ශ්රී මධ්වාචාර්ය කෘත ද්වාදශ ස්තෝත්ර – දශමස්තෝත්රම්

sri madhvacharya kruta dwadasha stotra 10 in sinhala

අථ දශමස්තෝත්රම්

අව නඃ ශ්රීපතිරප්රතිරධිකේශාදිභවාදේ ।
කරුණාපූර්ණවරප්රදචරිතං ජ්ඤාපය මේ තේ ॥ 1॥

සුරවංද්යාධිප සද්වරභරිතාශේෂගුණාලම් ।
කරුණාපූර්ණවරප්රදචරිතං ජ්ඤාපය මේ තේ ॥ 2॥

සකලධ්වාංතවිනාශන (විනාශක) පරමානංදසුධාහෝ ।
කරුණාපූර්ණවරප්රදචරිතං ජ්ඤාපය මේ තේ ॥ 3॥

ත්රිජගත්පෝත සදාර්චිතචරණාශාපතිධාතෝ ।
කරුණාපූර්ණවරප්රදචරිතං ජ්ඤාපය මේ තේ ॥ 4॥

ත්රිගුණාතීතවිධාරක පරිතෝ දේහි සුභක්තිම් ।
කරුණාපූර්ණවරප්රදචරිතං ජ්ඤාපය මේ තේ ॥ 5॥

ශරණං කාරණභාවන භව මේ තාත සදාऽලම් ।
කරුණාපූර්ණවරප්රදචරිතං ජ්ඤාපය මේ තේ ॥ 6॥

මරණප්රාණද පාලක ජගදීශාව සුභක්තිම් ।
කරුණාපූර්ණවරප්රදචරිතං ජ්ඤාපය මේ තේ ॥ 7॥

තරුණාදිත්යසවර්ණකචරණාබ්ජාමල කීර්තේ ।
කරුණාපූර්ණවරප්රදචරිතං ජ්ඤාපය මේ තේ ॥ 8॥

සලිලප්රෝත්ථසරාගකමණිවර්ණෝච්චනඛාදේ ।
කරුණාපූර්ණවරප්රදචරිතං ජ්ඤාපය මේ තේ ॥ 9॥

කජ (ඛජ) තූණීනිභපාවනවරජංඝාමිතශක්තේ ।
කරුණාපූර්ණවරප්රදචරිතං ජ්ඤාපය මේ තේ ॥ 10॥

ඉබහස්තප්රභශෝභනපරමෝරුස්ථරමාළේ ।
කරුණාපූර්ණවරප්රදචරිතං ජ්ඤාපය මේ තේ ॥ 11॥

අසනෝත්ඵුල්ලසුපුෂ්පකසමවර්ණාවරණාංතේ ।
කරුණාපූර්ණවරප්රදචරිතං ජ්ඤාපය මේ තේ ॥ 12॥

ශතමෝදෝද්භවසුංදරිවරපද්මෝත්ථිතනාභේ ।
කරුණාපූර්ණවරප්රදචරිතං ජ්ඤාපය මේ තේ ॥ 13॥

ජගදාගූහකපල්ලවසමකුක්ෂේ ශරණාදේ ।
කරුණාපූර්ණවරප්රදචරිතං ජ්ඤාපය මේ තේ ॥ 14॥

ජගදංබාමලසුංදරිගෘහවක්ෂෝවර යෝගින් ।
කරුණාපූර්ණවරප්රදචරිතං ජ්ඤාපය මේ තේ ॥ 15॥

දිතිජාංතප්රද චක්රධරගදායුග්වරබාහෝ ।
කරුණාපූර්ණවරප්රදචරිතං ජ්ඤාපය මේ තේ ॥ 16॥

පරමජ්ඤානමහානිධිවදන ශ්රීරමණේංදෝ ।
කරුණාපූර්ණවරප්රදචරිතං ජ්ඤාපය මේ තේ ॥ 17॥

නිඛිලාඝෞඝවිනාශන (විනාශක) පරසෞඛ්යප්රදදෘෂ්ටේ ।
කරුණාපූර්ණවරප්රදචරිතං ජ්ඤාපය මේ තේ ॥ 18॥

පරමානංදසුතීර්ථසුමුනිරාජෝ හරිගාථාම් ।
කෘතවාන්නිත්යසුපූර්ණකපරමානංදපදෛෂින් ॥ 19॥

ඉති ශ්රීමදානංදතීර්ථභගවත්පාදාචාර්ය විරචිතං
ද්වාදශස්තෝත්රේෂු දශමස්තෝත්රං සංපූර්ණම්

sri madhvacharya kruta dwadasha stotra 10 in sinhala