නාරායණීයං දශක 65 – ගෝපිකානාං භගවත්සාමීප්යප්රාප්තිඃ

narayaniyam dashaka 65 in sinhala

ගෝපීජනාය කථිතං නියමාවසානේ
මාරෝත්සවං ත්වමථ සාධයිතුං ප්රවෘත්තඃ ।
සාංද්රේණ චාංද්රමහසා ශිශිරීකෘතාශේ
ප්රාපූරයෝ මුරලිකාං යමුනාවනාංතේ ॥1॥

සම්මූර්ඡනාභිරුදිතස්වරමංඩලාභිඃ
සම්මූර්ඡයංතමඛිලං භුවනාංතරාලම් ।
ත්වද්වේණුනාදමුපකර්ණ්ය විභෝ තරුණ්ය-
ස්තත්තාදෘශං කමපි චිත්තවිමෝහමාපුඃ ॥2॥

තා ගේහකෘත්යනිරතාස්තනයප්රසක්තාඃ
කාංතෝපසේවනපරාශ්ච සරෝරුහාක්ෂ්යඃ ।
සර්වං විසෘජ්ය මුරලීරවමෝහිතාස්තේ
කාංතාරදේශමයි කාංතතනෝ සමේතාඃ ॥3॥

කාශ්චින්නිජාංගපරිභූෂණමාදධානා
වේණුප්රණාදමුපකර්ණ්ය කෘතාර්ධභූෂාඃ ।
ත්වාමාගතා නනු තථෛව විභූෂිතාභ්ය-
ස්තා ඒව සංරුරුචිරේ තව ලෝචනාය ॥4॥

හාරං නිතංබභුවි කාචන ධාරයංතී
කාංචීං ච කංඨභුවි දේව සමාගතා ත්වාම් ।
හාරිත්වමාත්මජඝනස්ය මුකුංද තුභ්යං
ව්යක්තං බභාෂ ඉව මුග්ධමුඛී විශේෂාත් ॥5॥

කාචිත් කුචේ පුනරසජ්ජිතකංචුලීකා
ව්යාමෝහතඃ පරවධූභිරලක්ෂ්යමාණා ।
ත්වාමායයෞ නිරුපමප්රණයාතිභාර-
රාජ්යාභිෂේකවිධයේ කලශීධරේව ॥6॥

කාශ්චිත් ගෘහාත් කිල නිරේතුමපාරයංත්ය-
ස්ත්වාමේව දේව හෘදයේ සුදෘඪං විභාව්ය ।
දේහං විධූය පරචිත්සුඛරූපමේකං
ත්වාමාවිශන් පරමිමා නනු ධන්යධන්යාඃ ॥7॥

ජාරාත්මනා න පරමාත්මතයා ස්මරංත්යෝ
නාර්යෝ ගතාඃ පරමහංසගතිං ක්ෂණේන ।
තං ත්වාං ප්රකාශපරමාත්මතනුං කථංචි-
ච්චිත්තේ වහන්නමෘතමශ්රමමශ්නුවීය ॥8॥

අභ්යාගතාභිරභිතෝ ව්රජසුංදරීභි-
ර්මුග්ධස්මිතාර්ද්රවදනඃ කරුණාවලෝකී ।
නිස්සීමකාංතිජලධිස්ත්වමවේක්ෂ්යමාණෝ
විශ්වෛකහෘද්ය හර මේ පවනේශ රෝගාන් ॥9॥

narayaniyam dashaka 65 in sinhala