శ్రీ ఆద్య కాళీ స్తోత్రం

sri aadya kali stotram in telugu

బ్రహ్మోవాచ
శృణు వత్స ప్రవక్ష్యామి ఆద్యాస్తోత్రం మహాఫలమ్ ।
యః పఠేత్ సతతం భక్త్యా స ఏవ విష్ణువల్లభః ॥ 1 ॥

మృత్యుర్వ్యాధిభయం తస్య నాస్తి కించిత్ కలౌ యుగే ।
అపుత్రా లభతే పుత్రం త్రిపక్షం శ్రవణం యది ॥ 2 ॥

ద్వౌ మాసౌ బంధనాన్ముక్తి విప్రవక్త్రాత్ శ్రుతం యది ।
మృతవత్సా జీవవత్సా షణ్మాసం శ్రవణం యది ॥ 3 ॥

నౌకాయాం సంకటే యుద్ధే పఠనాజ్జయమాప్నుయాత్ ।
లిఖిత్వా స్థాపయేద్గేహే నాగ్నిచౌరభయం క్వచిత్ ॥ 4 ॥

రాజస్థానే జయీ నిత్యం ప్రసన్నాః సర్వదేవతా ।
ఓం హ్రీమ్ ।
బ్రహ్మాణీ బ్రహ్మలోకే చ వైకుంఠే సర్వమంగళా ॥ 5 ॥

ఇంద్రాణీ అమరావత్యామంబికా వరుణాలయే ।
యమాలయే కాలరూపా కుబేరభవనే శుభా ॥ 6 ॥

మహానందాగ్నికోణే చ వాయవ్యాం మృగవాహినీ ।
నైరృత్యాం రక్తదంతా చ ఐశాన్యాం శూలధారిణీ ॥ 7 ॥

పాతాళే వైష్ణవీరూపా సింహలే దేవమోహినీ ।
సురసా చ మణిద్విపే లంకాయాం భద్రకాళికా ॥ 8 ॥

రామేశ్వరీ సేతుబంధే విమలా పురుషోత్తమే ।
విరజా ఔడ్రదేశే చ కామాక్ష్యా నీలపర్వతే ॥ 9 ॥

కాళికా వంగదేశే చ అయోధ్యాయాం మహేశ్వరీ ।
వారాణస్యామన్నపూర్ణా గయాక్షేత్రే గయేశ్వరీ ॥ 10 ॥

కురుక్షేత్రే భద్రకాళీ వ్రజే కాత్యాయనీ పరా ।
ద్వారకాయాం మహామాయా మథురాయాం మహేశ్వరీ ॥ 11 ॥

క్షుధా త్వం సర్వభూతానాం వేలా త్వం సాగరస్య చ ।
నవమీ శుక్లపక్షస్య కృష్ణస్యైకాదశీ పరా ॥ 12 ॥

దక్షసా దుహితా దేవీ దక్షయజ్ఞవినాశినీ ।
రామస్య జానకీ త్వం హి రావణధ్వంసకారిణీ ॥ 13 ॥

చండముండవధే దేవీ రక్తబీజవినాశినీ ।
నిశుంభశుంభమథినీ మధుకైటభఘాతినీ ॥ 14 ॥

విష్ణుభక్తిప్రదా దుర్గా సుఖదా మోక్షదా సదా ।
ఆద్యాస్తవమిమం పుణ్యం యః పఠేత్ సతతం నరః ॥ 15 ॥

సర్వజ్వరభయం న స్యాత్ సర్వవ్యాధివినాశనమ్ ।
కోటితీర్థఫలం తస్య లభతే నాత్ర సంశయః ॥ 16 ॥

జయా మే చాగ్రతః పాతు విజయా పాతు పృష్ఠతః ।
నారాయణీ శీర్షదేశే సర్వాంగే సింహవాహినీ ॥ 17 ॥

శివదూతీ ఉగ్రచండా ప్రత్యంగే పరమేశ్వరీ ।
విశాలాక్షీ మహామాయా కౌమారీ శంఖినీ శివా ॥ 18 ॥

చక్రిణీ జయదాత్రీ చ రణమత్తా రణప్రియా ।
దుర్గా జయంతీ కాళీ చ భద్రకాళీ మహోదరీ ॥ 19 ॥

నారసింహీ చ వారాహీ సిద్ధిదాత్రీ సుఖప్రదా ।
భయంకరీ మహారౌద్రీ మహాభయవినాశినీ ॥ 20 ॥

ఇతి శ్రీబ్రహ్మయామలే బ్రహ్మనారదసంవాదే శ్రీ ఆద్యా స్తోత్రమ్ ॥

sri aadya kali stotram in telugu