శ్రీ పురుషోత్తమ సహస్ర నామ స్తోత్రం

sree purushottama sahasra nama stotram in telugu

వినియోగః
పురాణపురుషో విష్ణుః పురుషోత్తమ ఉచ్యతే ।
నామ్నాం సహస్రం వక్ష్యామి తస్య భాగవతోద్ధృతమ్ ॥ 1॥

యస్య ప్రసాదాద్వాగీశాః ప్రజేశా విభవోన్నతాః ।
క్షుద్రా అపి భవంత్యాశు శ్రీకృష్ణం తం నతోఽస్మ్యహమ్ ॥ 2॥

అనంతా ఏవ కృష్ణస్య లీలా నామప్రవర్తికాః ।
ఉక్తా భాగవతే గూహాః ప్రకటా అపి కుత్రచిత్ ॥ 3॥

అతస్తాని ప్రవక్ష్యామి నామాని మురవైరిణః ।
సహస్రం యైస్తు పఠితైః పఠితం స్యాచ్ఛుకామృతమ్ ॥ 4॥

కృష్ణనామసహస్రస్య ఋషిరగ్నిర్నిరూపితః ।
గాయత్రీ చ తథా ఛందో దేవతా పురుషోత్తమః ॥ 5॥

వినియోగః సమస్తేషు పురుషార్థేషు వై మతః ।
బీజం భక్తప్రియః శక్తిః సత్యవాగుచ్యతే హరిః ॥ 6॥

భక్తోద్ధరణయత్నస్తు మంత్రోఽత్ర పరమో మతః ।
అవతారితభక్తాంశః కీలకం పరికీర్తితమ్ ॥ 7॥

అస్త్రం సర్వసమర్థశ్చ గోవిందః కవచం మతమ్ ।
పురుషో ధ్యానమత్రోక్తః సిద్ధిః శరణసంస్మృతిః ॥ 8॥

అధికారలీలా
శ్రీకృష్ణః సచ్చిదానందో నిత్యలీలావినోదకృత్ ।
సర్వాగమవినోదీ చ లక్ష్మీశః పురుషోత్తమః ॥ 9॥

ఆదికాలః సర్వకాలః కాలాత్మా మాయయావృతః ।
భక్తోద్ధారప్రయత్నాత్మా జగత్కర్తా జగన్మయః ॥ 10॥

నామలీలాపరో విష్ణుర్వ్యాసాత్మా శుకమోక్షదః ।
వ్యాపివైకుంఠదాతా చ శ్రీమద్భాగవతాగమః ॥ 11॥

శుకవాగమృతాబ్ధీందుః శౌనకాద్యఖిలేష్టదః ।
భక్తిప్రవర్తకస్త్రాతా వ్యాసచింతావినాశకః ॥ 12॥

సర్వసిద్ధాంతవాగాత్మా నారదాద్యఖిలేష్టదః ।
అంతరాత్మా ధ్యానగమ్యో భక్తిరత్నప్రదాయకః ॥ 13॥

ముక్తోపసృప్యః పూర్ణాత్మా ముక్తానాం రతివర్ధనః ।
భక్తకార్యైకనిరతో ద్రౌణ్యస్త్రవినివారకః ॥ 14॥

భక్తస్మయప్రణేతా చ భక్తవాక్పరిపాలకః ।
బ్రహ్మణ్యదేవో ధర్మాత్మా భక్తానాం చ పరీక్షకః ॥ 15॥

ఆసన్నహితకర్తా చ మాయాహితకరః ప్రభుః ।
ఉత్తరాప్రాణదాతా చ బ్రహ్మాస్త్రవినివారకః ॥ 16॥

సర్వతః పాణవపతిః పరీక్షిచ్ఛుద్ధికారణమ్ ।
గూహాత్మా సర్వవేదేషు భక్తైకహృదయంగమః ॥ 17॥

కుంతీస్తుత్యః ప్రసన్నాత్మా పరమాద్భుతకార్యకృత్ ।
భీష్మముక్తిప్రదః స్వామీ భక్తమోహనివారకః ॥ 18॥

సర్వావస్థాసు సంసేవ్యః సమః సుఖహితప్రదః ।
కృతకృత్యః సర్వసాక్షీ భక్తస్త్రీరతివర్ధనః ॥ 19॥

సర్వసౌభాగ్యనిలయః పరమాశ్చర్యరూపధృక్ ।
అనన్యపురుషస్వామీ ద్వారకాభాగ్యభాజనమ్ ॥ 20॥

బీజసంస్కారకర్తా చ పరీక్షిజ్జానపోషకః ।
సర్వత్రపూర్ణగుణకః సర్వభూషణభూషితః ॥ 21॥

సర్వలక్షణదాతా చ ధృతరాష్ట్రవిముక్తిదః ।
సన్మార్గరక్షకో నిత్యం విదురప్రీతిపూరకః ॥ 22॥

లీలావ్యామోహకర్తా చ కాలధర్మప్రవర్తకః ।
పాణవానాం మోక్షదాతా పరీక్షిద్భాగ్యవర్ధనః ॥ 23॥

కలినిగ్రహకర్తా చ ధర్మాదీనాం చ పోషకః ।
సత్సంగజానహేతుశ్చ శ్రీభాగవతకారణమ్ ॥ 24॥

ప్రాకృతాదృష్టమార్గశ్చ॥॥॥॥॥॥ చోంతినుఏద్

జ్ఞాన-సాధన-లీలా
॥॥॥॥॥॥॥॥॥॥॥॥ శ్రోతవ్యః సకలాగమైః ।
కీర్తితవ్యః శుద్ధభావైః స్మర్తవ్యశ్చాత్మవిత్తమైః ॥ 25॥

అనేకమార్గకర్తా చ నానావిధగతిప్రదః ।
పురుషః సకలాధారః సత్త్వైకనిలయాత్మభూః ॥ 26॥

సర్వధ్యేయో యోగగమ్యో భక్త్యా గ్రాహ్యః సురప్రియః ।
జన్మాదిసార్థకకృతిర్లీలాకర్తా పతిః సతామ్ ॥ 27॥

ఆదికర్తా తత్త్వకర్తా సర్వకర్తా విశారదః ।
నానావతారకర్తా చ బ్రహ్మావిర్భావకారణమ్ ॥ 28॥

దశలీలావినోదీ చ నానాసృష్టిప్రవర్తకః ।
అనేకకల్పకర్తా చ సర్వదోషవివర్జితః ॥ 29॥

సర్గలీలా
వైరాగ్యహేతుస్తీర్థాత్మా సర్వతీర్థఫలప్రదః ।
తీర్థశుద్ధైకనిలయః స్వమార్గపరిపోషకః ॥ 30॥

తీర్థకీర్తిర్భక్తగమ్యో భక్తానుశయకార్యకృత్ ।
భక్తతుల్యః సర్వతుల్యః స్వేచ్ఛాసర్వప్రవర్తకః ॥ 31॥

గుణాతీతోఽనవద్యాత్మా సర్గలీలాప్రవర్తకః ।
సాక్షాత్సర్వజగత్కర్తా మహదాదిప్రవర్తకః ॥ 32॥

మాయాప్రవర్తకః సాక్షీ మాయారతివివర్ధనః ।
ఆకాశాత్మా చతుర్మూర్తిశ్చతుర్ధా భూతభావనః ॥ 33॥

రజఃప్రవర్తకో బ్రహ్మా మరీచ్యాదిపితామహః ।
వేదకర్తా యజ్ఞకర్తా సర్వకర్తాఽమితాత్మకః ॥ 34॥

అనేకసృష్టికర్తా చ దశధాసృష్టికారకః ।
యజ్ఞాంగో యజ్ఞవారాహో భూధరో భూమిపాలకః ॥ 35॥

సేతుర్విధరణో జైత్రో హిరణ్యాక్షాంతకః సురః ।
దితికశ్యపకామైకహేతుసృష్టిప్రవర్తకః ॥ 36॥

దేవాభయప్రదాతా చ వైకుంఠాధిపతిర్మహాన్ ।
సర్వగర్వప్రహారీ చ సనకాద్యఖిలార్థదః ॥ 37॥

సర్వాశ్వాసనకర్తా చ భక్తతుల్యాహవప్రదః ।
కాలలక్షణహేతుశ్చ సర్వార్థజ్ఞాపకః పరః ॥ 38॥

భక్తోన్నతికరః సర్వప్రకారసుఖదాయకః ।
నానాయుద్ధప్రహరణో బ్రహ్మశాపవిమోచకః ॥ 39॥

పుష్టిసర్గప్రణేతా చ గుణసృష్టిప్రవర్తకః ।
కర్దమేష్టప్రదాతా చ దేవహూత్యఖిలార్థదః ॥ 40॥

శుక్లనారాయణః సత్యకాలధర్మప్రవర్తకః ।
జ్ఞానావతారః శాంతాత్మా కపిలః కాలనాశకః ॥ 41॥

త్రిగుణాధిపతిః సాంఖ్యశాస్త్రకర్తా విశారదః ।
సర్గదూషణహారీ చ పుష్టిమోక్షప్రవర్తకః ॥ 42॥

లౌకికానందదాతా చ బ్రహ్మానందప్రవర్తకః ।
భక్తిసిద్ధాంతవక్తా చ సగుణజ్ఞానదీపకః ॥ 43॥

ఆత్మప్రదః పూర్ణకామో యోగాత్మా యోగభావితః ।
జీవన్ముక్తిప్రదః శ్రీమానన్యభక్తిప్రవర్తకః ॥ 44॥

కాలసామర్థ్యదాతా చ కాలదోషనివారకః ।
గర్భోత్తమజ్ఞానదాతా కర్మమార్గనియామకః ॥ 45॥

సర్వమార్గనిరాకర్తా భక్తిమార్గైకపోషకః ।
సిద్ధిహేతుః సర్వహేతుః సర్వాశ్చర్యైకకారణమ్ ॥ 46॥

చేతనాచేతనపతిః సముద్రపరిపూజితః ।
సాంఖ్యాచార్యస్తుతః సిద్ధపూజితః సర్వపూజితః ॥ 47॥

విసర్గలీలా
విసర్గకర్తా సర్వేశః కోటిసూర్యసమప్రభః ।
అనంతగుణగంభీరో మహాపురుషపూజితః ॥ 48॥

అనంతసుఖదాతా చ బ్రహ్మకోటిప్రజాపతిః ।
సుధాకోటిస్వాస్థ్యహేతుః కామధుక్కోటికామదః ॥ 49॥

సముద్రకోటిగంభీరస్తీర్థకోటిసమాహ్వయః ।
సుమేరుకోటినిష్కంపః కోటిబ్రహ్మాండవిగ్రహః ॥ 50॥

కోట్యశ్వమేధపాపఘ్నో వాయుకోటిమహాబలః ।
కోటీందుజగదానందీ శివకోటిప్రసాదకృత్ ॥ 51॥

సర్వసద్గుణమాహాత్మ్యః సర్వసద్గుణభాజనమ్ ।
మన్వాదిప్రేరకో ధర్మో యజ్ఞనారాయణః పరః ॥ 52॥

ఆకూతిసూనుర్దేవేంద్రో రుచిజన్మాఽభయప్రదః ।
దక్షిణాపతిరోజస్వీ క్రియాశక్తిః పరాయణః ॥ 53॥

దత్తాత్రేయో యోగపతిర్యోగమార్గప్రవర్తకః ।
అనసూయాగర్భరత్నమృషివంశవివర్ధనః ॥ 54॥

గుణత్రయవిభాగజ్ఞశ్చతుర్వర్గవిశారదః ।
నారాయణో ధర్మసూనుర్మూర్తిపుణ్యయశస్కరః ॥ 55॥

సహస్రకవచచ్ఛేదీ తపఃసారో నరప్రియః ।
విశ్వానందప్రదః కర్మసాక్షీ భారతపూజితః ॥ 56॥

అనంతాద్భుతమాహాత్మ్యో బదరీస్థానభూషణమ్ ।
జితకామో జితక్రోధో జితసంగో జితేంద్రియః ॥ 57॥

ఉర్వశీప్రభవః స్వర్గసుఖదాయీ స్థితిప్రదః ।
అమానీ మానదో గోప్తా భగవచ్ఛాస్త్రబోధకః ॥ 58॥

బ్రహ్మాదివంద్యో హంసశ్రీర్మాయావైభవకారణమ్ ।
వివిధానంతసర్గాత్మా విశ్వపూరణతత్పరః ॥ 59॥

యజ్ఞజీవనహేతుశ్చ యజ్ఞస్వామీష్టబోధకః ।
నానాసిద్ధాంతగమ్యశ్చ సప్తతంతుశ్చ షడ్గుణః ॥ 60॥

ప్రతిసర్గజగత్కర్తా నానాలీలావిశారదః ।
ధ్రువప్రియో ధ్రువస్వామీ చింతితాధికదాయకః ॥ 61॥

దుర్లభానంతఫలదో దయానిధిరమిత్రహా ।
అంగస్వామీ కృపాసారో వైన్యో భూమినియామకః ॥ 62॥

భూమిదోగ్ధా ప్రజాప్రాణపాలనైకపరాయణః ।
యశోదాతా జ్ఞానదాతా సర్వధర్మప్రదర్శకః ॥ 63॥

పురంజనో జగన్మిత్రం విసర్గాంతప్రదర్శకః ।
ప్రచేతసాం పతిశ్చిత్రభక్తిహేతుర్జనార్దనః ॥ 64॥

స్మృతిహేతుబ్రహ్మభావసాయుజ్యాదిప్రదః శుభః ।
విజయీ ॥॥॥॥॥॥॥॥॥॥ చోంతినుఏద్

స్థానలీలా
॥॥ స్థితిలీలాబ్ధిరచ్యుతో విజయప్రదః ॥ 65॥

స్వసామర్థ్యప్రదో భక్తకీర్తిహేతురధోక్షజః ।
ప్రియవ్రతప్రియస్వామీ స్వేచ్ఛావాదవిశారదః ॥ 66॥

సంగ్యగమ్యః స్వప్రకాశః సర్వసంగవివర్జితః ।
ఇచ్ఛాయాం చ సమర్యాదస్త్యాగమాత్రోపలంభనః ॥ 67॥

అచింత్యకార్యకర్తా చ తర్కాగోచరకార్యకృత్ ।
శ‍ఋంగారరసమర్యాదా ఆగ్నీధ్రరసభాజనమ్ ॥ 68॥

నాభీష్టపూరకః కర్మమర్యాదాదర్శనోత్సుకః ।
సర్వరూపోఽద్భుతతమో మర్యాదాపురుషోత్తమః ॥ 69॥

సర్వరూపేషు సత్యాత్మా కాలసాక్షీ శశిప్రభః ।
మేరుదేవీవ్రతఫలమృషభో భగలక్షణః ॥ 70॥

జగత్సంతర్పకో మేఘరూపీ దేవేంద్రదర్పహా ।
జయంతీపతిరత్యంతప్రమాణాశేషలౌకికః ॥ 71॥

శతధాన్యస్తభూతాత్మా శతానందో గుణప్రసూః ।
వైష్ణవోత్పాదనపరః సర్వధర్మోపదేశకః ॥ 72॥

పరహంసక్రియాగోప్తా యోగచర్యాప్రదర్శకః ।
చతుర్థాశ్రమనిర్ణేతా సదానందశరీరవాన్ ॥ 73॥

ప్రదర్శితాన్యధర్మశ్చ భరతస్వామ్యపారకృత్ ।
యథావత్కర్మకర్తా చ సంగానిష్టప్రదర్శకః ॥ 74॥

ఆవశ్యకపునర్జన్మకర్మమార్గప్రదర్శకః ।
యజ్ఞరూపమృగః శాంతః సహిష్ణుః సత్పరాక్రమః ॥ 75॥

రహూగణగతిజ్ఞశ్చ రహూగణవిమోచకః ।
భవాటవీతత్త్వవక్తా బహిర్ముఖహితే రతః ॥ 76॥

గయస్వామీ స్థానవంశకర్తా స్థానవిభేదకృత్ ।
పురుషావయవో భూమివిశేషవినిరూపకః ॥ 77॥

జంబూద్వీపపతిర్మేరునాభిపద్మరుహాశ్రయః ।
నానావిభూతిలీలాఢ్యో గంగోత్పత్తినిదానకృత్ ॥ 78॥

గంగామాహాత్మ్యహేతుశ్చ గంగారూపోఽతిగూఢకృత్ ।
వైకుంఠదేహహేత్వంబుజన్మకృత్ సర్వపావనః ॥ 79॥

శివస్వామీ శివోపాస్యో గూఢః సంకర్షణాత్మకః ।
స్థానరక్షార్థమత్స్యాదిరూపః సర్వైకపూజితః ॥ 80॥

ఉపాస్యనానారూపాత్మా జ్యోతీరూపో గతిప్రదః ।
సూర్యనారాయణో వేదకాంతిరుజ్జ్వలవేషధృక్ ॥ 81॥

హంసోఽంతరిక్షగమనః సర్వప్రసవకారణమ్ ।
ఆనందకర్తా వసుదో బుధో వాక్పతిరుజ్జ్వలః ॥ 82॥

కాలాత్మా కాలకాలశ్చ కాలచ్ఛేదకృదుత్తమః ।
శిశుమారః సర్వమూర్తిరాధిదైవికరూపధృక్ ॥ 83॥

అనంతసుఖభోగాఢ్యో వివరైశ్వర్యభాజనమ్ ।
సంకర్షణో దైత్యపతిః సర్వాధారో బృహద్వపుః ॥ 84॥

అనంతనరకచ్ఛేదీ స్మృతిమాత్రార్తినాశనః ।
సర్వానుగ్రహకర్తా చ ॥॥॥॥॥॥॥॥॥॥ చోంతినుఏద్

పోషణ-పుష్టి-లీలా
॥॥॥॥॥॥॥॥ మర్యాదాభిన్నశాస్త్రకృత్ ॥ 85 ॥

కాలాంతకభయచ్ఛేదీ నామసామర్థ్యరూపధృక్ ।
ఉద్ధారానర్హగోప్త్రాత్మా నామాదిప్రేరకోత్తమః ॥ 86॥

అజామిలమహాదుష్టమోచకోఽఘవిమోచకః ।
ధర్మవక్తాఽక్లిష్టవక్తా విష్ణుధర్మస్వరూపధృక్ ॥ 87॥

సన్మార్గప్రేరకో ధర్తా త్యాగహేతురధోక్షజః ।
వైకుంఠపురనేతా చ దాససంవృద్ధికారకః ॥ 88॥

దక్షప్రసాదకృద్ధంసగుహ్యస్తుతివిభావనః ।
స్వాభిప్రాయప్రవక్తా చ ముక్తజీవప్రసూతికృత్ ॥ 89॥

నారదప్రేరణాత్మా చ హర్యశ్వబ్రహ్మభావనః ।
శబలాశ్వహితో గూఢవాక్యార్థజ్ఞాపనక్షమః ॥ 90॥

గూఢార్థజ్ఞాపనః సర్వమోక్షానందప్రతిష్ఠితః ।
పుష్టిప్రరోహహేతుశ్చ దాసైకజ్ఞాతహృద్గతః ॥ 91॥

శాంతికర్తా సుహితకృత్ స్త్రీప్రసూః సర్వకామధుక్ ।
పుష్టివంశప్రణేతా చ విశ్వరూపేష్టదేవతా ॥ 92॥

కవచాత్మా పాలనాత్మా వర్మోపచితికారణమ్ ।
విశ్వరూపశిరశ్ఛేదీ త్వాష్ట్రయజ్ఞవినాశకః ॥ 93॥

వృత్రస్వామీ వృత్రగమ్యో వృత్రవ్రతపరాయణః ।
వృత్రకీర్తిర్వృత్రమోక్షో మఘవత్ప్రాణరక్షకః ॥ 94॥

అశ్వమేధహవిర్భోక్తా దేవేంద్రామీవనాశకః ।
సంసారమోచకశ్చిత్రకేతుబోధనతత్పరః ॥ 95॥

మంత్రసిద్ధిః సిద్ధిహేతుః సుసిద్ధిఫలదాయకః ।
మహాదేవతిరస్కర్తా భక్త్యై పూర్వార్థనాశకః ॥ 96॥

దేవబ్రాహ్మణవిద్వేషవైముఖ్యజ్ఞాపకః శివః ।
ఆదిత్యో దైత్యరాజశ్చ మహత్పతిరచింత్యకృత్ ॥ 97॥

మరుతాం భేదకస్త్రాతా వ్రతాత్మా పుంప్రసూతికృత్ ।

ఊతిలీలా
కర్మాత్మా వాసనాత్మా చ ఊతిలీలాపరాయణః ॥ 98॥

సమదైత్యసురః స్వాత్మా వైషమ్యజ్ఞానసంశ్రయః ।
దేహాద్యుపాధిరహితః సర్వజ్ఞః సర్వహేతువిద్ ॥ 99॥

బ్రహ్మవాక్స్థాపనపరః స్వజన్మావధికార్యకృత్ ।
సదసద్వాసనాహేతుస్త్రిసత్యో భక్తమోచకః ॥ 100॥

హిరణ్యకశిపుద్వేషీ ప్రవిష్టాత్మాఽతిభీషణః ।
శాంతిజ్ఞానాదిహేతుశ్చ ప్రహ్లాదోత్పత్తికారణమ్ ॥ 101॥

దైత్యసిద్ధాంతసద్వక్తా తపఃసార ఉదారధీః ।
దైత్యహేతుప్రకటనో భక్తిచిహ్నప్రకాశకః ॥ 102॥

సద్ద్వేషహేతుః సద్ద్వేషవాసనాత్మా నిరంతరః ।
నైష్ఠుర్యసీమా ప్రహ్లాదవత్సలః సంగదోషహా ॥ 103॥

మహానుభావః సాకారః సర్వాకారః ప్రమాణభూః ।
స్తంభప్రసూతిర్నృహరిర్నృసింహో భీమవిక్రమః ॥ 104॥

వికటాస్యో లలజ్జిహ్వో నఖశస్త్రో జవోత్కటః ।
హిరణ్యకశిపుచ్ఛేదీ క్రూరదైత్యనివారకః ॥ 105॥

సింహాసనస్థః క్రోధాత్మా లక్ష్మీభయవివర్ధనః ।
బ్రహ్మాద్యత్యంతభయభూరపూర్వాచింత్యరూపధృక్ ॥ 106॥

భక్తైకశాంతహృదయో భక్తస్తుత్యః స్తుతిప్రియః ।
భక్తాంగలేహనోద్ధూతక్రోధపుఙ్జః ప్రశాంతధీః ॥ 107॥

స్మృతిమాత్రభయత్రాతా బ్రహ్మబుద్ధిప్రదాయకః ।
గోరూపధార్యమృతపాః శివకీర్తివివర్ధనః ॥ 108॥

ధర్మాత్మా సర్వకర్మాత్మా విశేషాత్మాఽఽశ్రమప్రభుః ।
సంసారమగ్నస్వోద్ధర్తా సన్మార్గాఖిలతత్త్వవాక్ ॥ 109॥

ఆచారాత్మా సదాచారః ॥॥॥॥॥॥॥॥॥ చోంతినుఏద్

మన్వంతరలీలా
॥॥॥॥॥॥॥॥॥॥మన్వంతరవిభావనః ।
స్మృత్యాఽశేషాశుభహరో గజేంద్రస్మృతికారణమ్ ॥ 110॥

జాతిస్మరణహేత్వైకపూజాభక్తిస్వరూపదః ।
యజ్ఞో భయాన్మనుత్రాతా విభుర్బ్రహ్మవ్రతాశ్రయః ॥ 111॥

సత్యసేనో దుష్టఘాతీ హరిర్గజవిమోచకః ।
వైకుంఠో లోకకర్తా చ అజితోఽమృతకారణమ్ ॥ 112॥

ఉరుక్రమో భూమిహర్తా సార్వభౌమో బలిప్రియః ।
విభుః సర్వహితైకాత్మా విష్వక్సేనః శివప్రియః ॥ 113॥

ధర్మసేతుర్లోకధృతిః సుధామాంతరపాలకః ।
ఉపహర్తా యోగపతిర్బృహద్భానుః క్రియాపతిః ॥ 114॥

చతుర్దశప్రమాణాత్మా ధర్మో మన్వాదిబోధకః ।
లక్ష్మీభోగైకనిలయో దేవమంత్రప్రదాయకః ॥ 115॥

దైత్యవ్యామోహకః సాక్షాద్గరుడస్కంధసంశ్రయః ।
లీలామందరధారీ చ దైత్యవాసుకిపూజితః ॥ 116॥

సముద్రోన్మథనాయత్తోఽవిఘ్నకర్తా స్వవాక్యకృత్ ।
ఆదికూర్మః పవిత్రాత్మా మందరాఘర్షణోత్సుకః ॥ 117॥

శ్వాసైజదబ్ధివార్వీచిః కల్పాంతావధికార్యకృత్ ।
చతుర్దశమహారత్నో లక్ష్మీసౌభాగ్యవర్ధనః ॥ 118॥

ధన్వంతరిః సుధాహస్తో యజ్ఞభోక్తాఽఽర్తినాశనః ।
ఆయుర్వేదప్రణేతా చ దేవదైత్యాఖిలార్చితః ॥ 119॥

బుద్ధివ్యామోహకో దేవకార్యసాధనతత్పరః ।
స్త్రీరూపో మాయయా వక్తా దైత్యాంతఃకరణప్రియః ॥ 120॥

పాయితామృతదేవాంశో యుద్ధహేతుస్మృతిప్రదః ।
సుమాలిమాలివధకృన్మాల్యవత్ప్రాణహారకః ॥ 121॥

కాలనేమిశిరశ్ఛేదీ దైత్యయజ్ఞవినాశకః ।
ఇంద్రసామర్థ్యదాతా చ దైత్యశేషస్థితిప్రియః ॥ 122॥

శివవ్యామోహకో మాయీ భృగుమంత్రస్వశక్తిదః ।
బలిజీవనకర్తా చ స్వర్గహేతుర్వ్రతార్చితః ॥ 123॥

అదిత్యానందకర్తా చ కశ్యపాదితిసంభవః ।
ఉపేంద్ర ఇంద్రావరజో వామనబ్రహ్మరూపధృక్ ॥ 124॥

బ్రహ్మాదిసేవితవపుర్యజ్ఞపావనతత్పరః ।
యాచ్ఞోపదేశకర్తా చ జ్ఞాపితాశేషసంస్థితిః ॥ 125॥

సత్యార్థప్రేరకః సర్వహర్తా గర్వవినాశకః ।
త్రివిక్రమస్త్రిలోకాత్మా విశ్వమూర్తిః పృథుశ్రవాః ॥ 126॥

పాశబద్ధబలిః సర్వదైత్యపక్షోపమర్దకః ।
సుతలస్థాపితబలిః స్వర్గాధికసుఖప్రదః ॥ 127॥

కర్మసంపూర్తికర్తా చ స్వర్గసంస్థాపితామరః ।
జ్ఞాతత్రివిధధర్మాత్మా మహామీనోఽబ్ధిసంశ్రయః ॥ 128॥

సత్యవ్రతప్రియో గోప్తా మత్స్యమూర్తిధృతశ్రుతిః ।
శ‍ఋంగబద్ధధృతక్షోణిః సర్వార్థజ్ఞాపకో గురుః ॥ 129॥

ఈశానుకథాలీలా
ఈశసేవకలీలాత్మా సూర్యవంశప్రవర్తకః ।
సోమవంశోద్భవకరో మనుపుత్రగతిప్రదః ॥ 130॥

అంబరీషప్రియః సాధుర్దుర్వాసోగర్వనాశకః ।
బ్రహ్మశాపోపసంహర్తా భక్తకీర్తివివర్ధనః ॥ 131॥

ఇక్ష్వాకువంశజనకః సగరాద్యఖిలార్థదః ।
భగీరథమహాయత్నో గంగాధౌతాంఘ్రిపంకజః ॥ 132॥

బ్రహ్మస్వామీ శివస్వామీ సగరాత్మజముక్తిదః ।
ఖట్వాంగమోక్షహేతుశ్చ రఘువంశవివర్ధనః ॥ 133॥

రఘునాథో రామచంద్రో రామభద్రో రఘుప్రియః ।
అనంతకీర్తిః పుణ్యాత్మా పుణ్యశ్లోకైకభాస్కరః ॥ 134॥

కోశలేంద్రః ప్రమాణాత్మా సేవ్యో దశరథాత్మజః ।
లక్ష్మణో భరతశ్చైవ శత్రుఘ్నో వ్యూహవిగ్రహః ॥ 135॥

విశ్వామిత్రప్రియో దాంతస్తాడకావధమోక్షదః ।
వాయవ్యాస్త్రాబ్ధినిక్షిప్తమారీచశ్చ సుబాహుహా ॥ 136॥

వృషధ్వజధనుర్భంగప్రాప్తసీతామహోత్సవః ।
సీతాపతిర్భృగుపతిగర్వపర్వతనాశకః ॥ 137॥

అయోధ్యాస్థమహాభోగయుక్తలక్ష్మీవినోదవాన్ ।
కైకేయీవాక్యకర్తా చ పితృవాక్పరిపాలకః ॥ 138॥

వైరాగ్యబోధకోఽనన్యసాత్త్వికస్థానబోధకః ।
అహల్యాదుఃఖహారీ చ గుహస్వామీ సలక్ష్మణః ॥ 139॥

చిత్రకూటప్రియస్థానో దండకారణ్యపావనః ।
శరభంగసుతీక్ష్ణాదిపూజితోఽగస్త్యభాగ్యభూః ॥ 140॥

ఋషిసంప్రార్థితకృతిర్విరాధవధపండితః ।
ఛిన్నశూర్పణఖానాసః ఖరదూషణఘాతకః ॥ 141॥

ఏకబాణహతానేకసహస్రబలరాక్షసః ।
మారీచఘాతీ నియతసీతాసంబంధశోభితః ॥ 142॥

సీతావియోగనాట్యశ్చ జటాయుర్వధమోక్షదః ।
శబరీపూజితో భక్తహనుమత్ప్రముఖావృతః ॥ 143॥

దుందుభ్యస్థిప్రహరణః సప్తతాలవిభేదనః ।
సుగ్రీవరాజ్యదో వాలిఘాతీ సాగరశోషణః ॥ 144॥

సేతుబంధనకర్తా చ విభీషణహితప్రదః ।
రావణాదిశిరశ్ఛేదీ రాక్షసాఘౌఘనాశకః ॥ 145॥

సీతాఽభయప్రదాతా చ పుష్పకాగమనోత్సుకః ।
అయోధ్యాపతిరత్యంతసర్వలోకసుఖప్రదః ॥ 146॥

మథురాపురనిర్మాతా సుకృతజ్ఞస్వరూపదః ।
జనకజ్ఞానగమ్యశ్చ ఐలాంతప్రకటశ్రుతిః ॥ 147॥

హైహయాంతకరో రామో దుష్టక్షత్రవినాశకః ।
సోమవంశహితైకాత్మా యదువంశవివర్ధనః ॥ 148॥

నిరోధలీలా
పరబ్రహ్మావతరణః కేశవః క్లేశనాశనః ।
భూమిభారావతరణో భక్తార్థాఖిలమానసః ॥ 149॥

సర్వభక్తనిరోధాత్మా లీలానంతనిరోధకృత్ ।
భూమిష్ఠపరమానందో దేవకీశుద్ధికారణమ్ ॥ 150॥

వసుదేవజ్ఞాననిష్ఠసమజీవనివారకః ।
సర్వవైరాగ్యకరణస్వలీలాధారశోధకః ॥ 151॥

మాయాజ్ఞాపనకర్తా చ శేషసంభారసంభృతిః ।
భక్తక్లేశపరిజ్ఞాతా తన్నివారణతత్పరః ॥ 152॥

ఆవిష్టవసుదేవాంశో దేవకీగర్భభూషణమ్ ।
పూర్ణతేజోమయః పూర్ణః కంసాధృష్యప్రతాపవాన్ ॥ 153॥

వివేకజ్ఞానదాతా చ బ్రహ్మాద్యఖిలసంస్తుతః ।
సత్యో జగత్కల్పతరుర్నానారూపవిమోహనః ॥ 154॥

భక్తిమార్గప్రతిష్ఠాతా విద్వన్మోహప్రవర్తకః ।
మూలకాలగుణద్రష్టా నయనానందభాజనమ్ ॥ 155॥

వసుదేవసుఖాబ్ధిశ్చ దేవకీనయనామృతమ్ ।
పితృమాతృస్తుతః పూర్వసర్వవృత్తాంతబోధకః ॥ 156॥

గోకులాగతిలీలాప్తవసుదేవకరస్థితిః ।
సర్వేశత్వప్రకటనో మాయావ్యత్యయకారకః ॥ 157॥

జ్ఞానమోహితదుష్టేశః ప్రపంచాస్మృతికారణమ్ ।
యశోదానందనో నందభాగ్యభూగోకులోత్సవః ॥ 158॥

నందప్రియో నందసూనుర్యశోదాయాః స్తనంధయః ।
పూతనాసుపయఃపాతా ముగ్ధభావాతిసుందరః ॥ 159॥

సుందరీహృదయానందో గోపీమంత్రాభిమంత్రితః ।
గోపాలాశ్చర్యరసకృత్ శకటాసురఖండనః ॥ 160॥

నందవ్రజజనానందీ నందభాగ్యమహోదయః ।
తృణావర్తవధోత్సాహో యశోదాజ్ఞానవిగ్రహః ॥ 161॥

బలభద్రప్రియః కృష్ణః సంకర్షణసహాయవాన్ ।
రామానుజో వాసుదేవో గోష్ఠాంగణగతిప్రియః ॥ 162॥

కింకిణీరవభావజ్ఞో వత్సపుచ్ఛావలంబనః ।
నవనీతప్రియో గోపీమోహసంసారనాశకః ॥ 163॥

గోపబాలకభావజ్ఞశ్చౌర్యవిద్యావిశారదః ।
మృత్స్నాభక్షణలీలాస్యమాహాత్మ్యజ్ఞానదాయకః ॥ 164॥

ధరాద్రోణప్రీతికర్తా దధిభాండవిభేదనః ।
దామోదరో భక్తవశ్యో యమలార్జునభంజనః ॥ 165॥

బృహద్వనమహాశ్చర్యో వృందావనగతిప్రియః ।
వత్సఘాతీ బాలకేలిర్బకాసురనిషూదనః ॥ 166॥

అరణ్యభోక్తాఽప్యథవా బాలలీలాపరాయణః ।
ప్రోత్సాహజనకశ్చైవమఘాసురనిషూదనః ॥ 167॥

వ్యాలమోక్షప్రదః పుష్టో బ్రహ్మమోహప్రవర్ధనః ।
అనంతమూర్తిః సర్వాత్మా జంగమస్థావరాకృతిః ॥ 168॥

బ్రహ్మమోహనకర్తా చ స్తుత్య ఆత్మా సదాప్రియః ।
పౌగండలీలాభిరతిర్గోచారణపరాయణః ॥ 169॥

వృందావనలతాగుల్మవృక్షరూపనిరూపకః ।
నాదబ్రహ్మప్రకటనో వయఃప్రతికృతిస్వనః ॥ 170॥

బర్హినృత్యానుకరణో గోపాలానుకృతిస్వనః ।
సదాచారప్రతిష్ఠాతా బలశ్రమనిరాకృతిః ॥ 171॥

తరుమూలకృతాశేషతల్పశాయీ సఖిస్తుతః ।
గోపాలసేవితపదః శ్రీలాలితపదాంబుజః ॥ 172॥

గోపసంప్రార్థితఫలదాననాశితధేనుకః ।
కాలీయఫణిమాణిక్యరంజితశ్రీపదాంబుజః ॥ 173॥

దృష్టిసఙ్జీవితాశేషగోపగోగోపికాప్రియః ।
లీలాసంపీతదావాగ్నిః ప్రలంబవధపండితః ॥ 174॥

దావాగ్న్యావృతగోపాలదృష్ట్యాచ్ఛాదనవహ్నిపః ।
వర్షాశరద్విభూతిశ్రీర్గోపీకామప్రబోధకః ॥ 175॥

గోపీరత్నస్తుతాశేషవేణువాద్యవిశారదః ।
కాత్యాయనీవ్రతవ్యాజసర్వభావాశ్రితాంగనః ॥ 176॥

సత్సంగతిస్తుతివ్యాజస్తుతవృందావనాంఘ్రిపః ।
గోపక్షుచ్ఛాంతిసంవ్యాజవిప్రభార్యాప్రసాదకృత్ ॥ 177॥

హేతుప్రాప్తేంద్రయాగస్వకార్యగోసవబోధకః ।
శైలరూపకృతాశేషరసభోగసుఖావహః ॥ 178॥

లీలాగోవర్ధనోద్ధారపాలితస్వవ్రజప్రియః ।
గోపస్వచ్ఛందలీలార్థగర్గవాక్యార్థబోధకః ॥ 179॥

ఇంద్రధేనుస్తుతిప్రాప్తగోవిందేంద్రాభిధానవాన్ ।
వ్రతాదిధర్మసంసక్తనందక్లేశవినాశకః ॥ 180॥

నందాదిగోపమాత్రేష్టవైకుంఠగతిదాయకః ।
వేణువాదస్మరక్షోభమత్తగోపీవిముక్తిదః ॥ 181॥

సర్వభావప్రాప్తగోపీసుఖసంవర్ధనక్షమః ।
గోపీగర్వప్రణాశార్థతిరోధానసుఖప్రదః ॥ 182॥

కృష్ణభావవ్యాప్తవిశ్వగోపీభావితవేషధృక్ ।
రాధావిశేషసంభోగప్రాప్తదోషనివారకః ॥ 183॥

పరమప్రీతిసంగీతసర్వాద్భుతమహాగుణః ।
మానాపనోదనాక్రందగోపీదృష్టిమహోత్సవః ॥ 184॥

గోపికావ్యాప్తసర్వాంగః స్త్రీసంభాషావిశారదః ।
రాసోత్సవమహాసౌఖ్యగోపీసంభోగసాగరః ॥ 185॥

జలస్థలరతివ్యాప్తగోపీదృష్ట్యభిపూజితః ।
శాస్త్రానపేక్షకామైకముక్తిద్వారవివర్ధనః ॥ 186॥

సుదర్శనమహాసర్పగ్రస్తనందవిమోచకః ।
గీతమోహితగోపీధృక్షంఖచూడవినాశకః ॥ 187॥

గుణసంగీతసంతుష్టిర్గోపీసంసారవిస్మృతిః ।
అరిష్టమథనో దైత్యబుద్ధివ్యామోహకారకః ॥ 188॥

కేశిఘాతీ నారదేష్టో వ్యోమాసురవినాశకః ।
అక్రూరభక్తిసంరాద్ధపాదరేణుమహానిధిః ॥ 189॥

రథావరోహశుద్ధాత్మా గోపీమానసహారకః ।
హ్రదసందర్శితాశేషవైకుంఠాక్రూరసంస్తుతః ॥ 190॥

మథురాగమనోత్సాహో మథురాభాగ్యభాజనమ్ ।
మథురానగరీశోభాదర్శనోత్సుకమానసః ॥ 191॥

దుష్టరంజకఘాతీ చ వాయకార్చితవిగ్రహః ।
వస్త్రమాలాసుశోభాంగః కుబ్జాలేపనభూషితః ॥ 192॥

కుబ్జాసురూపకర్తా చ కుబ్జారతివరప్రదః ।
ప్రసాదరూపసంతుష్టహరకోదండఖండనః ॥ 193॥

శకలాహతకంసాప్తధనూరక్షకసైనికః ।
జాగ్రత్స్వప్నభయవ్యాప్తమృత్యులక్షణబోధకః ॥ 194॥

మథురామల్ల ఓజస్వీ మల్లయుద్ధవిశారదః ।
సద్యః కువలయాపీడఘాతీ చాణూరమర్దనః ॥ 195॥

లీలాహతమహామల్లః శలతోశలఘాతకః ।
కంసాంతకో జితామిత్రో వసుదేవవిమోచకః ॥ 196॥

జ్ఞాతతత్త్వపితృజ్ఞానమోహనామృతవాఙ్మయః ।
ఉగ్రసేనప్రతిష్ఠాతా యాదవాధివినాశకః ॥ 197॥

నందాదిసాంత్వనకరో బ్రహ్మచర్యవ్రతే స్థితః ।
గురుశుశ్రూషణపరో విద్యాపారమితేశ్వరః ॥ 198॥

సాందీపనిమృతాపత్యదాతా కాలాంతకాదిజిత్ ।
గోకులాశ్వాసనపరో యశోదానందపోషకః ॥ 199॥

గోపికావిరహవ్యాజమనోగతిరతిప్రదః ।
సమోద్ధవభ్రమరవాక్ గోపికామోహనాశకః ॥ 200॥

కుబ్జారతిప్రదోఽక్రూరపవిత్రీకృతభూగృహః ।
పృథాదుఃఖప్రణేతా చ పాండవానాం సుఖప్రదః ॥ 201॥

దశమస్కంధోత్తరార్ధనామాని నిరోధలీలా
జరాసంధసమానీతసైన్యఘాతీ విచారకః ।
యవనవ్యాప్తమథురాజనదత్తకుశస్థలిః ॥ 202॥

ద్వారకాద్భుతనిర్మాణవిస్మాపితసురాసురః ।
మనుష్యమాత్రభోగార్థభూమ్యానీతేంద్రవైభవః ॥ 203॥

యవనవ్యాప్తమథురానిర్గమానందవిగ్రహః ।
ముచుకుందమహాబోధయవనప్రాణదర్పహా ॥ 204॥

ముచుకుందస్తుతాశేషగుణకర్మమహోదయః ।
ఫలప్రదానసంతుష్టిర్జన్మాంతరితమోక్షదః ॥ 205॥

శివబ్రాహ్మణవాక్యాప్తజయభీతివిభావనః ।
ప్రవర్షణప్రార్థితాగ్నిదానపుణ్యమహోత్సవః ॥ 206॥

రుక్మిణీరమణః కామపితా ప్రద్యుమ్నభావనః ।
స్యమంతకమణివ్యాజప్రాప్తజాంబవతీపతిః ॥ 207॥

సత్యభామాప్రాణపతిః కాలిందీరతివర్ధనః ।
మిత్రవిందాపతిః సత్యాపతిర్వృషనిషూదనః ॥ 208॥

భద్రావాంఛితభర్తా చ లక్ష్మణావరణక్షమః ।
ఇంద్రాదిప్రార్థితవధనరకాసురసూదనః ॥ 209॥

మురారిః పీఠహంతా చ తామ్రాదిప్రాణహారకః ।
షోడశస్త్రీసహస్రేశః ఛత్రకుండలదానకృత్ ॥ 210॥

పారిజాతాపహరణో దేవేంద్రమదనాశకః ।
రుక్మిణీసమసర్వస్త్రీసాధ్యభోగరతిప్రదః ॥ 211॥

రుక్మిణీపరిహాసోక్తివాక్తిరోధానకారకః ।
పుత్రపౌత్రమహాభాగ్యగృహధర్మప్రవర్తకః ॥ 212॥

శంబరాంతకసత్పుత్రవివాహహతరుక్మికః ।
ఉషాపహృతపౌత్రశ్రీర్బాణబాహునివారకః ॥ 213॥

శీతజ్వరభయవ్యాప్తజ్వరసంస్తుతషడ్గుణః ।
శంకరప్రతియోద్ధా చ ద్వంద్వయుద్ధవిశారదః ॥ 214॥

నృగపాపప్రభేత్తా చ బ్రహ్మస్వగుణదోషదృక్ ।
విష్ణుభక్తివిరోధైకబ్రహ్మస్వవినివారకః ॥ 215॥

బలభద్రాహితగుణో గోకులప్రీతిదాయకః ।
గోపీస్నేహైకనిలయో గోపీప్రాణస్థితిప్రదః ॥ 216॥

వాక్యాతిగామియమునాహలాకర్షణవైభవః ।
పౌండ్రకత్యాజితస్పర్ధః కాశీరాజవిభేదనః ॥ 217॥

కాశీనిదాహకరణః శివభస్మప్రదాయకః ।
ద్వివిదప్రాణఘాతీ చ కౌరవాఖర్వగర్వనుత్ ॥ 218॥

లాంగలాకృష్టనగరీసంవిగ్నాఖిలనాగరః ।
ప్రపన్నాభయదః సాంబప్రాప్తసన్మానభాజనమ్ ॥ 219॥

నారదాన్విష్టచరణో భక్తవిక్షేపనాశకః ।
సదాచారైకనిలయః సుధర్మాధ్యాసితాసనః ॥ 220॥

జరాసంధావరుద్ధేన విజ్ఞాపితనిజక్లమః ।
మంత్ర్యుద్ధవాదివాక్యోక్తప్రకారైకపరాయణః ॥ 221॥

రాజసూయాదిమఖకృత్ సంప్రార్థితసహాయకృత్ ।
ఇంద్రప్రస్థప్రయాణార్థమహత్సంభారసంభృతిః ॥ 222॥

జరాసంధవధవ్యాజమోచితాశేషభూమిపః ।
సన్మార్గబోధకో యజ్ఞక్షితివారణతత్పరః ॥ 223॥

శిశుపాలహతివ్యాజజయశాపవిమోచకః ।
దుర్యోధనాభిమానాబ్ధిశోషబాణవృకోదరః॥ 224॥

మహాదేవవరప్రాప్తపురశాల్వవినాశకః ।
దంతవక్త్రవధవ్యాజవిజయాఘౌఘనాశకః ॥ 225॥

విదూరథప్రాణహర్తా న్యస్తశస్త్రాస్త్రవిగ్రహః ।
ఉపధర్మవిలిప్తాంగసూతఘాతీ వరప్రదః ॥ 226॥

బల్వలప్రాణహరణపాలితర్షిశ్రుతిక్రియః ।
సర్వతీర్థాఘనాశార్థతీర్థయాత్రావిశారదః ॥ 227॥

జ్ఞానక్రియావిభేదేష్టఫలసాధనతత్పరః ।
సారథ్యాదిక్రియాకర్తా భక్తవశ్యత్వబోధకః ॥ 228॥

సుదామారంకభార్యార్థభూమ్యానీతేంద్రవైభవః ।
రవిగ్రహనిమిత్తాప్తకురుక్షేత్రైకపావనః ॥ 229॥

నృపగోపీసమస్తస్త్రీపావనార్థాఖిలక్రియః ।
ఋషిమార్గప్రతిష్ఠాతా వసుదేవమఖక్రియః ॥ 230॥

వసుదేవజ్ఞానదాతా దేవకీపుత్రదాయకః ।
అర్జునస్త్రీప్రదాతా చ బహులాశ్వస్వరూపదః ॥ 231॥

శ్రుతదేవేష్టదాతా చ సర్వశ్రుతినిరూపితః ।
మహాదేవాద్యతిశ్రేష్ఠో భక్తిలక్షణనిర్ణయః ॥ 232॥

వృకగ్రస్తశివత్రాతా నానావాక్యవిశారదః ।
నరగర్వవినాశార్థహృతబ్రాహ్మణబాలకః ॥ 233॥

లోకాలోకపరస్థానస్థితబాలకదాయకః ।
ద్వారకాస్థమహాభోగనానాస్త్రీరతివర్ధనః ॥ 234॥

మనస్తిరోధానకృతవ్యగ్రస్త్రీచిత్తభావితః ।

ముక్తిలీలా
ముక్తిలీలావిహరణో మౌశలవ్యాజసంహృతిః ॥ 235॥

శ్రీభాగవతధర్మాదిబోధకో భక్తినీతికృత్ ।
ఉద్ధవజ్ఞానదాతా చ పంచవింశతిధా గురుః ॥ 236॥

ఆచారభక్తిముక్త్యాదివక్తా శబ్దోద్భవస్థితిః ।
హంసో ధర్మప్రవక్తా చ సనకాద్యుపదేశకృత్ ॥ 237॥

భక్తిసాధనవక్తా చ యోగసిద్ధిప్రదాయకః ।
నానావిభూతివక్తా చ శుద్ధధర్మావబోధకః ॥ 238॥

మార్గత్రయవిభేదాత్మా నానాశంకానివారకః ।
భిక్షుగీతాప్రవక్తా చ శుద్ధసాంఖ్యప్రవర్తకః ॥ 239॥

మనోగుణవిశేషాత్మా జ్ఞాపకోక్తపురూరవాః ।
పూజావిధిప్రవక్తా చ సర్వసిద్ధాంతబోధకః ॥ 240॥

లఘుస్వమార్గవక్తా చ స్వస్థానగతిబోధకః ।
యాదవాంగోపసంహర్తా సర్వాశ్చర్యగతిక్రియః ॥ 241॥

ఆశ్రయలీలా
కాలధర్మవిభేదార్థవర్ణనాశనతత్పరః ।
బుద్ధో గుప్తార్థవక్తా చ నానాశాస్త్రవిధాయకః ॥ 242॥

నష్టధర్మమనుష్యాదిలక్షణజ్ఞాపనోత్సుకః ।
ఆశ్రయైకగతిజ్ఞాతా కల్కిః కలిమలాపహః ॥ 243॥

శాస్త్రవైరాగ్యసంబోధో నానాప్రలయబోధకః ।
విశేషతః శుకవ్యాజపరీక్షిజ్జ్ఞానబోధకః ॥ 244॥

శుకేష్టగతిరూపాత్మా పరీక్షిద్దేహమోక్షదః ।
శబ్దరూపో నాదరూపో వేదరూపో విభేదనః ॥ 245॥

వ్యాసః శాఖాప్రవక్తా చ పురాణార్థప్రవర్తకః ।
మార్కండేయప్రసన్నాత్మా వటపత్రపుటేశయః ॥ 246॥

మాయావ్యాప్తమహామోహదుఃఖశాంతిప్రవర్తకః ।
మహాదేవస్వరూపశ్చ భక్తిదాతా కృపానిధిః ॥ 247॥

ఆదిత్యాంతర్గతః కాలః ద్వాదశాత్మా సుపూజితః ।
శ్రీభాగవతరూపశ్చ సర్వార్థఫలదాయకః ॥ 248॥

ఇతీదం కీర్తనీయస్య హరేర్నామసహస్రకమ్ ।
పంచసప్తతివిస్తీర్ణం పురాణాంతరభాషితమ్ ॥ 249॥

య ఏతత్ప్రాతరుత్థాయ శ్రద్ధావాన్ సుసమాహితః ।
జపేదర్థాహితమతిః స గోవిందపదం లభేత్ ॥ 250॥

సర్వధర్మవినిర్ముక్తః సర్వసాధనవర్జితః ।
ఏతద్ధారణమాత్రేణ కృష్ణస్య పదవీం వ్రజేత్ ॥ 251॥

హర్యావేశితచిత్తేన శ్రీభాగవతసాగరాత్ ।
సముద్ధృతాని నామాని చింతామణినిభాని హి ॥ 252॥

కంఠస్థితాన్యర్థదీప్త్యా బాధంతేఽజ్ఞానజం తమః ।
భక్తిం శ్రీకృష్ణదేవస్య సాధయంతి వినిశ్చితమ్ ॥ 253॥

కింబహూక్తేన భగవాన్ నామభిః స్తుతషడ్గుణః ।
ఆత్మభావం నయత్యాశు భక్తిం చ కురుతే దృఢామ్ ॥ 254॥

యః కృష్ణభక్తిమిహ వాంఛతి సాధనౌఘైర్-
నామాని భాసురయశాంసి జపేత్స నిత్యమ్ ।
తం వై హరిః స్వపురుషం కురుతేఽతిశీఘ్రం-
ఆత్మార్పణం సమధిగచ్ఛతి భావతుష్టః ॥ 255॥

శ్రీకృష్ణ కృష్ణసఖ వృష్ణివృషావనిధ్రుగ్-
రాజన్యవంశదహనానపవర్గవీర్య ।
గోవింద గోపవనితావ్రజభృత్యగీత
తీర్థశ్రవః శ్రవణమంగల పాహి భృత్యాన్ ॥ 256॥

॥ ఇతి శ్రీభాగవతసారసముచ్చయే వైశ్వానరోక్తం
శ్రీవల్లభాచార్యవిరచితం
శ్రీపురుషోత్తమసహస్రనామస్తోత్రం సంపూర్ణమ్ ॥

sree purushottama sahasra nama stotram in telugu