ଶ୍ରୀ ପୁରୁଷୋତ୍ତମ ସହସ୍ର ନାମ ସ୍ତୋତ୍ରମ୍

sree purushottama sahasra nama stotram in odia

ଵିନିୟୋଗଃ
ପୁରାଣପୁରୁଷୋ ଵିଷ୍ଣୁଃ ପୁରୁଷୋତ୍ତମ ଉଚ୍ୟତେ ।
ନାମ୍ନାଂ ସହସ୍ରଂ ଵକ୍ଷ୍ୟାମି ତସ୍ୟ ଭାଗଵତୋଦ୍ଧୃତମ୍ ॥ 1॥

ୟସ୍ୟ ପ୍ରସାଦାଦ୍ଵାଗୀଶାଃ ପ୍ରଜେଶା ଵିଭଵୋନ୍ନତାଃ ।
କ୍ଷୁଦ୍ରା ଅପି ଭଵଂତ୍ୟାଶୁ ଶ୍ରୀକୃଷ୍ଣଂ ତଂ ନତୋଽସ୍ମ୍ୟହମ୍ ॥ 2॥

ଅନଂତା ଏଵ କୃଷ୍ଣସ୍ୟ ଲୀଲା ନାମପ୍ରଵର୍ତିକାଃ ।
ଉକ୍ତା ଭାଗଵତେ ଗୂହାଃ ପ୍ରକଟା ଅପି କୁତ୍ରଚିତ୍ ॥ 3॥

ଅତସ୍ତାନି ପ୍ରଵକ୍ଷ୍ୟାମି ନାମାନି ମୁରଵୈରିଣଃ ।
ସହସ୍ରଂ ୟୈସ୍ତୁ ପଠିତୈଃ ପଠିତଂ ସ୍ୟାଚ୍ଛୁକାମୃତମ୍ ॥ 4॥

କୃଷ୍ଣନାମସହସ୍ରସ୍ୟ ଋଷିରଗ୍ନିର୍ନିରୂପିତଃ ।
ଗାୟତ୍ରୀ ଚ ତଥା ଛଂଦୋ ଦେଵତା ପୁରୁଷୋତ୍ତମଃ ॥ 5॥

ଵିନିୟୋଗଃ ସମସ୍ତେଷୁ ପୁରୁଷାର୍ଥେଷୁ ଵୈ ମତଃ ।
ବୀଜଂ ଭକ୍ତପ୍ରିୟଃ ଶକ୍ତିଃ ସତ୍ୟଵାଗୁଚ୍ୟତେ ହରିଃ ॥ 6॥

ଭକ୍ତୋଦ୍ଧରଣୟତ୍ନସ୍ତୁ ମଂତ୍ରୋଽତ୍ର ପରମୋ ମତଃ ।
ଅଵତାରିତଭକ୍ତାଂଶଃ କୀଲକଂ ପରିକୀର୍ତିତମ୍ ॥ 7॥

ଅସ୍ତ୍ରଂ ସର୍ଵସମର୍ଥଶ୍ଚ ଗୋଵିଂଦଃ କଵଚଂ ମତମ୍ ।
ପୁରୁଷୋ ଧ୍ୟାନମତ୍ରୋକ୍ତଃ ସିଦ୍ଧିଃ ଶରଣସଂସ୍ମୃତିଃ ॥ 8॥

ଅଧିକାରଲୀଲା
ଶ୍ରୀକୃଷ୍ଣଃ ସଚ୍ଚିଦାନଂଦୋ ନିତ୍ୟଲୀଲାଵିନୋଦକୃତ୍ ।
ସର୍ଵାଗମଵିନୋଦୀ ଚ ଲକ୍ଷ୍ମୀଶଃ ପୁରୁଷୋତ୍ତମଃ ॥ 9॥

ଆଦିକାଲଃ ସର୍ଵକାଲଃ କାଲାତ୍ମା ମାୟୟାଵୃତଃ ।
ଭକ୍ତୋଦ୍ଧାରପ୍ରୟତ୍ନାତ୍ମା ଜଗତ୍କର୍ତା ଜଗନ୍ମୟଃ ॥ 10॥

ନାମଲୀଲାପରୋ ଵିଷ୍ଣୁର୍ଵ୍ୟାସାତ୍ମା ଶୁକମୋକ୍ଷଦଃ ।
ଵ୍ୟାପିଵୈକୁଂଠଦାତା ଚ ଶ୍ରୀମଦ୍ଭାଗଵତାଗମଃ ॥ 11॥

ଶୁକଵାଗମୃତାବ୍ଧୀଂଦୁଃ ଶୌନକାଦ୍ୟଖିଲେଷ୍ଟଦଃ ।
ଭକ୍ତିପ୍ରଵର୍ତକସ୍ତ୍ରାତା ଵ୍ୟାସଚିଂତାଵିନାଶକଃ ॥ 12॥

ସର୍ଵସିଦ୍ଧାଂତଵାଗାତ୍ମା ନାରଦାଦ୍ୟଖିଲେଷ୍ଟଦଃ ।
ଅଂତରାତ୍ମା ଧ୍ୟାନଗମ୍ୟୋ ଭକ୍ତିରତ୍ନପ୍ରଦାୟକଃ ॥ 13॥

ମୁକ୍ତୋପସୃପ୍ୟଃ ପୂର୍ଣାତ୍ମା ମୁକ୍ତାନାଂ ରତିଵର୍ଧନଃ ।
ଭକ୍ତକାର୍ୟୈକନିରତୋ ଦ୍ରୌଣ୍ୟସ୍ତ୍ରଵିନିଵାରକଃ ॥ 14॥

ଭକ୍ତସ୍ମୟପ୍ରଣେତା ଚ ଭକ୍ତଵାକ୍ପରିପାଲକଃ ।
ବ୍ରହ୍ମଣ୍ୟଦେଵୋ ଧର୍ମାତ୍ମା ଭକ୍ତାନାଂ ଚ ପରୀକ୍ଷକଃ ॥ 15॥

ଆସନ୍ନହିତକର୍ତା ଚ ମାୟାହିତକରଃ ପ୍ରଭୁଃ ।
ଉତ୍ତରାପ୍ରାଣଦାତା ଚ ବ୍ରହ୍ମାସ୍ତ୍ରଵିନିଵାରକଃ ॥ 16॥

ସର୍ଵତଃ ପାଣଵପତିଃ ପରୀକ୍ଷିଚ୍ଛୁଦ୍ଧିକାରଣମ୍ ।
ଗୂହାତ୍ମା ସର୍ଵଵେଦେଷୁ ଭକ୍ତୈକହୃଦୟଂଗମଃ ॥ 17॥

କୁଂତୀସ୍ତୁତ୍ୟଃ ପ୍ରସନ୍ନାତ୍ମା ପରମାଦ୍ଭୁତକାର୍ୟକୃତ୍ ।
ଭୀଷ୍ମମୁକ୍ତିପ୍ରଦଃ ସ୍ଵାମୀ ଭକ୍ତମୋହନିଵାରକଃ ॥ 18॥

ସର୍ଵାଵସ୍ଥାସୁ ସଂସେଵ୍ୟଃ ସମଃ ସୁଖହିତପ୍ରଦଃ ।
କୃତକୃତ୍ୟଃ ସର୍ଵସାକ୍ଷୀ ଭକ୍ତସ୍ତ୍ରୀରତିଵର୍ଧନଃ ॥ 19॥

ସର୍ଵସୌଭାଗ୍ୟନିଲୟଃ ପରମାଶ୍ଚର୍ୟରୂପଧୃକ୍ ।
ଅନନ୍ୟପୁରୁଷସ୍ଵାମୀ ଦ୍ଵାରକାଭାଗ୍ୟଭାଜନମ୍ ॥ 20॥

ବୀଜସଂସ୍କାରକର୍ତା ଚ ପରୀକ୍ଷିଜ୍ଜାନପୋଷକଃ ।
ସର୍ଵତ୍ରପୂର୍ଣଗୁଣକଃ ସର୍ଵଭୂଷଣଭୂଷିତଃ ॥ 21॥

ସର୍ଵଲକ୍ଷଣଦାତା ଚ ଧୃତରାଷ୍ଟ୍ରଵିମୁକ୍ତିଦଃ ।
ସନ୍ମାର୍ଗରକ୍ଷକୋ ନିତ୍ୟଂ ଵିଦୁରପ୍ରୀତିପୂରକଃ ॥ 22॥

ଲୀଲାଵ୍ୟାମୋହକର୍ତା ଚ କାଲଧର୍ମପ୍ରଵର୍ତକଃ ।
ପାଣଵାନାଂ ମୋକ୍ଷଦାତା ପରୀକ୍ଷିଦ୍ଭାଗ୍ୟଵର୍ଧନଃ ॥ 23॥

କଲିନିଗ୍ରହକର୍ତା ଚ ଧର୍ମାଦୀନାଂ ଚ ପୋଷକଃ ।
ସତ୍ସଂଗଜାନହେତୁଶ୍ଚ ଶ୍ରୀଭାଗଵତକାରଣମ୍ ॥ 24॥

ପ୍ରାକୃତାଦୃଷ୍ଟମାର୍ଗଶ୍ଚ॥॥॥॥॥॥ ଚୋଂତିନୁଏଦ୍

ଜ୍ଞାନ-ସାଧନ-ଲୀଲା
॥॥॥॥॥॥॥॥॥॥॥॥ ଶ୍ରୋତଵ୍ୟଃ ସକଲାଗମୈଃ ।
କୀର୍ତିତଵ୍ୟଃ ଶୁଦ୍ଧଭାଵୈଃ ସ୍ମର୍ତଵ୍ୟଶ୍ଚାତ୍ମଵିତ୍ତମୈଃ ॥ 25॥

ଅନେକମାର୍ଗକର୍ତା ଚ ନାନାଵିଧଗତିପ୍ରଦଃ ।
ପୁରୁଷଃ ସକଲାଧାରଃ ସତ୍ତ୍ଵୈକନିଲୟାତ୍ମଭୂଃ ॥ 26॥

ସର୍ଵଧ୍ୟେୟୋ ୟୋଗଗମ୍ୟୋ ଭକ୍ତ୍ୟା ଗ୍ରାହ୍ୟଃ ସୁରପ୍ରିୟଃ ।
ଜନ୍ମାଦିସାର୍ଥକକୃତିର୍ଲୀଲାକର୍ତା ପତିଃ ସତାମ୍ ॥ 27॥

ଆଦିକର୍ତା ତତ୍ତ୍ଵକର୍ତା ସର୍ଵକର୍ତା ଵିଶାରଦଃ ।
ନାନାଵତାରକର୍ତା ଚ ବ୍ରହ୍ମାଵିର୍ଭାଵକାରଣମ୍ ॥ 28॥

ଦଶଲୀଲାଵିନୋଦୀ ଚ ନାନାସୃଷ୍ଟିପ୍ରଵର୍ତକଃ ।
ଅନେକକଲ୍ପକର୍ତା ଚ ସର୍ଵଦୋଷଵିଵର୍ଜିତଃ ॥ 29॥

ସର୍ଗଲୀଲା
ଵୈରାଗ୍ୟହେତୁସ୍ତୀର୍ଥାତ୍ମା ସର୍ଵତୀର୍ଥଫଲପ୍ରଦଃ ।
ତୀର୍ଥଶୁଦ୍ଧୈକନିଲୟଃ ସ୍ଵମାର୍ଗପରିପୋଷକଃ ॥ 30॥

ତୀର୍ଥକୀର୍ତିର୍ଭକ୍ତଗମ୍ୟୋ ଭକ୍ତାନୁଶୟକାର୍ୟକୃତ୍ ।
ଭକ୍ତତୁଲ୍ୟଃ ସର୍ଵତୁଲ୍ୟଃ ସ୍ଵେଚ୍ଛାସର୍ଵପ୍ରଵର୍ତକଃ ॥ 31॥

ଗୁଣାତୀତୋଽନଵଦ୍ୟାତ୍ମା ସର୍ଗଲୀଲାପ୍ରଵର୍ତକଃ ।
ସାକ୍ଷାତ୍ସର୍ଵଜଗତ୍କର୍ତା ମହଦାଦିପ୍ରଵର୍ତକଃ ॥ 32॥

ମାୟାପ୍ରଵର୍ତକଃ ସାକ୍ଷୀ ମାୟାରତିଵିଵର୍ଧନଃ ।
ଆକାଶାତ୍ମା ଚତୁର୍ମୂର୍ତିଶ୍ଚତୁର୍ଧା ଭୂତଭାଵନଃ ॥ 33॥

ରଜଃପ୍ରଵର୍ତକୋ ବ୍ରହ୍ମା ମରୀଚ୍ୟାଦିପିତାମହଃ ।
ଵେଦକର୍ତା ୟଜ୍ଞକର୍ତା ସର୍ଵକର୍ତାଽମିତାତ୍ମକଃ ॥ 34॥

ଅନେକସୃଷ୍ଟିକର୍ତା ଚ ଦଶଧାସୃଷ୍ଟିକାରକଃ ।
ୟଜ୍ଞାଂଗୋ ୟଜ୍ଞଵାରାହୋ ଭୂଧରୋ ଭୂମିପାଲକଃ ॥ 35॥

ସେତୁର୍ଵିଧରଣୋ ଜୈତ୍ରୋ ହିରଣ୍ୟାକ୍ଷାଂତକଃ ସୁରଃ ।
ଦିତିକଶ୍ୟପକାମୈକହେତୁସୃଷ୍ଟିପ୍ରଵର୍ତକଃ ॥ 36॥

ଦେଵାଭୟପ୍ରଦାତା ଚ ଵୈକୁଂଠାଧିପତିର୍ମହାନ୍ ।
ସର୍ଵଗର୍ଵପ୍ରହାରୀ ଚ ସନକାଦ୍ୟଖିଲାର୍ଥଦଃ ॥ 37॥

ସର୍ଵାଶ୍ଵାସନକର୍ତା ଚ ଭକ୍ତତୁଲ୍ୟାହଵପ୍ରଦଃ ।
କାଲଲକ୍ଷଣହେତୁଶ୍ଚ ସର୍ଵାର୍ଥଜ୍ଞାପକଃ ପରଃ ॥ 38॥

ଭକ୍ତୋନ୍ନତିକରଃ ସର୍ଵପ୍ରକାରସୁଖଦାୟକଃ ।
ନାନାୟୁଦ୍ଧପ୍ରହରଣୋ ବ୍ରହ୍ମଶାପଵିମୋଚକଃ ॥ 39॥

ପୁଷ୍ଟିସର୍ଗପ୍ରଣେତା ଚ ଗୁଣସୃଷ୍ଟିପ୍ରଵର୍ତକଃ ।
କର୍ଦମେଷ୍ଟପ୍ରଦାତା ଚ ଦେଵହୂତ୍ୟଖିଲାର୍ଥଦଃ ॥ 40॥

ଶୁକ୍ଲନାରାୟଣଃ ସତ୍ୟକାଲଧର୍ମପ୍ରଵର୍ତକଃ ।
ଜ୍ଞାନାଵତାରଃ ଶାଂତାତ୍ମା କପିଲଃ କାଲନାଶକଃ ॥ 41॥

ତ୍ରିଗୁଣାଧିପତିଃ ସାଂଖ୍ୟଶାସ୍ତ୍ରକର୍ତା ଵିଶାରଦଃ ।
ସର୍ଗଦୂଷଣହାରୀ ଚ ପୁଷ୍ଟିମୋକ୍ଷପ୍ରଵର୍ତକଃ ॥ 42॥

ଲୌକିକାନଂଦଦାତା ଚ ବ୍ରହ୍ମାନଂଦପ୍ରଵର୍ତକଃ ।
ଭକ୍ତିସିଦ୍ଧାଂତଵକ୍ତା ଚ ସଗୁଣଜ୍ଞାନଦୀପକଃ ॥ 43॥

ଆତ୍ମପ୍ରଦଃ ପୂର୍ଣକାମୋ ୟୋଗାତ୍ମା ୟୋଗଭାଵିତଃ ।
ଜୀଵନ୍ମୁକ୍ତିପ୍ରଦଃ ଶ୍ରୀମାନନ୍ୟଭକ୍ତିପ୍ରଵର୍ତକଃ ॥ 44॥

କାଲସାମର୍ଥ୍ୟଦାତା ଚ କାଲଦୋଷନିଵାରକଃ ।
ଗର୍ଭୋତ୍ତମଜ୍ଞାନଦାତା କର୍ମମାର୍ଗନିୟାମକଃ ॥ 45॥

ସର୍ଵମାର୍ଗନିରାକର୍ତା ଭକ୍ତିମାର୍ଗୈକପୋଷକଃ ।
ସିଦ୍ଧିହେତୁଃ ସର୍ଵହେତୁଃ ସର୍ଵାଶ୍ଚର୍ୟୈକକାରଣମ୍ ॥ 46॥

ଚେତନାଚେତନପତିଃ ସମୁଦ୍ରପରିପୂଜିତଃ ।
ସାଂଖ୍ୟାଚାର୍ୟସ୍ତୁତଃ ସିଦ୍ଧପୂଜିତଃ ସର୍ଵପୂଜିତଃ ॥ 47॥

ଵିସର୍ଗଲୀଲା
ଵିସର୍ଗକର୍ତା ସର୍ଵେଶଃ କୋଟିସୂର୍ୟସମପ୍ରଭଃ ।
ଅନଂତଗୁଣଗଂଭୀରୋ ମହାପୁରୁଷପୂଜିତଃ ॥ 48॥

ଅନଂତସୁଖଦାତା ଚ ବ୍ରହ୍ମକୋଟିପ୍ରଜାପତିଃ ।
ସୁଧାକୋଟିସ୍ଵାସ୍ଥ୍ୟହେତୁଃ କାମଧୁକ୍କୋଟିକାମଦଃ ॥ 49॥

ସମୁଦ୍ରକୋଟିଗଂଭୀରସ୍ତୀର୍ଥକୋଟିସମାହ୍ଵୟଃ ।
ସୁମେରୁକୋଟିନିଷ୍କଂପଃ କୋଟିବ୍ରହ୍ମାଂଡଵିଗ୍ରହଃ ॥ 50॥

କୋଟ୍ୟଶ୍ଵମେଧପାପଘ୍ନୋ ଵାୟୁକୋଟିମହାବଲଃ ।
କୋଟୀଂଦୁଜଗଦାନଂଦୀ ଶିଵକୋଟିପ୍ରସାଦକୃତ୍ ॥ 51॥

ସର୍ଵସଦ୍ଗୁଣମାହାତ୍ମ୍ୟଃ ସର୍ଵସଦ୍ଗୁଣଭାଜନମ୍ ।
ମନ୍ଵାଦିପ୍ରେରକୋ ଧର୍ମୋ ୟଜ୍ଞନାରାୟଣଃ ପରଃ ॥ 52॥

ଆକୂତିସୂନୁର୍ଦେଵେଂଦ୍ରୋ ରୁଚିଜନ୍ମାଽଭୟପ୍ରଦଃ ।
ଦକ୍ଷିଣାପତିରୋଜସ୍ଵୀ କ୍ରିୟାଶକ୍ତିଃ ପରାୟଣଃ ॥ 53॥

ଦତ୍ତାତ୍ରେୟୋ ୟୋଗପତିର୍ୟୋଗମାର୍ଗପ୍ରଵର୍ତକଃ ।
ଅନସୂୟାଗର୍ଭରତ୍ନମୃଷିଵଂଶଵିଵର୍ଧନଃ ॥ 54॥

ଗୁଣତ୍ରୟଵିଭାଗଜ୍ଞଶ୍ଚତୁର୍ଵର୍ଗଵିଶାରଦଃ ।
ନାରାୟଣୋ ଧର୍ମସୂନୁର୍ମୂର୍ତିପୁଣ୍ୟୟଶସ୍କରଃ ॥ 55॥

ସହସ୍ରକଵଚଚ୍ଛେଦୀ ତପଃସାରୋ ନରପ୍ରିୟଃ ।
ଵିଶ୍ଵାନଂଦପ୍ରଦଃ କର୍ମସାକ୍ଷୀ ଭାରତପୂଜିତଃ ॥ 56॥

ଅନଂତାଦ୍ଭୁତମାହାତ୍ମ୍ୟୋ ବଦରୀସ୍ଥାନଭୂଷଣମ୍ ।
ଜିତକାମୋ ଜିତକ୍ରୋଧୋ ଜିତସଂଗୋ ଜିତେଂଦ୍ରିୟଃ ॥ 57॥

ଉର୍ଵଶୀପ୍ରଭଵଃ ସ୍ଵର୍ଗସୁଖଦାୟୀ ସ୍ଥିତିପ୍ରଦଃ ।
ଅମାନୀ ମାନଦୋ ଗୋପ୍ତା ଭଗଵଚ୍ଛାସ୍ତ୍ରବୋଧକଃ ॥ 58॥

ବ୍ରହ୍ମାଦିଵଂଦ୍ୟୋ ହଂସଶ୍ରୀର୍ମାୟାଵୈଭଵକାରଣମ୍ ।
ଵିଵିଧାନଂତସର୍ଗାତ୍ମା ଵିଶ୍ଵପୂରଣତତ୍ପରଃ ॥ 59॥

ୟଜ୍ଞଜୀଵନହେତୁଶ୍ଚ ୟଜ୍ଞସ୍ଵାମୀଷ୍ଟବୋଧକଃ ।
ନାନାସିଦ୍ଧାଂତଗମ୍ୟଶ୍ଚ ସପ୍ତତଂତୁଶ୍ଚ ଷଡ୍ଗୁଣଃ ॥ 60॥

ପ୍ରତିସର୍ଗଜଗତ୍କର୍ତା ନାନାଲୀଲାଵିଶାରଦଃ ।
ଧ୍ରୁଵପ୍ରିୟୋ ଧ୍ରୁଵସ୍ଵାମୀ ଚିଂତିତାଧିକଦାୟକଃ ॥ 61॥

ଦୁର୍ଲଭାନଂତଫଲଦୋ ଦୟାନିଧିରମିତ୍ରହା ।
ଅଂଗସ୍ଵାମୀ କୃପାସାରୋ ଵୈନ୍ୟୋ ଭୂମିନିୟାମକଃ ॥ 62॥

ଭୂମିଦୋଗ୍ଧା ପ୍ରଜାପ୍ରାଣପାଲନୈକପରାୟଣଃ ।
ୟଶୋଦାତା ଜ୍ଞାନଦାତା ସର୍ଵଧର୍ମପ୍ରଦର୍ଶକଃ ॥ 63॥

ପୁରଂଜନୋ ଜଗନ୍ମିତ୍ରଂ ଵିସର୍ଗାଂତପ୍ରଦର୍ଶକଃ ।
ପ୍ରଚେତସାଂ ପତିଶ୍ଚିତ୍ରଭକ୍ତିହେତୁର୍ଜନାର୍ଦନଃ ॥ 64॥

ସ୍ମୃତିହେତୁବ୍ରହ୍ମଭାଵସାୟୁଜ୍ୟାଦିପ୍ରଦଃ ଶୁଭଃ ।
ଵିଜୟୀ ॥॥॥॥॥॥॥॥॥॥ ଚୋଂତିନୁଏଦ୍

ସ୍ଥାନଲୀଲା
॥॥ ସ୍ଥିତିଲୀଲାବ୍ଧିରଚ୍ୟୁତୋ ଵିଜୟପ୍ରଦଃ ॥ 65॥

ସ୍ଵସାମର୍ଥ୍ୟପ୍ରଦୋ ଭକ୍ତକୀର୍ତିହେତୁରଧୋକ୍ଷଜଃ ।
ପ୍ରିୟଵ୍ରତପ୍ରିୟସ୍ଵାମୀ ସ୍ଵେଚ୍ଛାଵାଦଵିଶାରଦଃ ॥ 66॥

ସଂଗ୍ୟଗମ୍ୟଃ ସ୍ଵପ୍ରକାଶଃ ସର୍ଵସଂଗଵିଵର୍ଜିତଃ ।
ଇଚ୍ଛାୟାଂ ଚ ସମର୍ୟାଦସ୍ତ୍ୟାଗମାତ୍ରୋପଲଂଭନଃ ॥ 67॥

ଅଚିଂତ୍ୟକାର୍ୟକର୍ତା ଚ ତର୍କାଗୋଚରକାର୍ୟକୃତ୍ ।
ଶ‍ଋଂଗାରରସମର୍ୟାଦା ଆଗ୍ନୀଧ୍ରରସଭାଜନମ୍ ॥ 68॥

ନାଭୀଷ୍ଟପୂରକଃ କର୍ମମର୍ୟାଦାଦର୍ଶନୋତ୍ସୁକଃ ।
ସର୍ଵରୂପୋଽଦ୍ଭୁତତମୋ ମର୍ୟାଦାପୁରୁଷୋତ୍ତମଃ ॥ 69॥

ସର୍ଵରୂପେଷୁ ସତ୍ୟାତ୍ମା କାଲସାକ୍ଷୀ ଶଶିପ୍ରଭଃ ।
ମେରୁଦେଵୀଵ୍ରତଫଲମୃଷଭୋ ଭଗଲକ୍ଷଣଃ ॥ 70॥

ଜଗତ୍ସଂତର୍ପକୋ ମେଘରୂପୀ ଦେଵେଂଦ୍ରଦର୍ପହା ।
ଜୟଂତୀପତିରତ୍ୟଂତପ୍ରମାଣାଶେଷଲୌକିକଃ ॥ 71॥

ଶତଧାନ୍ୟସ୍ତଭୂତାତ୍ମା ଶତାନଂଦୋ ଗୁଣପ୍ରସୂଃ ।
ଵୈଷ୍ଣଵୋତ୍ପାଦନପରଃ ସର୍ଵଧର୍ମୋପଦେଶକଃ ॥ 72॥

ପରହଂସକ୍ରିୟାଗୋପ୍ତା ୟୋଗଚର୍ୟାପ୍ରଦର୍ଶକଃ ।
ଚତୁର୍ଥାଶ୍ରମନିର୍ଣେତା ସଦାନଂଦଶରୀରଵାନ୍ ॥ 73॥

ପ୍ରଦର୍ଶିତାନ୍ୟଧର୍ମଶ୍ଚ ଭରତସ୍ଵାମ୍ୟପାରକୃତ୍ ।
ୟଥାଵତ୍କର୍ମକର୍ତା ଚ ସଂଗାନିଷ୍ଟପ୍ରଦର୍ଶକଃ ॥ 74॥

ଆଵଶ୍ୟକପୁନର୍ଜନ୍ମକର୍ମମାର୍ଗପ୍ରଦର୍ଶକଃ ।
ୟଜ୍ଞରୂପମୃଗଃ ଶାଂତଃ ସହିଷ୍ଣୁଃ ସତ୍ପରାକ୍ରମଃ ॥ 75॥

ରହୂଗଣଗତିଜ୍ଞଶ୍ଚ ରହୂଗଣଵିମୋଚକଃ ।
ଭଵାଟଵୀତତ୍ତ୍ଵଵକ୍ତା ବହିର୍ମୁଖହିତେ ରତଃ ॥ 76॥

ଗୟସ୍ଵାମୀ ସ୍ଥାନଵଂଶକର୍ତା ସ୍ଥାନଵିଭେଦକୃତ୍ ।
ପୁରୁଷାଵୟଵୋ ଭୂମିଵିଶେଷଵିନିରୂପକଃ ॥ 77॥

ଜଂବୂଦ୍ଵୀପପତିର୍ମେରୁନାଭିପଦ୍ମରୁହାଶ୍ରୟଃ ।
ନାନାଵିଭୂତିଲୀଲାଢ୍ୟୋ ଗଂଗୋତ୍ପତ୍ତିନିଦାନକୃତ୍ ॥ 78॥

ଗଂଗାମାହାତ୍ମ୍ୟହେତୁଶ୍ଚ ଗଂଗାରୂପୋଽତିଗୂଢକୃତ୍ ।
ଵୈକୁଂଠଦେହହେତ୍ଵଂବୁଜନ୍ମକୃତ୍ ସର୍ଵପାଵନଃ ॥ 79॥

ଶିଵସ୍ଵାମୀ ଶିଵୋପାସ୍ୟୋ ଗୂଢଃ ସଂକର୍ଷଣାତ୍ମକଃ ।
ସ୍ଥାନରକ୍ଷାର୍ଥମତ୍ସ୍ୟାଦିରୂପଃ ସର୍ଵୈକପୂଜିତଃ ॥ 80॥

ଉପାସ୍ୟନାନାରୂପାତ୍ମା ଜ୍ୟୋତୀରୂପୋ ଗତିପ୍ରଦଃ ।
ସୂର୍ୟନାରାୟଣୋ ଵେଦକାଂତିରୁଜ୍ଜ୍ଵଲଵେଷଧୃକ୍ ॥ 81॥

ହଂସୋଽଂତରିକ୍ଷଗମନଃ ସର୍ଵପ୍ରସଵକାରଣମ୍ ।
ଆନଂଦକର୍ତା ଵସୁଦୋ ବୁଧୋ ଵାକ୍ପତିରୁଜ୍ଜ୍ଵଲଃ ॥ 82॥

କାଲାତ୍ମା କାଲକାଲଶ୍ଚ କାଲଚ୍ଛେଦକୃଦୁତ୍ତମଃ ।
ଶିଶୁମାରଃ ସର୍ଵମୂର୍ତିରାଧିଦୈଵିକରୂପଧୃକ୍ ॥ 83॥

ଅନଂତସୁଖଭୋଗାଢ୍ୟୋ ଵିଵରୈଶ୍ଵର୍ୟଭାଜନମ୍ ।
ସଂକର୍ଷଣୋ ଦୈତ୍ୟପତିଃ ସର୍ଵାଧାରୋ ବୃହଦ୍ଵପୁଃ ॥ 84॥

ଅନଂତନରକଚ୍ଛେଦୀ ସ୍ମୃତିମାତ୍ରାର୍ତିନାଶନଃ ।
ସର୍ଵାନୁଗ୍ରହକର୍ତା ଚ ॥॥॥॥॥॥॥॥॥॥ ଚୋଂତିନୁଏଦ୍

ପୋଷଣ-ପୁଷ୍ଟି-ଲୀଲା
॥॥॥॥॥॥॥॥ ମର୍ୟାଦାଭିନ୍ନଶାସ୍ତ୍ରକୃତ୍ ॥ 85 ॥

କାଲାଂତକଭୟଚ୍ଛେଦୀ ନାମସାମର୍ଥ୍ୟରୂପଧୃକ୍ ।
ଉଦ୍ଧାରାନର୍ହଗୋପ୍ତ୍ରାତ୍ମା ନାମାଦିପ୍ରେରକୋତ୍ତମଃ ॥ 86॥

ଅଜାମିଲମହାଦୁଷ୍ଟମୋଚକୋଽଘଵିମୋଚକଃ ।
ଧର୍ମଵକ୍ତାଽକ୍ଲିଷ୍ଟଵକ୍ତା ଵିଷ୍ଣୁଧର୍ମସ୍ଵରୂପଧୃକ୍ ॥ 87॥

ସନ୍ମାର୍ଗପ୍ରେରକୋ ଧର୍ତା ତ୍ୟାଗହେତୁରଧୋକ୍ଷଜଃ ।
ଵୈକୁଂଠପୁରନେତା ଚ ଦାସସଂଵୃଦ୍ଧିକାରକଃ ॥ 88॥

ଦକ୍ଷପ୍ରସାଦକୃଦ୍ଧଂସଗୁହ୍ୟସ୍ତୁତିଵିଭାଵନଃ ।
ସ୍ଵାଭିପ୍ରାୟପ୍ରଵକ୍ତା ଚ ମୁକ୍ତଜୀଵପ୍ରସୂତିକୃତ୍ ॥ 89॥

ନାରଦପ୍ରେରଣାତ୍ମା ଚ ହର୍ୟଶ୍ଵବ୍ରହ୍ମଭାଵନଃ ।
ଶବଲାଶ୍ଵହିତୋ ଗୂଢଵାକ୍ୟାର୍ଥଜ୍ଞାପନକ୍ଷମଃ ॥ 90॥

ଗୂଢାର୍ଥଜ୍ଞାପନଃ ସର୍ଵମୋକ୍ଷାନଂଦପ୍ରତିଷ୍ଠିତଃ ।
ପୁଷ୍ଟିପ୍ରରୋହହେତୁଶ୍ଚ ଦାସୈକଜ୍ଞାତହୃଦ୍ଗତଃ ॥ 91॥

ଶାଂତିକର୍ତା ସୁହିତକୃତ୍ ସ୍ତ୍ରୀପ୍ରସୂଃ ସର୍ଵକାମଧୁକ୍ ।
ପୁଷ୍ଟିଵଂଶପ୍ରଣେତା ଚ ଵିଶ୍ଵରୂପେଷ୍ଟଦେଵତା ॥ 92॥

କଵଚାତ୍ମା ପାଲନାତ୍ମା ଵର୍ମୋପଚିତିକାରଣମ୍ ।
ଵିଶ୍ଵରୂପଶିରଶ୍ଛେଦୀ ତ୍ଵାଷ୍ଟ୍ରୟଜ୍ଞଵିନାଶକଃ ॥ 93॥

ଵୃତ୍ରସ୍ଵାମୀ ଵୃତ୍ରଗମ୍ୟୋ ଵୃତ୍ରଵ୍ରତପରାୟଣଃ ।
ଵୃତ୍ରକୀର୍ତିର୍ଵୃତ୍ରମୋକ୍ଷୋ ମଘଵତ୍ପ୍ରାଣରକ୍ଷକଃ ॥ 94॥

ଅଶ୍ଵମେଧହଵିର୍ଭୋକ୍ତା ଦେଵେଂଦ୍ରାମୀଵନାଶକଃ ।
ସଂସାରମୋଚକଶ୍ଚିତ୍ରକେତୁବୋଧନତତ୍ପରଃ ॥ 95॥

ମଂତ୍ରସିଦ୍ଧିଃ ସିଦ୍ଧିହେତୁଃ ସୁସିଦ୍ଧିଫଲଦାୟକଃ ।
ମହାଦେଵତିରସ୍କର୍ତା ଭକ୍ତ୍ୟୈ ପୂର୍ଵାର୍ଥନାଶକଃ ॥ 96॥

ଦେଵବ୍ରାହ୍ମଣଵିଦ୍ଵେଷଵୈମୁଖ୍ୟଜ୍ଞାପକଃ ଶିଵଃ ।
ଆଦିତ୍ୟୋ ଦୈତ୍ୟରାଜଶ୍ଚ ମହତ୍ପତିରଚିଂତ୍ୟକୃତ୍ ॥ 97॥

ମରୁତାଂ ଭେଦକସ୍ତ୍ରାତା ଵ୍ରତାତ୍ମା ପୁଂପ୍ରସୂତିକୃତ୍ ।

ଊତିଲୀଲା
କର୍ମାତ୍ମା ଵାସନାତ୍ମା ଚ ଊତିଲୀଲାପରାୟଣଃ ॥ 98॥

ସମଦୈତ୍ୟସୁରଃ ସ୍ଵାତ୍ମା ଵୈଷମ୍ୟଜ୍ଞାନସଂଶ୍ରୟଃ ।
ଦେହାଦ୍ୟୁପାଧିରହିତଃ ସର୍ଵଜ୍ଞଃ ସର୍ଵହେତୁଵିଦ୍ ॥ 99॥

ବ୍ରହ୍ମଵାକ୍ସ୍ଥାପନପରଃ ସ୍ଵଜନ୍ମାଵଧିକାର୍ୟକୃତ୍ ।
ସଦସଦ୍ଵାସନାହେତୁସ୍ତ୍ରିସତ୍ୟୋ ଭକ୍ତମୋଚକଃ ॥ 100॥

ହିରଣ୍ୟକଶିପୁଦ୍ଵେଷୀ ପ୍ରଵିଷ୍ଟାତ୍ମାଽତିଭୀଷଣଃ ।
ଶାଂତିଜ୍ଞାନାଦିହେତୁଶ୍ଚ ପ୍ରହ୍ଲାଦୋତ୍ପତ୍ତିକାରଣମ୍ ॥ 101॥

ଦୈତ୍ୟସିଦ୍ଧାଂତସଦ୍ଵକ୍ତା ତପଃସାର ଉଦାରଧୀଃ ।
ଦୈତ୍ୟହେତୁପ୍ରକଟନୋ ଭକ୍ତିଚିହ୍ନପ୍ରକାଶକଃ ॥ 102॥

ସଦ୍ଦ୍ଵେଷହେତୁଃ ସଦ୍ଦ୍ଵେଷଵାସନାତ୍ମା ନିରଂତରଃ ।
ନୈଷ୍ଠୁର୍ୟସୀମା ପ୍ରହ୍ଲାଦଵତ୍ସଲଃ ସଂଗଦୋଷହା ॥ 103॥

ମହାନୁଭାଵଃ ସାକାରଃ ସର୍ଵାକାରଃ ପ୍ରମାଣଭୂଃ ।
ସ୍ତଂଭପ୍ରସୂତିର୍ନୃହରିର୍ନୃସିଂହୋ ଭୀମଵିକ୍ରମଃ ॥ 104॥

ଵିକଟାସ୍ୟୋ ଲଲଜ୍ଜିହ୍ଵୋ ନଖଶସ୍ତ୍ରୋ ଜଵୋତ୍କଟଃ ।
ହିରଣ୍ୟକଶିପୁଚ୍ଛେଦୀ କ୍ରୂରଦୈତ୍ୟନିଵାରକଃ ॥ 105॥

ସିଂହାସନସ୍ଥଃ କ୍ରୋଧାତ୍ମା ଲକ୍ଷ୍ମୀଭୟଵିଵର୍ଧନଃ ।
ବ୍ରହ୍ମାଦ୍ୟତ୍ୟଂତଭୟଭୂରପୂର୍ଵାଚିଂତ୍ୟରୂପଧୃକ୍ ॥ 106॥

ଭକ୍ତୈକଶାଂତହୃଦୟୋ ଭକ୍ତସ୍ତୁତ୍ୟଃ ସ୍ତୁତିପ୍ରିୟଃ ।
ଭକ୍ତାଂଗଲେହନୋଦ୍ଧୂତକ୍ରୋଧପୁଙ୍ଜଃ ପ୍ରଶାଂତଧୀଃ ॥ 107॥

ସ୍ମୃତିମାତ୍ରଭୟତ୍ରାତା ବ୍ରହ୍ମବୁଦ୍ଧିପ୍ରଦାୟକଃ ।
ଗୋରୂପଧାର୍ୟମୃତପାଃ ଶିଵକୀର୍ତିଵିଵର୍ଧନଃ ॥ 108॥

ଧର୍ମାତ୍ମା ସର୍ଵକର୍ମାତ୍ମା ଵିଶେଷାତ୍ମାଽଽଶ୍ରମପ୍ରଭୁଃ ।
ସଂସାରମଗ୍ନସ୍ଵୋଦ୍ଧର୍ତା ସନ୍ମାର୍ଗାଖିଲତତ୍ତ୍ଵଵାକ୍ ॥ 109॥

ଆଚାରାତ୍ମା ସଦାଚାରଃ ॥॥॥॥॥॥॥॥॥ ଚୋଂତିନୁଏଦ୍

ମନ୍ଵଂତରଲୀଲା
॥॥॥॥॥॥॥॥॥॥ମନ୍ଵଂତରଵିଭାଵନଃ ।
ସ୍ମୃତ୍ୟାଽଶେଷାଶୁଭହରୋ ଗଜେଂଦ୍ରସ୍ମୃତିକାରଣମ୍ ॥ 110॥

ଜାତିସ୍ମରଣହେତ୍ଵୈକପୂଜାଭକ୍ତିସ୍ଵରୂପଦଃ ।
ୟଜ୍ଞୋ ଭୟାନ୍ମନୁତ୍ରାତା ଵିଭୁର୍ବ୍ରହ୍ମଵ୍ରତାଶ୍ରୟଃ ॥ 111॥

ସତ୍ୟସେନୋ ଦୁଷ୍ଟଘାତୀ ହରିର୍ଗଜଵିମୋଚକଃ ।
ଵୈକୁଂଠୋ ଲୋକକର୍ତା ଚ ଅଜିତୋଽମୃତକାରଣମ୍ ॥ 112॥

ଉରୁକ୍ରମୋ ଭୂମିହର୍ତା ସାର୍ଵଭୌମୋ ବଲିପ୍ରିୟଃ ।
ଵିଭୁଃ ସର୍ଵହିତୈକାତ୍ମା ଵିଷ୍ଵକ୍ସେନଃ ଶିଵପ୍ରିୟଃ ॥ 113॥

ଧର୍ମସେତୁର୍ଲୋକଧୃତିଃ ସୁଧାମାଂତରପାଲକଃ ।
ଉପହର୍ତା ୟୋଗପତିର୍ବୃହଦ୍ଭାନୁଃ କ୍ରିୟାପତିଃ ॥ 114॥

ଚତୁର୍ଦଶପ୍ରମାଣାତ୍ମା ଧର୍ମୋ ମନ୍ଵାଦିବୋଧକଃ ।
ଲକ୍ଷ୍ମୀଭୋଗୈକନିଲୟୋ ଦେଵମଂତ୍ରପ୍ରଦାୟକଃ ॥ 115॥

ଦୈତ୍ୟଵ୍ୟାମୋହକଃ ସାକ୍ଷାଦ୍ଗରୁଡସ୍କଂଧସଂଶ୍ରୟଃ ।
ଲୀଲାମଂଦରଧାରୀ ଚ ଦୈତ୍ୟଵାସୁକିପୂଜିତଃ ॥ 116॥

ସମୁଦ୍ରୋନ୍ମଥନାୟତ୍ତୋଽଵିଘ୍ନକର୍ତା ସ୍ଵଵାକ୍ୟକୃତ୍ ।
ଆଦିକୂର୍ମଃ ପଵିତ୍ରାତ୍ମା ମଂଦରାଘର୍ଷଣୋତ୍ସୁକଃ ॥ 117॥

ଶ୍ଵାସୈଜଦବ୍ଧିଵାର୍ଵୀଚିଃ କଲ୍ପାଂତାଵଧିକାର୍ୟକୃତ୍ ।
ଚତୁର୍ଦଶମହାରତ୍ନୋ ଲକ୍ଷ୍ମୀସୌଭାଗ୍ୟଵର୍ଧନଃ ॥ 118॥

ଧନ୍ଵଂତରିଃ ସୁଧାହସ୍ତୋ ୟଜ୍ଞଭୋକ୍ତାଽଽର୍ତିନାଶନଃ ।
ଆୟୁର୍ଵେଦପ୍ରଣେତା ଚ ଦେଵଦୈତ୍ୟାଖିଲାର୍ଚିତଃ ॥ 119॥

ବୁଦ୍ଧିଵ୍ୟାମୋହକୋ ଦେଵକାର୍ୟସାଧନତତ୍ପରଃ ।
ସ୍ତ୍ରୀରୂପୋ ମାୟୟା ଵକ୍ତା ଦୈତ୍ୟାଂତଃକରଣପ୍ରିୟଃ ॥ 120॥

ପାୟିତାମୃତଦେଵାଂଶୋ ୟୁଦ୍ଧହେତୁସ୍ମୃତିପ୍ରଦଃ ।
ସୁମାଲିମାଲିଵଧକୃନ୍ମାଲ୍ୟଵତ୍ପ୍ରାଣହାରକଃ ॥ 121॥

କାଲନେମିଶିରଶ୍ଛେଦୀ ଦୈତ୍ୟୟଜ୍ଞଵିନାଶକଃ ।
ଇଂଦ୍ରସାମର୍ଥ୍ୟଦାତା ଚ ଦୈତ୍ୟଶେଷସ୍ଥିତିପ୍ରିୟଃ ॥ 122॥

ଶିଵଵ୍ୟାମୋହକୋ ମାୟୀ ଭୃଗୁମଂତ୍ରସ୍ଵଶକ୍ତିଦଃ ।
ବଲିଜୀଵନକର୍ତା ଚ ସ୍ଵର୍ଗହେତୁର୍ଵ୍ରତାର୍ଚିତଃ ॥ 123॥

ଅଦିତ୍ୟାନଂଦକର୍ତା ଚ କଶ୍ୟପାଦିତିସଂଭଵଃ ।
ଉପେଂଦ୍ର ଇଂଦ୍ରାଵରଜୋ ଵାମନବ୍ରହ୍ମରୂପଧୃକ୍ ॥ 124॥

ବ୍ରହ୍ମାଦିସେଵିତଵପୁର୍ୟଜ୍ଞପାଵନତତ୍ପରଃ ।
ୟାଚ୍ଞୋପଦେଶକର୍ତା ଚ ଜ୍ଞାପିତାଶେଷସଂସ୍ଥିତିଃ ॥ 125॥

ସତ୍ୟାର୍ଥପ୍ରେରକଃ ସର୍ଵହର୍ତା ଗର୍ଵଵିନାଶକଃ ।
ତ୍ରିଵିକ୍ରମସ୍ତ୍ରିଲୋକାତ୍ମା ଵିଶ୍ଵମୂର୍ତିଃ ପୃଥୁଶ୍ରଵାଃ ॥ 126॥

ପାଶବଦ୍ଧବଲିଃ ସର୍ଵଦୈତ୍ୟପକ୍ଷୋପମର୍ଦକଃ ।
ସୁତଲସ୍ଥାପିତବଲିଃ ସ୍ଵର୍ଗାଧିକସୁଖପ୍ରଦଃ ॥ 127॥

କର୍ମସଂପୂର୍ତିକର୍ତା ଚ ସ୍ଵର୍ଗସଂସ୍ଥାପିତାମରଃ ।
ଜ୍ଞାତତ୍ରିଵିଧଧର୍ମାତ୍ମା ମହାମୀନୋଽବ୍ଧିସଂଶ୍ରୟଃ ॥ 128॥

ସତ୍ୟଵ୍ରତପ୍ରିୟୋ ଗୋପ୍ତା ମତ୍ସ୍ୟମୂର୍ତିଧୃତଶ୍ରୁତିଃ ।
ଶ‍ଋଂଗବଦ୍ଧଧୃତକ୍ଷୋଣିଃ ସର୍ଵାର୍ଥଜ୍ଞାପକୋ ଗୁରୁଃ ॥ 129॥

ଈଶାନୁକଥାଲୀଲା
ଈଶସେଵକଲୀଲାତ୍ମା ସୂର୍ୟଵଂଶପ୍ରଵର୍ତକଃ ।
ସୋମଵଂଶୋଦ୍ଭଵକରୋ ମନୁପୁତ୍ରଗତିପ୍ରଦଃ ॥ 130॥

ଅଂବରୀଷପ୍ରିୟଃ ସାଧୁର୍ଦୁର୍ଵାସୋଗର୍ଵନାଶକଃ ।
ବ୍ରହ୍ମଶାପୋପସଂହର୍ତା ଭକ୍ତକୀର୍ତିଵିଵର୍ଧନଃ ॥ 131॥

ଇକ୍ଷ୍ଵାକୁଵଂଶଜନକଃ ସଗରାଦ୍ୟଖିଲାର୍ଥଦଃ ।
ଭଗୀରଥମହାୟତ୍ନୋ ଗଂଗାଧୌତାଂଘ୍ରିପଂକଜଃ ॥ 132॥

ବ୍ରହ୍ମସ୍ଵାମୀ ଶିଵସ୍ଵାମୀ ସଗରାତ୍ମଜମୁକ୍ତିଦଃ ।
ଖଟ୍ଵାଂଗମୋକ୍ଷହେତୁଶ୍ଚ ରଘୁଵଂଶଵିଵର୍ଧନଃ ॥ 133॥

ରଘୁନାଥୋ ରାମଚଂଦ୍ରୋ ରାମଭଦ୍ରୋ ରଘୁପ୍ରିୟଃ ।
ଅନଂତକୀର୍ତିଃ ପୁଣ୍ୟାତ୍ମା ପୁଣ୍ୟଶ୍ଲୋକୈକଭାସ୍କରଃ ॥ 134॥

କୋଶଲେଂଦ୍ରଃ ପ୍ରମାଣାତ୍ମା ସେଵ୍ୟୋ ଦଶରଥାତ୍ମଜଃ ।
ଲକ୍ଷ୍ମଣୋ ଭରତଶ୍ଚୈଵ ଶତ୍ରୁଘ୍ନୋ ଵ୍ୟୂହଵିଗ୍ରହଃ ॥ 135॥

ଵିଶ୍ଵାମିତ୍ରପ୍ରିୟୋ ଦାଂତସ୍ତାଡକାଵଧମୋକ୍ଷଦଃ ।
ଵାୟଵ୍ୟାସ୍ତ୍ରାବ୍ଧିନିକ୍ଷିପ୍ତମାରୀଚଶ୍ଚ ସୁବାହୁହା ॥ 136॥

ଵୃଷଧ୍ଵଜଧନୁର୍ଭଂଗପ୍ରାପ୍ତସୀତାମହୋତ୍ସଵଃ ।
ସୀତାପତିର୍ଭୃଗୁପତିଗର୍ଵପର୍ଵତନାଶକଃ ॥ 137॥

ଅୟୋଧ୍ୟାସ୍ଥମହାଭୋଗୟୁକ୍ତଲକ୍ଷ୍ମୀଵିନୋଦଵାନ୍ ।
କୈକେୟୀଵାକ୍ୟକର୍ତା ଚ ପିତୃଵାକ୍ପରିପାଲକଃ ॥ 138॥

ଵୈରାଗ୍ୟବୋଧକୋଽନନ୍ୟସାତ୍ତ୍ଵିକସ୍ଥାନବୋଧକଃ ।
ଅହଲ୍ୟାଦୁଃଖହାରୀ ଚ ଗୁହସ୍ଵାମୀ ସଲକ୍ଷ୍ମଣଃ ॥ 139॥

ଚିତ୍ରକୂଟପ୍ରିୟସ୍ଥାନୋ ଦଂଡକାରଣ୍ୟପାଵନଃ ।
ଶରଭଂଗସୁତୀକ୍ଷ୍ଣାଦିପୂଜିତୋଽଗସ୍ତ୍ୟଭାଗ୍ୟଭୂଃ ॥ 140॥

ଋଷିସଂପ୍ରାର୍ଥିତକୃତିର୍ଵିରାଧଵଧପଂଡିତଃ ।
ଛିନ୍ନଶୂର୍ପଣଖାନାସଃ ଖରଦୂଷଣଘାତକଃ ॥ 141॥

ଏକବାଣହତାନେକସହସ୍ରବଲରାକ୍ଷସଃ ।
ମାରୀଚଘାତୀ ନିୟତସୀତାସଂବଂଧଶୋଭିତଃ ॥ 142॥

ସୀତାଵିୟୋଗନାଟ୍ୟଶ୍ଚ ଜଟାୟୁର୍ଵଧମୋକ୍ଷଦଃ ।
ଶବରୀପୂଜିତୋ ଭକ୍ତହନୁମତ୍ପ୍ରମୁଖାଵୃତଃ ॥ 143॥

ଦୁଂଦୁଭ୍ୟସ୍ଥିପ୍ରହରଣଃ ସପ୍ତତାଲଵିଭେଦନଃ ।
ସୁଗ୍ରୀଵରାଜ୍ୟଦୋ ଵାଲିଘାତୀ ସାଗରଶୋଷଣଃ ॥ 144॥

ସେତୁବଂଧନକର୍ତା ଚ ଵିଭୀଷଣହିତପ୍ରଦଃ ।
ରାଵଣାଦିଶିରଶ୍ଛେଦୀ ରାକ୍ଷସାଘୌଘନାଶକଃ ॥ 145॥

ସୀତାଽଭୟପ୍ରଦାତା ଚ ପୁଷ୍ପକାଗମନୋତ୍ସୁକଃ ।
ଅୟୋଧ୍ୟାପତିରତ୍ୟଂତସର୍ଵଲୋକସୁଖପ୍ରଦଃ ॥ 146॥

ମଥୁରାପୁରନିର୍ମାତା ସୁକୃତଜ୍ଞସ୍ଵରୂପଦଃ ।
ଜନକଜ୍ଞାନଗମ୍ୟଶ୍ଚ ଐଲାଂତପ୍ରକଟଶ୍ରୁତିଃ ॥ 147॥

ହୈହୟାଂତକରୋ ରାମୋ ଦୁଷ୍ଟକ୍ଷତ୍ରଵିନାଶକଃ ।
ସୋମଵଂଶହିତୈକାତ୍ମା ୟଦୁଵଂଶଵିଵର୍ଧନଃ ॥ 148॥

ନିରୋଧଲୀଲା
ପରବ୍ରହ୍ମାଵତରଣଃ କେଶଵଃ କ୍ଲେଶନାଶନଃ ।
ଭୂମିଭାରାଵତରଣୋ ଭକ୍ତାର୍ଥାଖିଲମାନସଃ ॥ 149॥

ସର୍ଵଭକ୍ତନିରୋଧାତ୍ମା ଲୀଲାନଂତନିରୋଧକୃତ୍ ।
ଭୂମିଷ୍ଠପରମାନଂଦୋ ଦେଵକୀଶୁଦ୍ଧିକାରଣମ୍ ॥ 150॥

ଵସୁଦେଵଜ୍ଞାନନିଷ୍ଠସମଜୀଵନିଵାରକଃ ।
ସର୍ଵଵୈରାଗ୍ୟକରଣସ୍ଵଲୀଲାଧାରଶୋଧକଃ ॥ 151॥

ମାୟାଜ୍ଞାପନକର୍ତା ଚ ଶେଷସଂଭାରସଂଭୃତିଃ ।
ଭକ୍ତକ୍ଲେଶପରିଜ୍ଞାତା ତନ୍ନିଵାରଣତତ୍ପରଃ ॥ 152॥

ଆଵିଷ୍ଟଵସୁଦେଵାଂଶୋ ଦେଵକୀଗର୍ଭଭୂଷଣମ୍ ।
ପୂର୍ଣତେଜୋମୟଃ ପୂର୍ଣଃ କଂସାଧୃଷ୍ୟପ୍ରତାପଵାନ୍ ॥ 153॥

ଵିଵେକଜ୍ଞାନଦାତା ଚ ବ୍ରହ୍ମାଦ୍ୟଖିଲସଂସ୍ତୁତଃ ।
ସତ୍ୟୋ ଜଗତ୍କଲ୍ପତରୁର୍ନାନାରୂପଵିମୋହନଃ ॥ 154॥

ଭକ୍ତିମାର୍ଗପ୍ରତିଷ୍ଠାତା ଵିଦ୍ଵନ୍ମୋହପ୍ରଵର୍ତକଃ ।
ମୂଲକାଲଗୁଣଦ୍ରଷ୍ଟା ନୟନାନଂଦଭାଜନମ୍ ॥ 155॥

ଵସୁଦେଵସୁଖାବ୍ଧିଶ୍ଚ ଦେଵକୀନୟନାମୃତମ୍ ।
ପିତୃମାତୃସ୍ତୁତଃ ପୂର୍ଵସର୍ଵଵୃତ୍ତାଂତବୋଧକଃ ॥ 156॥

ଗୋକୁଲାଗତିଲୀଲାପ୍ତଵସୁଦେଵକରସ୍ଥିତିଃ ।
ସର୍ଵେଶତ୍ଵପ୍ରକଟନୋ ମାୟାଵ୍ୟତ୍ୟୟକାରକଃ ॥ 157॥

ଜ୍ଞାନମୋହିତଦୁଷ୍ଟେଶଃ ପ୍ରପଂଚାସ୍ମୃତିକାରଣମ୍ ।
ୟଶୋଦାନଂଦନୋ ନଂଦଭାଗ୍ୟଭୂଗୋକୁଲୋତ୍ସଵଃ ॥ 158॥

ନଂଦପ୍ରିୟୋ ନଂଦସୂନୁର୍ୟଶୋଦାୟାଃ ସ୍ତନଂଧୟଃ ।
ପୂତନାସୁପୟଃପାତା ମୁଗ୍ଧଭାଵାତିସୁଂଦରଃ ॥ 159॥

ସୁଂଦରୀହୃଦୟାନଂଦୋ ଗୋପୀମଂତ୍ରାଭିମଂତ୍ରିତଃ ।
ଗୋପାଲାଶ୍ଚର୍ୟରସକୃତ୍ ଶକଟାସୁରଖଂଡନଃ ॥ 160॥

ନଂଦଵ୍ରଜଜନାନଂଦୀ ନଂଦଭାଗ୍ୟମହୋଦୟଃ ।
ତୃଣାଵର୍ତଵଧୋତ୍ସାହୋ ୟଶୋଦାଜ୍ଞାନଵିଗ୍ରହଃ ॥ 161॥

ବଲଭଦ୍ରପ୍ରିୟଃ କୃଷ୍ଣଃ ସଂକର୍ଷଣସହାୟଵାନ୍ ।
ରାମାନୁଜୋ ଵାସୁଦେଵୋ ଗୋଷ୍ଠାଂଗଣଗତିପ୍ରିୟଃ ॥ 162॥

କିଂକିଣୀରଵଭାଵଜ୍ଞୋ ଵତ୍ସପୁଚ୍ଛାଵଲଂବନଃ ।
ନଵନୀତପ୍ରିୟୋ ଗୋପୀମୋହସଂସାରନାଶକଃ ॥ 163॥

ଗୋପବାଲକଭାଵଜ୍ଞଶ୍ଚୌର୍ୟଵିଦ୍ୟାଵିଶାରଦଃ ।
ମୃତ୍ସ୍ନାଭକ୍ଷଣଲୀଲାସ୍ୟମାହାତ୍ମ୍ୟଜ୍ଞାନଦାୟକଃ ॥ 164॥

ଧରାଦ୍ରୋଣପ୍ରୀତିକର୍ତା ଦଧିଭାଂଡଵିଭେଦନଃ ।
ଦାମୋଦରୋ ଭକ୍ତଵଶ୍ୟୋ ୟମଲାର୍ଜୁନଭଂଜନଃ ॥ 165॥

ବୃହଦ୍ଵନମହାଶ୍ଚର୍ୟୋ ଵୃଂଦାଵନଗତିପ୍ରିୟଃ ।
ଵତ୍ସଘାତୀ ବାଲକେଲିର୍ବକାସୁରନିଷୂଦନଃ ॥ 166॥

ଅରଣ୍ୟଭୋକ୍ତାଽପ୍ୟଥଵା ବାଲଲୀଲାପରାୟଣଃ ।
ପ୍ରୋତ୍ସାହଜନକଶ୍ଚୈଵମଘାସୁରନିଷୂଦନଃ ॥ 167॥

ଵ୍ୟାଲମୋକ୍ଷପ୍ରଦଃ ପୁଷ୍ଟୋ ବ୍ରହ୍ମମୋହପ୍ରଵର୍ଧନଃ ।
ଅନଂତମୂର୍ତିଃ ସର୍ଵାତ୍ମା ଜଂଗମସ୍ଥାଵରାକୃତିଃ ॥ 168॥

ବ୍ରହ୍ମମୋହନକର୍ତା ଚ ସ୍ତୁତ୍ୟ ଆତ୍ମା ସଦାପ୍ରିୟଃ ।
ପୌଗଂଡଲୀଲାଭିରତିର୍ଗୋଚାରଣପରାୟଣଃ ॥ 169॥

ଵୃଂଦାଵନଲତାଗୁଲ୍ମଵୃକ୍ଷରୂପନିରୂପକଃ ।
ନାଦବ୍ରହ୍ମପ୍ରକଟନୋ ଵୟଃପ୍ରତିକୃତିସ୍ଵନଃ ॥ 170॥

ବର୍ହିନୃତ୍ୟାନୁକରଣୋ ଗୋପାଲାନୁକୃତିସ୍ଵନଃ ।
ସଦାଚାରପ୍ରତିଷ୍ଠାତା ବଲଶ୍ରମନିରାକୃତିଃ ॥ 171॥

ତରୁମୂଲକୃତାଶେଷତଲ୍ପଶାୟୀ ସଖିସ୍ତୁତଃ ।
ଗୋପାଲସେଵିତପଦଃ ଶ୍ରୀଲାଲିତପଦାଂବୁଜଃ ॥ 172॥

ଗୋପସଂପ୍ରାର୍ଥିତଫଲଦାନନାଶିତଧେନୁକଃ ।
କାଲୀୟଫଣିମାଣିକ୍ୟରଂଜିତଶ୍ରୀପଦାଂବୁଜଃ ॥ 173॥

ଦୃଷ୍ଟିସଙ୍ଜୀଵିତାଶେଷଗୋପଗୋଗୋପିକାପ୍ରିୟଃ ।
ଲୀଲାସଂପୀତଦାଵାଗ୍ନିଃ ପ୍ରଲଂବଵଧପଂଡିତଃ ॥ 174॥

ଦାଵାଗ୍ନ୍ୟାଵୃତଗୋପାଲଦୃଷ୍ଟ୍ୟାଚ୍ଛାଦନଵହ୍ନିପଃ ।
ଵର୍ଷାଶରଦ୍ଵିଭୂତିଶ୍ରୀର୍ଗୋପୀକାମପ୍ରବୋଧକଃ ॥ 175॥

ଗୋପୀରତ୍ନସ୍ତୁତାଶେଷଵେଣୁଵାଦ୍ୟଵିଶାରଦଃ ।
କାତ୍ୟାୟନୀଵ୍ରତଵ୍ୟାଜସର୍ଵଭାଵାଶ୍ରିତାଂଗନଃ ॥ 176॥

ସତ୍ସଂଗତିସ୍ତୁତିଵ୍ୟାଜସ୍ତୁତଵୃଂଦାଵନାଂଘ୍ରିପଃ ।
ଗୋପକ୍ଷୁଚ୍ଛାଂତିସଂଵ୍ୟାଜଵିପ୍ରଭାର୍ୟାପ୍ରସାଦକୃତ୍ ॥ 177॥

ହେତୁପ୍ରାପ୍ତେଂଦ୍ରୟାଗସ୍ଵକାର୍ୟଗୋସଵବୋଧକଃ ।
ଶୈଲରୂପକୃତାଶେଷରସଭୋଗସୁଖାଵହଃ ॥ 178॥

ଲୀଲାଗୋଵର୍ଧନୋଦ୍ଧାରପାଲିତସ୍ଵଵ୍ରଜପ୍ରିୟଃ ।
ଗୋପସ୍ଵଚ୍ଛଂଦଲୀଲାର୍ଥଗର୍ଗଵାକ୍ୟାର୍ଥବୋଧକଃ ॥ 179॥

ଇଂଦ୍ରଧେନୁସ୍ତୁତିପ୍ରାପ୍ତଗୋଵିଂଦେଂଦ୍ରାଭିଧାନଵାନ୍ ।
ଵ୍ରତାଦିଧର୍ମସଂସକ୍ତନଂଦକ୍ଲେଶଵିନାଶକଃ ॥ 180॥

ନଂଦାଦିଗୋପମାତ୍ରେଷ୍ଟଵୈକୁଂଠଗତିଦାୟକଃ ।
ଵେଣୁଵାଦସ୍ମରକ୍ଷୋଭମତ୍ତଗୋପୀଵିମୁକ୍ତିଦଃ ॥ 181॥

ସର୍ଵଭାଵପ୍ରାପ୍ତଗୋପୀସୁଖସଂଵର୍ଧନକ୍ଷମଃ ।
ଗୋପୀଗର୍ଵପ୍ରଣାଶାର୍ଥତିରୋଧାନସୁଖପ୍ରଦଃ ॥ 182॥

କୃଷ୍ଣଭାଵଵ୍ୟାପ୍ତଵିଶ୍ଵଗୋପୀଭାଵିତଵେଷଧୃକ୍ ।
ରାଧାଵିଶେଷସଂଭୋଗପ୍ରାପ୍ତଦୋଷନିଵାରକଃ ॥ 183॥

ପରମପ୍ରୀତିସଂଗୀତସର୍ଵାଦ୍ଭୁତମହାଗୁଣଃ ।
ମାନାପନୋଦନାକ୍ରଂଦଗୋପୀଦୃଷ୍ଟିମହୋତ୍ସଵଃ ॥ 184॥

ଗୋପିକାଵ୍ୟାପ୍ତସର୍ଵାଂଗଃ ସ୍ତ୍ରୀସଂଭାଷାଵିଶାରଦଃ ।
ରାସୋତ୍ସଵମହାସୌଖ୍ୟଗୋପୀସଂଭୋଗସାଗରଃ ॥ 185॥

ଜଲସ୍ଥଲରତିଵ୍ୟାପ୍ତଗୋପୀଦୃଷ୍ଟ୍ୟଭିପୂଜିତଃ ।
ଶାସ୍ତ୍ରାନପେକ୍ଷକାମୈକମୁକ୍ତିଦ୍ଵାରଵିଵର୍ଧନଃ ॥ 186॥

ସୁଦର୍ଶନମହାସର୍ପଗ୍ରସ୍ତନଂଦଵିମୋଚକଃ ।
ଗୀତମୋହିତଗୋପୀଧୃକ୍ଷଂଖଚୂଡଵିନାଶକଃ ॥ 187॥

ଗୁଣସଂଗୀତସଂତୁଷ୍ଟିର୍ଗୋପୀସଂସାରଵିସ୍ମୃତିଃ ।
ଅରିଷ୍ଟମଥନୋ ଦୈତ୍ୟବୁଦ୍ଧିଵ୍ୟାମୋହକାରକଃ ॥ 188॥

କେଶିଘାତୀ ନାରଦେଷ୍ଟୋ ଵ୍ୟୋମାସୁରଵିନାଶକଃ ।
ଅକ୍ରୂରଭକ୍ତିସଂରାଦ୍ଧପାଦରେଣୁମହାନିଧିଃ ॥ 189॥

ରଥାଵରୋହଶୁଦ୍ଧାତ୍ମା ଗୋପୀମାନସହାରକଃ ।
ହ୍ରଦସଂଦର୍ଶିତାଶେଷଵୈକୁଂଠାକ୍ରୂରସଂସ୍ତୁତଃ ॥ 190॥

ମଥୁରାଗମନୋତ୍ସାହୋ ମଥୁରାଭାଗ୍ୟଭାଜନମ୍ ।
ମଥୁରାନଗରୀଶୋଭାଦର୍ଶନୋତ୍ସୁକମାନସଃ ॥ 191॥

ଦୁଷ୍ଟରଂଜକଘାତୀ ଚ ଵାୟକାର୍ଚିତଵିଗ୍ରହଃ ।
ଵସ୍ତ୍ରମାଲାସୁଶୋଭାଂଗଃ କୁବ୍ଜାଲେପନଭୂଷିତଃ ॥ 192॥

କୁବ୍ଜାସୁରୂପକର୍ତା ଚ କୁବ୍ଜାରତିଵରପ୍ରଦଃ ।
ପ୍ରସାଦରୂପସଂତୁଷ୍ଟହରକୋଦଂଡଖଂଡନଃ ॥ 193॥

ଶକଲାହତକଂସାପ୍ତଧନୂରକ୍ଷକସୈନିକଃ ।
ଜାଗ୍ରତ୍ସ୍ଵପ୍ନଭୟଵ୍ୟାପ୍ତମୃତ୍ୟୁଲକ୍ଷଣବୋଧକଃ ॥ 194॥

ମଥୁରାମଲ୍ଲ ଓଜସ୍ଵୀ ମଲ୍ଲୟୁଦ୍ଧଵିଶାରଦଃ ।
ସଦ୍ୟଃ କୁଵଲୟାପୀଡଘାତୀ ଚାଣୂରମର୍ଦନଃ ॥ 195॥

ଲୀଲାହତମହାମଲ୍ଲଃ ଶଲତୋଶଲଘାତକଃ ।
କଂସାଂତକୋ ଜିତାମିତ୍ରୋ ଵସୁଦେଵଵିମୋଚକଃ ॥ 196॥

ଜ୍ଞାତତତ୍ତ୍ଵପିତୃଜ୍ଞାନମୋହନାମୃତଵାଙ୍ମୟଃ ।
ଉଗ୍ରସେନପ୍ରତିଷ୍ଠାତା ୟାଦଵାଧିଵିନାଶକଃ ॥ 197॥

ନଂଦାଦିସାଂତ୍ଵନକରୋ ବ୍ରହ୍ମଚର୍ୟଵ୍ରତେ ସ୍ଥିତଃ ।
ଗୁରୁଶୁଶ୍ରୂଷଣପରୋ ଵିଦ୍ୟାପାରମିତେଶ୍ଵରଃ ॥ 198॥

ସାଂଦୀପନିମୃତାପତ୍ୟଦାତା କାଲାଂତକାଦିଜିତ୍ ।
ଗୋକୁଲାଶ୍ଵାସନପରୋ ୟଶୋଦାନଂଦପୋଷକଃ ॥ 199॥

ଗୋପିକାଵିରହଵ୍ୟାଜମନୋଗତିରତିପ୍ରଦଃ ।
ସମୋଦ୍ଧଵଭ୍ରମରଵାକ୍ ଗୋପିକାମୋହନାଶକଃ ॥ 200॥

କୁବ୍ଜାରତିପ୍ରଦୋଽକ୍ରୂରପଵିତ୍ରୀକୃତଭୂଗୃହଃ ।
ପୃଥାଦୁଃଖପ୍ରଣେତା ଚ ପାଂଡଵାନାଂ ସୁଖପ୍ରଦଃ ॥ 201॥

ଦଶମସ୍କଂଧୋତ୍ତରାର୍ଧନାମାନି ନିରୋଧଲୀଲା
ଜରାସଂଧସମାନୀତସୈନ୍ୟଘାତୀ ଵିଚାରକଃ ।
ୟଵନଵ୍ୟାପ୍ତମଥୁରାଜନଦତ୍ତକୁଶସ୍ଥଲିଃ ॥ 202॥

ଦ୍ଵାରକାଦ୍ଭୁତନିର୍ମାଣଵିସ୍ମାପିତସୁରାସୁରଃ ।
ମନୁଷ୍ୟମାତ୍ରଭୋଗାର୍ଥଭୂମ୍ୟାନୀତେଂଦ୍ରଵୈଭଵଃ ॥ 203॥

ୟଵନଵ୍ୟାପ୍ତମଥୁରାନିର୍ଗମାନଂଦଵିଗ୍ରହଃ ।
ମୁଚୁକୁଂଦମହାବୋଧୟଵନପ୍ରାଣଦର୍ପହା ॥ 204॥

ମୁଚୁକୁଂଦସ୍ତୁତାଶେଷଗୁଣକର୍ମମହୋଦୟଃ ।
ଫଲପ୍ରଦାନସଂତୁଷ୍ଟିର୍ଜନ୍ମାଂତରିତମୋକ୍ଷଦଃ ॥ 205॥

ଶିଵବ୍ରାହ୍ମଣଵାକ୍ୟାପ୍ତଜୟଭୀତିଵିଭାଵନଃ ।
ପ୍ରଵର୍ଷଣପ୍ରାର୍ଥିତାଗ୍ନିଦାନପୁଣ୍ୟମହୋତ୍ସଵଃ ॥ 206॥

ରୁକ୍ମିଣୀରମଣଃ କାମପିତା ପ୍ରଦ୍ୟୁମ୍ନଭାଵନଃ ।
ସ୍ୟମଂତକମଣିଵ୍ୟାଜପ୍ରାପ୍ତଜାଂବଵତୀପତିଃ ॥ 207॥

ସତ୍ୟଭାମାପ୍ରାଣପତିଃ କାଲିଂଦୀରତିଵର୍ଧନଃ ।
ମିତ୍ରଵିଂଦାପତିଃ ସତ୍ୟାପତିର୍ଵୃଷନିଷୂଦନଃ ॥ 208॥

ଭଦ୍ରାଵାଂଛିତଭର୍ତା ଚ ଲକ୍ଷ୍ମଣାଵରଣକ୍ଷମଃ ।
ଇଂଦ୍ରାଦିପ୍ରାର୍ଥିତଵଧନରକାସୁରସୂଦନଃ ॥ 209॥

ମୁରାରିଃ ପୀଠହଂତା ଚ ତାମ୍ରାଦିପ୍ରାଣହାରକଃ ।
ଷୋଡଶସ୍ତ୍ରୀସହସ୍ରେଶଃ ଛତ୍ରକୁଂଡଲଦାନକୃତ୍ ॥ 210॥

ପାରିଜାତାପହରଣୋ ଦେଵେଂଦ୍ରମଦନାଶକଃ ।
ରୁକ୍ମିଣୀସମସର୍ଵସ୍ତ୍ରୀସାଧ୍ୟଭୋଗରତିପ୍ରଦଃ ॥ 211॥

ରୁକ୍ମିଣୀପରିହାସୋକ୍ତିଵାକ୍ତିରୋଧାନକାରକଃ ।
ପୁତ୍ରପୌତ୍ରମହାଭାଗ୍ୟଗୃହଧର୍ମପ୍ରଵର୍ତକଃ ॥ 212॥

ଶଂବରାଂତକସତ୍ପୁତ୍ରଵିଵାହହତରୁକ୍ମିକଃ ।
ଉଷାପହୃତପୌତ୍ରଶ୍ରୀର୍ବାଣବାହୁନିଵାରକଃ ॥ 213॥

ଶୀତଜ୍ଵରଭୟଵ୍ୟାପ୍ତଜ୍ଵରସଂସ୍ତୁତଷଡ୍ଗୁଣଃ ।
ଶଂକରପ୍ରତିୟୋଦ୍ଧା ଚ ଦ୍ଵଂଦ୍ଵୟୁଦ୍ଧଵିଶାରଦଃ ॥ 214॥

ନୃଗପାପପ୍ରଭେତ୍ତା ଚ ବ୍ରହ୍ମସ୍ଵଗୁଣଦୋଷଦୃକ୍ ।
ଵିଷ୍ଣୁଭକ୍ତିଵିରୋଧୈକବ୍ରହ୍ମସ୍ଵଵିନିଵାରକଃ ॥ 215॥

ବଲଭଦ୍ରାହିତଗୁଣୋ ଗୋକୁଲପ୍ରୀତିଦାୟକଃ ।
ଗୋପୀସ୍ନେହୈକନିଲୟୋ ଗୋପୀପ୍ରାଣସ୍ଥିତିପ୍ରଦଃ ॥ 216॥

ଵାକ୍ୟାତିଗାମିୟମୁନାହଲାକର୍ଷଣଵୈଭଵଃ ।
ପୌଂଡ୍ରକତ୍ୟାଜିତସ୍ପର୍ଧଃ କାଶୀରାଜଵିଭେଦନଃ ॥ 217॥

କାଶୀନିଦାହକରଣଃ ଶିଵଭସ୍ମପ୍ରଦାୟକଃ ।
ଦ୍ଵିଵିଦପ୍ରାଣଘାତୀ ଚ କୌରଵାଖର୍ଵଗର୍ଵନୁତ୍ ॥ 218॥

ଲାଂଗଲାକୃଷ୍ଟନଗରୀସଂଵିଗ୍ନାଖିଲନାଗରଃ ।
ପ୍ରପନ୍ନାଭୟଦଃ ସାଂବପ୍ରାପ୍ତସନ୍ମାନଭାଜନମ୍ ॥ 219॥

ନାରଦାନ୍ଵିଷ୍ଟଚରଣୋ ଭକ୍ତଵିକ୍ଷେପନାଶକଃ ।
ସଦାଚାରୈକନିଲୟଃ ସୁଧର୍ମାଧ୍ୟାସିତାସନଃ ॥ 220॥

ଜରାସଂଧାଵରୁଦ୍ଧେନ ଵିଜ୍ଞାପିତନିଜକ୍ଲମଃ ।
ମଂତ୍ର୍ୟୁଦ୍ଧଵାଦିଵାକ୍ୟୋକ୍ତପ୍ରକାରୈକପରାୟଣଃ ॥ 221॥

ରାଜସୂୟାଦିମଖକୃତ୍ ସଂପ୍ରାର୍ଥିତସହାୟକୃତ୍ ।
ଇଂଦ୍ରପ୍ରସ୍ଥପ୍ରୟାଣାର୍ଥମହତ୍ସଂଭାରସଂଭୃତିଃ ॥ 222॥

ଜରାସଂଧଵଧଵ୍ୟାଜମୋଚିତାଶେଷଭୂମିପଃ ।
ସନ୍ମାର୍ଗବୋଧକୋ ୟଜ୍ଞକ୍ଷିତିଵାରଣତତ୍ପରଃ ॥ 223॥

ଶିଶୁପାଲହତିଵ୍ୟାଜଜୟଶାପଵିମୋଚକଃ ।
ଦୁର୍ୟୋଧନାଭିମାନାବ୍ଧିଶୋଷବାଣଵୃକୋଦରଃ॥ 224॥

ମହାଦେଵଵରପ୍ରାପ୍ତପୁରଶାଲ୍ଵଵିନାଶକଃ ।
ଦଂତଵକ୍ତ୍ରଵଧଵ୍ୟାଜଵିଜୟାଘୌଘନାଶକଃ ॥ 225॥

ଵିଦୂରଥପ୍ରାଣହର୍ତା ନ୍ୟସ୍ତଶସ୍ତ୍ରାସ୍ତ୍ରଵିଗ୍ରହଃ ।
ଉପଧର୍ମଵିଲିପ୍ତାଂଗସୂତଘାତୀ ଵରପ୍ରଦଃ ॥ 226॥

ବଲ୍ଵଲପ୍ରାଣହରଣପାଲିତର୍ଷିଶ୍ରୁତିକ୍ରିୟଃ ।
ସର୍ଵତୀର୍ଥାଘନାଶାର୍ଥତୀର୍ଥୟାତ୍ରାଵିଶାରଦଃ ॥ 227॥

ଜ୍ଞାନକ୍ରିୟାଵିଭେଦେଷ୍ଟଫଲସାଧନତତ୍ପରଃ ।
ସାରଥ୍ୟାଦିକ୍ରିୟାକର୍ତା ଭକ୍ତଵଶ୍ୟତ୍ଵବୋଧକଃ ॥ 228॥

ସୁଦାମାରଂକଭାର୍ୟାର୍ଥଭୂମ୍ୟାନୀତେଂଦ୍ରଵୈଭଵଃ ।
ରଵିଗ୍ରହନିମିତ୍ତାପ୍ତକୁରୁକ୍ଷେତ୍ରୈକପାଵନଃ ॥ 229॥

ନୃପଗୋପୀସମସ୍ତସ୍ତ୍ରୀପାଵନାର୍ଥାଖିଲକ୍ରିୟଃ ।
ଋଷିମାର୍ଗପ୍ରତିଷ୍ଠାତା ଵସୁଦେଵମଖକ୍ରିୟଃ ॥ 230॥

ଵସୁଦେଵଜ୍ଞାନଦାତା ଦେଵକୀପୁତ୍ରଦାୟକଃ ।
ଅର୍ଜୁନସ୍ତ୍ରୀପ୍ରଦାତା ଚ ବହୁଲାଶ୍ଵସ୍ଵରୂପଦଃ ॥ 231॥

ଶ୍ରୁତଦେଵେଷ୍ଟଦାତା ଚ ସର୍ଵଶ୍ରୁତିନିରୂପିତଃ ।
ମହାଦେଵାଦ୍ୟତିଶ୍ରେଷ୍ଠୋ ଭକ୍ତିଲକ୍ଷଣନିର୍ଣୟଃ ॥ 232॥

ଵୃକଗ୍ରସ୍ତଶିଵତ୍ରାତା ନାନାଵାକ୍ୟଵିଶାରଦଃ ।
ନରଗର୍ଵଵିନାଶାର୍ଥହୃତବ୍ରାହ୍ମଣବାଲକଃ ॥ 233॥

ଲୋକାଲୋକପରସ୍ଥାନସ୍ଥିତବାଲକଦାୟକଃ ।
ଦ୍ଵାରକାସ୍ଥମହାଭୋଗନାନାସ୍ତ୍ରୀରତିଵର୍ଧନଃ ॥ 234॥

ମନସ୍ତିରୋଧାନକୃତଵ୍ୟଗ୍ରସ୍ତ୍ରୀଚିତ୍ତଭାଵିତଃ ।

ମୁକ୍ତିଲୀଲା
ମୁକ୍ତିଲୀଲାଵିହରଣୋ ମୌଶଲଵ୍ୟାଜସଂହୃତିଃ ॥ 235॥

ଶ୍ରୀଭାଗଵତଧର୍ମାଦିବୋଧକୋ ଭକ୍ତିନୀତିକୃତ୍ ।
ଉଦ୍ଧଵଜ୍ଞାନଦାତା ଚ ପଂଚଵିଂଶତିଧା ଗୁରୁଃ ॥ 236॥

ଆଚାରଭକ୍ତିମୁକ୍ତ୍ୟାଦିଵକ୍ତା ଶବ୍ଦୋଦ୍ଭଵସ୍ଥିତିଃ ।
ହଂସୋ ଧର୍ମପ୍ରଵକ୍ତା ଚ ସନକାଦ୍ୟୁପଦେଶକୃତ୍ ॥ 237॥

ଭକ୍ତିସାଧନଵକ୍ତା ଚ ୟୋଗସିଦ୍ଧିପ୍ରଦାୟକଃ ।
ନାନାଵିଭୂତିଵକ୍ତା ଚ ଶୁଦ୍ଧଧର୍ମାଵବୋଧକଃ ॥ 238॥

ମାର୍ଗତ୍ରୟଵିଭେଦାତ୍ମା ନାନାଶଂକାନିଵାରକଃ ।
ଭିକ୍ଷୁଗୀତାପ୍ରଵକ୍ତା ଚ ଶୁଦ୍ଧସାଂଖ୍ୟପ୍ରଵର୍ତକଃ ॥ 239॥

ମନୋଗୁଣଵିଶେଷାତ୍ମା ଜ୍ଞାପକୋକ୍ତପୁରୂରଵାଃ ।
ପୂଜାଵିଧିପ୍ରଵକ୍ତା ଚ ସର୍ଵସିଦ୍ଧାଂତବୋଧକଃ ॥ 240॥

ଲଘୁସ୍ଵମାର୍ଗଵକ୍ତା ଚ ସ୍ଵସ୍ଥାନଗତିବୋଧକଃ ।
ୟାଦଵାଂଗୋପସଂହର୍ତା ସର୍ଵାଶ୍ଚର୍ୟଗତିକ୍ରିୟଃ ॥ 241॥

ଆଶ୍ରୟଲୀଲା
କାଲଧର୍ମଵିଭେଦାର୍ଥଵର୍ଣନାଶନତତ୍ପରଃ ।
ବୁଦ୍ଧୋ ଗୁପ୍ତାର୍ଥଵକ୍ତା ଚ ନାନାଶାସ୍ତ୍ରଵିଧାୟକଃ ॥ 242॥

ନଷ୍ଟଧର୍ମମନୁଷ୍ୟାଦିଲକ୍ଷଣଜ୍ଞାପନୋତ୍ସୁକଃ ।
ଆଶ୍ରୟୈକଗତିଜ୍ଞାତା କଲ୍କିଃ କଲିମଲାପହଃ ॥ 243॥

ଶାସ୍ତ୍ରଵୈରାଗ୍ୟସଂବୋଧୋ ନାନାପ୍ରଲୟବୋଧକଃ ।
ଵିଶେଷତଃ ଶୁକଵ୍ୟାଜପରୀକ୍ଷିଜ୍ଜ୍ଞାନବୋଧକଃ ॥ 244॥

ଶୁକେଷ୍ଟଗତିରୂପାତ୍ମା ପରୀକ୍ଷିଦ୍ଦେହମୋକ୍ଷଦଃ ।
ଶବ୍ଦରୂପୋ ନାଦରୂପୋ ଵେଦରୂପୋ ଵିଭେଦନଃ ॥ 245॥

ଵ୍ୟାସଃ ଶାଖାପ୍ରଵକ୍ତା ଚ ପୁରାଣାର୍ଥପ୍ରଵର୍ତକଃ ।
ମାର୍କଂଡେୟପ୍ରସନ୍ନାତ୍ମା ଵଟପତ୍ରପୁଟେଶୟଃ ॥ 246॥

ମାୟାଵ୍ୟାପ୍ତମହାମୋହଦୁଃଖଶାଂତିପ୍ରଵର୍ତକଃ ।
ମହାଦେଵସ୍ଵରୂପଶ୍ଚ ଭକ୍ତିଦାତା କୃପାନିଧିଃ ॥ 247॥

ଆଦିତ୍ୟାଂତର୍ଗତଃ କାଲଃ ଦ୍ଵାଦଶାତ୍ମା ସୁପୂଜିତଃ ।
ଶ୍ରୀଭାଗଵତରୂପଶ୍ଚ ସର୍ଵାର୍ଥଫଲଦାୟକଃ ॥ 248॥

ଇତୀଦଂ କୀର୍ତନୀୟସ୍ୟ ହରେର୍ନାମସହସ୍ରକମ୍ ।
ପଂଚସପ୍ତତିଵିସ୍ତୀର୍ଣଂ ପୁରାଣାଂତରଭାଷିତମ୍ ॥ 249॥

ୟ ଏତତ୍ପ୍ରାତରୁତ୍ଥାୟ ଶ୍ରଦ୍ଧାଵାନ୍ ସୁସମାହିତଃ ।
ଜପେଦର୍ଥାହିତମତିଃ ସ ଗୋଵିଂଦପଦଂ ଲଭେତ୍ ॥ 250॥

ସର୍ଵଧର୍ମଵିନିର୍ମୁକ୍ତଃ ସର୍ଵସାଧନଵର୍ଜିତଃ ।
ଏତଦ୍ଧାରଣମାତ୍ରେଣ କୃଷ୍ଣସ୍ୟ ପଦଵୀଂ ଵ୍ରଜେତ୍ ॥ 251॥

ହର୍ୟାଵେଶିତଚିତ୍ତେନ ଶ୍ରୀଭାଗଵତସାଗରାତ୍ ।
ସମୁଦ୍ଧୃତାନି ନାମାନି ଚିଂତାମଣିନିଭାନି ହି ॥ 252॥

କଂଠସ୍ଥିତାନ୍ୟର୍ଥଦୀପ୍ତ୍ୟା ବାଧଂତେଽଜ୍ଞାନଜଂ ତମଃ ।
ଭକ୍ତିଂ ଶ୍ରୀକୃଷ୍ଣଦେଵସ୍ୟ ସାଧୟଂତି ଵିନିଶ୍ଚିତମ୍ ॥ 253॥

କିଂବହୂକ୍ତେନ ଭଗଵାନ୍ ନାମଭିଃ ସ୍ତୁତଷଡ୍ଗୁଣଃ ।
ଆତ୍ମଭାଵଂ ନୟତ୍ୟାଶୁ ଭକ୍ତିଂ ଚ କୁରୁତେ ଦୃଢାମ୍ ॥ 254॥

ୟଃ କୃଷ୍ଣଭକ୍ତିମିହ ଵାଂଛତି ସାଧନୌଘୈର୍-
ନାମାନି ଭାସୁରୟଶାଂସି ଜପେତ୍ସ ନିତ୍ୟମ୍ ।
ତଂ ଵୈ ହରିଃ ସ୍ଵପୁରୁଷଂ କୁରୁତେଽତିଶୀଘ୍ରମ୍-
ଆତ୍ମାର୍ପଣଂ ସମଧିଗଚ୍ଛତି ଭାଵତୁଷ୍ଟଃ ॥ 255॥

ଶ୍ରୀକୃଷ୍ଣ କୃଷ୍ଣସଖ ଵୃଷ୍ଣିଵୃଷାଵନିଧ୍ରୁଗ୍-
ରାଜନ୍ୟଵଂଶଦହନାନପଵର୍ଗଵୀର୍ୟ ।
ଗୋଵିଂଦ ଗୋପଵନିତାଵ୍ରଜଭୃତ୍ୟଗୀତ
ତୀର୍ଥଶ୍ରଵଃ ଶ୍ରଵଣମଂଗଲ ପାହି ଭୃତ୍ୟାନ୍ ॥ 256॥

॥ ଇତି ଶ୍ରୀଭାଗଵତସାରସମୁଚ୍ଚୟେ ଵୈଶ୍ଵାନରୋକ୍ତଂ
ଶ୍ରୀଵଲ୍ଲଭାଚାର୍ୟଵିରଚିତଂ
ଶ୍ରୀପୁରୁଷୋତ୍ତମସହସ୍ରନାମସ୍ତୋତ୍ରଂ ସଂପୂର୍ଣମ୍ ॥

sree purushottama sahasra nama stotram in odia