මහේංද්ර කෘත මහාලක්ෂ්මී ස්තෝත්රං

mahendra kruta mahalakshmi stotram in sinhala

මහේංද්ර උවාච
නමඃ කමලවාසින්යෛ නාරායණ්යෛ නමෝ නමඃ ।
කෘෂ්ණප්රියායෛ සාරායෛ පද්මායෛ ච නමෝ නමඃ ॥ 1 ॥

පද්මපත්රේක්ෂණායෛ ච පද්මාස්යායෛ නමෝ නමඃ ।
පද්මාසනායෛ පද්මින්යෛ වෛෂ්ණව්යෛ ච නමෝ නමඃ ॥ 2 ॥

සර්වසංපත්ස්වරූපායෛ සර්වදාත්ර්යෛ නමෝ නමඃ ।
සුඛදායෛ මෝක්ෂදායෛ සිද්ධිදායෛ නමෝ නමඃ ॥ 3 ॥

හරිභක්තිප්රදාත්ර්යෛ ච හර්ෂදාත්ර්යෛ නමෝ නමඃ ।
කෘෂ්ණවක්ෂඃස්ථිතායෛ ච කෘෂ්ණේශායෛ නමෝ නමඃ ॥ 4 ॥

කෘෂ්ණශෝභාස්වරූපායෛ රත්නාඪ්යායෛ නමෝ නමඃ ।
සංපත්යධිෂ්ඨාතෘදේව්යෛ මහාදේව්යෛ නමෝ නමඃ ॥ 5 ॥

සස්යාධිෂ්ඨාතෘදේව්යෛ ච සස්යලක්ෂ්ම්යෛ නමෝ නමඃ ।
නමෝ බුද්ධිස්වරූපායෛ බුද්ධිදායෛ නමෝ නමඃ ॥ 6 ॥

වෛකුංඨේ ච මහාලක්ෂ්මීර්ලක්ෂ්මීඃ ක්ෂීරෝදසාගරේ ।
ස්වර්ගලක්ෂ්මීරිංද්රගේහේ රාජලක්ෂ්මීර්නෘපාලයේ ॥ 7 ॥

ගෘහලක්ෂ්මීශ්ච ගෘහිණාං ගේහේ ච ගෘහදේවතා ।
සුරභිඃ සා ගවාං මාතා දක්ෂිණා යජ්ඤකාමිනී ॥ 8 ॥

අදිතිර්දේවමාතා ත්වං කමලා කමලාලයේ ।
ස්වාහා ත්වං ච හවිර්දානේ කව්යදානේ ස්වධා ස්මෘතා ॥ 9 ॥

ත්වං හි විෂ්ණුස්වරූපා ච සර්වාධාරා වසුංධරා ।
ශුද්ධසත්ත්වස්වරූපා ත්වං නාරායණපරායාණා ॥ 10 ॥

ක්රෝධහිංසාවර්ජිතා ච වරදා ච ශුභානනා ।
පරමාර්ථප්රදා ත්වං ච හරිදාස්යප්රදා පරා ॥ 11 ॥

යයා විනා ජගත්සර්වං භස්මීභූතමසාරකම් ।
ජීවන්මෘතං ච විශ්වං ච ශවතුල්යං යයා විනා ॥ 12 ॥

සර්වේෂාං ච පරා ත්වං හි සර්වබාංධවරූපිණී ।
යයා විනා න සංභාෂ්යෝ බාංධවෛර්බාංධවඃ සදා ॥ 13 ॥

ත්වයා හීනෝ බංධුහීනස්ත්වයා යුක්තඃ සබාංධවඃ ।
ධර්මාර්ථකාමමෝක්ෂාණාං ත්වං ච කාරණරූපිණී ॥ 14 ॥

ස්තනංධයානාං ත්වං මාතා ශිශූනාං ශෛශවේ යථා ।
තථා ත්වං සර්වදා මාතා සර්වේෂාං සර්වවිශ්වතඃ ॥ 15 ॥

ත්යක්තස්තනෝ මාතෘහීනඃ ස චේජ්ජීවති දෛවතඃ ।
ත්වයා හීනෝ ජනඃ කෝऽපි න ජීවත්යේව නිශ්චිතම් ॥ 16 ॥

සුප්රසන්නස්වරූපා ත්වං මේ ප්රසන්නා භවාංබිකේ ।
වෛරිග්රස්තං ච විෂයං දේහි මහ්යං සනාතනි ॥ 17 ॥

වයං යාවත්ත්වයා හීනා බංධුහීනාශ්ච භික්ෂුකාඃ ।
සර්වසංපද්විහීනාශ්ච තාවදේව හරිප්රියේ ॥ 18 ॥

රාජ්යං දේහි ශ්රියං දේහි බලං දේහි සුරේශ්වරි ।
කීර්තිං දේහි ධනං දේහි පුත්රාන්මහ්යං ච දේහි වෛ ॥ 19 ॥

කාමං දේහි මතිං දේහි භෝගාන් දේහි හරිප්රියේ ।
ජ්ඤානං දේහි ච ධර්මං ච සර්වසෞභාග්යමීප්සිතම් ॥ 20 ॥

සර්වාධිකාරමේවං වෛ ප්රභාවාං ච ප්රතාපකම් ।
ජයං පරාක්රමං යුද්ධේ පරමෛශ්වර්යමෛව ච ॥ 21 ॥

ඉත්යුක්ත්වා තු මහේංද්රශ්ච සර්වෛඃ සුරගණෛඃ සහ ।
නනාම සාශ්රුනේත්රෝऽයං මූර්ධ්නා චෛව පුනඃ පුනඃ ॥ 22 ॥

බ්රහ්මා ච ශංකරශ්චෛව ශේෂෝ ධර්මශ්ච කේශවඃ ।
සර්වේ චක්රුඃ පරීහාරං සුරාර්ථේ ච පුනඃ පුනඃ ॥ 23 ॥

දේවේභ්යශ්ච වරං දත්ත්වා පුෂ්පමාලාං මනෝහරාම් ।
කේශවාය දදෞ ලක්ෂ්මීඃ සංතුෂ්ටා සුරසංසදි ॥ 24 ॥

යයුර්දෛවාශ්ච සංතුෂ්ටාඃ ස්වං ස්වං ස්ථානං ච නාරද ।
දේවී යයෞ හරේඃ ක්රෝඩං හෘෂ්ටා ක්ෂීරෝදශායිනඃ ॥ 25 ॥

යයතුස්තෞ ස්වස්වගෘහං බ්රහ්මේශානෞ ච නාරද ।
දත්ත්වා ශුභාශිෂං තෞ ච දේවේභ්යඃ ප්රීතිපූර්වකම් ॥ 26 ॥

ඉදං ස්තෝත්රං මහාපුණ්යං ත්රිසංධ්යං යඃ පඨේන්නරඃ ।
කුබේරතුල්යඃ ස භවේද්රාජරාජේශ්වරෝ මහාන් ॥ 27 ॥

සිද්ධස්තෝත්රං යදි පඨේත් සෝऽපි කල්පතරුර්නරඃ ।
පංචලක්ෂජපේනෛව ස්තෝත්රසිද්ධිර්භවේන්නෘණාම් ॥ 28 ॥

සිද්ධස්තෝත්රං යදි පඨේන්මාසමේකං ච සංයතඃ ।
මහාසුඛී ච රාජේංද්රෝ භවිෂ්යති න සංශයඃ ॥ 29 ॥

ඉති ශ්රීබ්රහ්මවෛවර්තේ මහාපුරාණේ ද්විතීයේ ප්රකෘතිඛංඩේ නාරදනාරායණසංවාදේ ඒකෝනචත්වාරිංශත්තමෝऽධ්යායේ මහේංද්ර කෘත ශ්රී මහාලක්ෂ්මී ස්තෝත්රම් ।

mahendra kruta mahalakshmi stotram in sinhala