শ্রী আদ্য কালী স্তোত্রং

sri aadya kali stotram in assamese

ব্রহ্মোবাচ
শৃণু বত্স প্রবক্ষ্যামি আদ্যাস্তোত্রং মহাফলম্ ।
যঃ পঠেত্ সততং ভক্ত্যা স এব বিষ্ণুবল্লভঃ ॥ 1 ॥

মৃত্যুর্ব্যাধিভযং তস্য নাস্তি কিংচিত্ কলৌ যুগে ।
অপুত্রা লভতে পুত্রং ত্রিপক্ষং শ্রবণং যদি ॥ 2 ॥

দ্বৌ মাসৌ বংধনান্মুক্তি বিপ্রবক্ত্রাত্ শ্রুতং যদি ।
মৃতবত্সা জীববত্সা ষণ্মাসং শ্রবণং যদি ॥ 3 ॥

নৌকাযাং সংকটে যুদ্ধে পঠনাজ্জযমাপ্নুযাত্ ।
লিখিত্বা স্থাপযেদ্গেহে নাগ্নিচৌরভযং ক্বচিত্ ॥ 4 ॥

রাজস্থানে জযী নিত্যং প্রসন্নাঃ সর্বদেবতা ।
ওং হ্রীম্ ।
ব্রহ্মাণী ব্রহ্মলোকে চ বৈকুংঠে সর্বমংগলা ॥ 5 ॥

ইংদ্রাণী অমরাবত্যামংবিকা বরুণালযে ।
যমালযে কালরূপা কুবেরভবনে শুভা ॥ 6 ॥

মহানংদাগ্নিকোণে চ বাযব্যাং মৃগবাহিনী ।
নৈরৃত্যাং রক্তদংতা চ ঐশান্যাং শূলধারিণী ॥ 7 ॥

পাতালে বৈষ্ণবীরূপা সিংহলে দেবমোহিনী ।
সুরসা চ মণিদ্বিপে লংকাযাং ভদ্রকালিকা ॥ 8 ॥

রামেশ্বরী সেতুবংধে বিমলা পুরুষোত্তমে ।
বিরজা ঔড্রদেশে চ কামাক্ষ্যা নীলপর্বতে ॥ 9 ॥

কালিকা বংগদেশে চ অযোধ্যাযাং মহেশ্বরী ।
বারাণস্যামন্নপূর্ণা গযাক্ষেত্রে গযেশ্বরী ॥ 10 ॥

কুরুক্ষেত্রে ভদ্রকালী ব্রজে কাত্যাযনী পরা ।
দ্বারকাযাং মহামাযা মথুরাযাং মহেশ্বরী ॥ 11 ॥

ক্ষুধা ত্বং সর্বভূতানাং বেলা ত্বং সাগরস্য চ ।
নবমী শুক্লপক্ষস্য কৃষ্ণস্যৈকাদশী পরা ॥ 12 ॥

দক্ষসা দুহিতা দেবী দক্ষযজ্ঞবিনাশিনী ।
রামস্য জানকী ত্বং হি রাবণধ্বংসকারিণী ॥ 13 ॥

চংডমুংডবধে দেবী রক্তবীজবিনাশিনী ।
নিশুংভশুংভমথিনী মধুকৈটভঘাতিনী ॥ 14 ॥

বিষ্ণুভক্তিপ্রদা দুর্গা সুখদা মোক্ষদা সদা ।
আদ্যাস্তবমিমং পুণ্যং যঃ পঠেত্ সততং নরঃ ॥ 15 ॥

সর্বজ্বরভযং ন স্যাত্ সর্বব্যাধিবিনাশনম্ ।
কোটিতীর্থফলং তস্য লভতে নাত্র সংশযঃ ॥ 16 ॥

জযা মে চাগ্রতঃ পাতু বিজযা পাতু পৃষ্ঠতঃ ।
নারাযণী শীর্ষদেশে সর্বাংগে সিংহবাহিনী ॥ 17 ॥

শিবদূতী উগ্রচংডা প্রত্যংগে পরমেশ্বরী ।
বিশালাক্ষী মহামাযা কৌমারী শংখিনী শিবা ॥ 18 ॥

চক্রিণী জযদাত্রী চ রণমত্তা রণপ্রিযা ।
দুর্গা জযংতী কালী চ ভদ্রকালী মহোদরী ॥ 19 ॥

নারসিংহী চ বারাহী সিদ্ধিদাত্রী সুখপ্রদা ।
ভযংকরী মহারৌদ্রী মহাভযবিনাশিনী ॥ 20 ॥

ইতি শ্রীব্রহ্মযামলে ব্রহ্মনারদসংবাদে শ্রী আদ্যা স্তোত্রম্ ॥

sri aadya kali stotram in assamese