শ্রী মধ্বাচার্য কৃত দ্বাদশ স্তোত্র – দশমস্তোত্রম্

sri madhvacharya kruta dwadasha stotra 10 in assamese

অথ দশমস্তোত্রম্

অব নঃ শ্রীপতিরপ্রতিরধিকেশাদিভবাদে ।
করুণাপূর্ণবরপ্রদচরিতং জ্ঞাপয মে তে ॥ 1॥

সুরবংদ্যাধিপ সদ্বরভরিতাশেষগুণালম্ ।
করুণাপূর্ণবরপ্রদচরিতং জ্ঞাপয মে তে ॥ 2॥

সকলধ্বাংতবিনাশন (বিনাশক) পরমানংদসুধাহো ।
করুণাপূর্ণবরপ্রদচরিতং জ্ঞাপয মে তে ॥ 3॥

ত্রিজগত্পোত সদার্চিতচরণাশাপতিধাতো ।
করুণাপূর্ণবরপ্রদচরিতং জ্ঞাপয মে তে ॥ 4॥

ত্রিগুণাতীতবিধারক পরিতো দেহি সুভক্তিম্ ।
করুণাপূর্ণবরপ্রদচরিতং জ্ঞাপয মে তে ॥ 5॥

শরণং কারণভাবন ভব মে তাত সদাঽলম্ ।
করুণাপূর্ণবরপ্রদচরিতং জ্ঞাপয মে তে ॥ 6॥

মরণপ্রাণদ পালক জগদীশাব সুভক্তিম্ ।
করুণাপূর্ণবরপ্রদচরিতং জ্ঞাপয মে তে ॥ 7॥

তরুণাদিত্যসবর্ণকচরণাব্জামল কীর্তে ।
করুণাপূর্ণবরপ্রদচরিতং জ্ঞাপয মে তে ॥ 8॥

সলিলপ্রোত্থসরাগকমণিবর্ণোচ্চনখাদে ।
করুণাপূর্ণবরপ্রদচরিতং জ্ঞাপয মে তে ॥ 9॥

কজ (খজ) তূণীনিভপাবনবরজংঘামিতশক্তে ।
করুণাপূর্ণবরপ্রদচরিতং জ্ঞাপয মে তে ॥ 10॥

ইবহস্তপ্রভশোভনপরমোরুস্থরমালে ।
করুণাপূর্ণবরপ্রদচরিতং জ্ঞাপয মে তে ॥ 11॥

অসনোত্ফুল্লসুপুষ্পকসমবর্ণাবরণাংতে ।
করুণাপূর্ণবরপ্রদচরিতং জ্ঞাপয মে তে ॥ 12॥

শতমোদোদ্ভবসুংদরিবরপদ্মোত্থিতনাভে ।
করুণাপূর্ণবরপ্রদচরিতং জ্ঞাপয মে তে ॥ 13॥

জগদাগূহকপল্লবসমকুক্ষে শরণাদে ।
করুণাপূর্ণবরপ্রদচরিতং জ্ঞাপয মে তে ॥ 14॥

জগদংবামলসুংদরিগৃহবক্ষোবর যোগিন্ ।
করুণাপূর্ণবরপ্রদচরিতং জ্ঞাপয মে তে ॥ 15॥

দিতিজাংতপ্রদ চক্রধরগদাযুগ্বরবাহো ।
করুণাপূর্ণবরপ্রদচরিতং জ্ঞাপয মে তে ॥ 16॥

পরমজ্ঞানমহানিধিবদন শ্রীরমণেংদো ।
করুণাপূর্ণবরপ্রদচরিতং জ্ঞাপয মে তে ॥ 17॥

নিখিলাঘৌঘবিনাশন (বিনাশক) পরসৌখ্যপ্রদদৃষ্টে ।
করুণাপূর্ণবরপ্রদচরিতং জ্ঞাপয মে তে ॥ 18॥

পরমানংদসুতীর্থসুমুনিরাজো হরিগাথাম্ ।
কৃতবান্নিত্যসুপূর্ণকপরমানংদপদৈষিন্ ॥ 19॥

ইতি শ্রীমদানংদতীর্থভগবত্পাদাচার্য বিরচিতং
দ্বাদশস্তোত্রেষু দশমস্তোত্রং সংপূর্ণম্

sri madhvacharya kruta dwadasha stotra 10 in assamese