1 (ருத்³ரயாமளே)

விநியோக³꞉ –
அஸ்ய ஶ்ரீபீதாம்ப³ரா ப³க³ளாமுகீ² கவசஸ்ய மஹாதே³வ ருஷி꞉, உஷ்ணிக் ச²ந்த³꞉, ஶ்ரீபீதாம்ப³ரா தே³வதா, ஸ்தி²ரமாயா பீ³ஜம், ஸ்வாஹா ஶக்தி꞉, அம் ட²꞉ கீலகம், மம ஸந்நிஹிதானாம் தூ³ரஸ்தா²னாம் ஸர்வது³ஷ்டானாம் வாங்முக²பத³ஜிஹ்வாபவர்கா³ணாம் ஸ்தம்ப⁴னபூர்வகம் ஸர்வஸம்பத்திப்ராப்தி சதுர்வர்க³ப²லஸாத⁴னார்தே² ஜபே விநியோக³꞉ ॥

த்⁴யானம் –
மத்⁴யேஸுதா⁴ப்³தி⁴மணிமண்ட³பரத்னவேத்³யாம்
ஸிம்ஹாஸனோபரிக³தாம் பரிபீதவர்ணாம் ।
பீதாம்ப³ராப⁴ரணமால்யவிபூ⁴ஷிதாங்கீ³ம்
தே³வீம் ப⁴ஜாமி த்⁴ருதமுத்³க³ரவைரிஜிஹ்வாம் ॥ 1 ॥

ஜிஹ்வாக்³ரமாதா³ய கரேண தே³வீம்
வாமேன ஶத்ரூன் பரிபீட³யந்தீம் ।
க³தா³பி⁴கா⁴தேன ச த³க்ஷிணேன
பீதாம்ப³ராட்⁴யாம் த்³விபு⁴ஜாம் நமாமி ॥ 2 ॥

ஹிமவத்தனயா கௌ³ரீ கைலாஸே(அ)த² ஶிலோச்சயே ।
அப்ருச்ச²த்³கி³ரிஶம் தே³வீ ஸாத⁴கானுக்³ரஹேச்ச²யா ॥ 1 ॥

ஶ்ரீபார்வத்யுவாச ।
தே³வதே³வ மஹாதே³வ ப⁴க்தானுக்³ரஹகாரக ।
ஶ்ருணு விஜ்ஞாப்யதே யத்து ஶ்ருத்வா ஸர்வம் நிவேத³ய ॥ 2 ॥

விஶுத்³தா⁴꞉ கௌலிகா லோகே யே மத்கர்மபராயணா꞉ ।
தேஷாம் நிந்தா³கரா லோகே ப³ஹவ꞉ கில து³ர்ஜனா꞉ ॥ 3 ॥

மனோபா³தா⁴ம் வித³த⁴தே முஹு꞉ கடுபி⁴ருக்திபி⁴꞉ ।
தேஷாமாஶு விநாஶாய த்வயா தே³வ ப்ரகாஶித꞉ ॥ 4 ॥

யோ மந்த்ரோ ப³க³ளாமுக்²யா꞉ ஸர்வகாமஸம்ருத்³தி⁴த³꞉ ।
கவசம் தஸ்ய மந்த்ரஸ்ய ப்ரகாஶய த³யாநிதே⁴ ॥ 5 ॥

யஸ்ய ஸ்மரணமாத்ரேண பஶூனாம் நிக்³ரஹோ ப⁴வேத் ।
ஆத்மானம் ஸததம் ரக்ஷேத்³வ்யாக்⁴ராக்³நிரிபுராஜத꞉ ॥ 6 ॥

ஶ்ருத்வா(அ)த² பார்வதீவாக்யம் ஜ்ஞாத்வா தஸ்யா மனோக³தம் ।
விஹஸ்ய தாம் பரிஷ்வஜ்ய ஸாது⁴ ஸாத்⁴வித்யபூஜயத் ॥ 7 ॥

ததா³ஹ கவசம் தே³வ்யை க்ருபயா கருணாநிதி⁴꞉ ।
ஶ்ரீஶங்கர உவாச ।
ஶ்ருணு த்வம் ப³க³ளாமுக்²யா꞉ கவசம் ஸர்வகாமத³ம் ॥ 8 ॥

யஸ்ய ஸ்மரணமாத்ரேண ப³க³ளாமுகீ² ப்ரஸீத³தி ।
ஸர்வஸித்³தி⁴ப்ரதா³ ப்ராச்யாம் பாது மாம் ப³க³ளாமுகீ² ॥ 9 ॥

பீதாம்ப³ரா து சாக்³னேய்யாம் யாம்யாம் மஹிஷமர்தி³னீ ।
நைர்ருத்யாம் சண்டி³கா பாது ப⁴க்தானுக்³ரஹகாரிணீ ॥ 10 ॥

பாது நித்யம் மஹாதே³வீ ப்ரதீச்யாம் ஶூகரானனா ।
வாயவ்யே பாது மாம் காளீ கௌபே³ர்யாம் த்ரிபுரா(அ)வது ॥ 11 ॥

ஈஶான்யாம் பை⁴ரவீ பாது பாது நித்யம் ஸுரப்ரியா ।
ஊர்த்⁴வம் வாகீ³ஶ்வரீ பாது மத்⁴யே மாம் லலிதா(அ)வது ॥ 12 ॥

அத⁴ஸ்தாத³பி மாம் பாது வாராஹீ சக்ரதா⁴ரிணீ ।
மஸ்தகம் பாது மே நித்யம் ஶ்ரீதே³வீ ப³க³ளாமுகீ² ॥ 13 ॥

பா²லம் பீதாம்ப³ரா பாது நேத்ரே த்ரிபுரபை⁴ரவீ ।
ஶ்ரவணௌ விஜயா பாது நாஸிகாயுக³ளம் ஜயா ॥ 14 ॥

ஶாரதா³ வசனம் பாது ஜிஹ்வாம் பாது ஸுரேஶ்வரீ ।
கண்ட²ம் ரக்ஷது ருத்³ராணீ ஸ்கந்தௌ⁴ மே விந்த்⁴யவாஸினீ ॥ 15 ॥

ஸுந்த³ரீ பாது பா³ஹூ மே ஜயா பாது கரௌ ஸதா³ ।
ப⁴வானீ ஹ்ருத³யம் பாது மத்⁴யம் மே பு⁴வனேஶ்வரீ ॥ 16 ॥

நாபி⁴ம் பாது மஹாமாயா கடிம் கமலலோசனா ।
ஊரூ மே பாது மாதங்கீ³ ஜானுனீ சாபராஜிதா ॥ 17 ॥

ஜங்கே⁴ கபாலினீ பாது சரணௌ சஞ்சலேக்ஷணா ।
ஸர்வத꞉ பாது மாம் தாரா யோகி³னீ பாது சாக்³ரத꞉ ॥ 18 ॥

ப்ருஷ்ட²ம் மே பாது கௌமாரீ த³க்ஷபார்ஶ்வே ஶிவா(அ)வது ।
ருத்³ராணீ வாமபார்ஶ்வே து பாது மாம் ஸர்வதே³ஷ்டதா³ ॥ 19 ॥

ஸ்துதா ஸர்வேஷு தே³வேஷு ரக்தபீ³ஜவிநாஶினீ ।
இத்யேதத் கவசம் தி³வ்யம் த⁴ர்மகாமார்த²ஸாத⁴னம் ॥ 20 ॥

கோ³பனீயம் ப்ரயத்னேன கஸ்யசின்ன ப்ரகாஶயேத் ।
ய꞉ ஸக்ருச்ச்²ருணுயாதே³தத் கவசம் மன்முகோ²தி³தம் ॥ 21 ॥

ஸ ஸர்வான் லப⁴தே காமான் மூர்கோ² வித்³யாமவாப்னுயாத் ।
தஸ்யாஶு ஶத்ரவோ யாந்தி யமஸ்ய ப⁴வனே ஶிவே ॥ 22 ॥

இதி ஶ்ரீருத்³ரயாமளே மஹாதந்த்ரே ஶ்ரீ ப³க³ளாமுகீ² கவசம் ।