વંદે ભારતમાતરં વદ, ભારત

vande bharata mataram vada bharata in gujarati

વંદે ભારતમાતરં વદ, ભારત ! વંદે માતરં
વંદે માતરં, વંદે માતરં, વંદે માતરમ્ ॥

જન્મભૂરિયં વીરવરાણાં ત્યાગધનાનાં ધીરાણાં
માતૃભૂમયે લોકહિતાય ચ નિત્યસમર્પિતચિત્તાનામ્ ।
જિતકોપાનાં કૃતકૃત્યાનાં વિત્તં તૃણવદ્ દૃષ્ટવતાં
માતૃસેવનાદાત્મજીવને સાર્થકતામાનીતવતામ્ ॥ 1 ॥

ગ્રામે ગ્રામે કર્મદેશિકાસ્તત્ત્વવેદિનો ધર્મરતાઃ ।
અર્થસંચયસ્ત્યાગહેતુકો ધર્મસમ્મતઃ કામ ઇહ ।
નશ્વરબુદ્ધિઃ ક્ષણપરિવર્તિનિ કાયે, આત્મન્યાદરધીઃ
જાતો યત્ર હિ સ્વસ્ય જન્મના ધન્યં મન્યત આત્માનમ્ ॥ 2 ॥

માતસ્ત્વત્તો વિત્તં ચિત્તં સ્વત્વં પ્રતિભા દેહબલં
નાહં કર્તા, કારયસિ ત્વં, નિઃસ્પૃહતા મમ કર્મફલે ।
અર્પિતમેતજ્જીવનપુષ્પં માતસ્તવ શુભપાદપલે
નાન્યો મંત્રો નાન્યચિંતનં નાન્યદ્દેશહિતાદ્ધિ ૠતે ॥ 3 ॥

રચન: શ્રી જનાર્દન હેગ્ડે

vande bharata mataram vada bharata in gujarati