ත්රිපුර සුංදරී අෂ්ටකං (ස්තෝත්රං)

tripura sundari ashtakam stotram in sinhala

කදංබවනචාරිණීං මුනිකදංබකාදංබිනීං
නිතංබජිතභූධරාං සුරනිතංබිනීසේවිතාම් ।
නවාංබුරුහලෝචනාමභිනවාංබුදශ්යාමලාං
ත්රිලෝචනකුටුංබිනීං ත්රිපුරසුංදරීමාශ්රයේ ॥ 1 ॥

කදංබවනවාසිනීං කනකවල්ලකීධාරිණීං
මහාර්හමණිහාරිණීං මුඛසමුල්ලසද්වාරුණීම් ।
දයාවිභවකාරිණීං විශදරෝචනාචාරිණීං
ත්රිලෝචනකුටුංබිනීං ත්රිපුරසුංදරීමාශ්රයේ ॥ 2 ॥

කදංබවනශාලයා කුචභරෝල්ලසන්මාලයා
කුචෝපමිතශෛලයා ගුරුකෘපාලසද්වේලයා ।
මදාරුණකපෝලයා මධුරගීතවාචාලයා
කයාපි ඝනනීලයා කවචිතා වයං ලීලයා ॥ 3 ॥

කදංබවනමධ්යගාං කනකමංඩලෝපස්ථිතාං
ෂඩංබුරුහවාසිනීං සතතසිද්ධසෞදාමිනීම් ।
විඩංබිතජපාරුචිං විකචචංද්රචූඩාමණිං
ත්රිලෝචනකුටුංබිනීං ත්රිපුරසුංදරීමාශ්රයේ ॥ 4 ॥

කුචාංචිතවිපංචිකාං කුටිලකුංතලාලංකෘතාං
කුශේශයනිවාසිනීං කුටිලචිත්තවිද්වේෂිණීම් ।
මදාරුණවිලෝචනාං මනසිජාරිසම්මෝහිනීං
මතංගමුනිකන්යකාං මධුරභාෂිණීමාශ්රයේ ॥ 5 ॥

ස්මරේත්ප්රථමපුෂ්පිණීං රුධිරබිංදුනීලාංබරාං
ගෘහීතමධුපාත්රිකාං මදවිඝූර්ණනේත්රාංචලාම් ।
ඝනස්තනභරෝන්නතාං ගලිතචූලිකාං ශ්යාමලාං
ත්රිලෝචනකුටුංබිනීං ත්රිපුරසුංදරීමාශ්රයේ ॥ 6 ॥

සකුංකුමවිලේපනාමලකචුංබිකස්තූරිකාං
සමංදහසිතේක්ෂණාං සශරචාපපාශාංකුශාම් ।
අශේෂජනමෝහිනීමරුණමාල්යභූෂාංබරාං
ජපාකුසුමභාසුරාං ජපවිධෞ ස්මරාම්යංබිකාම් ॥ 7 ॥

පුරංදරපුරංධ්රිකාචිකුරබංධසෛරංධ්රිකාං
පිතාමහපතිව්රතාපටුපටීරචර්චාරතාම් ।
මුකුංදරමණීමණීලසදලංක්රියාකාරිණීං
භජාමි භුවනාංබිකාං සුරවධූටිකාචේටිකාම් ॥ 8 ॥

ඉති ශ්රීමත්පරමහංසපරිව්රාජකාචාර්යස්ය ශ්රීගෝවිංදභගවත්පූජ්යපාදශිෂ්යස්ය ශ්රීමච්ඡංකරභගවතඃ කෘතෞ ත්රිපුරසුංදර්යෂ්ටකම් ।

tripura sundari ashtakam stotram in sinhala