వందే భారతమాతరం వద, భారత

vande bharata mataram vada bharata in telugu

వందే భారతమాతరం వద, భారత ! వందే మాతరం
వందే మాతరం, వందే మాతరం, వందే మాతరమ్ ॥

జన్మభూరియం వీరవరాణాం త్యాగధనానాం ధీరాణాం
మాతృభూమయే లోకహితాయ చ నిత్యసమర్పితచిత్తానామ్ ।
జితకోపానాం కృతకృత్యానాం విత్తం తృణవద్ దృష్టవతాం
మాతృసేవనాదాత్మజీవనే సార్థకతామానీతవతామ్ ॥ 1 ॥

గ్రామే గ్రామే కర్మదేశికాస్తత్త్వవేదినో ధర్మరతాః ।
అర్థసంచయస్త్యాగహేతుకో ధర్మసమ్మతః కామ ఇహ ।
నశ్వరబుద్ధిః క్షణపరివర్తిని కాయే, ఆత్మన్యాదరధీః
జాతో యత్ర హి స్వస్య జన్మనా ధన్యం మన్యత ఆత్మానమ్ ॥ 2 ॥

మాతస్త్వత్తో విత్తం చిత్తం స్వత్వం ప్రతిభా దేహబలం
నాహం కర్తా, కారయసి త్వం, నిఃస్పృహతా మమ కర్మఫలే ।
అర్పితమేతజ్జీవనపుష్పం మాతస్తవ శుభపాదపలే
నాన్యో మంత్రో నాన్యచింతనం నాన్యద్దేశహితాద్ధి ౠతే ॥ 3 ॥

రచన: శ్రీ జనార్దన హేగ్డే

vande bharata mataram vada bharata in telugu