અષ્ટાવક્ર ગીતા એકાદશોઽધ્યાયઃ

ashtavakra gita chapter 11 in gujarati

અષ્ટાવક્ર ઉવાચ ॥

ભાવાભાવવિકારશ્ચ સ્વભાવાદિતિ નિશ્ચયી ।
નિર્વિકારો ગતક્લેશઃ સુખેનૈવોપશામ્યતિ ॥ 11-1॥

ઈશ્વરઃ સર્વનિર્માતા નેહાન્ય ઇતિ નિશ્ચયી ।
અંતર્ગલિતસર્વાશઃ શાંતઃ ક્વાપિ ન સજ્જતે ॥ 11-2॥

આપદઃ સંપદઃ કાલે દૈવાદેવેતિ નિશ્ચયી ।
તૃપ્તઃ સ્વસ્થેંદ્રિયો નિત્યં ન વાંછતિ ન શોચતિ ॥ 11-3॥

સુખદુઃખે જન્મમૃત્યૂ દૈવાદેવેતિ નિશ્ચયી ।
સાધ્યાદર્શી નિરાયાસઃ કુર્વન્નપિ ન લિપ્યતે ॥ 11-4॥

ચિંતયા જાયતે દુઃખં નાન્યથેહેતિ નિશ્ચયી ।
તયા હીનઃ સુખી શાંતઃ સર્વત્ર ગલિતસ્પૃહઃ ॥ 11-5॥

નાહં દેહો ન મે દેહો બોધોઽહમિતિ નિશ્ચયી ।
કૈવલ્યમિવ સંપ્રાપ્તો ન સ્મરત્યકૃતં કૃતમ્ ॥ 11-6॥

આબ્રહ્મસ્તંબપર્યંતમહમેવેતિ નિશ્ચયી ।
નિર્વિકલ્પઃ શુચિઃ શાંતઃ પ્રાપ્તાપ્રાપ્તવિનિર્વૃતઃ ॥ 11-7॥

નાનાશ્ચર્યમિદં વિશ્વં ન કિંચિદિતિ નિશ્ચયી ।
નિર્વાસનઃ સ્ફૂર્તિમાત્રો ન કિંચિદિવ શામ્યતિ ॥ 11-8॥

ashtavakra gita chapter 11 in gujarati