શ્રી મધ્વાચાર્ય કૃત દ્વાદશ સ્તોત્ર – દશમસ્તોત્રમ્

sri madhvacharya kruta dwadasha stotra 10 in gujarati

અથ દશમસ્તોત્રમ્

અવ નઃ શ્રીપતિરપ્રતિરધિકેશાદિભવાદે ।
કરુણાપૂર્ણવરપ્રદચરિતં જ્ઞાપય મે તે ॥ 1॥

સુરવંદ્યાધિપ સદ્વરભરિતાશેષગુણાલમ્ ।
કરુણાપૂર્ણવરપ્રદચરિતં જ્ઞાપય મે તે ॥ 2॥

સકલધ્વાંતવિનાશન (વિનાશક) પરમાનંદસુધાહો ।
કરુણાપૂર્ણવરપ્રદચરિતં જ્ઞાપય મે તે ॥ 3॥

ત્રિજગત્પોત સદાર્ચિતચરણાશાપતિધાતો ।
કરુણાપૂર્ણવરપ્રદચરિતં જ્ઞાપય મે તે ॥ 4॥

ત્રિગુણાતીતવિધારક પરિતો દેહિ સુભક્તિમ્ ।
કરુણાપૂર્ણવરપ્રદચરિતં જ્ઞાપય મે તે ॥ 5॥

શરણં કારણભાવન ભવ મે તાત સદાઽલમ્ ।
કરુણાપૂર્ણવરપ્રદચરિતં જ્ઞાપય મે તે ॥ 6॥

મરણપ્રાણદ પાલક જગદીશાવ સુભક્તિમ્ ।
કરુણાપૂર્ણવરપ્રદચરિતં જ્ઞાપય મે તે ॥ 7॥

તરુણાદિત્યસવર્ણકચરણાબ્જામલ કીર્તે ।
કરુણાપૂર્ણવરપ્રદચરિતં જ્ઞાપય મે તે ॥ 8॥

સલિલપ્રોત્થસરાગકમણિવર્ણોચ્ચનખાદે ।
કરુણાપૂર્ણવરપ્રદચરિતં જ્ઞાપય મે તે ॥ 9॥

કજ (ખજ) તૂણીનિભપાવનવરજંઘામિતશક્તે ।
કરુણાપૂર્ણવરપ્રદચરિતં જ્ઞાપય મે તે ॥ 10॥

ઇબહસ્તપ્રભશોભનપરમોરુસ્થરમાળે ।
કરુણાપૂર્ણવરપ્રદચરિતં જ્ઞાપય મે તે ॥ 11॥

અસનોત્ફુલ્લસુપુષ્પકસમવર્ણાવરણાંતે ।
કરુણાપૂર્ણવરપ્રદચરિતં જ્ઞાપય મે તે ॥ 12॥

શતમોદોદ્ભવસુંદરિવરપદ્મોત્થિતનાભે ।
કરુણાપૂર્ણવરપ્રદચરિતં જ્ઞાપય મે તે ॥ 13॥

જગદાગૂહકપલ્લવસમકુક્ષે શરણાદે ।
કરુણાપૂર્ણવરપ્રદચરિતં જ્ઞાપય મે તે ॥ 14॥

જગદંબામલસુંદરિગૃહવક્ષોવર યોગિન્ ।
કરુણાપૂર્ણવરપ્રદચરિતં જ્ઞાપય મે તે ॥ 15॥

દિતિજાંતપ્રદ ચક્રધરગદાયુગ્વરબાહો ।
કરુણાપૂર્ણવરપ્રદચરિતં જ્ઞાપય મે તે ॥ 16॥

પરમજ્ઞાનમહાનિધિવદન શ્રીરમણેંદો ।
કરુણાપૂર્ણવરપ્રદચરિતં જ્ઞાપય મે તે ॥ 17॥

નિખિલાઘૌઘવિનાશન (વિનાશક) પરસૌખ્યપ્રદદૃષ્ટે ।
કરુણાપૂર્ણવરપ્રદચરિતં જ્ઞાપય મે તે ॥ 18॥

પરમાનંદસુતીર્થસુમુનિરાજો હરિગાથામ્ ।
કૃતવાન્નિત્યસુપૂર્ણકપરમાનંદપદૈષિન્ ॥ 19॥

ઇતિ શ્રીમદાનંદતીર્થભગવત્પાદાચાર્ય વિરચિતં
દ્વાદશસ્તોત્રેષુ દશમસ્તોત્રં સંપૂર્ણમ્

sri madhvacharya kruta dwadasha stotra 10 in gujarati