ତ୍ରିପୁର ସୁଂଦରୀ ଅଷ୍ଟକଂ (ସ୍ତୋତ୍ରଂ)

tripura sundari ashtakam stotram in odia

କଦଂବଵନଚାରିଣୀଂ ମୁନିକଦଂବକାଦଂବିନୀଂ
ନିତଂବଜିତଭୂଧରାଂ ସୁରନିତଂବିନୀସେଵିତାମ୍ ।
ନଵାଂବୁରୁହଲୋଚନାମଭିନଵାଂବୁଦଶ୍ୟାମଲାଂ
ତ୍ରିଲୋଚନକୁଟୁଂବିନୀଂ ତ୍ରିପୁରସୁଂଦରୀମାଶ୍ରୟେ ॥ 1 ॥

କଦଂବଵନଵାସିନୀଂ କନକଵଲ୍ଲକୀଧାରିଣୀଂ
ମହାର୍ହମଣିହାରିଣୀଂ ମୁଖସମୁଲ୍ଲସଦ୍ଵାରୁଣୀମ୍ ।
ଦୟାଵିଭଵକାରିଣୀଂ ଵିଶଦରୋଚନାଚାରିଣୀଂ
ତ୍ରିଲୋଚନକୁଟୁଂବିନୀଂ ତ୍ରିପୁରସୁଂଦରୀମାଶ୍ରୟେ ॥ 2 ॥

କଦଂବଵନଶାଲୟା କୁଚଭରୋଲ୍ଲସନ୍ମାଲୟା
କୁଚୋପମିତଶୈଲୟା ଗୁରୁକୃପାଲସଦ୍ଵେଲୟା ।
ମଦାରୁଣକପୋଲୟା ମଧୁରଗୀତଵାଚାଲୟା
କୟାପି ଘନନୀଲୟା କଵଚିତା ଵୟଂ ଲୀଲୟା ॥ 3 ॥

କଦଂବଵନମଧ୍ୟଗାଂ କନକମଂଡଲୋପସ୍ଥିତାଂ
ଷଡଂବୁରୁହଵାସିନୀଂ ସତତସିଦ୍ଧସୌଦାମିନୀମ୍ ।
ଵିଡଂବିତଜପାରୁଚିଂ ଵିକଚଚଂଦ୍ରଚୂଡାମଣିଂ
ତ୍ରିଲୋଚନକୁଟୁଂବିନୀଂ ତ୍ରିପୁରସୁଂଦରୀମାଶ୍ରୟେ ॥ 4 ॥

କୁଚାଂଚିତଵିପଂଚିକାଂ କୁଟିଲକୁଂତଲାଲଂକୃତାଂ
କୁଶେଶୟନିଵାସିନୀଂ କୁଟିଲଚିତ୍ତଵିଦ୍ଵେଷିଣୀମ୍ ।
ମଦାରୁଣଵିଲୋଚନାଂ ମନସିଜାରିସମ୍ମୋହିନୀଂ
ମତଂଗମୁନିକନ୍ୟକାଂ ମଧୁରଭାଷିଣୀମାଶ୍ରୟେ ॥ 5 ॥

ସ୍ମରେତ୍ପ୍ରଥମପୁଷ୍ପିଣୀଂ ରୁଧିରବିଂଦୁନୀଲାଂବରାଂ
ଗୃହୀତମଧୁପାତ୍ରିକାଂ ମଦଵିଘୂର୍ଣନେତ୍ରାଂଚଲାମ୍ ।
ଘନସ୍ତନଭରୋନ୍ନତାଂ ଗଲିତଚୂଲିକାଂ ଶ୍ୟାମଲାଂ
ତ୍ରିଲୋଚନକୁଟୁଂବିନୀଂ ତ୍ରିପୁରସୁଂଦରୀମାଶ୍ରୟେ ॥ 6 ॥

ସକୁଂକୁମଵିଲେପନାମଲକଚୁଂବିକସ୍ତୂରିକାଂ
ସମଂଦହସିତେକ୍ଷଣାଂ ସଶରଚାପପାଶାଂକୁଶାମ୍ ।
ଅଶେଷଜନମୋହିନୀମରୁଣମାଲ୍ୟଭୂଷାଂବରାଂ
ଜପାକୁସୁମଭାସୁରାଂ ଜପଵିଧୌ ସ୍ମରାମ୍ୟଂବିକାମ୍ ॥ 7 ॥

ପୁରଂଦରପୁରଂଧ୍ରିକାଚିକୁରବଂଧସୈରଂଧ୍ରିକାଂ
ପିତାମହପତିଵ୍ରତାପଟୁପଟୀରଚର୍ଚାରତାମ୍ ।
ମୁକୁଂଦରମଣୀମଣୀଲସଦଲଂକ୍ରିୟାକାରିଣୀଂ
ଭଜାମି ଭୁଵନାଂବିକାଂ ସୁରଵଧୂଟିକାଚେଟିକାମ୍ ॥ 8 ॥

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ୟସ୍ୟ ଶ୍ରୀଗୋଵିଂଦଭଗଵତ୍ପୂଜ୍ୟପାଦଶିଷ୍ୟସ୍ୟ ଶ୍ରୀମଚ୍ଛଂକରଭଗଵତଃ କୃତୌ ତ୍ରିପୁରସୁଂଦର୍ୟଷ୍ଟକମ୍ ।

tripura sundari ashtakam stotram in odia