শ্রী বেংকটেশ্বর মংগলাষ্টকম্

sri venkateswara mangalashtakam in assamese

শ্রীক্ষোণ্যৌ রমণীযুগং সুরমণীপুত্রোঽপি বাণীপতিঃ
পৌত্রশ্চংদ্রশিরোমণিঃ ফণিপতিঃ শয্যা সুরাঃ সেবকাঃ ।
তার্ক্ষ্যো যস্য রথো মহশ্চ ভবনং ব্রহ্মাংডমাদ্যঃ পুমান্
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 1 ॥

যত্তেজো রবিকোটিকোটিকিরণান্ ধিক্কৃত্য জেজীযতে
যস্য শ্রীবদনাংবুজস্য সুষমা রাকেংদুকোটীরপি ।
সৌংদর্যং চ মনোভবানপি বহূন্ কাংতিশ্চ কাদংবিনীং
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 2 ॥

নানারত্ন কিরীটকুংডলমুখৈর্ভূষাগণৈর্ভূষিতঃ
শ্রীমত্কৌস্তুভরত্ন ভব্যহৃদযঃ শ্রীবত্সসল্লাংছনঃ ।
বিদ্যুদ্বর্ণসুবর্ণবস্ত্ররুচিরো যঃ শংখচক্রাদিভিঃ
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 3 ॥

যত্ফালে মৃগনাভিচারুতিলকো নেত্রেঽব্জপত্রাযতে
কস্তূরীঘনসারকেসরমিলচ্ছ্রীগংধসারো দ্রবৈঃ ।
গংধৈর্লিপ্ততনুঃ সুগংধসুমনোমালাধরো যঃ প্রভুঃ
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 4 ॥

এতদ্দিব্যপদং মমাস্তি ভুবি তত্সংপশ্যতেত্যাদরা-
-দ্ভক্তেভ্যঃ স্বকরেণ দর্শযতি যদ্দৃষ্ট্যাঽতিসৌখ্যং গতঃ ।
এতদ্ভক্তিমতো মহানপি ভবাংভোধির্নদীতি স্পৃশন্
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 5 ॥

যঃ স্বামী সরসস্তটে বিহরতো শ্রীস্বামিনাম্নঃ সদা
সৌবর্ণালযমংদিরো বিধিমুখৈর্বর্হির্মুখৈঃ সেবিতঃ ।
যঃ শত্রূন্ হনযন্ নিজানবতি চ শ্রীভূবরাহাত্মকঃ
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 6 ॥

যো ব্রহ্মাদিসুরান্ মুনীংশ্চ মনুজান্ ব্রহ্মোত্সবাযাগতান্
দৃষ্ট্বা হৃষ্টমনা বভূব বহুশস্তৈরর্চিতঃ সংস্তুতঃ ।
তেভ্যো যঃ প্রদদাদ্বরান্ বহুবিধান্ লক্ষ্মীনিবাসো বিভুঃ
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 7 ॥

যো দেবো ভুবি বর্ততে কলিযুগে বৈকুংঠলোকস্থিতো
ভক্তানাং পরিপালনায সততং কারুণ্যবারাং নিধিঃ ।
শ্রীশেষাখ্যমহীংধ্রমস্তকমণির্ভক্তৈকচিংতামণিঃ
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 8 ॥

শেষাদ্রিপ্রভুমংগলাষ্টকমিদং তুষ্টেন যস্যেশিতুঃ
প্রীত্যর্থং রচিতং রমেশচরণদ্বংদ্বৈকনিষ্ঠাবতা ।
বৈবাহ্যাদিশুভক্রিযাসু পঠিতং যৈঃ সাধু তেষামপি
শ্রীমদ্বেংকটভূধরেংদ্ররমণঃ কুর্যাদ্ধরির্মংগলম্ ॥ 9 ॥

ইতি শ্রী বেংকটেশ মংগলাষ্টকম্ ।

sri venkateswara mangalashtakam in assamese