ගායත්ර්යෂ්ටකං (ගයත්රී අෂ්ටකං)

gayatryashtakam gayatri ashtakam in sinhala

විශ්වාමිත්රතපඃඵලාං ප්රියතරාං විප්රාලිසංසේවිතාං
නිත්යානිත්යවිවේකදාං ස්මිතමුඛීං ඛංඩේංදුභූෂෝජ්ජ්වලාම් ।
තාංබූලාරුණභාසමානවදනාං මාර්තාංඩමධ්යස්ථිතාං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 1 ॥

ජාතීපංකජකේතකීකුවලයෛඃ සංපූජිතාංඝ්රිද්වයාං
තත්ත්වාර්ථාත්මිකවර්ණපංක්තිසහිතාං තත්ත්වාර්ථබුද්ධිප්රදාම් ।
ප්රාණායාමපරායණෛර්බුධජනෛඃ සංසේව්යමානාං ශිවාං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 2 ॥

මංජීරධ්වනිභිඃ සමස්තජගතාං මංජුත්වසංවර්ධනීං
විප්රප්රේංඛිතවාරිවාරිතමහාරක්ෂෝගණාං මෘණ්මයීම් ।
ජප්තුඃ පාපහරාං ජපාසුමනිභාං හංසේන සංශෝභිතාං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 3 ॥

කාංචීචේලවිභූෂිතාං ශිවමයීං මාලාර්ධමාලාදිකා-
-න්බිභ්රාණාං පරමේශ්වරීං ශරණදාං මෝහාංධබුද්ධිච්ඡිදාම් ।
භූරාදිත්රිපුරාං ත්රිලෝකජනනීමධ්යාත්මශාඛානුතාං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 4 ॥

ධ්යාතුර්ගර්භකෘශානුතාපහරණාං සාමාත්මිකාං සාමගාං
සායංකාලසුසේවිතාං ස්වරමයීං දූර්වාදලශ්යාමලාම් ।
මාතුර්දාස්යවිලෝචනෛකමතිමත්ඛේටීංද්රසංරාජිතාං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 5 ॥

සංධ්යාරාගවිචිත්රවස්ත්රවිලසද්විප්රෝත්තමෛඃ සේවිතාං
තාරාහාරසුමාලිකාං සුවිලසද්රත්නේංදුකුංභාංතරාම් ।
රාකාචංද්රමුඛීං රමාපතිනුතාං ශංඛාදිභාස්වත්කරාං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 6 ॥

වේණීභූෂිතමාලකධ්වනිකරෛර්භෘංගෛඃ සදා ශෝභිතාං
තත්ත්වජ්ඤානරසායනජ්ඤරසනාසෞධභ්රමද්භ්රාමරීම් ।
නාසාලංකෘතමෞක්තිකේංදුකිරණෛඃ සායංතමශ්ඡේදිනීං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 7 ॥

පාදාබ්ජාංතරරේණුකුංකුමලසත්ඵාලද්යුරාමාවෘතාං
රංභානාට්යවිලෝකනෛකරසිකාං වේදාංතබුද්ධිප්රදාම් ।
වීණාවේණුමෘදංගකාහලරවාන් දේවෛඃ කෘතාංඡෘණ්වතීං
ගායත්රීං හරිවල්ලභාං ත්රිණයනාං ධ්යායාමි පංචානනාම් ॥ 8 ॥

හත්යාපානසුවර්ණතස්කරමහාගුර්වංගනාසංගමා-
-ංදෝෂාංඡෛලසමාන් පුරංදරසමාඃ සංච්ඡිද්ය සූර්යෝපමාඃ ।
ගායත්රීං ශ්රුතිමාතුරේකමනසා සංධ්යාසු යේ භූසුරා
ජප්ත්වා යාංති පරාං ගතිං මනුමිමං දේව්යාඃ පරං වෛදිකාඃ ॥ 9 ॥

ඉති ශ්රීමච්ඡංකරාචාර්ය විරචිතං ශ්රී ගායත්ර්යෂ්ටකම් ।

gayatryashtakam gayatri ashtakam in sinhala