ವಂದೇ ಭಾರತಮಾತರಂ ವದ, ಭಾರತ

vande bharata mataram vada bharata in kannada

ವಂದೇ ಭಾರತಮಾತರಂ ವದ, ಭಾರತ ! ವಂದೇ ಮಾತರಂ
ವಂದೇ ಮಾತರಂ, ವಂದೇ ಮಾತರಂ, ವಂದೇ ಮಾತರಮ್ ॥

ಜನ್ಮಭೂರಿಯಂ ವೀರವರಾಣಾಂ ತ್ಯಾಗಧನಾನಾಂ ಧೀರಾಣಾಂ
ಮಾತೃಭೂಮಯೇ ಲೋಕಹಿತಾಯ ಚ ನಿತ್ಯಸಮರ್ಪಿತಚಿತ್ತಾನಾಮ್ ।
ಜಿತಕೋಪಾನಾಂ ಕೃತಕೃತ್ಯಾನಾಂ ವಿತ್ತಂ ತೃಣವದ್ ದೃಷ್ಟವತಾಂ
ಮಾತೃಸೇವನಾದಾತ್ಮಜೀವನೇ ಸಾರ್ಥಕತಾಮಾನೀತವತಾಮ್ ॥ 1 ॥

ಗ್ರಾಮೇ ಗ್ರಾಮೇ ಕರ್ಮದೇಶಿಕಾಸ್ತತ್ತ್ವವೇದಿನೋ ಧರ್ಮರತಾಃ ।
ಅರ್ಥಸಂಚಯಸ್ತ್ಯಾಗಹೇತುಕೋ ಧರ್ಮಸಮ್ಮತಃ ಕಾಮ ಇಹ ।
ನಶ್ವರಬುದ್ಧಿಃ ಕ್ಷಣಪರಿವರ್ತಿನಿ ಕಾಯೇ, ಆತ್ಮನ್ಯಾದರಧೀಃ
ಜಾತೋ ಯತ್ರ ಹಿ ಸ್ವಸ್ಯ ಜನ್ಮನಾ ಧನ್ಯಂ ಮನ್ಯತ ಆತ್ಮಾನಮ್ ॥ 2 ॥

ಮಾತಸ್ತ್ವತ್ತೋ ವಿತ್ತಂ ಚಿತ್ತಂ ಸ್ವತ್ವಂ ಪ್ರತಿಭಾ ದೇಹಬಲಂ
ನಾಹಂ ಕರ್ತಾ, ಕಾರಯಸಿ ತ್ವಂ, ನಿಃಸ್ಪೃಹತಾ ಮಮ ಕರ್ಮಫಲೇ ।
ಅರ್ಪಿತಮೇತಜ್ಜೀವನಪುಷ್ಪಂ ಮಾತಸ್ತವ ಶುಭಪಾದಪಲೇ
ನಾನ್ಯೋ ಮಂತ್ರೋ ನಾನ್ಯಚಿಂತನಂ ನಾನ್ಯದ್ದೇಶಹಿತಾದ್ಧಿ ೠತೇ ॥ 3 ॥

ರಚನ: ಶ್ರೀ ಜನಾರ್ದನ ಹೇಗ್ಡೇ

vande bharata mataram vada bharata in kannada