অষ্টাবক্র গীতা একাদশোঽধ্যাযঃ

ashtavakra gita chapter 11 in assamese

অষ্টাবক্র উবাচ ॥

ভাবাভাববিকারশ্চ স্বভাবাদিতি নিশ্চযী ।
নির্বিকারো গতক্লেশঃ সুখেনৈবোপশাম্যতি ॥ 11-1॥

ঈশ্বরঃ সর্বনির্মাতা নেহান্য ইতি নিশ্চযী ।
অংতর্গলিতসর্বাশঃ শাংতঃ ক্বাপি ন সজ্জতে ॥ 11-2॥

আপদঃ সংপদঃ কালে দৈবাদেবেতি নিশ্চযী ।
তৃপ্তঃ স্বস্থেংদ্রিযো নিত্যং ন বাংছতি ন শোচতি ॥ 11-3॥

সুখদুঃখে জন্মমৃত্যূ দৈবাদেবেতি নিশ্চযী ।
সাধ্যাদর্শী নিরাযাসঃ কুর্বন্নপি ন লিপ্যতে ॥ 11-4॥

চিংতযা জাযতে দুঃখং নান্যথেহেতি নিশ্চযী ।
তযা হীনঃ সুখী শাংতঃ সর্বত্র গলিতস্পৃহঃ ॥ 11-5॥

নাহং দেহো ন মে দেহো বোধোঽহমিতি নিশ্চযী ।
কৈবল্যমিব সংপ্রাপ্তো ন স্মরত্যকৃতং কৃতম্ ॥ 11-6॥

আব্রহ্মস্তংবপর্যংতমহমেবেতি নিশ্চযী ।
নির্বিকল্পঃ শুচিঃ শাংতঃ প্রাপ্তাপ্রাপ্তবিনির্বৃতঃ ॥ 11-7॥

নানাশ্চর্যমিদং বিশ্বং ন কিংচিদিতি নিশ্চযী ।
নির্বাসনঃ স্ফূর্তিমাত্রো ন কিংচিদিব শাম্যতি ॥ 11-8॥

ashtavakra gita chapter 11 in assamese