ଶ୍ରୀ ମଧ୍ଵାଚାର୍ୟ କୃତ ଦ୍ଵାଦଶ ସ୍ତୋତ୍ର – ଦଶମସ୍ତୋତ୍ରମ୍

sri madhvacharya kruta dwadasha stotra 10 in odia

ଅଥ ଦଶମସ୍ତୋତ୍ରମ୍

ଅଵ ନଃ ଶ୍ରୀପତିରପ୍ରତିରଧିକେଶାଦିଭଵାଦେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 1॥

ସୁରଵଂଦ୍ୟାଧିପ ସଦ୍ଵରଭରିତାଶେଷଗୁଣାଲମ୍ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 2॥

ସକଲଧ୍ଵାଂତଵିନାଶନ (ଵିନାଶକ) ପରମାନଂଦସୁଧାହୋ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 3॥

ତ୍ରିଜଗତ୍ପୋତ ସଦାର୍ଚିତଚରଣାଶାପତିଧାତୋ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 4॥

ତ୍ରିଗୁଣାତୀତଵିଧାରକ ପରିତୋ ଦେହି ସୁଭକ୍ତିମ୍ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 5॥

ଶରଣଂ କାରଣଭାଵନ ଭଵ ମେ ତାତ ସଦାଽଲମ୍ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 6॥

ମରଣପ୍ରାଣଦ ପାଲକ ଜଗଦୀଶାଵ ସୁଭକ୍ତିମ୍ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 7॥

ତରୁଣାଦିତ୍ୟସଵର୍ଣକଚରଣାବ୍ଜାମଲ କୀର୍ତେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 8॥

ସଲିଲପ୍ରୋତ୍ଥସରାଗକମଣିଵର୍ଣୋଚ୍ଚନଖାଦେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 9॥

କଜ (ଖଜ) ତୂଣୀନିଭପାଵନଵରଜଂଘାମିତଶକ୍ତେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 10॥

ଇବହସ୍ତପ୍ରଭଶୋଭନପରମୋରୁସ୍ଥରମାଳେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 11॥

ଅସନୋତ୍ଫୁଲ୍ଲସୁପୁଷ୍ପକସମଵର୍ଣାଵରଣାଂତେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 12॥

ଶତମୋଦୋଦ୍ଭଵସୁଂଦରିଵରପଦ୍ମୋତ୍ଥିତନାଭେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 13॥

ଜଗଦାଗୂହକପଲ୍ଲଵସମକୁକ୍ଷେ ଶରଣାଦେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 14॥

ଜଗଦଂବାମଲସୁଂଦରିଗୃହଵକ୍ଷୋଵର ୟୋଗିନ୍ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 15॥

ଦିତିଜାଂତପ୍ରଦ ଚକ୍ରଧରଗଦାୟୁଗ୍ଵରବାହୋ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 16॥

ପରମଜ୍ଞାନମହାନିଧିଵଦନ ଶ୍ରୀରମଣେଂଦୋ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 17॥

ନିଖିଲାଘୌଘଵିନାଶନ (ଵିନାଶକ) ପରସୌଖ୍ୟପ୍ରଦଦୃଷ୍ଟେ ।
କରୁଣାପୂର୍ଣଵରପ୍ରଦଚରିତଂ ଜ୍ଞାପୟ ମେ ତେ ॥ 18॥

ପରମାନଂଦସୁତୀର୍ଥସୁମୁନିରାଜୋ ହରିଗାଥାମ୍ ।
କୃତଵାନ୍ନିତ୍ୟସୁପୂର୍ଣକପରମାନଂଦପଦୈଷିନ୍ ॥ 19॥

ଇତି ଶ୍ରୀମଦାନଂଦତୀର୍ଥଭଗଵତ୍ପାଦାଚାର୍ୟ ଵିରଚିତଂ
ଦ୍ଵାଦଶସ୍ତୋତ୍ରେଷୁ ଦଶମସ୍ତୋତ୍ରଂ ସଂପୂର୍ଣମ୍

sri madhvacharya kruta dwadasha stotra 10 in odia