූලිනි
භෛරවි මාතංගි පංචමි ත්රිපුරේ ।
වාග්දේවි විංධ්යවාසිනි
බාලේ භුවනේශි පාලය චිරං මාම් ॥ 207 ॥

අභිනවසිංදූරාභා-
-මංබ ත්වාං චිංතයංති යේ හෘදයේ ।
උපරි නිපතංති තේෂා-
-මුත්පලනයනාකටාක්ෂකල්ලෝලාඃ ॥ 208 ॥

වර්ගාෂ්ටකමිලිතාභි-
-ර්වශිනීමුඛ්යාභිරාවෘතාං භවතීම් ।
චිංතයතාං සිතවර්ණාං
වාචෝ නිර්යාංත්යයත්නතෝ වදනාත් ॥ 209 ॥

කනකශලාකාගෞරීං
කර්ණව්යාලෝලකුංඩලද්විතයාම් ।
ප්රහසිතමුඛීං ච භවතීං
ධ්යායංතෝ යේ ත ඒව භූධනදාඃ ॥ 210 ॥

ශීර්ෂාංභෝරුහමධ්යේ
ශීතලපීයූෂවර්ෂිණීං භවතීම් ।
අනුදිනමනුචිංතයතා-
-මායුෂ්යං භවති පුෂ්කලමවන්යාම් ॥ 211 ॥

මධුරස්මිතාං මදාරුණනයනාං
මාතංගකුංභවක්ෂෝජාම් ।
චංද්රවතංසිනීං ත්වාං
සවිධේ පශ්යංති සුකෘතිනඃ කේචිත් ॥ 212 ॥

ලලිතායාඃ ස්තවරත්නං
ලලිතපදාභිඃ ප්රණීතමාර්යාභිඃ ।
ප්රතිදිනමවනෞ පඨතාං
ඵලානි වක්තුං ප්රගල්භතේ සෛව ॥ 213 ॥

සදසදනුග්රහනිග්රහ-
-ගෘහීතමුනිවිග්රහෝ භගවාන් ।
සර්වාසාමුපනිෂදාං
දුර්වාසා ජයති දේශිකඃ ප්රථමඃ ॥ 214 ॥

ඉති මහර්ෂිදුර්වාසඃ විරචිතං ශ්රීලලිතාස්තවරත්නම් ।

sri lalitha stavaratnam arya dwishati in sinhala