મહેંદ્ર કૃત મહાલક્ષ્મી સ્તોત્રં

mahendra kruta mahalakshmi stotram in gujarati

મહેંદ્ર ઉવાચ
નમઃ કમલવાસિન્યૈ નારાયણ્યૈ નમો નમઃ ।
કૃષ્ણપ્રિયાયૈ સારાયૈ પદ્માયૈ ચ નમો નમઃ ॥ 1 ॥

પદ્મપત્રેક્ષણાયૈ ચ પદ્માસ્યાયૈ નમો નમઃ ।
પદ્માસનાયૈ પદ્મિન્યૈ વૈષ્ણવ્યૈ ચ નમો નમઃ ॥ 2 ॥

સર્વસંપત્સ્વરૂપાયૈ સર્વદાત્ર્યૈ નમો નમઃ ।
સુખદાયૈ મોક્ષદાયૈ સિદ્ધિદાયૈ નમો નમઃ ॥ 3 ॥

હરિભક્તિપ્રદાત્ર્યૈ ચ હર્ષદાત્ર્યૈ નમો નમઃ ।
કૃષ્ણવક્ષઃસ્થિતાયૈ ચ કૃષ્ણેશાયૈ નમો નમઃ ॥ 4 ॥

કૃષ્ણશોભાસ્વરૂપાયૈ રત્નાઢ્યાયૈ નમો નમઃ ।
સંપત્યધિષ્ઠાતૃદેવ્યૈ મહાદેવ્યૈ નમો નમઃ ॥ 5 ॥

સસ્યાધિષ્ઠાતૃદેવ્યૈ ચ સસ્યલક્ષ્મ્યૈ નમો નમઃ ।
નમો બુદ્ધિસ્વરૂપાયૈ બુદ્ધિદાયૈ નમો નમઃ ॥ 6 ॥

વૈકુંઠે ચ મહાલક્ષ્મીર્લક્ષ્મીઃ ક્ષીરોદસાગરે ।
સ્વર્ગલક્ષ્મીરિંદ્રગેહે રાજલક્ષ્મીર્નૃપાલયે ॥ 7 ॥

ગૃહલક્ષ્મીશ્ચ ગૃહિણાં ગેહે ચ ગૃહદેવતા ।
સુરભિઃ સા ગવાં માતા દક્ષિણા યજ્ઞકામિની ॥ 8 ॥

અદિતિર્દેવમાતા ત્વં કમલા કમલાલયે ।
સ્વાહા ત્વં ચ હવિર્દાને કવ્યદાને સ્વધા સ્મૃતા ॥ 9 ॥

ત્વં હિ વિષ્ણુસ્વરૂપા ચ સર્વાધારા વસુંધરા ।
શુદ્ધસત્ત્વસ્વરૂપા ત્વં નારાયણપરાયાણા ॥ 10 ॥

ક્રોધહિંસાવર્જિતા ચ વરદા ચ શુભાનના ।
પરમાર્થપ્રદા ત્વં ચ હરિદાસ્યપ્રદા પરા ॥ 11 ॥

યયા વિના જગત્સર્વં ભસ્મીભૂતમસારકમ્ ।
જીવન્મૃતં ચ વિશ્વં ચ શવતુલ્યં યયા વિના ॥ 12 ॥

સર્વેષાં ચ પરા ત્વં હિ સર્વબાંધવરૂપિણી ।
યયા વિના ન સંભાષ્યો બાંધવૈર્બાંધવઃ સદા ॥ 13 ॥

ત્વયા હીનો બંધુહીનસ્ત્વયા યુક્તઃ સબાંધવઃ ।
ધર્માર્થકામમોક્ષાણાં ત્વં ચ કારણરૂપિણી ॥ 14 ॥

સ્તનંધયાનાં ત્વં માતા શિશૂનાં શૈશવે યથા ।
તથા ત્વં સર્વદા માતા સર્વેષાં સર્વવિશ્વતઃ ॥ 15 ॥

ત્યક્તસ્તનો માતૃહીનઃ સ ચેજ્જીવતિ દૈવતઃ ।
ત્વયા હીનો જનઃ કોઽપિ ન જીવત્યેવ નિશ્ચિતમ્ ॥ 16 ॥

સુપ્રસન્નસ્વરૂપા ત્વં મે પ્રસન્ના ભવાંબિકે ।
વૈરિગ્રસ્તં ચ વિષયં દેહિ મહ્યં સનાતનિ ॥ 17 ॥

વયં યાવત્ત્વયા હીના બંધુહીનાશ્ચ ભિક્ષુકાઃ ।
સર્વસંપદ્વિહીનાશ્ચ તાવદેવ હરિપ્રિયે ॥ 18 ॥

રાજ્યં દેહિ શ્રિયં દેહિ બલં દેહિ સુરેશ્વરિ ।
કીર્તિં દેહિ ધનં દેહિ પુત્રાન્મહ્યં ચ દેહિ વૈ ॥ 19 ॥

કામં દેહિ મતિં દેહિ ભોગાન્ દેહિ હરિપ્રિયે ।
જ્ઞાનં દેહિ ચ ધર્મં ચ સર્વસૌભાગ્યમીપ્સિતમ્ ॥ 20 ॥

સર્વાધિકારમેવં વૈ પ્રભાવાં ચ પ્રતાપકમ્ ।
જયં પરાક્રમં યુદ્ધે પરમૈશ્વર્યમૈવ ચ ॥ 21 ॥

ઇત્યુક્ત્વા તુ મહેંદ્રશ્ચ સર્વૈઃ સુરગણૈઃ સહ ।
નનામ સાશ્રુનેત્રોઽયં મૂર્ધ્ના ચૈવ પુનઃ પુનઃ ॥ 22 ॥

બ્રહ્મા ચ શંકરશ્ચૈવ શેષો ધર્મશ્ચ કેશવઃ ।
સર્વે ચક્રુઃ પરીહારં સુરાર્થે ચ પુનઃ પુનઃ ॥ 23 ॥

દેવેભ્યશ્ચ વરં દત્ત્વા પુષ્પમાલાં મનોહરામ્ ।
કેશવાય દદૌ લક્ષ્મીઃ સંતુષ્ટા સુરસંસદિ ॥ 24 ॥

યયુર્દૈવાશ્ચ સંતુષ્ટાઃ સ્વં સ્વં સ્થાનં ચ નારદ ।
દેવી યયૌ હરેઃ ક્રોડં હૃષ્ટા ક્ષીરોદશાયિનઃ ॥ 25 ॥

યયતુસ્તૌ સ્વસ્વગૃહં બ્રહ્મેશાનૌ ચ નારદ ।
દત્ત્વા શુભાશિષં તૌ ચ દેવેભ્યઃ પ્રીતિપૂર્વકમ્ ॥ 26 ॥

ઇદં સ્તોત્રં મહાપુણ્યં ત્રિસંધ્યં યઃ પઠેન્નરઃ ।
કુબેરતુલ્યઃ સ ભવેદ્રાજરાજેશ્વરો મહાન્ ॥ 27 ॥

સિદ્ધસ્તોત્રં યદિ પઠેત્ સોઽપિ કલ્પતરુર્નરઃ ।
પંચલક્ષજપેનૈવ સ્તોત્રસિદ્ધિર્ભવેન્નૃણામ્ ॥ 28 ॥

સિદ્ધસ્તોત્રં યદિ પઠેન્માસમેકં ચ સંયતઃ ।
મહાસુખી ચ રાજેંદ્રો ભવિષ્યતિ ન સંશયઃ ॥ 29 ॥

ઇતિ શ્રીબ્રહ્મવૈવર્તે મહાપુરાણે દ્વિતીયે પ્રકૃતિખંડે નારદનારાયણસંવાદે એકોનચત્વારિંશત્તમોઽધ્યાયે મહેંદ્ર કૃત શ્રી મહાલક્ષ્મી સ્તોત્રમ્ ।

mahendra kruta mahalakshmi stotram in gujarati