දේවවාණීං වේදවාණීං මාතරං වංදාමහේ

devavanim vedavanim mataram vandamahe in sinhala

දේවවාණීං වේදවාණීං මාතරං වංදාමහේ ।
චිරනවීනා චිරපුරාණීං සාදරං වංදාමහේ ॥ ධ්රු॥

දිව්යසංස්කෘතිරක්ෂණාය තත්පරා භුවනේ භ්රමංතඃ ।
ලෝකජාගරණාය සිද්ධාඃ සංඝටනමංත්රං ජපංතඃ ।
කෘතිපරා ලක්ෂ්යෛකනිෂ්ඨා භාරතං සේවාමහේ ॥ 1॥

භේදභාවනිවාරණාය බංධුතාමනුභාවයේම ।
කර්මණා මනසා ච වචසා මාතෘවංදනමාචරේම ।
කීර්තිධනපදකාමනාභිර්විරහිතා මෝදාමහේ ॥ 2॥

සංස්කෘතේර්විමුඛං සමාජං ජීවනේන ශික්ෂයේම ।
මානුකූලාදර්ශං වයං වෛ පාලයිත්වා දර්ශයේම ।
ජීවනං සංස්කෘත හිතාර්ථං හ්යර්පිතං මන්යාමහේ ॥ 3॥

වයමසාධ්යං ලක්ෂ්යමේතත් සංස්කෘතේන සාධයංතඃ ।
ත්යාගධෛර්යසමර්පණේන නවලමිතිහාසං ලිඛංතඃ ।
ජන්මභූමිසමර්චනේන සර්වතඃ ස්පංදාමහේ ॥ 4॥

භාරතාඃ සෝදරාඃ ස්මෝ භාවනේයං හෘදි නිධාය ।
වයං සංස්කෘතසෛනිකාඃ සජ්ජීතා නෛජං විහාය ।
පරමවෛභවසාධනායා වරමහෝ යාචාමහේ ॥ 5॥

දේවවාණීං වේදවාණීං මාතරං වංදාමහේ
චිරනවීනාං චිරපුරාණීං සාදරං වංදාමහේ ॥

devavanim vedavanim mataram vandamahe in sinhala