ଗାୟତ୍ର୍ୟଷ୍ଟକଂ (ଗୟତ୍ରୀ ଅଷ୍ଟକଂ)

gayatryashtakam gayatri ashtakam in odia

ଵିଶ୍ଵାମିତ୍ରତପଃଫଲାଂ ପ୍ରିୟତରାଂ ଵିପ୍ରାଲିସଂସେଵିତାଂ
ନିତ୍ୟାନିତ୍ୟଵିଵେକଦାଂ ସ୍ମିତମୁଖୀଂ ଖଂଡେଂଦୁଭୂଷୋଜ୍ଜ୍ଵଲାମ୍ ।
ତାଂବୂଲାରୁଣଭାସମାନଵଦନାଂ ମାର୍ତାଂଡମଧ୍ୟସ୍ଥିତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 1 ॥

ଜାତୀପଂକଜକେତକୀକୁଵଲୟୈଃ ସଂପୂଜିତାଂଘ୍ରିଦ୍ଵୟାଂ
ତତ୍ତ୍ଵାର୍ଥାତ୍ମିକଵର୍ଣପଂକ୍ତିସହିତାଂ ତତ୍ତ୍ଵାର୍ଥବୁଦ୍ଧିପ୍ରଦାମ୍ ।
ପ୍ରାଣାୟାମପରାୟଣୈର୍ବୁଧଜନୈଃ ସଂସେଵ୍ୟମାନାଂ ଶିଵାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 2 ॥

ମଂଜୀରଧ୍ଵନିଭିଃ ସମସ୍ତଜଗତାଂ ମଂଜୁତ୍ଵସଂଵର୍ଧନୀଂ
ଵିପ୍ରପ୍ରେଂଖିତଵାରିଵାରିତମହାରକ୍ଷୋଗଣାଂ ମୃଣ୍ମୟୀମ୍ ।
ଜପ୍ତୁଃ ପାପହରାଂ ଜପାସୁମନିଭାଂ ହଂସେନ ସଂଶୋଭିତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 3 ॥

କାଂଚୀଚେଲଵିଭୂଷିତାଂ ଶିଵମୟୀଂ ମାଲାର୍ଧମାଲାଦିକା-
-ନ୍ବିଭ୍ରାଣାଂ ପରମେଶ୍ଵରୀଂ ଶରଣଦାଂ ମୋହାଂଧବୁଦ୍ଧିଚ୍ଛିଦାମ୍ ।
ଭୂରାଦିତ୍ରିପୁରାଂ ତ୍ରିଲୋକଜନନୀମଧ୍ୟାତ୍ମଶାଖାନୁତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 4 ॥

ଧ୍ୟାତୁର୍ଗର୍ଭକୃଶାନୁତାପହରଣାଂ ସାମାତ୍ମିକାଂ ସାମଗାଂ
ସାୟଂକାଲସୁସେଵିତାଂ ସ୍ଵରମୟୀଂ ଦୂର୍ଵାଦଲଶ୍ୟାମଲାମ୍ ।
ମାତୁର୍ଦାସ୍ୟଵିଲୋଚନୈକମତିମତ୍ଖେଟୀଂଦ୍ରସଂରାଜିତାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 5 ॥

ସଂଧ୍ୟାରାଗଵିଚିତ୍ରଵସ୍ତ୍ରଵିଲସଦ୍ଵିପ୍ରୋତ୍ତମୈଃ ସେଵିତାଂ
ତାରାହାରସୁମାଲିକାଂ ସୁଵିଲସଦ୍ରତ୍ନେଂଦୁକୁଂଭାଂତରାମ୍ ।
ରାକାଚଂଦ୍ରମୁଖୀଂ ରମାପତିନୁତାଂ ଶଂଖାଦିଭାସ୍ଵତ୍କରାଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 6 ॥

ଵେଣୀଭୂଷିତମାଲକଧ୍ଵନିକରୈର୍ଭୃଂଗୈଃ ସଦା ଶୋଭିତାଂ
ତତ୍ତ୍ଵଜ୍ଞାନରସାୟନଜ୍ଞରସନାସୌଧଭ୍ରମଦ୍ଭ୍ରାମରୀମ୍ ।
ନାସାଲଂକୃତମୌକ୍ତିକେଂଦୁକିରଣୈଃ ସାୟଂତମଶ୍ଛେଦିନୀଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 7 ॥

ପାଦାବ୍ଜାଂତରରେଣୁକୁଂକୁମଲସତ୍ଫାଲଦ୍ୟୁରାମାଵୃତାଂ
ରଂଭାନାଟ୍ୟଵିଲୋକନୈକରସିକାଂ ଵେଦାଂତବୁଦ୍ଧିପ୍ରଦାମ୍ ।
ଵୀଣାଵେଣୁମୃଦଂଗକାହଲରଵାନ୍ ଦେଵୈଃ କୃତାଂଛୃଣ୍ଵତୀଂ
ଗାୟତ୍ରୀଂ ହରିଵଲ୍ଲଭାଂ ତ୍ରିଣୟନାଂ ଧ୍ୟାୟାମି ପଂଚାନନାମ୍ ॥ 8 ॥

ହତ୍ୟାପାନସୁଵର୍ଣତସ୍କରମହାଗୁର୍ଵଂଗନାସଂଗମା-
-ଂଦୋଷାଂଛୈଲସମାନ୍ ପୁରଂଦରସମାଃ ସଂଚ୍ଛିଦ୍ୟ ସୂର୍ୟୋପମାଃ ।
ଗାୟତ୍ରୀଂ ଶ୍ରୁତିମାତୁରେକମନସା ସଂଧ୍ୟାସୁ ୟେ ଭୂସୁରା
ଜପ୍ତ୍ଵା ୟାଂତି ପରାଂ ଗତିଂ ମନୁମିମଂ ଦେଵ୍ୟାଃ ପରଂ ଵୈଦିକାଃ ॥ 9 ॥

ଇତି ଶ୍ରୀମଚ୍ଛଂକରାଚାର୍ୟ ଵିରଚିତଂ ଶ୍ରୀ ଗାୟତ୍ର୍ୟଷ୍ଟକମ୍ ।

gayatryashtakam gayatri ashtakam in odia