ત્રિપુર સુંદરી અષ્ટકં (સ્તોત્રં)

tripura sundari ashtakam stotram in gujarati

કદંબવનચારિણીં મુનિકદંબકાદંબિનીં
નિતંબજિતભૂધરાં સુરનિતંબિનીસેવિતામ્ ।
નવાંબુરુહલોચનામભિનવાંબુદશ્યામલાં
ત્રિલોચનકુટુંબિનીં ત્રિપુરસુંદરીમાશ્રયે ॥ 1 ॥

કદંબવનવાસિનીં કનકવલ્લકીધારિણીં
મહાર્હમણિહારિણીં મુખસમુલ્લસદ્વારુણીમ્ ।
દયાવિભવકારિણીં વિશદરોચનાચારિણીં
ત્રિલોચનકુટુંબિનીં ત્રિપુરસુંદરીમાશ્રયે ॥ 2 ॥

કદંબવનશાલયા કુચભરોલ્લસન્માલયા
કુચોપમિતશૈલયા ગુરુકૃપાલસદ્વેલયા ।
મદારુણકપોલયા મધુરગીતવાચાલયા
કયાપિ ઘનનીલયા કવચિતા વયં લીલયા ॥ 3 ॥

કદંબવનમધ્યગાં કનકમંડલોપસ્થિતાં
ષડંબુરુહવાસિનીં સતતસિદ્ધસૌદામિનીમ્ ।
વિડંબિતજપારુચિં વિકચચંદ્રચૂડામણિં
ત્રિલોચનકુટુંબિનીં ત્રિપુરસુંદરીમાશ્રયે ॥ 4 ॥

કુચાંચિતવિપંચિકાં કુટિલકુંતલાલંકૃતાં
કુશેશયનિવાસિનીં કુટિલચિત્તવિદ્વેષિણીમ્ ।
મદારુણવિલોચનાં મનસિજારિસમ્મોહિનીં
મતંગમુનિકન્યકાં મધુરભાષિણીમાશ્રયે ॥ 5 ॥

સ્મરેત્પ્રથમપુષ્પિણીં રુધિરબિંદુનીલાંબરાં
ગૃહીતમધુપાત્રિકાં મદવિઘૂર્ણનેત્રાંચલામ્ ।
ઘનસ્તનભરોન્નતાં ગલિતચૂલિકાં શ્યામલાં
ત્રિલોચનકુટુંબિનીં ત્રિપુરસુંદરીમાશ્રયે ॥ 6 ॥

સકુંકુમવિલેપનામલકચુંબિકસ્તૂરિકાં
સમંદહસિતેક્ષણાં સશરચાપપાશાંકુશામ્ ।
અશેષજનમોહિનીમરુણમાલ્યભૂષાંબરાં
જપાકુસુમભાસુરાં જપવિધૌ સ્મરામ્યંબિકામ્ ॥ 7 ॥

પુરંદરપુરંધ્રિકાચિકુરબંધસૈરંધ્રિકાં
પિતામહપતિવ્રતાપટુપટીરચર્ચારતામ્ ।
મુકુંદરમણીમણીલસદલંક્રિયાકારિણીં
ભજામિ ભુવનાંબિકાં સુરવધૂટિકાચેટિકામ્ ॥ 8 ॥

ઇતિ શ્રીમત્પરમહંસપરિવ્રાજકાચાર્યસ્ય શ્રીગોવિંદભગવત્પૂજ્યપાદશિષ્યસ્ય શ્રીમચ્છંકરભગવતઃ કૃતૌ ત્રિપુરસુંદર્યષ્ટકમ્ ।

tripura sundari ashtakam stotram in gujarati