ಶ್ರೀ ಪುರುಷೋತ್ತಮ ಸಹಸ್ರ ನಾಮ ಸ್ತೋತ್ರಂ

sree purushottama sahasra nama stotram in kannada

ವಿನಿಯೋಗಃ
ಪುರಾಣಪುರುಷೋ ವಿಷ್ಣುಃ ಪುರುಷೋತ್ತಮ ಉಚ್ಯತೇ ।
ನಾಮ್ನಾಂ ಸಹಸ್ರಂ ವಕ್ಷ್ಯಾಮಿ ತಸ್ಯ ಭಾಗವತೋದ್ಧೃತಮ್ ॥ 1॥

ಯಸ್ಯ ಪ್ರಸಾದಾದ್ವಾಗೀಶಾಃ ಪ್ರಜೇಶಾ ವಿಭವೋನ್ನತಾಃ ।
ಕ್ಷುದ್ರಾ ಅಪಿ ಭವಂತ್ಯಾಶು ಶ್ರೀಕೃಷ್ಣಂ ತಂ ನತೋಽಸ್ಮ್ಯಹಮ್ ॥ 2॥

ಅನಂತಾ ಏವ ಕೃಷ್ಣಸ್ಯ ಲೀಲಾ ನಾಮಪ್ರವರ್ತಿಕಾಃ ।
ಉಕ್ತಾ ಭಾಗವತೇ ಗೂಹಾಃ ಪ್ರಕಟಾ ಅಪಿ ಕುತ್ರಚಿತ್ ॥ 3॥

ಅತಸ್ತಾನಿ ಪ್ರವಕ್ಷ್ಯಾಮಿ ನಾಮಾನಿ ಮುರವೈರಿಣಃ ।
ಸಹಸ್ರಂ ಯೈಸ್ತು ಪಠಿತೈಃ ಪಠಿತಂ ಸ್ಯಾಚ್ಛುಕಾಮೃತಮ್ ॥ 4॥

ಕೃಷ್ಣನಾಮಸಹಸ್ರಸ್ಯ ಋಷಿರಗ್ನಿರ್ನಿರೂಪಿತಃ ।
ಗಾಯತ್ರೀ ಚ ತಥಾ ಛಂದೋ ದೇವತಾ ಪುರುಷೋತ್ತಮಃ ॥ 5॥

ವಿನಿಯೋಗಃ ಸಮಸ್ತೇಷು ಪುರುಷಾರ್ಥೇಷು ವೈ ಮತಃ ।
ಬೀಜಂ ಭಕ್ತಪ್ರಿಯಃ ಶಕ್ತಿಃ ಸತ್ಯವಾಗುಚ್ಯತೇ ಹರಿಃ ॥ 6॥

ಭಕ್ತೋದ್ಧರಣಯತ್ನಸ್ತು ಮಂತ್ರೋಽತ್ರ ಪರಮೋ ಮತಃ ।
ಅವತಾರಿತಭಕ್ತಾಂಶಃ ಕೀಲಕಂ ಪರಿಕೀರ್ತಿತಮ್ ॥ 7॥

ಅಸ್ತ್ರಂ ಸರ್ವಸಮರ್ಥಶ್ಚ ಗೋವಿಂದಃ ಕವಚಂ ಮತಮ್ ।
ಪುರುಷೋ ಧ್ಯಾನಮತ್ರೋಕ್ತಃ ಸಿದ್ಧಿಃ ಶರಣಸಂಸ್ಮೃತಿಃ ॥ 8॥

ಅಧಿಕಾರಲೀಲಾ
ಶ್ರೀಕೃಷ್ಣಃ ಸಚ್ಚಿದಾನಂದೋ ನಿತ್ಯಲೀಲಾವಿನೋದಕೃತ್ ।
ಸರ್ವಾಗಮವಿನೋದೀ ಚ ಲಕ್ಷ್ಮೀಶಃ ಪುರುಷೋತ್ತಮಃ ॥ 9॥

ಆದಿಕಾಲಃ ಸರ್ವಕಾಲಃ ಕಾಲಾತ್ಮಾ ಮಾಯಯಾವೃತಃ ।
ಭಕ್ತೋದ್ಧಾರಪ್ರಯತ್ನಾತ್ಮಾ ಜಗತ್ಕರ್ತಾ ಜಗನ್ಮಯಃ ॥ 10॥

ನಾಮಲೀಲಾಪರೋ ವಿಷ್ಣುರ್ವ್ಯಾಸಾತ್ಮಾ ಶುಕಮೋಕ್ಷದಃ ।
ವ್ಯಾಪಿವೈಕುಂಠದಾತಾ ಚ ಶ್ರೀಮದ್ಭಾಗವತಾಗಮಃ ॥ 11॥

ಶುಕವಾಗಮೃತಾಬ್ಧೀಂದುಃ ಶೌನಕಾದ್ಯಖಿಲೇಷ್ಟದಃ ।
ಭಕ್ತಿಪ್ರವರ್ತಕಸ್ತ್ರಾತಾ ವ್ಯಾಸಚಿಂತಾವಿನಾಶಕಃ ॥ 12॥

ಸರ್ವಸಿದ್ಧಾಂತವಾಗಾತ್ಮಾ ನಾರದಾದ್ಯಖಿಲೇಷ್ಟದಃ ।
ಅಂತರಾತ್ಮಾ ಧ್ಯಾನಗಮ್ಯೋ ಭಕ್ತಿರತ್ನಪ್ರದಾಯಕಃ ॥ 13॥

ಮುಕ್ತೋಪಸೃಪ್ಯಃ ಪೂರ್ಣಾತ್ಮಾ ಮುಕ್ತಾನಾಂ ರತಿವರ್ಧನಃ ।
ಭಕ್ತಕಾರ್ಯೈಕನಿರತೋ ದ್ರೌಣ್ಯಸ್ತ್ರವಿನಿವಾರಕಃ ॥ 14॥

ಭಕ್ತಸ್ಮಯಪ್ರಣೇತಾ ಚ ಭಕ್ತವಾಕ್ಪರಿಪಾಲಕಃ ।
ಬ್ರಹ್ಮಣ್ಯದೇವೋ ಧರ್ಮಾತ್ಮಾ ಭಕ್ತಾನಾಂ ಚ ಪರೀಕ್ಷಕಃ ॥ 15॥

ಆಸನ್ನಹಿತಕರ್ತಾ ಚ ಮಾಯಾಹಿತಕರಃ ಪ್ರಭುಃ ।
ಉತ್ತರಾಪ್ರಾಣದಾತಾ ಚ ಬ್ರಹ್ಮಾಸ್ತ್ರವಿನಿವಾರಕಃ ॥ 16॥

ಸರ್ವತಃ ಪಾಣವಪತಿಃ ಪರೀಕ್ಷಿಚ್ಛುದ್ಧಿಕಾರಣಮ್ ।
ಗೂಹಾತ್ಮಾ ಸರ್ವವೇದೇಷು ಭಕ್ತೈಕಹೃದಯಂಗಮಃ ॥ 17॥

ಕುಂತೀಸ್ತುತ್ಯಃ ಪ್ರಸನ್ನಾತ್ಮಾ ಪರಮಾದ್ಭುತಕಾರ್ಯಕೃತ್ ।
ಭೀಷ್ಮಮುಕ್ತಿಪ್ರದಃ ಸ್ವಾಮೀ ಭಕ್ತಮೋಹನಿವಾರಕಃ ॥ 18॥

ಸರ್ವಾವಸ್ಥಾಸು ಸಂಸೇವ್ಯಃ ಸಮಃ ಸುಖಹಿತಪ್ರದಃ ।
ಕೃತಕೃತ್ಯಃ ಸರ್ವಸಾಕ್ಷೀ ಭಕ್ತಸ್ತ್ರೀರತಿವರ್ಧನಃ ॥ 19॥

ಸರ್ವಸೌಭಾಗ್ಯನಿಲಯಃ ಪರಮಾಶ್ಚರ್ಯರೂಪಧೃಕ್ ।
ಅನನ್ಯಪುರುಷಸ್ವಾಮೀ ದ್ವಾರಕಾಭಾಗ್ಯಭಾಜನಮ್ ॥ 20॥

ಬೀಜಸಂಸ್ಕಾರಕರ್ತಾ ಚ ಪರೀಕ್ಷಿಜ್ಜಾನಪೋಷಕಃ ।
ಸರ್ವತ್ರಪೂರ್ಣಗುಣಕಃ ಸರ್ವಭೂಷಣಭೂಷಿತಃ ॥ 21॥

ಸರ್ವಲಕ್ಷಣದಾತಾ ಚ ಧೃತರಾಷ್ಟ್ರವಿಮುಕ್ತಿದಃ ।
ಸನ್ಮಾರ್ಗರಕ್ಷಕೋ ನಿತ್ಯಂ ವಿದುರಪ್ರೀತಿಪೂರಕಃ ॥ 22॥

ಲೀಲಾವ್ಯಾಮೋಹಕರ್ತಾ ಚ ಕಾಲಧರ್ಮಪ್ರವರ್ತಕಃ ।
ಪಾಣವಾನಾಂ ಮೋಕ್ಷದಾತಾ ಪರೀಕ್ಷಿದ್ಭಾಗ್ಯವರ್ಧನಃ ॥ 23॥

ಕಲಿನಿಗ್ರಹಕರ್ತಾ ಚ ಧರ್ಮಾದೀನಾಂ ಚ ಪೋಷಕಃ ।
ಸತ್ಸಂಗಜಾನಹೇತುಶ್ಚ ಶ್ರೀಭಾಗವತಕಾರಣಮ್ ॥ 24॥

ಪ್ರಾಕೃತಾದೃಷ್ಟಮಾರ್ಗಶ್ಚ॥॥॥॥॥॥ ಚೋಂತಿನುಏದ್

ಜ್ಞಾನ-ಸಾಧನ-ಲೀಲಾ
॥॥॥॥॥॥॥॥॥॥॥॥ ಶ್ರೋತವ್ಯಃ ಸಕಲಾಗಮೈಃ ।
ಕೀರ್ತಿತವ್ಯಃ ಶುದ್ಧಭಾವೈಃ ಸ್ಮರ್ತವ್ಯಶ್ಚಾತ್ಮವಿತ್ತಮೈಃ ॥ 25॥

ಅನೇಕಮಾರ್ಗಕರ್ತಾ ಚ ನಾನಾವಿಧಗತಿಪ್ರದಃ ।
ಪುರುಷಃ ಸಕಲಾಧಾರಃ ಸತ್ತ್ವೈಕನಿಲಯಾತ್ಮಭೂಃ ॥ 26॥

ಸರ್ವಧ್ಯೇಯೋ ಯೋಗಗಮ್ಯೋ ಭಕ್ತ್ಯಾ ಗ್ರಾಹ್ಯಃ ಸುರಪ್ರಿಯಃ ।
ಜನ್ಮಾದಿಸಾರ್ಥಕಕೃತಿರ್ಲೀಲಾಕರ್ತಾ ಪತಿಃ ಸತಾಮ್ ॥ 27॥

ಆದಿಕರ್ತಾ ತತ್ತ್ವಕರ್ತಾ ಸರ್ವಕರ್ತಾ ವಿಶಾರದಃ ।
ನಾನಾವತಾರಕರ್ತಾ ಚ ಬ್ರಹ್ಮಾವಿರ್ಭಾವಕಾರಣಮ್ ॥ 28॥

ದಶಲೀಲಾವಿನೋದೀ ಚ ನಾನಾಸೃಷ್ಟಿಪ್ರವರ್ತಕಃ ।
ಅನೇಕಕಲ್ಪಕರ್ತಾ ಚ ಸರ್ವದೋಷವಿವರ್ಜಿತಃ ॥ 29॥

ಸರ್ಗಲೀಲಾ
ವೈರಾಗ್ಯಹೇತುಸ್ತೀರ್ಥಾತ್ಮಾ ಸರ್ವತೀರ್ಥಫಲಪ್ರದಃ ।
ತೀರ್ಥಶುದ್ಧೈಕನಿಲಯಃ ಸ್ವಮಾರ್ಗಪರಿಪೋಷಕಃ ॥ 30॥

ತೀರ್ಥಕೀರ್ತಿರ್ಭಕ್ತಗಮ್ಯೋ ಭಕ್ತಾನುಶಯಕಾರ್ಯಕೃತ್ ।
ಭಕ್ತತುಲ್ಯಃ ಸರ್ವತುಲ್ಯಃ ಸ್ವೇಚ್ಛಾಸರ್ವಪ್ರವರ್ತಕಃ ॥ 31॥

ಗುಣಾತೀತೋಽನವದ್ಯಾತ್ಮಾ ಸರ್ಗಲೀಲಾಪ್ರವರ್ತಕಃ ।
ಸಾಕ್ಷಾತ್ಸರ್ವಜಗತ್ಕರ್ತಾ ಮಹದಾದಿಪ್ರವರ್ತಕಃ ॥ 32॥

ಮಾಯಾಪ್ರವರ್ತಕಃ ಸಾಕ್ಷೀ ಮಾಯಾರತಿವಿವರ್ಧನಃ ।
ಆಕಾಶಾತ್ಮಾ ಚತುರ್ಮೂರ್ತಿಶ್ಚತುರ್ಧಾ ಭೂತಭಾವನಃ ॥ 33॥

ರಜಃಪ್ರವರ್ತಕೋ ಬ್ರಹ್ಮಾ ಮರೀಚ್ಯಾದಿಪಿತಾಮಹಃ ।
ವೇದಕರ್ತಾ ಯಜ್ಞಕರ್ತಾ ಸರ್ವಕರ್ತಾಽಮಿತಾತ್ಮಕಃ ॥ 34॥

ಅನೇಕಸೃಷ್ಟಿಕರ್ತಾ ಚ ದಶಧಾಸೃಷ್ಟಿಕಾರಕಃ ।
ಯಜ್ಞಾಂಗೋ ಯಜ್ಞವಾರಾಹೋ ಭೂಧರೋ ಭೂಮಿಪಾಲಕಃ ॥ 35॥

ಸೇತುರ್ವಿಧರಣೋ ಜೈತ್ರೋ ಹಿರಣ್ಯಾಕ್ಷಾಂತಕಃ ಸುರಃ ।
ದಿತಿಕಶ್ಯಪಕಾಮೈಕಹೇತುಸೃಷ್ಟಿಪ್ರವರ್ತಕಃ ॥ 36॥

ದೇವಾಭಯಪ್ರದಾತಾ ಚ ವೈಕುಂಠಾಧಿಪತಿರ್ಮಹಾನ್ ।
ಸರ್ವಗರ್ವಪ್ರಹಾರೀ ಚ ಸನಕಾದ್ಯಖಿಲಾರ್ಥದಃ ॥ 37॥

ಸರ್ವಾಶ್ವಾಸನಕರ್ತಾ ಚ ಭಕ್ತತುಲ್ಯಾಹವಪ್ರದಃ ।
ಕಾಲಲಕ್ಷಣಹೇತುಶ್ಚ ಸರ್ವಾರ್ಥಜ್ಞಾಪಕಃ ಪರಃ ॥ 38॥

ಭಕ್ತೋನ್ನತಿಕರಃ ಸರ್ವಪ್ರಕಾರಸುಖದಾಯಕಃ ।
ನಾನಾಯುದ್ಧಪ್ರಹರಣೋ ಬ್ರಹ್ಮಶಾಪವಿಮೋಚಕಃ ॥ 39॥

ಪುಷ್ಟಿಸರ್ಗಪ್ರಣೇತಾ ಚ ಗುಣಸೃಷ್ಟಿಪ್ರವರ್ತಕಃ ।
ಕರ್ದಮೇಷ್ಟಪ್ರದಾತಾ ಚ ದೇವಹೂತ್ಯಖಿಲಾರ್ಥದಃ ॥ 40॥

ಶುಕ್ಲನಾರಾಯಣಃ ಸತ್ಯಕಾಲಧರ್ಮಪ್ರವರ್ತಕಃ ।
ಜ್ಞಾನಾವತಾರಃ ಶಾಂತಾತ್ಮಾ ಕಪಿಲಃ ಕಾಲನಾಶಕಃ ॥ 41॥

ತ್ರಿಗುಣಾಧಿಪತಿಃ ಸಾಂಖ್ಯಶಾಸ್ತ್ರಕರ್ತಾ ವಿಶಾರದಃ ।
ಸರ್ಗದೂಷಣಹಾರೀ ಚ ಪುಷ್ಟಿಮೋಕ್ಷಪ್ರವರ್ತಕಃ ॥ 42॥

ಲೌಕಿಕಾನಂದದಾತಾ ಚ ಬ್ರಹ್ಮಾನಂದಪ್ರವರ್ತಕಃ ।
ಭಕ್ತಿಸಿದ್ಧಾಂತವಕ್ತಾ ಚ ಸಗುಣಜ್ಞಾನದೀಪಕಃ ॥ 43॥

ಆತ್ಮಪ್ರದಃ ಪೂರ್ಣಕಾಮೋ ಯೋಗಾತ್ಮಾ ಯೋಗಭಾವಿತಃ ।
ಜೀವನ್ಮುಕ್ತಿಪ್ರದಃ ಶ್ರೀಮಾನನ್ಯಭಕ್ತಿಪ್ರವರ್ತಕಃ ॥ 44॥

ಕಾಲಸಾಮರ್ಥ್ಯದಾತಾ ಚ ಕಾಲದೋಷನಿವಾರಕಃ ।
ಗರ್ಭೋತ್ತಮಜ್ಞಾನದಾತಾ ಕರ್ಮಮಾರ್ಗನಿಯಾಮಕಃ ॥ 45॥

ಸರ್ವಮಾರ್ಗನಿರಾಕರ್ತಾ ಭಕ್ತಿಮಾರ್ಗೈಕಪೋಷಕಃ ।
ಸಿದ್ಧಿಹೇತುಃ ಸರ್ವಹೇತುಃ ಸರ್ವಾಶ್ಚರ್ಯೈಕಕಾರಣಮ್ ॥ 46॥

ಚೇತನಾಚೇತನಪತಿಃ ಸಮುದ್ರಪರಿಪೂಜಿತಃ ।
ಸಾಂಖ್ಯಾಚಾರ್ಯಸ್ತುತಃ ಸಿದ್ಧಪೂಜಿತಃ ಸರ್ವಪೂಜಿತಃ ॥ 47॥

ವಿಸರ್ಗಲೀಲಾ
ವಿಸರ್ಗಕರ್ತಾ ಸರ್ವೇಶಃ ಕೋಟಿಸೂರ್ಯಸಮಪ್ರಭಃ ।
ಅನಂತಗುಣಗಂಭೀರೋ ಮಹಾಪುರುಷಪೂಜಿತಃ ॥ 48॥

ಅನಂತಸುಖದಾತಾ ಚ ಬ್ರಹ್ಮಕೋಟಿಪ್ರಜಾಪತಿಃ ।
ಸುಧಾಕೋಟಿಸ್ವಾಸ್ಥ್ಯಹೇತುಃ ಕಾಮಧುಕ್ಕೋಟಿಕಾಮದಃ ॥ 49॥

ಸಮುದ್ರಕೋಟಿಗಂಭೀರಸ್ತೀರ್ಥಕೋಟಿಸಮಾಹ್ವಯಃ ।
ಸುಮೇರುಕೋಟಿನಿಷ್ಕಂಪಃ ಕೋಟಿಬ್ರಹ್ಮಾಂಡವಿಗ್ರಹಃ ॥ 50॥

ಕೋಟ್ಯಶ್ವಮೇಧಪಾಪಘ್ನೋ ವಾಯುಕೋಟಿಮಹಾಬಲಃ ।
ಕೋಟೀಂದುಜಗದಾನಂದೀ ಶಿವಕೋಟಿಪ್ರಸಾದಕೃತ್ ॥ 51॥

ಸರ್ವಸದ್ಗುಣಮಾಹಾತ್ಮ್ಯಃ ಸರ್ವಸದ್ಗುಣಭಾಜನಮ್ ।
ಮನ್ವಾದಿಪ್ರೇರಕೋ ಧರ್ಮೋ ಯಜ್ಞನಾರಾಯಣಃ ಪರಃ ॥ 52॥

ಆಕೂತಿಸೂನುರ್ದೇವೇಂದ್ರೋ ರುಚಿಜನ್ಮಾಽಭಯಪ್ರದಃ ।
ದಕ್ಷಿಣಾಪತಿರೋಜಸ್ವೀ ಕ್ರಿಯಾಶಕ್ತಿಃ ಪರಾಯಣಃ ॥ 53॥

ದತ್ತಾತ್ರೇಯೋ ಯೋಗಪತಿರ್ಯೋಗಮಾರ್ಗಪ್ರವರ್ತಕಃ ।
ಅನಸೂಯಾಗರ್ಭರತ್ನಮೃಷಿವಂಶವಿವರ್ಧನಃ ॥ 54॥

ಗುಣತ್ರಯವಿಭಾಗಜ್ಞಶ್ಚತುರ್ವರ್ಗವಿಶಾರದಃ ।
ನಾರಾಯಣೋ ಧರ್ಮಸೂನುರ್ಮೂರ್ತಿಪುಣ್ಯಯಶಸ್ಕರಃ ॥ 55॥

ಸಹಸ್ರಕವಚಚ್ಛೇದೀ ತಪಃಸಾರೋ ನರಪ್ರಿಯಃ ।
ವಿಶ್ವಾನಂದಪ್ರದಃ ಕರ್ಮಸಾಕ್ಷೀ ಭಾರತಪೂಜಿತಃ ॥ 56॥

ಅನಂತಾದ್ಭುತಮಾಹಾತ್ಮ್ಯೋ ಬದರೀಸ್ಥಾನಭೂಷಣಮ್ ।
ಜಿತಕಾಮೋ ಜಿತಕ್ರೋಧೋ ಜಿತಸಂಗೋ ಜಿತೇಂದ್ರಿಯಃ ॥ 57॥

ಉರ್ವಶೀಪ್ರಭವಃ ಸ್ವರ್ಗಸುಖದಾಯೀ ಸ್ಥಿತಿಪ್ರದಃ ।
ಅಮಾನೀ ಮಾನದೋ ಗೋಪ್ತಾ ಭಗವಚ್ಛಾಸ್ತ್ರಬೋಧಕಃ ॥ 58॥

ಬ್ರಹ್ಮಾದಿವಂದ್ಯೋ ಹಂಸಶ್ರೀರ್ಮಾಯಾವೈಭವಕಾರಣಮ್ ।
ವಿವಿಧಾನಂತಸರ್ಗಾತ್ಮಾ ವಿಶ್ವಪೂರಣತತ್ಪರಃ ॥ 59॥

ಯಜ್ಞಜೀವನಹೇತುಶ್ಚ ಯಜ್ಞಸ್ವಾಮೀಷ್ಟಬೋಧಕಃ ।
ನಾನಾಸಿದ್ಧಾಂತಗಮ್ಯಶ್ಚ ಸಪ್ತತಂತುಶ್ಚ ಷಡ್ಗುಣಃ ॥ 60॥

ಪ್ರತಿಸರ್ಗಜಗತ್ಕರ್ತಾ ನಾನಾಲೀಲಾವಿಶಾರದಃ ।
ಧ್ರುವಪ್ರಿಯೋ ಧ್ರುವಸ್ವಾಮೀ ಚಿಂತಿತಾಧಿಕದಾಯಕಃ ॥ 61॥

ದುರ್ಲಭಾನಂತಫಲದೋ ದಯಾನಿಧಿರಮಿತ್ರಹಾ ।
ಅಂಗಸ್ವಾಮೀ ಕೃಪಾಸಾರೋ ವೈನ್ಯೋ ಭೂಮಿನಿಯಾಮಕಃ ॥ 62॥

ಭೂಮಿದೋಗ್ಧಾ ಪ್ರಜಾಪ್ರಾಣಪಾಲನೈಕಪರಾಯಣಃ ।
ಯಶೋದಾತಾ ಜ್ಞಾನದಾತಾ ಸರ್ವಧರ್ಮಪ್ರದರ್ಶಕಃ ॥ 63॥

ಪುರಂಜನೋ ಜಗನ್ಮಿತ್ರಂ ವಿಸರ್ಗಾಂತಪ್ರದರ್ಶಕಃ ।
ಪ್ರಚೇತಸಾಂ ಪತಿಶ್ಚಿತ್ರಭಕ್ತಿಹೇತುರ್ಜನಾರ್ದನಃ ॥ 64॥

ಸ್ಮೃತಿಹೇತುಬ್ರಹ್ಮಭಾವಸಾಯುಜ್ಯಾದಿಪ್ರದಃ ಶುಭಃ ।
ವಿಜಯೀ ॥॥॥॥॥॥॥॥॥॥ ಚೋಂತಿನುಏದ್

ಸ್ಥಾನಲೀಲಾ
॥॥ ಸ್ಥಿತಿಲೀಲಾಬ್ಧಿರಚ್ಯುತೋ ವಿಜಯಪ್ರದಃ ॥ 65॥

ಸ್ವಸಾಮರ್ಥ್ಯಪ್ರದೋ ಭಕ್ತಕೀರ್ತಿಹೇತುರಧೋಕ್ಷಜಃ ।
ಪ್ರಿಯವ್ರತಪ್ರಿಯಸ್ವಾಮೀ ಸ್ವೇಚ್ಛಾವಾದವಿಶಾರದಃ ॥ 66॥

ಸಂಗ್ಯಗಮ್ಯಃ ಸ್ವಪ್ರಕಾಶಃ ಸರ್ವಸಂಗವಿವರ್ಜಿತಃ ।
ಇಚ್ಛಾಯಾಂ ಚ ಸಮರ್ಯಾದಸ್ತ್ಯಾಗಮಾತ್ರೋಪಲಂಭನಃ ॥ 67॥

ಅಚಿಂತ್ಯಕಾರ್ಯಕರ್ತಾ ಚ ತರ್ಕಾಗೋಚರಕಾರ್ಯಕೃತ್ ।
ಶ‍ಋಂಗಾರರಸಮರ್ಯಾದಾ ಆಗ್ನೀಧ್ರರಸಭಾಜನಮ್ ॥ 68॥

ನಾಭೀಷ್ಟಪೂರಕಃ ಕರ್ಮಮರ್ಯಾದಾದರ್ಶನೋತ್ಸುಕಃ ।
ಸರ್ವರೂಪೋಽದ್ಭುತತಮೋ ಮರ್ಯಾದಾಪುರುಷೋತ್ತಮಃ ॥ 69॥

ಸರ್ವರೂಪೇಷು ಸತ್ಯಾತ್ಮಾ ಕಾಲಸಾಕ್ಷೀ ಶಶಿಪ್ರಭಃ ।
ಮೇರುದೇವೀವ್ರತಫಲಮೃಷಭೋ ಭಗಲಕ್ಷಣಃ ॥ 70॥

ಜಗತ್ಸಂತರ್ಪಕೋ ಮೇಘರೂಪೀ ದೇವೇಂದ್ರದರ್ಪಹಾ ।
ಜಯಂತೀಪತಿರತ್ಯಂತಪ್ರಮಾಣಾಶೇಷಲೌಕಿಕಃ ॥ 71॥

ಶತಧಾನ್ಯಸ್ತಭೂತಾತ್ಮಾ ಶತಾನಂದೋ ಗುಣಪ್ರಸೂಃ ।
ವೈಷ್ಣವೋತ್ಪಾದನಪರಃ ಸರ್ವಧರ್ಮೋಪದೇಶಕಃ ॥ 72॥

ಪರಹಂಸಕ್ರಿಯಾಗೋಪ್ತಾ ಯೋಗಚರ್ಯಾಪ್ರದರ್ಶಕಃ ।
ಚತುರ್ಥಾಶ್ರಮನಿರ್ಣೇತಾ ಸದಾನಂದಶರೀರವಾನ್ ॥ 73॥

ಪ್ರದರ್ಶಿತಾನ್ಯಧರ್ಮಶ್ಚ ಭರತಸ್ವಾಮ್ಯಪಾರಕೃತ್ ।
ಯಥಾವತ್ಕರ್ಮಕರ್ತಾ ಚ ಸಂಗಾನಿಷ್ಟಪ್ರದರ್ಶಕಃ ॥ 74॥

ಆವಶ್ಯಕಪುನರ್ಜನ್ಮಕರ್ಮಮಾರ್ಗಪ್ರದರ್ಶಕಃ ।
ಯಜ್ಞರೂಪಮೃಗಃ ಶಾಂತಃ ಸಹಿಷ್ಣುಃ ಸತ್ಪರಾಕ್ರಮಃ ॥ 75॥

ರಹೂಗಣಗತಿಜ್ಞಶ್ಚ ರಹೂಗಣವಿಮೋಚಕಃ ।
ಭವಾಟವೀತತ್ತ್ವವಕ್ತಾ ಬಹಿರ್ಮುಖಹಿತೇ ರತಃ ॥ 76॥

ಗಯಸ್ವಾಮೀ ಸ್ಥಾನವಂಶಕರ್ತಾ ಸ್ಥಾನವಿಭೇದಕೃತ್ ।
ಪುರುಷಾವಯವೋ ಭೂಮಿವಿಶೇಷವಿನಿರೂಪಕಃ ॥ 77॥

ಜಂಬೂದ್ವೀಪಪತಿರ್ಮೇರುನಾಭಿಪದ್ಮರುಹಾಶ್ರಯಃ ।
ನಾನಾವಿಭೂತಿಲೀಲಾಢ್ಯೋ ಗಂಗೋತ್ಪತ್ತಿನಿದಾನಕೃತ್ ॥ 78॥

ಗಂಗಾಮಾಹಾತ್ಮ್ಯಹೇತುಶ್ಚ ಗಂಗಾರೂಪೋಽತಿಗೂಢಕೃತ್ ।
ವೈಕುಂಠದೇಹಹೇತ್ವಂಬುಜನ್ಮಕೃತ್ ಸರ್ವಪಾವನಃ ॥ 79॥

ಶಿವಸ್ವಾಮೀ ಶಿವೋಪಾಸ್ಯೋ ಗೂಢಃ ಸಂಕರ್ಷಣಾತ್ಮಕಃ ।
ಸ್ಥಾನರಕ್ಷಾರ್ಥಮತ್ಸ್ಯಾದಿರೂಪಃ ಸರ್ವೈಕಪೂಜಿತಃ ॥ 80॥

ಉಪಾಸ್ಯನಾನಾರೂಪಾತ್ಮಾ ಜ್ಯೋತೀರೂಪೋ ಗತಿಪ್ರದಃ ।
ಸೂರ್ಯನಾರಾಯಣೋ ವೇದಕಾಂತಿರುಜ್ಜ್ವಲವೇಷಧೃಕ್ ॥ 81॥

ಹಂಸೋಽಂತರಿಕ್ಷಗಮನಃ ಸರ್ವಪ್ರಸವಕಾರಣಮ್ ।
ಆನಂದಕರ್ತಾ ವಸುದೋ ಬುಧೋ ವಾಕ್ಪತಿರುಜ್ಜ್ವಲಃ ॥ 82॥

ಕಾಲಾತ್ಮಾ ಕಾಲಕಾಲಶ್ಚ ಕಾಲಚ್ಛೇದಕೃದುತ್ತಮಃ ।
ಶಿಶುಮಾರಃ ಸರ್ವಮೂರ್ತಿರಾಧಿದೈವಿಕರೂಪಧೃಕ್ ॥ 83॥

ಅನಂತಸುಖಭೋಗಾಢ್ಯೋ ವಿವರೈಶ್ವರ್ಯಭಾಜನಮ್ ।
ಸಂಕರ್ಷಣೋ ದೈತ್ಯಪತಿಃ ಸರ್ವಾಧಾರೋ ಬೃಹದ್ವಪುಃ ॥ 84॥

ಅನಂತನರಕಚ್ಛೇದೀ ಸ್ಮೃತಿಮಾತ್ರಾರ್ತಿನಾಶನಃ ।
ಸರ್ವಾನುಗ್ರಹಕರ್ತಾ ಚ ॥॥॥॥॥॥॥॥॥॥ ಚೋಂತಿನುಏದ್

ಪೋಷಣ-ಪುಷ್ಟಿ-ಲೀಲಾ
॥॥॥॥॥॥॥॥ ಮರ್ಯಾದಾಭಿನ್ನಶಾಸ್ತ್ರಕೃತ್ ॥ 85 ॥

ಕಾಲಾಂತಕಭಯಚ್ಛೇದೀ ನಾಮಸಾಮರ್ಥ್ಯರೂಪಧೃಕ್ ।
ಉದ್ಧಾರಾನರ್ಹಗೋಪ್ತ್ರಾತ್ಮಾ ನಾಮಾದಿಪ್ರೇರಕೋತ್ತಮಃ ॥ 86॥

ಅಜಾಮಿಲಮಹಾದುಷ್ಟಮೋಚಕೋಽಘವಿಮೋಚಕಃ ।
ಧರ್ಮವಕ್ತಾಽಕ್ಲಿಷ್ಟವಕ್ತಾ ವಿಷ್ಣುಧರ್ಮಸ್ವರೂಪಧೃಕ್ ॥ 87॥

ಸನ್ಮಾರ್ಗಪ್ರೇರಕೋ ಧರ್ತಾ ತ್ಯಾಗಹೇತುರಧೋಕ್ಷಜಃ ।
ವೈಕುಂಠಪುರನೇತಾ ಚ ದಾಸಸಂವೃದ್ಧಿಕಾರಕಃ ॥ 88॥

ದಕ್ಷಪ್ರಸಾದಕೃದ್ಧಂಸಗುಹ್ಯಸ್ತುತಿವಿಭಾವನಃ ।
ಸ್ವಾಭಿಪ್ರಾಯಪ್ರವಕ್ತಾ ಚ ಮುಕ್ತಜೀವಪ್ರಸೂತಿಕೃತ್ ॥ 89॥

ನಾರದಪ್ರೇರಣಾತ್ಮಾ ಚ ಹರ್ಯಶ್ವಬ್ರಹ್ಮಭಾವನಃ ।
ಶಬಲಾಶ್ವಹಿತೋ ಗೂಢವಾಕ್ಯಾರ್ಥಜ್ಞಾಪನಕ್ಷಮಃ ॥ 90॥

ಗೂಢಾರ್ಥಜ್ಞಾಪನಃ ಸರ್ವಮೋಕ್ಷಾನಂದಪ್ರತಿಷ್ಠಿತಃ ।
ಪುಷ್ಟಿಪ್ರರೋಹಹೇತುಶ್ಚ ದಾಸೈಕಜ್ಞಾತಹೃದ್ಗತಃ ॥ 91॥

ಶಾಂತಿಕರ್ತಾ ಸುಹಿತಕೃತ್ ಸ್ತ್ರೀಪ್ರಸೂಃ ಸರ್ವಕಾಮಧುಕ್ ।
ಪುಷ್ಟಿವಂಶಪ್ರಣೇತಾ ಚ ವಿಶ್ವರೂಪೇಷ್ಟದೇವತಾ ॥ 92॥

ಕವಚಾತ್ಮಾ ಪಾಲನಾತ್ಮಾ ವರ್ಮೋಪಚಿತಿಕಾರಣಮ್ ।
ವಿಶ್ವರೂಪಶಿರಶ್ಛೇದೀ ತ್ವಾಷ್ಟ್ರಯಜ್ಞವಿನಾಶಕಃ ॥ 93॥

ವೃತ್ರಸ್ವಾಮೀ ವೃತ್ರಗಮ್ಯೋ ವೃತ್ರವ್ರತಪರಾಯಣಃ ।
ವೃತ್ರಕೀರ್ತಿರ್ವೃತ್ರಮೋಕ್ಷೋ ಮಘವತ್ಪ್ರಾಣರಕ್ಷಕಃ ॥ 94॥

ಅಶ್ವಮೇಧಹವಿರ್ಭೋಕ್ತಾ ದೇವೇಂದ್ರಾಮೀವನಾಶಕಃ ।
ಸಂಸಾರಮೋಚಕಶ್ಚಿತ್ರಕೇತುಬೋಧನತತ್ಪರಃ ॥ 95॥

ಮಂತ್ರಸಿದ್ಧಿಃ ಸಿದ್ಧಿಹೇತುಃ ಸುಸಿದ್ಧಿಫಲದಾಯಕಃ ।
ಮಹಾದೇವತಿರಸ್ಕರ್ತಾ ಭಕ್ತ್ಯೈ ಪೂರ್ವಾರ್ಥನಾಶಕಃ ॥ 96॥

ದೇವಬ್ರಾಹ್ಮಣವಿದ್ವೇಷವೈಮುಖ್ಯಜ್ಞಾಪಕಃ ಶಿವಃ ।
ಆದಿತ್ಯೋ ದೈತ್ಯರಾಜಶ್ಚ ಮಹತ್ಪತಿರಚಿಂತ್ಯಕೃತ್ ॥ 97॥

ಮರುತಾಂ ಭೇದಕಸ್ತ್ರಾತಾ ವ್ರತಾತ್ಮಾ ಪುಂಪ್ರಸೂತಿಕೃತ್ ।

ಊತಿಲೀಲಾ
ಕರ್ಮಾತ್ಮಾ ವಾಸನಾತ್ಮಾ ಚ ಊತಿಲೀಲಾಪರಾಯಣಃ ॥ 98॥

ಸಮದೈತ್ಯಸುರಃ ಸ್ವಾತ್ಮಾ ವೈಷಮ್ಯಜ್ಞಾನಸಂಶ್ರಯಃ ।
ದೇಹಾದ್ಯುಪಾಧಿರಹಿತಃ ಸರ್ವಜ್ಞಃ ಸರ್ವಹೇತುವಿದ್ ॥ 99॥

ಬ್ರಹ್ಮವಾಕ್ಸ್ಥಾಪನಪರಃ ಸ್ವಜನ್ಮಾವಧಿಕಾರ್ಯಕೃತ್ ।
ಸದಸದ್ವಾಸನಾಹೇತುಸ್ತ್ರಿಸತ್ಯೋ ಭಕ್ತಮೋಚಕಃ ॥ 100॥

ಹಿರಣ್ಯಕಶಿಪುದ್ವೇಷೀ ಪ್ರವಿಷ್ಟಾತ್ಮಾಽತಿಭೀಷಣಃ ।
ಶಾಂತಿಜ್ಞಾನಾದಿಹೇತುಶ್ಚ ಪ್ರಹ್ಲಾದೋತ್ಪತ್ತಿಕಾರಣಮ್ ॥ 101॥

ದೈತ್ಯಸಿದ್ಧಾಂತಸದ್ವಕ್ತಾ ತಪಃಸಾರ ಉದಾರಧೀಃ ।
ದೈತ್ಯಹೇತುಪ್ರಕಟನೋ ಭಕ್ತಿಚಿಹ್ನಪ್ರಕಾಶಕಃ ॥ 102॥

ಸದ್ದ್ವೇಷಹೇತುಃ ಸದ್ದ್ವೇಷವಾಸನಾತ್ಮಾ ನಿರಂತರಃ ।
ನೈಷ್ಠುರ್ಯಸೀಮಾ ಪ್ರಹ್ಲಾದವತ್ಸಲಃ ಸಂಗದೋಷಹಾ ॥ 103॥

ಮಹಾನುಭಾವಃ ಸಾಕಾರಃ ಸರ್ವಾಕಾರಃ ಪ್ರಮಾಣಭೂಃ ।
ಸ್ತಂಭಪ್ರಸೂತಿರ್ನೃಹರಿರ್ನೃಸಿಂಹೋ ಭೀಮವಿಕ್ರಮಃ ॥ 104॥

ವಿಕಟಾಸ್ಯೋ ಲಲಜ್ಜಿಹ್ವೋ ನಖಶಸ್ತ್ರೋ ಜವೋತ್ಕಟಃ ।
ಹಿರಣ್ಯಕಶಿಪುಚ್ಛೇದೀ ಕ್ರೂರದೈತ್ಯನಿವಾರಕಃ ॥ 105॥

ಸಿಂಹಾಸನಸ್ಥಃ ಕ್ರೋಧಾತ್ಮಾ ಲಕ್ಷ್ಮೀಭಯವಿವರ್ಧನಃ ।
ಬ್ರಹ್ಮಾದ್ಯತ್ಯಂತಭಯಭೂರಪೂರ್ವಾಚಿಂತ್ಯರೂಪಧೃಕ್ ॥ 106॥

ಭಕ್ತೈಕಶಾಂತಹೃದಯೋ ಭಕ್ತಸ್ತುತ್ಯಃ ಸ್ತುತಿಪ್ರಿಯಃ ।
ಭಕ್ತಾಂಗಲೇಹನೋದ್ಧೂತಕ್ರೋಧಪುಙ್ಜಃ ಪ್ರಶಾಂತಧೀಃ ॥ 107॥

ಸ್ಮೃತಿಮಾತ್ರಭಯತ್ರಾತಾ ಬ್ರಹ್ಮಬುದ್ಧಿಪ್ರದಾಯಕಃ ।
ಗೋರೂಪಧಾರ್ಯಮೃತಪಾಃ ಶಿವಕೀರ್ತಿವಿವರ್ಧನಃ ॥ 108॥

ಧರ್ಮಾತ್ಮಾ ಸರ್ವಕರ್ಮಾತ್ಮಾ ವಿಶೇಷಾತ್ಮಾಽಽಶ್ರಮಪ್ರಭುಃ ।
ಸಂಸಾರಮಗ್ನಸ್ವೋದ್ಧರ್ತಾ ಸನ್ಮಾರ್ಗಾಖಿಲತತ್ತ್ವವಾಕ್ ॥ 109॥

ಆಚಾರಾತ್ಮಾ ಸದಾಚಾರಃ ॥॥॥॥॥॥॥॥॥ ಚೋಂತಿನುಏದ್

ಮನ್ವಂತರಲೀಲಾ
॥॥॥॥॥॥॥॥॥॥ಮನ್ವಂತರವಿಭಾವನಃ ।
ಸ್ಮೃತ್ಯಾಽಶೇಷಾಶುಭಹರೋ ಗಜೇಂದ್ರಸ್ಮೃತಿಕಾರಣಮ್ ॥ 110॥

ಜಾತಿಸ್ಮರಣಹೇತ್ವೈಕಪೂಜಾಭಕ್ತಿಸ್ವರೂಪದಃ ।
ಯಜ್ಞೋ ಭಯಾನ್ಮನುತ್ರಾತಾ ವಿಭುರ್ಬ್ರಹ್ಮವ್ರತಾಶ್ರಯಃ ॥ 111॥

ಸತ್ಯಸೇನೋ ದುಷ್ಟಘಾತೀ ಹರಿರ್ಗಜವಿಮೋಚಕಃ ।
ವೈಕುಂಠೋ ಲೋಕಕರ್ತಾ ಚ ಅಜಿತೋಽಮೃತಕಾರಣಮ್ ॥ 112॥

ಉರುಕ್ರಮೋ ಭೂಮಿಹರ್ತಾ ಸಾರ್ವಭೌಮೋ ಬಲಿಪ್ರಿಯಃ ।
ವಿಭುಃ ಸರ್ವಹಿತೈಕಾತ್ಮಾ ವಿಷ್ವಕ್ಸೇನಃ ಶಿವಪ್ರಿಯಃ ॥ 113॥

ಧರ್ಮಸೇತುರ್ಲೋಕಧೃತಿಃ ಸುಧಾಮಾಂತರಪಾಲಕಃ ।
ಉಪಹರ್ತಾ ಯೋಗಪತಿರ್ಬೃಹದ್ಭಾನುಃ ಕ್ರಿಯಾಪತಿಃ ॥ 114॥

ಚತುರ್ದಶಪ್ರಮಾಣಾತ್ಮಾ ಧರ್ಮೋ ಮನ್ವಾದಿಬೋಧಕಃ ।
ಲಕ್ಷ್ಮೀಭೋಗೈಕನಿಲಯೋ ದೇವಮಂತ್ರಪ್ರದಾಯಕಃ ॥ 115॥

ದೈತ್ಯವ್ಯಾಮೋಹಕಃ ಸಾಕ್ಷಾದ್ಗರುಡಸ್ಕಂಧಸಂಶ್ರಯಃ ।
ಲೀಲಾಮಂದರಧಾರೀ ಚ ದೈತ್ಯವಾಸುಕಿಪೂಜಿತಃ ॥ 116॥

ಸಮುದ್ರೋನ್ಮಥನಾಯತ್ತೋಽವಿಘ್ನಕರ್ತಾ ಸ್ವವಾಕ್ಯಕೃತ್ ।
ಆದಿಕೂರ್ಮಃ ಪವಿತ್ರಾತ್ಮಾ ಮಂದರಾಘರ್ಷಣೋತ್ಸುಕಃ ॥ 117॥

ಶ್ವಾಸೈಜದಬ್ಧಿವಾರ್ವೀಚಿಃ ಕಲ್ಪಾಂತಾವಧಿಕಾರ್ಯಕೃತ್ ।
ಚತುರ್ದಶಮಹಾರತ್ನೋ ಲಕ್ಷ್ಮೀಸೌಭಾಗ್ಯವರ್ಧನಃ ॥ 118॥

ಧನ್ವಂತರಿಃ ಸುಧಾಹಸ್ತೋ ಯಜ್ಞಭೋಕ್ತಾಽಽರ್ತಿನಾಶನಃ ।
ಆಯುರ್ವೇದಪ್ರಣೇತಾ ಚ ದೇವದೈತ್ಯಾಖಿಲಾರ್ಚಿತಃ ॥ 119॥

ಬುದ್ಧಿವ್ಯಾಮೋಹಕೋ ದೇವಕಾರ್ಯಸಾಧನತತ್ಪರಃ ।
ಸ್ತ್ರೀರೂಪೋ ಮಾಯಯಾ ವಕ್ತಾ ದೈತ್ಯಾಂತಃಕರಣಪ್ರಿಯಃ ॥ 120॥

ಪಾಯಿತಾಮೃತದೇವಾಂಶೋ ಯುದ್ಧಹೇತುಸ್ಮೃತಿಪ್ರದಃ ।
ಸುಮಾಲಿಮಾಲಿವಧಕೃನ್ಮಾಲ್ಯವತ್ಪ್ರಾಣಹಾರಕಃ ॥ 121॥

ಕಾಲನೇಮಿಶಿರಶ್ಛೇದೀ ದೈತ್ಯಯಜ್ಞವಿನಾಶಕಃ ।
ಇಂದ್ರಸಾಮರ್ಥ್ಯದಾತಾ ಚ ದೈತ್ಯಶೇಷಸ್ಥಿತಿಪ್ರಿಯಃ ॥ 122॥

ಶಿವವ್ಯಾಮೋಹಕೋ ಮಾಯೀ ಭೃಗುಮಂತ್ರಸ್ವಶಕ್ತಿದಃ ।
ಬಲಿಜೀವನಕರ್ತಾ ಚ ಸ್ವರ್ಗಹೇತುರ್ವ್ರತಾರ್ಚಿತಃ ॥ 123॥

ಅದಿತ್ಯಾನಂದಕರ್ತಾ ಚ ಕಶ್ಯಪಾದಿತಿಸಂಭವಃ ।
ಉಪೇಂದ್ರ ಇಂದ್ರಾವರಜೋ ವಾಮನಬ್ರಹ್ಮರೂಪಧೃಕ್ ॥ 124॥

ಬ್ರಹ್ಮಾದಿಸೇವಿತವಪುರ್ಯಜ್ಞಪಾವನತತ್ಪರಃ ।
ಯಾಚ್ಞೋಪದೇಶಕರ್ತಾ ಚ ಜ್ಞಾಪಿತಾಶೇಷಸಂಸ್ಥಿತಿಃ ॥ 125॥

ಸತ್ಯಾರ್ಥಪ್ರೇರಕಃ ಸರ್ವಹರ್ತಾ ಗರ್ವವಿನಾಶಕಃ ।
ತ್ರಿವಿಕ್ರಮಸ್ತ್ರಿಲೋಕಾತ್ಮಾ ವಿಶ್ವಮೂರ್ತಿಃ ಪೃಥುಶ್ರವಾಃ ॥ 126॥

ಪಾಶಬದ್ಧಬಲಿಃ ಸರ್ವದೈತ್ಯಪಕ್ಷೋಪಮರ್ದಕಃ ।
ಸುತಲಸ್ಥಾಪಿತಬಲಿಃ ಸ್ವರ್ಗಾಧಿಕಸುಖಪ್ರದಃ ॥ 127॥

ಕರ್ಮಸಂಪೂರ್ತಿಕರ್ತಾ ಚ ಸ್ವರ್ಗಸಂಸ್ಥಾಪಿತಾಮರಃ ।
ಜ್ಞಾತತ್ರಿವಿಧಧರ್ಮಾತ್ಮಾ ಮಹಾಮೀನೋಽಬ್ಧಿಸಂಶ್ರಯಃ ॥ 128॥

ಸತ್ಯವ್ರತಪ್ರಿಯೋ ಗೋಪ್ತಾ ಮತ್ಸ್ಯಮೂರ್ತಿಧೃತಶ್ರುತಿಃ ।
ಶ‍ಋಂಗಬದ್ಧಧೃತಕ್ಷೋಣಿಃ ಸರ್ವಾರ್ಥಜ್ಞಾಪಕೋ ಗುರುಃ ॥ 129॥

ಈಶಾನುಕಥಾಲೀಲಾ
ಈಶಸೇವಕಲೀಲಾತ್ಮಾ ಸೂರ್ಯವಂಶಪ್ರವರ್ತಕಃ ।
ಸೋಮವಂಶೋದ್ಭವಕರೋ ಮನುಪುತ್ರಗತಿಪ್ರದಃ ॥ 130॥

ಅಂಬರೀಷಪ್ರಿಯಃ ಸಾಧುರ್ದುರ್ವಾಸೋಗರ್ವನಾಶಕಃ ।
ಬ್ರಹ್ಮಶಾಪೋಪಸಂಹರ್ತಾ ಭಕ್ತಕೀರ್ತಿವಿವರ್ಧನಃ ॥ 131॥

ಇಕ್ಷ್ವಾಕುವಂಶಜನಕಃ ಸಗರಾದ್ಯಖಿಲಾರ್ಥದಃ ।
ಭಗೀರಥಮಹಾಯತ್ನೋ ಗಂಗಾಧೌತಾಂಘ್ರಿಪಂಕಜಃ ॥ 132॥

ಬ್ರಹ್ಮಸ್ವಾಮೀ ಶಿವಸ್ವಾಮೀ ಸಗರಾತ್ಮಜಮುಕ್ತಿದಃ ।
ಖಟ್ವಾಂಗಮೋಕ್ಷಹೇತುಶ್ಚ ರಘುವಂಶವಿವರ್ಧನಃ ॥ 133॥

ರಘುನಾಥೋ ರಾಮಚಂದ್ರೋ ರಾಮಭದ್ರೋ ರಘುಪ್ರಿಯಃ ।
ಅನಂತಕೀರ್ತಿಃ ಪುಣ್ಯಾತ್ಮಾ ಪುಣ್ಯಶ್ಲೋಕೈಕಭಾಸ್ಕರಃ ॥ 134॥

ಕೋಶಲೇಂದ್ರಃ ಪ್ರಮಾಣಾತ್ಮಾ ಸೇವ್ಯೋ ದಶರಥಾತ್ಮಜಃ ।
ಲಕ್ಷ್ಮಣೋ ಭರತಶ್ಚೈವ ಶತ್ರುಘ್ನೋ ವ್ಯೂಹವಿಗ್ರಹಃ ॥ 135॥

ವಿಶ್ವಾಮಿತ್ರಪ್ರಿಯೋ ದಾಂತಸ್ತಾಡಕಾವಧಮೋಕ್ಷದಃ ।
ವಾಯವ್ಯಾಸ್ತ್ರಾಬ್ಧಿನಿಕ್ಷಿಪ್ತಮಾರೀಚಶ್ಚ ಸುಬಾಹುಹಾ ॥ 136॥

ವೃಷಧ್ವಜಧನುರ್ಭಂಗಪ್ರಾಪ್ತಸೀತಾಮಹೋತ್ಸವಃ ।
ಸೀತಾಪತಿರ್ಭೃಗುಪತಿಗರ್ವಪರ್ವತನಾಶಕಃ ॥ 137॥

ಅಯೋಧ್ಯಾಸ್ಥಮಹಾಭೋಗಯುಕ್ತಲಕ್ಷ್ಮೀವಿನೋದವಾನ್ ।
ಕೈಕೇಯೀವಾಕ್ಯಕರ್ತಾ ಚ ಪಿತೃವಾಕ್ಪರಿಪಾಲಕಃ ॥ 138॥

ವೈರಾಗ್ಯಬೋಧಕೋಽನನ್ಯಸಾತ್ತ್ವಿಕಸ್ಥಾನಬೋಧಕಃ ।
ಅಹಲ್ಯಾದುಃಖಹಾರೀ ಚ ಗುಹಸ್ವಾಮೀ ಸಲಕ್ಷ್ಮಣಃ ॥ 139॥

ಚಿತ್ರಕೂಟಪ್ರಿಯಸ್ಥಾನೋ ದಂಡಕಾರಣ್ಯಪಾವನಃ ।
ಶರಭಂಗಸುತೀಕ್ಷ್ಣಾದಿಪೂಜಿತೋಽಗಸ್ತ್ಯಭಾಗ್ಯಭೂಃ ॥ 140॥

ಋಷಿಸಂಪ್ರಾರ್ಥಿತಕೃತಿರ್ವಿರಾಧವಧಪಂಡಿತಃ ।
ಛಿನ್ನಶೂರ್ಪಣಖಾನಾಸಃ ಖರದೂಷಣಘಾತಕಃ ॥ 141॥

ಏಕಬಾಣಹತಾನೇಕಸಹಸ್ರಬಲರಾಕ್ಷಸಃ ।
ಮಾರೀಚಘಾತೀ ನಿಯತಸೀತಾಸಂಬಂಧಶೋಭಿತಃ ॥ 142॥

ಸೀತಾವಿಯೋಗನಾಟ್ಯಶ್ಚ ಜಟಾಯುರ್ವಧಮೋಕ್ಷದಃ ।
ಶಬರೀಪೂಜಿತೋ ಭಕ್ತಹನುಮತ್ಪ್ರಮುಖಾವೃತಃ ॥ 143॥

ದುಂದುಭ್ಯಸ್ಥಿಪ್ರಹರಣಃ ಸಪ್ತತಾಲವಿಭೇದನಃ ।
ಸುಗ್ರೀವರಾಜ್ಯದೋ ವಾಲಿಘಾತೀ ಸಾಗರಶೋಷಣಃ ॥ 144॥

ಸೇತುಬಂಧನಕರ್ತಾ ಚ ವಿಭೀಷಣಹಿತಪ್ರದಃ ।
ರಾವಣಾದಿಶಿರಶ್ಛೇದೀ ರಾಕ್ಷಸಾಘೌಘನಾಶಕಃ ॥ 145॥

ಸೀತಾಽಭಯಪ್ರದಾತಾ ಚ ಪುಷ್ಪಕಾಗಮನೋತ್ಸುಕಃ ।
ಅಯೋಧ್ಯಾಪತಿರತ್ಯಂತಸರ್ವಲೋಕಸುಖಪ್ರದಃ ॥ 146॥

ಮಥುರಾಪುರನಿರ್ಮಾತಾ ಸುಕೃತಜ್ಞಸ್ವರೂಪದಃ ।
ಜನಕಜ್ಞಾನಗಮ್ಯಶ್ಚ ಐಲಾಂತಪ್ರಕಟಶ್ರುತಿಃ ॥ 147॥

ಹೈಹಯಾಂತಕರೋ ರಾಮೋ ದುಷ್ಟಕ್ಷತ್ರವಿನಾಶಕಃ ।
ಸೋಮವಂಶಹಿತೈಕಾತ್ಮಾ ಯದುವಂಶವಿವರ್ಧನಃ ॥ 148॥

ನಿರೋಧಲೀಲಾ
ಪರಬ್ರಹ್ಮಾವತರಣಃ ಕೇಶವಃ ಕ್ಲೇಶನಾಶನಃ ।
ಭೂಮಿಭಾರಾವತರಣೋ ಭಕ್ತಾರ್ಥಾಖಿಲಮಾನಸಃ ॥ 149॥

ಸರ್ವಭಕ್ತನಿರೋಧಾತ್ಮಾ ಲೀಲಾನಂತನಿರೋಧಕೃತ್ ।
ಭೂಮಿಷ್ಠಪರಮಾನಂದೋ ದೇವಕೀಶುದ್ಧಿಕಾರಣಮ್ ॥ 150॥

ವಸುದೇವಜ್ಞಾನನಿಷ್ಠಸಮಜೀವನಿವಾರಕಃ ।
ಸರ್ವವೈರಾಗ್ಯಕರಣಸ್ವಲೀಲಾಧಾರಶೋಧಕಃ ॥ 151॥

ಮಾಯಾಜ್ಞಾಪನಕರ್ತಾ ಚ ಶೇಷಸಂಭಾರಸಂಭೃತಿಃ ।
ಭಕ್ತಕ್ಲೇಶಪರಿಜ್ಞಾತಾ ತನ್ನಿವಾರಣತತ್ಪರಃ ॥ 152॥

ಆವಿಷ್ಟವಸುದೇವಾಂಶೋ ದೇವಕೀಗರ್ಭಭೂಷಣಮ್ ।
ಪೂರ್ಣತೇಜೋಮಯಃ ಪೂರ್ಣಃ ಕಂಸಾಧೃಷ್ಯಪ್ರತಾಪವಾನ್ ॥ 153॥

ವಿವೇಕಜ್ಞಾನದಾತಾ ಚ ಬ್ರಹ್ಮಾದ್ಯಖಿಲಸಂಸ್ತುತಃ ।
ಸತ್ಯೋ ಜಗತ್ಕಲ್ಪತರುರ್ನಾನಾರೂಪವಿಮೋಹನಃ ॥ 154॥

ಭಕ್ತಿಮಾರ್ಗಪ್ರತಿಷ್ಠಾತಾ ವಿದ್ವನ್ಮೋಹಪ್ರವರ್ತಕಃ ।
ಮೂಲಕಾಲಗುಣದ್ರಷ್ಟಾ ನಯನಾನಂದಭಾಜನಮ್ ॥ 155॥

ವಸುದೇವಸುಖಾಬ್ಧಿಶ್ಚ ದೇವಕೀನಯನಾಮೃತಮ್ ।
ಪಿತೃಮಾತೃಸ್ತುತಃ ಪೂರ್ವಸರ್ವವೃತ್ತಾಂತಬೋಧಕಃ ॥ 156॥

ಗೋಕುಲಾಗತಿಲೀಲಾಪ್ತವಸುದೇವಕರಸ್ಥಿತಿಃ ।
ಸರ್ವೇಶತ್ವಪ್ರಕಟನೋ ಮಾಯಾವ್ಯತ್ಯಯಕಾರಕಃ ॥ 157॥

ಜ್ಞಾನಮೋಹಿತದುಷ್ಟೇಶಃ ಪ್ರಪಂಚಾಸ್ಮೃತಿಕಾರಣಮ್ ।
ಯಶೋದಾನಂದನೋ ನಂದಭಾಗ್ಯಭೂಗೋಕುಲೋತ್ಸವಃ ॥ 158॥

ನಂದಪ್ರಿಯೋ ನಂದಸೂನುರ್ಯಶೋದಾಯಾಃ ಸ್ತನಂಧಯಃ ।
ಪೂತನಾಸುಪಯಃಪಾತಾ ಮುಗ್ಧಭಾವಾತಿಸುಂದರಃ ॥ 159॥

ಸುಂದರೀಹೃದಯಾನಂದೋ ಗೋಪೀಮಂತ್ರಾಭಿಮಂತ್ರಿತಃ ।
ಗೋಪಾಲಾಶ್ಚರ್ಯರಸಕೃತ್ ಶಕಟಾಸುರಖಂಡನಃ ॥ 160॥

ನಂದವ್ರಜಜನಾನಂದೀ ನಂದಭಾಗ್ಯಮಹೋದಯಃ ।
ತೃಣಾವರ್ತವಧೋತ್ಸಾಹೋ ಯಶೋದಾಜ್ಞಾನವಿಗ್ರಹಃ ॥ 161॥

ಬಲಭದ್ರಪ್ರಿಯಃ ಕೃಷ್ಣಃ ಸಂಕರ್ಷಣಸಹಾಯವಾನ್ ।
ರಾಮಾನುಜೋ ವಾಸುದೇವೋ ಗೋಷ್ಠಾಂಗಣಗತಿಪ್ರಿಯಃ ॥ 162॥

ಕಿಂಕಿಣೀರವಭಾವಜ್ಞೋ ವತ್ಸಪುಚ್ಛಾವಲಂಬನಃ ।
ನವನೀತಪ್ರಿಯೋ ಗೋಪೀಮೋಹಸಂಸಾರನಾಶಕಃ ॥ 163॥

ಗೋಪಬಾಲಕಭಾವಜ್ಞಶ್ಚೌರ್ಯವಿದ್ಯಾವಿಶಾರದಃ ।
ಮೃತ್ಸ್ನಾಭಕ್ಷಣಲೀಲಾಸ್ಯಮಾಹಾತ್ಮ್ಯಜ್ಞಾನದಾಯಕಃ ॥ 164॥

ಧರಾದ್ರೋಣಪ್ರೀತಿಕರ್ತಾ ದಧಿಭಾಂಡವಿಭೇದನಃ ।
ದಾಮೋದರೋ ಭಕ್ತವಶ್ಯೋ ಯಮಲಾರ್ಜುನಭಂಜನಃ ॥ 165॥

ಬೃಹದ್ವನಮಹಾಶ್ಚರ್ಯೋ ವೃಂದಾವನಗತಿಪ್ರಿಯಃ ।
ವತ್ಸಘಾತೀ ಬಾಲಕೇಲಿರ್ಬಕಾಸುರನಿಷೂದನಃ ॥ 166॥

ಅರಣ್ಯಭೋಕ್ತಾಽಪ್ಯಥವಾ ಬಾಲಲೀಲಾಪರಾಯಣಃ ।
ಪ್ರೋತ್ಸಾಹಜನಕಶ್ಚೈವಮಘಾಸುರನಿಷೂದನಃ ॥ 167॥

ವ್ಯಾಲಮೋಕ್ಷಪ್ರದಃ ಪುಷ್ಟೋ ಬ್ರಹ್ಮಮೋಹಪ್ರವರ್ಧನಃ ।
ಅನಂತಮೂರ್ತಿಃ ಸರ್ವಾತ್ಮಾ ಜಂಗಮಸ್ಥಾವರಾಕೃತಿಃ ॥ 168॥

ಬ್ರಹ್ಮಮೋಹನಕರ್ತಾ ಚ ಸ್ತುತ್ಯ ಆತ್ಮಾ ಸದಾಪ್ರಿಯಃ ।
ಪೌಗಂಡಲೀಲಾಭಿರತಿರ್ಗೋಚಾರಣಪರಾಯಣಃ ॥ 169॥

ವೃಂದಾವನಲತಾಗುಲ್ಮವೃಕ್ಷರೂಪನಿರೂಪಕಃ ।
ನಾದಬ್ರಹ್ಮಪ್ರಕಟನೋ ವಯಃಪ್ರತಿಕೃತಿಸ್ವನಃ ॥ 170॥

ಬರ್ಹಿನೃತ್ಯಾನುಕರಣೋ ಗೋಪಾಲಾನುಕೃತಿಸ್ವನಃ ।
ಸದಾಚಾರಪ್ರತಿಷ್ಠಾತಾ ಬಲಶ್ರಮನಿರಾಕೃತಿಃ ॥ 171॥

ತರುಮೂಲಕೃತಾಶೇಷತಲ್ಪಶಾಯೀ ಸಖಿಸ್ತುತಃ ।
ಗೋಪಾಲಸೇವಿತಪದಃ ಶ್ರೀಲಾಲಿತಪದಾಂಬುಜಃ ॥ 172॥

ಗೋಪಸಂಪ್ರಾರ್ಥಿತಫಲದಾನನಾಶಿತಧೇನುಕಃ ।
ಕಾಲೀಯಫಣಿಮಾಣಿಕ್ಯರಂಜಿತಶ್ರೀಪದಾಂಬುಜಃ ॥ 173॥

ದೃಷ್ಟಿಸಙ್ಜೀವಿತಾಶೇಷಗೋಪಗೋಗೋಪಿಕಾಪ್ರಿಯಃ ।
ಲೀಲಾಸಂಪೀತದಾವಾಗ್ನಿಃ ಪ್ರಲಂಬವಧಪಂಡಿತಃ ॥ 174॥

ದಾವಾಗ್ನ್ಯಾವೃತಗೋಪಾಲದೃಷ್ಟ್ಯಾಚ್ಛಾದನವಹ್ನಿಪಃ ।
ವರ್ಷಾಶರದ್ವಿಭೂತಿಶ್ರೀರ್ಗೋಪೀಕಾಮಪ್ರಬೋಧಕಃ ॥ 175॥

ಗೋಪೀರತ್ನಸ್ತುತಾಶೇಷವೇಣುವಾದ್ಯವಿಶಾರದಃ ।
ಕಾತ್ಯಾಯನೀವ್ರತವ್ಯಾಜಸರ್ವಭಾವಾಶ್ರಿತಾಂಗನಃ ॥ 176॥

ಸತ್ಸಂಗತಿಸ್ತುತಿವ್ಯಾಜಸ್ತುತವೃಂದಾವನಾಂಘ್ರಿಪಃ ।
ಗೋಪಕ್ಷುಚ್ಛಾಂತಿಸಂವ್ಯಾಜವಿಪ್ರಭಾರ್ಯಾಪ್ರಸಾದಕೃತ್ ॥ 177॥

ಹೇತುಪ್ರಾಪ್ತೇಂದ್ರಯಾಗಸ್ವಕಾರ್ಯಗೋಸವಬೋಧಕಃ ।
ಶೈಲರೂಪಕೃತಾಶೇಷರಸಭೋಗಸುಖಾವಹಃ ॥ 178॥

ಲೀಲಾಗೋವರ್ಧನೋದ್ಧಾರಪಾಲಿತಸ್ವವ್ರಜಪ್ರಿಯಃ ।
ಗೋಪಸ್ವಚ್ಛಂದಲೀಲಾರ್ಥಗರ್ಗವಾಕ್ಯಾರ್ಥಬೋಧಕಃ ॥ 179॥

ಇಂದ್ರಧೇನುಸ್ತುತಿಪ್ರಾಪ್ತಗೋವಿಂದೇಂದ್ರಾಭಿಧಾನವಾನ್ ।
ವ್ರತಾದಿಧರ್ಮಸಂಸಕ್ತನಂದಕ್ಲೇಶವಿನಾಶಕಃ ॥ 180॥

ನಂದಾದಿಗೋಪಮಾತ್ರೇಷ್ಟವೈಕುಂಠಗತಿದಾಯಕಃ ।
ವೇಣುವಾದಸ್ಮರಕ್ಷೋಭಮತ್ತಗೋಪೀವಿಮುಕ್ತಿದಃ ॥ 181॥

ಸರ್ವಭಾವಪ್ರಾಪ್ತಗೋಪೀಸುಖಸಂವರ್ಧನಕ್ಷಮಃ ।
ಗೋಪೀಗರ್ವಪ್ರಣಾಶಾರ್ಥತಿರೋಧಾನಸುಖಪ್ರದಃ ॥ 182॥

ಕೃಷ್ಣಭಾವವ್ಯಾಪ್ತವಿಶ್ವಗೋಪೀಭಾವಿತವೇಷಧೃಕ್ ।
ರಾಧಾವಿಶೇಷಸಂಭೋಗಪ್ರಾಪ್ತದೋಷನಿವಾರಕಃ ॥ 183॥

ಪರಮಪ್ರೀತಿಸಂಗೀತಸರ್ವಾದ್ಭುತಮಹಾಗುಣಃ ।
ಮಾನಾಪನೋದನಾಕ್ರಂದಗೋಪೀದೃಷ್ಟಿಮಹೋತ್ಸವಃ ॥ 184॥

ಗೋಪಿಕಾವ್ಯಾಪ್ತಸರ್ವಾಂಗಃ ಸ್ತ್ರೀಸಂಭಾಷಾವಿಶಾರದಃ ।
ರಾಸೋತ್ಸವಮಹಾಸೌಖ್ಯಗೋಪೀಸಂಭೋಗಸಾಗರಃ ॥ 185॥

ಜಲಸ್ಥಲರತಿವ್ಯಾಪ್ತಗೋಪೀದೃಷ್ಟ್ಯಭಿಪೂಜಿತಃ ।
ಶಾಸ್ತ್ರಾನಪೇಕ್ಷಕಾಮೈಕಮುಕ್ತಿದ್ವಾರವಿವರ್ಧನಃ ॥ 186॥

ಸುದರ್ಶನಮಹಾಸರ್ಪಗ್ರಸ್ತನಂದವಿಮೋಚಕಃ ।
ಗೀತಮೋಹಿತಗೋಪೀಧೃಕ್ಷಂಖಚೂಡವಿನಾಶಕಃ ॥ 187॥

ಗುಣಸಂಗೀತಸಂತುಷ್ಟಿರ್ಗೋಪೀಸಂಸಾರವಿಸ್ಮೃತಿಃ ।
ಅರಿಷ್ಟಮಥನೋ ದೈತ್ಯಬುದ್ಧಿವ್ಯಾಮೋಹಕಾರಕಃ ॥ 188॥

ಕೇಶಿಘಾತೀ ನಾರದೇಷ್ಟೋ ವ್ಯೋಮಾಸುರವಿನಾಶಕಃ ।
ಅಕ್ರೂರಭಕ್ತಿಸಂರಾದ್ಧಪಾದರೇಣುಮಹಾನಿಧಿಃ ॥ 189॥

ರಥಾವರೋಹಶುದ್ಧಾತ್ಮಾ ಗೋಪೀಮಾನಸಹಾರಕಃ ।
ಹ್ರದಸಂದರ್ಶಿತಾಶೇಷವೈಕುಂಠಾಕ್ರೂರಸಂಸ್ತುತಃ ॥ 190॥

ಮಥುರಾಗಮನೋತ್ಸಾಹೋ ಮಥುರಾಭಾಗ್ಯಭಾಜನಮ್ ।
ಮಥುರಾನಗರೀಶೋಭಾದರ್ಶನೋತ್ಸುಕಮಾನಸಃ ॥ 191॥

ದುಷ್ಟರಂಜಕಘಾತೀ ಚ ವಾಯಕಾರ್ಚಿತವಿಗ್ರಹಃ ।
ವಸ್ತ್ರಮಾಲಾಸುಶೋಭಾಂಗಃ ಕುಬ್ಜಾಲೇಪನಭೂಷಿತಃ ॥ 192॥

ಕುಬ್ಜಾಸುರೂಪಕರ್ತಾ ಚ ಕುಬ್ಜಾರತಿವರಪ್ರದಃ ।
ಪ್ರಸಾದರೂಪಸಂತುಷ್ಟಹರಕೋದಂಡಖಂಡನಃ ॥ 193॥

ಶಕಲಾಹತಕಂಸಾಪ್ತಧನೂರಕ್ಷಕಸೈನಿಕಃ ।
ಜಾಗ್ರತ್ಸ್ವಪ್ನಭಯವ್ಯಾಪ್ತಮೃತ್ಯುಲಕ್ಷಣಬೋಧಕಃ ॥ 194॥

ಮಥುರಾಮಲ್ಲ ಓಜಸ್ವೀ ಮಲ್ಲಯುದ್ಧವಿಶಾರದಃ ।
ಸದ್ಯಃ ಕುವಲಯಾಪೀಡಘಾತೀ ಚಾಣೂರಮರ್ದನಃ ॥ 195॥

ಲೀಲಾಹತಮಹಾಮಲ್ಲಃ ಶಲತೋಶಲಘಾತಕಃ ।
ಕಂಸಾಂತಕೋ ಜಿತಾಮಿತ್ರೋ ವಸುದೇವವಿಮೋಚಕಃ ॥ 196॥

ಜ್ಞಾತತತ್ತ್ವಪಿತೃಜ್ಞಾನಮೋಹನಾಮೃತವಾಙ್ಮಯಃ ।
ಉಗ್ರಸೇನಪ್ರತಿಷ್ಠಾತಾ ಯಾದವಾಧಿವಿನಾಶಕಃ ॥ 197॥

ನಂದಾದಿಸಾಂತ್ವನಕರೋ ಬ್ರಹ್ಮಚರ್ಯವ್ರತೇ ಸ್ಥಿತಃ ।
ಗುರುಶುಶ್ರೂಷಣಪರೋ ವಿದ್ಯಾಪಾರಮಿತೇಶ್ವರಃ ॥ 198॥

ಸಾಂದೀಪನಿಮೃತಾಪತ್ಯದಾತಾ ಕಾಲಾಂತಕಾದಿಜಿತ್ ।
ಗೋಕುಲಾಶ್ವಾಸನಪರೋ ಯಶೋದಾನಂದಪೋಷಕಃ ॥ 199॥

ಗೋಪಿಕಾವಿರಹವ್ಯಾಜಮನೋಗತಿರತಿಪ್ರದಃ ।
ಸಮೋದ್ಧವಭ್ರಮರವಾಕ್ ಗೋಪಿಕಾಮೋಹನಾಶಕಃ ॥ 200॥

ಕುಬ್ಜಾರತಿಪ್ರದೋಽಕ್ರೂರಪವಿತ್ರೀಕೃತಭೂಗೃಹಃ ।
ಪೃಥಾದುಃಖಪ್ರಣೇತಾ ಚ ಪಾಂಡವಾನಾಂ ಸುಖಪ್ರದಃ ॥ 201॥

ದಶಮಸ್ಕಂಧೋತ್ತರಾರ್ಧನಾಮಾನಿ ನಿರೋಧಲೀಲಾ
ಜರಾಸಂಧಸಮಾನೀತಸೈನ್ಯಘಾತೀ ವಿಚಾರಕಃ ।
ಯವನವ್ಯಾಪ್ತಮಥುರಾಜನದತ್ತಕುಶಸ್ಥಲಿಃ ॥ 202॥

ದ್ವಾರಕಾದ್ಭುತನಿರ್ಮಾಣವಿಸ್ಮಾಪಿತಸುರಾಸುರಃ ।
ಮನುಷ್ಯಮಾತ್ರಭೋಗಾರ್ಥಭೂಮ್ಯಾನೀತೇಂದ್ರವೈಭವಃ ॥ 203॥

ಯವನವ್ಯಾಪ್ತಮಥುರಾನಿರ್ಗಮಾನಂದವಿಗ್ರಹಃ ।
ಮುಚುಕುಂದಮಹಾಬೋಧಯವನಪ್ರಾಣದರ್ಪಹಾ ॥ 204॥

ಮುಚುಕುಂದಸ್ತುತಾಶೇಷಗುಣಕರ್ಮಮಹೋದಯಃ ।
ಫಲಪ್ರದಾನಸಂತುಷ್ಟಿರ್ಜನ್ಮಾಂತರಿತಮೋಕ್ಷದಃ ॥ 205॥

ಶಿವಬ್ರಾಹ್ಮಣವಾಕ್ಯಾಪ್ತಜಯಭೀತಿವಿಭಾವನಃ ।
ಪ್ರವರ್ಷಣಪ್ರಾರ್ಥಿತಾಗ್ನಿದಾನಪುಣ್ಯಮಹೋತ್ಸವಃ ॥ 206॥

ರುಕ್ಮಿಣೀರಮಣಃ ಕಾಮಪಿತಾ ಪ್ರದ್ಯುಮ್ನಭಾವನಃ ।
ಸ್ಯಮಂತಕಮಣಿವ್ಯಾಜಪ್ರಾಪ್ತಜಾಂಬವತೀಪತಿಃ ॥ 207॥

ಸತ್ಯಭಾಮಾಪ್ರಾಣಪತಿಃ ಕಾಲಿಂದೀರತಿವರ್ಧನಃ ।
ಮಿತ್ರವಿಂದಾಪತಿಃ ಸತ್ಯಾಪತಿರ್ವೃಷನಿಷೂದನಃ ॥ 208॥

ಭದ್ರಾವಾಂಛಿತಭರ್ತಾ ಚ ಲಕ್ಷ್ಮಣಾವರಣಕ್ಷಮಃ ।
ಇಂದ್ರಾದಿಪ್ರಾರ್ಥಿತವಧನರಕಾಸುರಸೂದನಃ ॥ 209॥

ಮುರಾರಿಃ ಪೀಠಹಂತಾ ಚ ತಾಮ್ರಾದಿಪ್ರಾಣಹಾರಕಃ ।
ಷೋಡಶಸ್ತ್ರೀಸಹಸ್ರೇಶಃ ಛತ್ರಕುಂಡಲದಾನಕೃತ್ ॥ 210॥

ಪಾರಿಜಾತಾಪಹರಣೋ ದೇವೇಂದ್ರಮದನಾಶಕಃ ।
ರುಕ್ಮಿಣೀಸಮಸರ್ವಸ್ತ್ರೀಸಾಧ್ಯಭೋಗರತಿಪ್ರದಃ ॥ 211॥

ರುಕ್ಮಿಣೀಪರಿಹಾಸೋಕ್ತಿವಾಕ್ತಿರೋಧಾನಕಾರಕಃ ।
ಪುತ್ರಪೌತ್ರಮಹಾಭಾಗ್ಯಗೃಹಧರ್ಮಪ್ರವರ್ತಕಃ ॥ 212॥

ಶಂಬರಾಂತಕಸತ್ಪುತ್ರವಿವಾಹಹತರುಕ್ಮಿಕಃ ।
ಉಷಾಪಹೃತಪೌತ್ರಶ್ರೀರ್ಬಾಣಬಾಹುನಿವಾರಕಃ ॥ 213॥

ಶೀತಜ್ವರಭಯವ್ಯಾಪ್ತಜ್ವರಸಂಸ್ತುತಷಡ್ಗುಣಃ ।
ಶಂಕರಪ್ರತಿಯೋದ್ಧಾ ಚ ದ್ವಂದ್ವಯುದ್ಧವಿಶಾರದಃ ॥ 214॥

ನೃಗಪಾಪಪ್ರಭೇತ್ತಾ ಚ ಬ್ರಹ್ಮಸ್ವಗುಣದೋಷದೃಕ್ ।
ವಿಷ್ಣುಭಕ್ತಿವಿರೋಧೈಕಬ್ರಹ್ಮಸ್ವವಿನಿವಾರಕಃ ॥ 215॥

ಬಲಭದ್ರಾಹಿತಗುಣೋ ಗೋಕುಲಪ್ರೀತಿದಾಯಕಃ ।
ಗೋಪೀಸ್ನೇಹೈಕನಿಲಯೋ ಗೋಪೀಪ್ರಾಣಸ್ಥಿತಿಪ್ರದಃ ॥ 216॥

ವಾಕ್ಯಾತಿಗಾಮಿಯಮುನಾಹಲಾಕರ್ಷಣವೈಭವಃ ।
ಪೌಂಡ್ರಕತ್ಯಾಜಿತಸ್ಪರ್ಧಃ ಕಾಶೀರಾಜವಿಭೇದನಃ ॥ 217॥

ಕಾಶೀನಿದಾಹಕರಣಃ ಶಿವಭಸ್ಮಪ್ರದಾಯಕಃ ।
ದ್ವಿವಿದಪ್ರಾಣಘಾತೀ ಚ ಕೌರವಾಖರ್ವಗರ್ವನುತ್ ॥ 218॥

ಲಾಂಗಲಾಕೃಷ್ಟನಗರೀಸಂವಿಗ್ನಾಖಿಲನಾಗರಃ ।
ಪ್ರಪನ್ನಾಭಯದಃ ಸಾಂಬಪ್ರಾಪ್ತಸನ್ಮಾನಭಾಜನಮ್ ॥ 219॥

ನಾರದಾನ್ವಿಷ್ಟಚರಣೋ ಭಕ್ತವಿಕ್ಷೇಪನಾಶಕಃ ।
ಸದಾಚಾರೈಕನಿಲಯಃ ಸುಧರ್ಮಾಧ್ಯಾಸಿತಾಸನಃ ॥ 220॥

ಜರಾಸಂಧಾವರುದ್ಧೇನ ವಿಜ್ಞಾಪಿತನಿಜಕ್ಲಮಃ ।
ಮಂತ್ರ್ಯುದ್ಧವಾದಿವಾಕ್ಯೋಕ್ತಪ್ರಕಾರೈಕಪರಾಯಣಃ ॥ 221॥

ರಾಜಸೂಯಾದಿಮಖಕೃತ್ ಸಂಪ್ರಾರ್ಥಿತಸಹಾಯಕೃತ್ ।
ಇಂದ್ರಪ್ರಸ್ಥಪ್ರಯಾಣಾರ್ಥಮಹತ್ಸಂಭಾರಸಂಭೃತಿಃ ॥ 222॥

ಜರಾಸಂಧವಧವ್ಯಾಜಮೋಚಿತಾಶೇಷಭೂಮಿಪಃ ।
ಸನ್ಮಾರ್ಗಬೋಧಕೋ ಯಜ್ಞಕ್ಷಿತಿವಾರಣತತ್ಪರಃ ॥ 223॥

ಶಿಶುಪಾಲಹತಿವ್ಯಾಜಜಯಶಾಪವಿಮೋಚಕಃ ।
ದುರ್ಯೋಧನಾಭಿಮಾನಾಬ್ಧಿಶೋಷಬಾಣವೃಕೋದರಃ॥ 224॥

ಮಹಾದೇವವರಪ್ರಾಪ್ತಪುರಶಾಲ್ವವಿನಾಶಕಃ ।
ದಂತವಕ್ತ್ರವಧವ್ಯಾಜವಿಜಯಾಘೌಘನಾಶಕಃ ॥ 225॥

ವಿದೂರಥಪ್ರಾಣಹರ್ತಾ ನ್ಯಸ್ತಶಸ್ತ್ರಾಸ್ತ್ರವಿಗ್ರಹಃ ।
ಉಪಧರ್ಮವಿಲಿಪ್ತಾಂಗಸೂತಘಾತೀ ವರಪ್ರದಃ ॥ 226॥

ಬಲ್ವಲಪ್ರಾಣಹರಣಪಾಲಿತರ್ಷಿಶ್ರುತಿಕ್ರಿಯಃ ।
ಸರ್ವತೀರ್ಥಾಘನಾಶಾರ್ಥತೀರ್ಥಯಾತ್ರಾವಿಶಾರದಃ ॥ 227॥

ಜ್ಞಾನಕ್ರಿಯಾವಿಭೇದೇಷ್ಟಫಲಸಾಧನತತ್ಪರಃ ।
ಸಾರಥ್ಯಾದಿಕ್ರಿಯಾಕರ್ತಾ ಭಕ್ತವಶ್ಯತ್ವಬೋಧಕಃ ॥ 228॥

ಸುದಾಮಾರಂಕಭಾರ್ಯಾರ್ಥಭೂಮ್ಯಾನೀತೇಂದ್ರವೈಭವಃ ।
ರವಿಗ್ರಹನಿಮಿತ್ತಾಪ್ತಕುರುಕ್ಷೇತ್ರೈಕಪಾವನಃ ॥ 229॥

ನೃಪಗೋಪೀಸಮಸ್ತಸ್ತ್ರೀಪಾವನಾರ್ಥಾಖಿಲಕ್ರಿಯಃ ।
ಋಷಿಮಾರ್ಗಪ್ರತಿಷ್ಠಾತಾ ವಸುದೇವಮಖಕ್ರಿಯಃ ॥ 230॥

ವಸುದೇವಜ್ಞಾನದಾತಾ ದೇವಕೀಪುತ್ರದಾಯಕಃ ।
ಅರ್ಜುನಸ್ತ್ರೀಪ್ರದಾತಾ ಚ ಬಹುಲಾಶ್ವಸ್ವರೂಪದಃ ॥ 231॥

ಶ್ರುತದೇವೇಷ್ಟದಾತಾ ಚ ಸರ್ವಶ್ರುತಿನಿರೂಪಿತಃ ।
ಮಹಾದೇವಾದ್ಯತಿಶ್ರೇಷ್ಠೋ ಭಕ್ತಿಲಕ್ಷಣನಿರ್ಣಯಃ ॥ 232॥

ವೃಕಗ್ರಸ್ತಶಿವತ್ರಾತಾ ನಾನಾವಾಕ್ಯವಿಶಾರದಃ ।
ನರಗರ್ವವಿನಾಶಾರ್ಥಹೃತಬ್ರಾಹ್ಮಣಬಾಲಕಃ ॥ 233॥

ಲೋಕಾಲೋಕಪರಸ್ಥಾನಸ್ಥಿತಬಾಲಕದಾಯಕಃ ।
ದ್ವಾರಕಾಸ್ಥಮಹಾಭೋಗನಾನಾಸ್ತ್ರೀರತಿವರ್ಧನಃ ॥ 234॥

ಮನಸ್ತಿರೋಧಾನಕೃತವ್ಯಗ್ರಸ್ತ್ರೀಚಿತ್ತಭಾವಿತಃ ।

ಮುಕ್ತಿಲೀಲಾ
ಮುಕ್ತಿಲೀಲಾವಿಹರಣೋ ಮೌಶಲವ್ಯಾಜಸಂಹೃತಿಃ ॥ 235॥

ಶ್ರೀಭಾಗವತಧರ್ಮಾದಿಬೋಧಕೋ ಭಕ್ತಿನೀತಿಕೃತ್ ।
ಉದ್ಧವಜ್ಞಾನದಾತಾ ಚ ಪಂಚವಿಂಶತಿಧಾ ಗುರುಃ ॥ 236॥

ಆಚಾರಭಕ್ತಿಮುಕ್ತ್ಯಾದಿವಕ್ತಾ ಶಬ್ದೋದ್ಭವಸ್ಥಿತಿಃ ।
ಹಂಸೋ ಧರ್ಮಪ್ರವಕ್ತಾ ಚ ಸನಕಾದ್ಯುಪದೇಶಕೃತ್ ॥ 237॥

ಭಕ್ತಿಸಾಧನವಕ್ತಾ ಚ ಯೋಗಸಿದ್ಧಿಪ್ರದಾಯಕಃ ।
ನಾನಾವಿಭೂತಿವಕ್ತಾ ಚ ಶುದ್ಧಧರ್ಮಾವಬೋಧಕಃ ॥ 238॥

ಮಾರ್ಗತ್ರಯವಿಭೇದಾತ್ಮಾ ನಾನಾಶಂಕಾನಿವಾರಕಃ ।
ಭಿಕ್ಷುಗೀತಾಪ್ರವಕ್ತಾ ಚ ಶುದ್ಧಸಾಂಖ್ಯಪ್ರವರ್ತಕಃ ॥ 239॥

ಮನೋಗುಣವಿಶೇಷಾತ್ಮಾ ಜ್ಞಾಪಕೋಕ್ತಪುರೂರವಾಃ ।
ಪೂಜಾವಿಧಿಪ್ರವಕ್ತಾ ಚ ಸರ್ವಸಿದ್ಧಾಂತಬೋಧಕಃ ॥ 240॥

ಲಘುಸ್ವಮಾರ್ಗವಕ್ತಾ ಚ ಸ್ವಸ್ಥಾನಗತಿಬೋಧಕಃ ।
ಯಾದವಾಂಗೋಪಸಂಹರ್ತಾ ಸರ್ವಾಶ್ಚರ್ಯಗತಿಕ್ರಿಯಃ ॥ 241॥

ಆಶ್ರಯಲೀಲಾ
ಕಾಲಧರ್ಮವಿಭೇದಾರ್ಥವರ್ಣನಾಶನತತ್ಪರಃ ।
ಬುದ್ಧೋ ಗುಪ್ತಾರ್ಥವಕ್ತಾ ಚ ನಾನಾಶಾಸ್ತ್ರವಿಧಾಯಕಃ ॥ 242॥

ನಷ್ಟಧರ್ಮಮನುಷ್ಯಾದಿಲಕ್ಷಣಜ್ಞಾಪನೋತ್ಸುಕಃ ।
ಆಶ್ರಯೈಕಗತಿಜ್ಞಾತಾ ಕಲ್ಕಿಃ ಕಲಿಮಲಾಪಹಃ ॥ 243॥

ಶಾಸ್ತ್ರವೈರಾಗ್ಯಸಂಬೋಧೋ ನಾನಾಪ್ರಲಯಬೋಧಕಃ ।
ವಿಶೇಷತಃ ಶುಕವ್ಯಾಜಪರೀಕ್ಷಿಜ್ಜ್ಞಾನಬೋಧಕಃ ॥ 244॥

ಶುಕೇಷ್ಟಗತಿರೂಪಾತ್ಮಾ ಪರೀಕ್ಷಿದ್ದೇಹಮೋಕ್ಷದಃ ।
ಶಬ್ದರೂಪೋ ನಾದರೂಪೋ ವೇದರೂಪೋ ವಿಭೇದನಃ ॥ 245॥

ವ್ಯಾಸಃ ಶಾಖಾಪ್ರವಕ್ತಾ ಚ ಪುರಾಣಾರ್ಥಪ್ರವರ್ತಕಃ ।
ಮಾರ್ಕಂಡೇಯಪ್ರಸನ್ನಾತ್ಮಾ ವಟಪತ್ರಪುಟೇಶಯಃ ॥ 246॥

ಮಾಯಾವ್ಯಾಪ್ತಮಹಾಮೋಹದುಃಖಶಾಂತಿಪ್ರವರ್ತಕಃ ।
ಮಹಾದೇವಸ್ವರೂಪಶ್ಚ ಭಕ್ತಿದಾತಾ ಕೃಪಾನಿಧಿಃ ॥ 247॥

ಆದಿತ್ಯಾಂತರ್ಗತಃ ಕಾಲಃ ದ್ವಾದಶಾತ್ಮಾ ಸುಪೂಜಿತಃ ।
ಶ್ರೀಭಾಗವತರೂಪಶ್ಚ ಸರ್ವಾರ್ಥಫಲದಾಯಕಃ ॥ 248॥

ಇತೀದಂ ಕೀರ್ತನೀಯಸ್ಯ ಹರೇರ್ನಾಮಸಹಸ್ರಕಮ್ ।
ಪಂಚಸಪ್ತತಿವಿಸ್ತೀರ್ಣಂ ಪುರಾಣಾಂತರಭಾಷಿತಮ್ ॥ 249॥

ಯ ಏತತ್ಪ್ರಾತರುತ್ಥಾಯ ಶ್ರದ್ಧಾವಾನ್ ಸುಸಮಾಹಿತಃ ।
ಜಪೇದರ್ಥಾಹಿತಮತಿಃ ಸ ಗೋವಿಂದಪದಂ ಲಭೇತ್ ॥ 250॥

ಸರ್ವಧರ್ಮವಿನಿರ್ಮುಕ್ತಃ ಸರ್ವಸಾಧನವರ್ಜಿತಃ ।
ಏತದ್ಧಾರಣಮಾತ್ರೇಣ ಕೃಷ್ಣಸ್ಯ ಪದವೀಂ ವ್ರಜೇತ್ ॥ 251॥

ಹರ್ಯಾವೇಶಿತಚಿತ್ತೇನ ಶ್ರೀಭಾಗವತಸಾಗರಾತ್ ।
ಸಮುದ್ಧೃತಾನಿ ನಾಮಾನಿ ಚಿಂತಾಮಣಿನಿಭಾನಿ ಹಿ ॥ 252॥

ಕಂಠಸ್ಥಿತಾನ್ಯರ್ಥದೀಪ್ತ್ಯಾ ಬಾಧಂತೇಽಜ್ಞಾನಜಂ ತಮಃ ।
ಭಕ್ತಿಂ ಶ್ರೀಕೃಷ್ಣದೇವಸ್ಯ ಸಾಧಯಂತಿ ವಿನಿಶ್ಚಿತಮ್ ॥ 253॥

ಕಿಂಬಹೂಕ್ತೇನ ಭಗವಾನ್ ನಾಮಭಿಃ ಸ್ತುತಷಡ್ಗುಣಃ ।
ಆತ್ಮಭಾವಂ ನಯತ್ಯಾಶು ಭಕ್ತಿಂ ಚ ಕುರುತೇ ದೃಢಾಮ್ ॥ 254॥

ಯಃ ಕೃಷ್ಣಭಕ್ತಿಮಿಹ ವಾಂಛತಿ ಸಾಧನೌಘೈರ್-
ನಾಮಾನಿ ಭಾಸುರಯಶಾಂಸಿ ಜಪೇತ್ಸ ನಿತ್ಯಮ್ ।
ತಂ ವೈ ಹರಿಃ ಸ್ವಪುರುಷಂ ಕುರುತೇಽತಿಶೀಘ್ರಂ-
ಆತ್ಮಾರ್ಪಣಂ ಸಮಧಿಗಚ್ಛತಿ ಭಾವತುಷ್ಟಃ ॥ 255॥

ಶ್ರೀಕೃಷ್ಣ ಕೃಷ್ಣಸಖ ವೃಷ್ಣಿವೃಷಾವನಿಧ್ರುಗ್-
ರಾಜನ್ಯವಂಶದಹನಾನಪವರ್ಗವೀರ್ಯ ।
ಗೋವಿಂದ ಗೋಪವನಿತಾವ್ರಜಭೃತ್ಯಗೀತ
ತೀರ್ಥಶ್ರವಃ ಶ್ರವಣಮಂಗಲ ಪಾಹಿ ಭೃತ್ಯಾನ್ ॥ 256॥

॥ ಇತಿ ಶ್ರೀಭಾಗವತಸಾರಸಮುಚ್ಚಯೇ ವೈಶ್ವಾನರೋಕ್ತಂ
ಶ್ರೀವಲ್ಲಭಾಚಾರ್ಯವಿರಚಿತಂ
ಶ್ರೀಪುರುಷೋತ್ತಮಸಹಸ್ರನಾಮಸ್ತೋತ್ರಂ ಸಂಪೂರ್ಣಮ್ ॥

sree purushottama sahasra nama stotram in kannada