ଶ୍ରୀ ଆଦ୍ୟ କାଳୀ ସ୍ତୋତ୍ରଂ

sri aadya kali stotram in odia

ବ୍ରହ୍ମୋଵାଚ
ଶୃଣୁ ଵତ୍ସ ପ୍ରଵକ୍ଷ୍ୟାମି ଆଦ୍ୟାସ୍ତୋତ୍ରଂ ମହାଫଲମ୍ ।
ୟଃ ପଠେତ୍ ସତତଂ ଭକ୍ତ୍ୟା ସ ଏଵ ଵିଷ୍ଣୁଵଲ୍ଲଭଃ ॥ 1 ॥

ମୃତ୍ୟୁର୍ଵ୍ୟାଧିଭୟଂ ତସ୍ୟ ନାସ୍ତି କିଂଚିତ୍ କଲୌ ୟୁଗେ ।
ଅପୁତ୍ରା ଲଭତେ ପୁତ୍ରଂ ତ୍ରିପକ୍ଷଂ ଶ୍ରଵଣଂ ୟଦି ॥ 2 ॥

ଦ୍ଵୌ ମାସୌ ବଂଧନାନ୍ମୁକ୍ତି ଵିପ୍ରଵକ୍ତ୍ରାତ୍ ଶ୍ରୁତଂ ୟଦି ।
ମୃତଵତ୍ସା ଜୀଵଵତ୍ସା ଷଣ୍ମାସଂ ଶ୍ରଵଣଂ ୟଦି ॥ 3 ॥

ନୌକାୟାଂ ସଂକଟେ ୟୁଦ୍ଧେ ପଠନାଜ୍ଜୟମାପ୍ନୁୟାତ୍ ।
ଲିଖିତ୍ଵା ସ୍ଥାପୟେଦ୍ଗେହେ ନାଗ୍ନିଚୌରଭୟଂ କ୍ଵଚିତ୍ ॥ 4 ॥

ରାଜସ୍ଥାନେ ଜୟୀ ନିତ୍ୟଂ ପ୍ରସନ୍ନାଃ ସର୍ଵଦେଵତା ।
ଓଂ ହ୍ରୀମ୍ ।
ବ୍ରହ୍ମାଣୀ ବ୍ରହ୍ମଲୋକେ ଚ ଵୈକୁଂଠେ ସର୍ଵମଂଗଳା ॥ 5 ॥

ଇଂଦ୍ରାଣୀ ଅମରାଵତ୍ୟାମଂବିକା ଵରୁଣାଲୟେ ।
ୟମାଲୟେ କାଲରୂପା କୁବେରଭଵନେ ଶୁଭା ॥ 6 ॥

ମହାନଂଦାଗ୍ନିକୋଣେ ଚ ଵାୟଵ୍ୟାଂ ମୃଗଵାହିନୀ ।
ନୈରୃତ୍ୟାଂ ରକ୍ତଦଂତା ଚ ଐଶାନ୍ୟାଂ ଶୂଲଧାରିଣୀ ॥ 7 ॥

ପାତାଳେ ଵୈଷ୍ଣଵୀରୂପା ସିଂହଲେ ଦେଵମୋହିନୀ ।
ସୁରସା ଚ ମଣିଦ୍ଵିପେ ଲଂକାୟାଂ ଭଦ୍ରକାଳିକା ॥ 8 ॥

ରାମେଶ୍ଵରୀ ସେତୁବଂଧେ ଵିମଲା ପୁରୁଷୋତ୍ତମେ ।
ଵିରଜା ଔଡ୍ରଦେଶେ ଚ କାମାକ୍ଷ୍ୟା ନୀଲପର୍ଵତେ ॥ 9 ॥

କାଳିକା ଵଂଗଦେଶେ ଚ ଅୟୋଧ୍ୟାୟାଂ ମହେଶ୍ଵରୀ ।
ଵାରାଣସ୍ୟାମନ୍ନପୂର୍ଣା ଗୟାକ୍ଷେତ୍ରେ ଗୟେଶ୍ଵରୀ ॥ 10 ॥

କୁରୁକ୍ଷେତ୍ରେ ଭଦ୍ରକାଳୀ ଵ୍ରଜେ କାତ୍ୟାୟନୀ ପରା ।
ଦ୍ଵାରକାୟାଂ ମହାମାୟା ମଥୁରାୟାଂ ମହେଶ୍ଵରୀ ॥ 11 ॥

କ୍ଷୁଧା ତ୍ଵଂ ସର୍ଵଭୂତାନାଂ ଵେଲା ତ୍ଵଂ ସାଗରସ୍ୟ ଚ ।
ନଵମୀ ଶୁକ୍ଲପକ୍ଷସ୍ୟ କୃଷ୍ଣସ୍ୟୈକାଦଶୀ ପରା ॥ 12 ॥

ଦକ୍ଷସା ଦୁହିତା ଦେଵୀ ଦକ୍ଷୟଜ୍ଞଵିନାଶିନୀ ।
ରାମସ୍ୟ ଜାନକୀ ତ୍ଵଂ ହି ରାଵଣଧ୍ଵଂସକାରିଣୀ ॥ 13 ॥

ଚଂଡମୁଂଡଵଧେ ଦେଵୀ ରକ୍ତବୀଜଵିନାଶିନୀ ।
ନିଶୁଂଭଶୁଂଭମଥିନୀ ମଧୁକୈଟଭଘାତିନୀ ॥ 14 ॥

ଵିଷ୍ଣୁଭକ୍ତିପ୍ରଦା ଦୁର୍ଗା ସୁଖଦା ମୋକ୍ଷଦା ସଦା ।
ଆଦ୍ୟାସ୍ତଵମିମଂ ପୁଣ୍ୟଂ ୟଃ ପଠେତ୍ ସତତଂ ନରଃ ॥ 15 ॥

ସର୍ଵଜ୍ଵରଭୟଂ ନ ସ୍ୟାତ୍ ସର୍ଵଵ୍ୟାଧିଵିନାଶନମ୍ ।
କୋଟିତୀର୍ଥଫଲଂ ତସ୍ୟ ଲଭତେ ନାତ୍ର ସଂଶୟଃ ॥ 16 ॥

ଜୟା ମେ ଚାଗ୍ରତଃ ପାତୁ ଵିଜୟା ପାତୁ ପୃଷ୍ଠତଃ ।
ନାରାୟଣୀ ଶୀର୍ଷଦେଶେ ସର୍ଵାଂଗେ ସିଂହଵାହିନୀ ॥ 17 ॥

ଶିଵଦୂତୀ ଉଗ୍ରଚଂଡା ପ୍ରତ୍ୟଂଗେ ପରମେଶ୍ଵରୀ ।
ଵିଶାଲାକ୍ଷୀ ମହାମାୟା କୌମାରୀ ଶଂଖିନୀ ଶିଵା ॥ 18 ॥

ଚକ୍ରିଣୀ ଜୟଦାତ୍ରୀ ଚ ରଣମତ୍ତା ରଣପ୍ରିୟା ।
ଦୁର୍ଗା ଜୟଂତୀ କାଳୀ ଚ ଭଦ୍ରକାଳୀ ମହୋଦରୀ ॥ 19 ॥

ନାରସିଂହୀ ଚ ଵାରାହୀ ସିଦ୍ଧିଦାତ୍ରୀ ସୁଖପ୍ରଦା ।
ଭୟଂକରୀ ମହାରୌଦ୍ରୀ ମହାଭୟଵିନାଶିନୀ ॥ 20 ॥

ଇତି ଶ୍ରୀବ୍ରହ୍ମୟାମଲେ ବ୍ରହ୍ମନାରଦସଂଵାଦେ ଶ୍ରୀ ଆଦ୍ୟା ସ୍ତୋତ୍ରମ୍ ॥

sri aadya kali stotram in odia