ଦେଵଵାଣୀଂ ଵେଦଵାଣୀଂ ମାତରଂ ଵଂଦାମହେ

devavanim vedavanim mataram vandamahe in odia

ଦେଵଵାଣୀଂ ଵେଦଵାଣୀଂ ମାତରଂ ଵଂଦାମହେ ।
ଚିରନଵୀନା ଚିରପୁରାଣୀଂ ସାଦରଂ ଵଂଦାମହେ ॥ ଧ୍ରୁ॥

ଦିଵ୍ୟସଂସ୍କୃତିରକ୍ଷଣାୟ ତତ୍ପରା ଭୁଵନେ ଭ୍ରମଂତଃ ।
ଲୋକଜାଗରଣାୟ ସିଦ୍ଧାଃ ସଂଘଟନମଂତ୍ରଂ ଜପଂତଃ ।
କୃତିପରା ଲକ୍ଷ୍ୟୈକନିଷ୍ଠା ଭାରତଂ ସେଵାମହେ ॥ 1॥

ଭେଦଭାଵନିଵାରଣାୟ ବଂଧୁତାମନୁଭାଵୟେମ ।
କର୍ମଣା ମନସା ଚ ଵଚସା ମାତୃଵଂଦନମାଚରେମ ।
କୀର୍ତିଧନପଦକାମନାଭିର୍ଵିରହିତା ମୋଦାମହେ ॥ 2॥

ସଂସ୍କୃତେର୍ଵିମୁଖଂ ସମାଜଂ ଜୀଵନେନ ଶିକ୍ଷୟେମ ।
ମାନୁକୂଲାଦର୍ଶଂ ଵୟଂ ଵୈ ପାଲୟିତ୍ଵା ଦର୍ଶୟେମ ।
ଜୀଵନଂ ସଂସ୍କୃତ ହିତାର୍ଥଂ ହ୍ୟର୍ପିତଂ ମନ୍ୟାମହେ ॥ 3॥

ଵୟମସାଧ୍ୟଂ ଲକ୍ଷ୍ୟମେତତ୍ ସଂସ୍କୃତେନ ସାଧୟଂତଃ ।
ତ୍ୟାଗଧୈର୍ୟସମର୍ପଣେନ ନଵଲମିତିହାସଂ ଲିଖଂତଃ ।
ଜନ୍ମଭୂମିସମର୍ଚନେନ ସର୍ଵତଃ ସ୍ପଂଦାମହେ ॥ 4॥

ଭାରତାଃ ସୋଦରାଃ ସ୍ମୋ ଭାଵନେୟଂ ହୃଦି ନିଧାୟ ।
ଵୟଂ ସଂସ୍କୃତସୈନିକାଃ ସଜ୍ଜୀତା ନୈଜଂ ଵିହାୟ ।
ପରମଵୈଭଵସାଧନାୟା ଵରମହୋ ୟାଚାମହେ ॥ 5॥

ଦେଵଵାଣୀଂ ଵେଦଵାଣୀଂ ମାତରଂ ଵଂଦାମହେ
ଚିରନଵୀନାଂ ଚିରପୁରାଣୀଂ ସାଦରଂ ଵଂଦାମହେ ॥

devavanim vedavanim mataram vandamahe in odia